 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : യു. എ. ഇ. ദേശീയ ദിന ആഘോഷം ഈദ് അൽ ഇത്തിഹാദ് പ്രമാണിച്ച് രാജ്യത്തെ ഫെഡറൽ സർക്കാർ ജീവനക്കാർക്ക് ഡിസംബർ 2, 3. 4 (ബുധൻ വ്യാഴം വെള്ളി) എന്നിങ്ങനെ മൂന്നു ദിവസം പൊതു അവധി പ്രഖ്യാപിച്ചു.
വാരാന്ത്യ അവധി ദിവസങ്ങൾ ശനിയും ഞായറും കൂടെ സർക്കാർ ജീവനക്കാർക്ക് തുടർച്ചയായി അഞ്ചു ദിവസത്തെ അവധി ലഭിക്കും.
സ്വകാര്യ സ്ഥാപനങ്ങൾക്ക് ഡിസംബർ 2, 3 (ബുധൻ വ്യാഴം) ശമ്പളത്തോടെയുള്ള അവധി ലഭിക്കും.
- pma
വായിക്കുക: national-day, അബുദാബി, ആഘോഷം, പ്രവാസി, യു.എ.ഇ.
അബുദാബി : സെന്റ് ജോർജ് ഓർത്തഡോക്സ് കത്തീഡ്രൽ ‘ഹാർവെസ്റ്റ് ഫെസ്റ്റിവൽ-2026’ (കൊയ്ത്തുത്സവം) നവംബർ 15 ഞായറാഴ്ച വിപുലമായ രീതിയിൽ ആഘോഷിക്കും എന്ന് സംഘാടകർ വാർത്താ സമ്മേളനത്തിൽ അറിയിച്ചു.
ഞായറാഴ്ച രാവിലെ ദേവാലയത്തിലെ വിശുദ്ധ കുർബാനക്ക് ശേഷം ആരംഭിക്കുന്ന കൊയ്ത്തുത്സവ പരിപാടികൾ രാത്രി വരെ നീളും. ഹാർവെസ്റ്റ് ഫെസ്റ്റി വലിന്റെ സ്റ്റാളുകളുടെ ഉത്‌ഘാടനം വൈകുന്നേരം 3 മണിക്ക് നടക്കും.
4 മണിക്ക് തുടക്കമാവുന്ന പൊതു സമ്മേളനത്തിൽ നടനും സംവിധായകനുമായ ജോണി ആന്റണി മുഖ്യ അതിഥിയും പിന്നണി ഗായകൻ കെ. ജി. മാർക്കോസ് വിശിഷ്ട അതിഥിയും ആയിരിക്കും.
വൈകുന്നേരം 6 മണി മുതൽ കലാ പരിപാടികൾക്ക് തുടക്കം കുറിയ്ക്കും. കെ. ജി. മാർക്കോസും റോക്ക് പേപ്പർ സിസേഴ്സ് ടീമും ചേർന്നുള്ള സംഗീത പരിപാടി കൊയ്ത്തുത്സവ വേദിയെ സംഗീത സാന്ദ്രമാക്കും. സ്ഫടികം ടീം അവതരിപ്പിക്കുന്ന ശിങ്കാരി മേളം കൊയ്ത്തുത്സവത്തിനു കൂടുതൽ ആവേശം പകരും.
ആഘോഷങ്ങളുടെ സമാപന വേളയിൽ റാഫിൾ നറുക്കെടുപ്പുകളും സമ്മാന വിതരണവും നടക്കും.
തനി നാടൻ വിഭവങ്ങളുടെ ഭക്ഷണ ശാലകൾ, വിനോദങ്ങൾ, പച്ചക്കറി സസ്യ വില്പന ശാലകൾ, തുണിത്തരങ്ങൾ, ഗൃഹോപയോഗ സാധനങ്ങൾ എന്നിങ്ങനെയുള്ള നാല്പതോളം സ്റ്റാളുകൾ, വൈവിധ്യ ങ്ങളായ കലാ പ്രകടനങ്ങൾ എന്നിവ ഹാർവെസ്റ്റ് ഫെസ്റ്റിന് എത്തുന്ന വിവിധ ദേശക്കാരായ പ്രവാസി കൾക്ക് വേറിട്ട അനുഭവമായിരിക്കും.
കത്തീഡ്രൽ വികാരി ഗീവർഗീസ് മാത്യു, സഹ വികാരി നിതിൻ മാത്യു, കത്തീഡ്രൽ ട്രസ്റ്റീ സാം ജി ഡാനിയേൽ, സെക്രട്ടറി സന്തോഷ് ജോർജ്ജ്, ജോയിൻറ് ഫിനാൻസ് കൺവീനർമാരായ അജു തങ്കച്ചൻ, ബിജോ വർഗീസ്, മീഡിയ & പബ്ലിസിറ്റി കൺവീനർ സനു ജോൺ ജേക്കബ് തുടങ്ങിയവർ വാർത്താ സമ്മേളനത്തിൽ സംബന്ധിച്ചു.
- pma
വായിക്കുക: harvest-fest, st-george-orthodox-church-, അബുദാബി, ആഘോഷം, പ്രവാസി, മതം
അമേരിക്കയിലെ സിയാറ്റിൽ സെന്റർ ആർമറിയിൽ നടന്ന ദീപാവലി ആഘോഷം തടസ്സപ്പെടുത്തി, ഹിന്ദു ക്കൾക്ക് എതിരെ വംശീയ വിദ്വേഷ മുദ്രാ വാക്യ ങ്ങളുമായി തീവ്ര വലതു പക്ഷ പ്രവർത്തകരുടെ പ്രതിഷേധം. ഹിന്ദു വിരുദ്ധവും വംശീയാധിക്ഷേപം നിറഞ്ഞതുമായ പ്ലക്കാർഡുകൾ ഏന്തിയാണ് ഒരു സംഘം തീവ്ര വലതു പക്ഷ വാദികൾ അക്രമം നടത്തിയത്.
2026 നവംബർ 7 ശനിയാഴ്ച സിയാറ്റിൽ സെന്റർ ആർമറിയിലെ ദീപാ വലി ആഘോഷത്തിൽ പങ്കെടുക്കാനായി നിരവധി ഇന്ത്യൻ കുടുംബങ്ങൾ ഇവിടെ എത്തിയിരുന്നു. അവർക്ക് ഇടയിലേക്കാണ് പ്ലക്കാർഡുകളുമായി പ്രതിഷേധക്കാർ തള്ളി ക്കയറിയത്.
‘ഹിന്ദുക്കളെ നാടു കടത്തുക, ക്രിസ്ത്യാനികൾക്ക് പകരം ഹിന്ദുക്കളെ കൊണ്ടു വരുന്നത് നിർത്തുക’ എന്നിങ്ങനെ ആയിരുന്നു പ്ലക്കാർഡുകളിൽ എഴുതിയിരുന്നത്.
മുദ്രാവാക്യം മുഴക്കിയെത്തിയ പ്രതിഷേധക്കാരും ആഘോഷത്തിൽ പങ്കെടുക്കാനെത്തിയവരും തമ്മിൽ വാക്കേറ്റവുമുണ്ടായി. പിന്നാലെ പ്രതിഷേധക്കാരെ പുറത്താക്കി.
കൺസർവേറ്റീവുകളായ ജെയ്ക്ക് ലാംഗ്, തോമസ് അലൻ തുടങ്ങിയവരുടെ നേതൃത്വത്തിലാണ് തീവ്ര വലതു പക്ഷ പ്രവർത്തകർ എത്തിയത് എന്നും മാധ്യമങ്ങൾ റിപ്പോർട്ട് ചെയ്യുന്നു.
സംഭവത്തിനു ശേഷം പ്രതിഷേധത്തിന്റെ വീഡിയോ എക്സിൽ പങ്കു വെച്ച ജെയ്ക്ക് ലാംഗ്, ഹിന്ദുക്കൾക്ക് എതിരെ അധിക്ഷേപ പരാമർശങ്ങൾ നടത്തി.
അമേരിക്കയിലെ ഇടക്കാല തെരഞ്ഞെടുപ്പിൽ ടെക്സസ് സംസ്ഥാനത്ത് ഡെമോക്രാറ്റുകൾ നേടിയ വിജയത്തിന് കാരണം ഹിന്ദുക്കൾ എന്നും അവിടെ ക്രമക്കേട് നടന്നതായും ആരോപിച്ചു. Image Credit : X
- pma
വായിക്കുക: social-issues, social-media, അമേരിക്ക, ആഘോഷം, ഇന്ത്യ, കുറ്റകൃത്യം, ക്രമസമാധാനം, തീവ്രവാദം, പ്രതിഷേധം, മതം, വിവാദം
അബുദാബി : ഇന്ത്യൻ ഇസ്‌ലാമിക് സെന്ററിൽ നൂറോളം കലാകാരന്മാർ പങ്കെടുക്കുന്ന ഇൻഡോ-അറബ് കലാ സാംസ്കാരിക മഹോത്സവം അരങ്ങേറും. 2026 നവംബർ 8 ഞായറാഴ്ച വൈകുന്നേരം 6 മണി മുതൽ ‘ഫാമിലി ഗെറ്റ് ടുഗെതർ-2026’ എന്ന പേരിൽ അബു ദാബി പോലീസിന്റെ സഹകരണത്തോടെ ഒരുക്കുന്ന പരിപാടി, ഇന്ത്യ-അറബ് സംസ്കാര സമന്വയം ആയിരിക്കും എന്ന് സംഘാടകർ അവകാശപ്പെട്ടു.
യു. എ. ഇ. കുടുംബ വർഷ ആഘോഷത്തിന്റെ ഭാഗമായുള്ള ‘ഫാമിലി ഗെറ്റ് ടുഗെതർ-2026’ പ്രോഗ്രാമിൽ പോലീസ് ബാൻഡ്, കൾച്ചറൽ റാലി, അയ്യാല പെർഫോമൻസ്, സൂഫി ഡാൻസ്, മുട്ടിപ്പാട്ട്, കോൽക്കളി, ഒപ്പന, മാർഗം കളി, തിരുവാതിര, ഭാംഗ്ര തുടങ്ങി വിവിധ കലാ-സാംസ്കാരിക പരിപാടികൾ അരങ്ങേറും.
സാംസ്കാരിക വൈവിധ്യം പരിചയപ്പെടുത്തുന്ന കൾച്ചറൽ സ്റ്റാളുകളും പ്രദർശനങ്ങളും പരിപാടിയുടെ ഭാഗമായി ഒരുക്കും.
കുടുംബ മൂല്യങ്ങൾക്കും സാമൂഹിക ഐക്യത്തിനും സാംസ്കാരിക വിനിമയത്തിനും പ്രാധാന്യം നൽകുന്ന ഈ ആഘോഷം ഇന്ത്യൻ പ്രവാസി സമൂഹത്തിനും കലാ ആസ്വാദകർക്കും വേറിട്ട അനുഭമായിരിക്കും എന്നും സംഘാടകർ അറിയിച്ചു. FaceBook
- pma
വായിക്കുക: islamic-center-, അബുദാബി, ആഘോഷം, കുട്ടികള്‍, കെ.എം.സി.സി., പോലീസ്, പ്രവാസി, ബഹുമതി, യു.എ.ഇ., സംഗീതം, സംഘടന, സാംസ്കാരികം
ദുബായ് : വിനോദ സഞ്ചാരികളുടെ ആഗോള സംഗമ ഭൂമികയായ ദുബായ് ഗ്ലോബൽ വില്ലേജിൽ നവംബർ ആറു മുതൽ ദീപാവലി ആഘോഷ പരിപാടികൾ നടക്കും. ഇന്ത്യൻ പവിലിയന്റെ സഹകരണത്തോടെ അഞ്ചു ദിവസങ്ങളിലായി സംഘടിപ്പിക്കുന്ന ‘ദീപാ വലി മേള’ വേറിട്ട ഒരു പരിപാടി ആയിരിക്കും.
വൈവിധ്യമാർന്ന കലാ പരിപാടികളോടെ നവംബർ 6 വെള്ളിയാഴ്ച മുതൽ ചൊവ്വാഴ്ച വരെ നീണ്ടു നിൽക്കുന്ന ദീപാവലി ആഘോഷങ്ങളിൽ പരമ്പരാഗത ഇന്ത്യൻ കലാ-സാംസ്കാരിക പരിപാടികൾ, ഡ്രോൺ ഷോ, കുട്ടികൾക്കായി വിനോദ പരിപാടികൾ, വിവിധ തരം ഇന്ത്യൻ ഭക്ഷണ-പാനീയങ്ങളും മധുര പലഹാരങ്ങളും ലഭ്യമാവുന്ന ഭക്ഷണ സ്റ്റാളുകൾ എന്നിവ ഉണ്ടാവും.
ആദ്യ ദിനമായ നവംബർ ആറിന് രാത്രി എട്ടു മണി മുതൽ ഒൻപത് മണി വരെ പ്രധാന വേദിയിൽ സന്ദർശകർക്ക് കലാകാരന്മാർക്കു കൂടെ പാടാനും സംവദിക്കാനുമുള്ള അവസരം ലഭിക്കും.
നവംബർ 7 ശനിയാഴ്ചയിലെ ‘ദീപാവലി മേള’ യിൽ സന്ദർശകർക്ക് ആകർഷകങ്ങളായ സമ്മാനങ്ങൾ വാഗ്ദാനം ചെയ്യുന്ന നിരവധി വിനോദ പരിപാടികൾ, ഗെയിമുകൾ എന്നിവയുണ്ടാകും.
നവംബർ 8 ഞായറാഴ്ച രാത്രി 8 മണിക്ക് ഡ്രോൺ പ്രദർശനം നടക്കും. അറുനൂറോളം ഡ്രോണുകൾ അണി നിരക്കുന്ന ‘ദീപങ്ങളുടെ ഉത്സവം’ എന്ന പ്രമേയ ത്തിൽ സ്റ്റണ്ട് അരീന-സിറിയ പവലിയനും മുകളിലായി അരങ്ങേറുന്ന ഡ്രോൺ ഷോ, വേറിട്ട ഒരു പരിപാടി ആയിരിക്കും. ദക്ഷിണേഷ്യൻ പാരമ്പര്യവുമായി ബന്ധപ്പെട്ട ‘ബൈത്തക്’ ആദ്യമായി ഗ്ലോബൽ വില്ലേജിൽ അവതരിപ്പിക്കും.
സന്ദർശകർക്ക് ചിത്രങ്ങൾ എടുക്കാൻ ‘ഹാപ്പി ദീപാവലി’ സെൽഫി കോർണർ, കുട്ടികൾക്ക് ദീപങ്ങൾ അലങ്കരിക്കാനും രംഗോലി വരക്കുവാനും ഫേസ് പെയിന്റിങ്ങിനും സൗകര്യം ഒരുക്കും.
- pma
വായിക്കുക: diwali-celebrations, global-village, ആഘോഷം, ദുബായ്, പ്രവാസി, വിനോദസഞ്ചാരം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
