മുഗള്‍ ഗഫൂര്‍ അവാര്‍ഡ് പി. ബാവാ ഹാജിക്ക്

February 9th, 2025

p-bava-haji-gets-yuva-kala-sahithy-mugal-gafoor-memorial-award-2025-ePathram

അബുദബി : സാമൂഹ്യ – സാംസ്‌കാരിക – ജീവ കാരുണ്യ രംഗങ്ങളില്‍ നിസ്തുലമായ സംഭാവനകള്‍ നൽകി വരുന്ന വ്യക്തിത്വങ്ങൾക്ക് യുവ കലാ സാഹിതി അബുദാബി നൽകി വരുന്ന മുഗള്‍ ഗഫൂര്‍ സ്മാരക അവാര്‍ഡ് പി. ബാവാ ഹാജിക്ക് സമ്മാനിക്കും. ഫെബ്രുവരി 15  ശനി യാഴ്ച അബുദാബി കേരള സോഷ്യല്‍ സെന്ററില്‍ സംഘടിപ്പിക്കുന്ന ‘യുവ കലാ സന്ധ്യ 2025’ ന്റെ സാംസ്‌കാരിക സമ്മേളനത്തില്‍ കേരള സിവില്‍ സപ്ലൈസ് മന്ത്രി ജി. ആര്‍. അനില്‍ അവാര്‍ഡ് സമ്മാനിക്കും.

പ്രവാസ ഭൂമിയില്‍ നീണ്ട 56 വര്‍ഷത്തെ സേവനവും സാമൂഹ്യ-സാംസ്‌കാരിക മേഖലകളിലെ സംഭാവന കളും പരിഗണിച്ച്‌ കൊണ്ടാണ് പുരസ്കാരം സമ്മാനിക്കുന്നത്. ഭാരത സർക്കാരിന്റെ പ്രവാസി ഭാരതീയ പുരസ്‌കാര ജേതാവായ പി. ബാവാ ഹാജി ദീർഘ കാലമായി പ്രവാസ ലോകത്ത് തന്റെ സാമൂഹ്യ പ്രവർത്തനം തുടരുന്നു. നിലവിൽ ഇന്ത്യന്‍ ഇസ്ലാമിക് സെന്റർ പ്രസിഡണ്ട് കൂടിയാണ്.

അബുദാബി ഇന്ത്യന്‍ സ്‌കൂള്‍, മോഡല്‍ സ്‌കൂള്‍, ഇന്ത്യന്‍ ഇസ്ലാഹി ഇസ്ലാമിക് സ്‌കൂള്‍ തുടങ്ങിയ വിദ്യാഭ്യാസ സ്ഥാപന ങ്ങള്‍ സ്ഥാപിക്കുന്നതില്‍ അദ്ദേഹം  പ്രധാന പങ്ക് വഹിച്ചു. ഐ. ഐ. സി. യുടെ കീഴില്‍ ‘അല്‍ നൂര്‍ ഇന്ത്യന്‍ ഇസ്ലാമിക് സ്‌കൂള്‍’ ആരംഭിച്ചത് അദ്ദേഹ ത്തിന്റെ മികച്ച സേവനങ്ങളില്‍ ഒന്നാണ്.

 

- pma

വായിക്കുക: , , , , , , , , , , , ,

Comments Off on മുഗള്‍ ഗഫൂര്‍ അവാര്‍ഡ് പി. ബാവാ ഹാജിക്ക്

അറബി ഭാഷ സംരക്ഷിക്കുന്നതില്‍ കേരളം വഹിച്ച പങ്ക് മഹത്തരം : സയ്യിദ് അലി അല്‍ ഹാഷിമി

January 21st, 2025

sayyid-ali-al-hashmi-present-literary-award-to-shihabuddin-poythum-kadavu-ePathram
അബുദാബി : അറബി ഭാഷയുടെ സംരക്ഷണത്തിനും സാഹിത്യ വികാസത്തിനും കേരള ജനത വഹിച്ച പങ്ക് മഹത്തരം ആണെന്ന് യു. എ. ഇ. പ്രസിഡണ്ടിൻ്റെ മത കാര്യ ഉപ ദേഷ്ടാവ് ശൈഖ് അലി ബിൻ അൽ സയിദ് അബ്ദു റഹിമാൻ അൽ ഹാഷ്മി.

ഭാഷ പഠിക്കുന്നതിലും അതിൻ്റെ ഔന്നിത്യം കാത്തു സൂക്ഷിക്കുന്നതിലും മലയാളി സമൂഹം കാണിക്കുന്ന ഉത്സാഹം ശ്രദ്ധേയമാണ്. അറബ് സാഹിത്യ കൃതികള്‍ ഇമാറാ ത്തില്‍ ജനകീയമാക്കുന്നതിലും കേരളീയ സമൂഹം ഏറെ ശ്രമിച്ചതായും അദ്ദേഹം പറഞ്ഞു.

അബുദാബി ഇന്ത്യന്‍ ഇസ്‌ലാമിക് സെന്റര്‍ സംഘടിപ്പിച്ച ലിറ്ററേച്ചര്‍ ഫെസ്റ്റിവലില്‍ ഐ. ഐ. സി. ലിറ്റററി അവാര്‍ഡ് എഴുത്തുകാരന്‍ ശിഹാബുദ്ദീന്‍ പൊയ്ത്തും കടവിന് സമ്മാനിച്ചു കൊണ്ട് സംസാരിക്കുകയായി രുന്നു അലി അൽ ഹാഷ്മി.

അറബ് നാടുകളും ഇന്ത്യയുമായുള്ള പുരാതന വാണിജ്യ ബന്ധത്തിലൂടെ വളര്‍ത്തിയെടുത്ത സാംസ്കാരിക പൈതൃകം ഇന്നും കേരള ജനത കാത്തു സൂക്ഷിക്കുന്നു.

അറബ് ദേശത്തോട് ചേര്‍ന്ന് നിന്നു കൊണ്ട് കേരളം അഭിമാനകരമായ വളര്‍ച്ചയാണ് കൈവരിച്ചത്. നിരവധി തവണ കേരളം സന്ദര്‍ശിക്കാനുള്ള അവസരം ലഭിച്ചു. കേരളം അറബ് സമൂഹത്തോടും അറബി ഭാഷയോടും കാണിക്കുന്ന സ്‌നേഹവും വാത്സല്യവും നേരില്‍ അനുഭവിക്കാന്‍ കഴിഞ്ഞു.

ഇന്ത്യന്‍ സ്വാതന്ത്ര്യത്തിന് വേണ്ടി ഗാന്ധിജിയുടെ നേതൃത്വത്തിലുള്ള സമര പോരാട്ടം അഭിമാനത്തോടെ ഓര്‍ത്തെടുക്കുകയാണ്. യു. എ. ഇ. യുടെ രാഷ്ട്ര പിതാവ് ഇന്ത്യന്‍ ജനതയോട് കാണിച്ചിരുന്ന സ്‌നേഹം ഇവിടെ സ്മരിക്കുകയാണ്.

സയ്യിദ് മുഹമ്മദലി ശിഹാബ് തങ്ങളുമായി അദ്ദേഹം നല്ല ബന്ധം കാത്തു സൂക്ഷിച്ചിരുന്നു. സയ്യിദ് സാദിഖലി ശിഹാബ് തങ്ങള്‍ അടക്കമുള്ള പുതിയ തലമുറയുമായി ആ ബന്ധം തുടരുന്നു. കേരള സമൂഹത്തോട് ഇമാറാത്ത് എല്ലാ കാലത്തും ഊഷ്മളമായ അടുപ്പം കാണിക്കും എന്നും അദ്ദേഹം കൂട്ടിച്ചേര്‍ത്തു.

മാപ്പിള ഹെറിറ്റേജ് ലൈബ്രറി പ്രസിദ്ധീകരിച്ച അറബി മലയാളം ബിബ്ലിയോഗ്രഫി പ്രകാശനം സയ്യിദ് അലി അല്‍ ഹാഷിമി, അബൂബക്കര്‍ കുറ്റിക്കോൽ എന്നിവർ ചേർന്ന് നിർവ്വഹിച്ചു.

ചടങ്ങില്‍ ഇന്ത്യന്‍ ഇസ്‌ലാമിക് സെന്റര്‍ പ്രസിഡണ്ട് പി. ബാവാ ഹാജി അദ്ധ്യക്ഷത വഹിച്ചു. ജനറല്‍ സെക്രട്ടറി ടി. ഹിദായത്തുല്ല പറപ്പൂര്‍ സ്വാഗതം പറഞ്ഞു.

ചന്ദ്രിക മുന്‍ പത്രാധിപര്‍ സി. പി. സൈതലവി, അബ്ദുറഹ്മാന്‍ മങ്ങാട്, അബുദാബി പൊലീസ് പ്രധിനിധി കളായ അലി സബീല്‍ അബ്ദുല്‍ കരീം, ആയിഷ ഷെഹ്ഹി, യു. അബ്ദുല്ല ഫാറൂഖി, അബൂബക്കര്‍ കുറ്റിക്കോല്‍, ബി. സി. അബൂബക്കര്‍, അഷ്‌റഫ് തൂണേരി തുടങ്ങിയവർ സംബന്ധിച്ചു.

- pma

വായിക്കുക: , , , , ,

Comments Off on അറബി ഭാഷ സംരക്ഷിക്കുന്നതില്‍ കേരളം വഹിച്ച പങ്ക് മഹത്തരം : സയ്യിദ് അലി അല്‍ ഹാഷിമി

ഐ. എസ്. സി. ഇന്ത്യാ ഫെസ്റ്റ് സീണണ്‍-13 : ജനുവരി 24, 25, 26 തിയ്യതികളില്‍

January 18th, 2025

abudhabi-india-social-center-isc-india-fest-season-13-ePathram

അബുദാബി : ഇന്ത്യാ സോഷ്യല്‍ സെന്റർ (ഐ. എസ്. സി.) സംഘടിപ്പിക്കുന്ന ഇന്ത്യാ ഫെസ്റ്റ് സീണണ്‍-13 ജനുവരി 24, 25, 26 തിയ്യതികളില്‍ (വെള്ളി, ശനി, ഞായർ) ഐ. എസ്. സി. യിൽ പ്രത്യേകം തയ്യാറാക്കുന്ന വിവിധ വേദികളിലായി നടക്കും എന്ന് സംഘാടകർ വാർത്താ സമ്മേളനത്തിൽ അറിയിച്ചു.

ജനുവരി 24 വെള്ളിയാഴ്ച രാത്രി 8 മണിക്ക് നടക്കുന്ന ഉദ്ഘാടന ചടങ്ങിൽ ഇന്ത്യൻ അംബാസിഡർ സഞ്ജയ് സുധീർ മുഖ്യ അതിഥി ആയിരിക്കും.

മൂന്നു ദിവസങ്ങളിലും ഇന്ത്യയിൽ നിന്നുള്ള പ്രമുഖ കലാ കാരന്മാർ അണി നിരക്കുന്ന വൈവിധ്യമാര്‍ന്ന സംഗീത നൃത്ത പരിപാടികൾ അരങ്ങേറും. രുചി വൈവിധ്യങ്ങൾ അടങ്ങുന്ന ഫുഡ് സ്റ്റാളുകളും അമ്പതിലധികം വാണിജ്യ സ്റ്റാളുകളും ഇന്ത്യാ ഫെസ്റ്റിനെ കൂടുതൽ ജനകീയമാക്കും.

india-social-center-india-fest-season-13-press-meet-ePathram

പത്ത് ദിർഹം വിലയുള്ള പ്രവേശന ടിക്കറ്റ് നറുക്കിട്ട് എടുത്ത് സ്വർണ്ണ നാണയങ്ങൾ, ടെലിവിഷന്‍, സ്മാര്‍ട് ഫോണ്‍, എയര്‍ ഫ്രയര്‍ തുടങ്ങി വിലപിടിപ്പുള്ളതും ആകർഷകങ്ങളുമായ നിരവധി സമ്മാനങ്ങളും നൽകും.

വൈകുന്നേരം ആറു മണിക്ക് തുടക്കമാവുന്ന ഇന്ത്യാ ഫെസ്റ്റ്, നമ്മുടെ രാജ്യത്തിന്റെ പൈതൃകവും സംസ്കാരവും ഇതര ദേശക്കാർക്കു കൂടി അനുഭവ ഭേദ്യമാക്കും വിധം തയ്യാറാക്കും എന്നും ഇന്ത്യയിലെ എല്ലാ സംസ്ഥാനങ്ങളിലെയും കലാ സാംസ്കാരിക പരിപാടികളും ഉൾക്കൊള്ളിക്കും എന്നും ഭാര വാഹികൾ അറിയിച്ചു.

ഐ. എസ്. സി. പ്രസിഡണ്ട് ജയറാം റായ്, ജനറൽ സെക്രട്ടറി രാജേഷ് ശ്രീധരന്‍, ട്രഷറർ ദിനേശ് പൊതുവാള്‍, വൈസ് പ്രസിഡണ്ടും ഇന്ത്യാ ഫെസ്റ്റ് കൺവീനറുമായ കെ. എം. സുജിത്ത്, എന്റർ ടൈൻമെന്റ് സെക്രട്ടറി അരുണ്‍ ആന്‍ഡ്രു വര്‍ഗീസ്, പ്രായോജക പ്രതിനിധികളായ അമല്‍ജിത്ത് എ. മേനോന്‍, ഡോ. തേജാ രാമ, റഫീഖ് കയനയിൽ എന്നിവർ വാർത്താ സമ്മേളനത്തിൽ സംബന്ധിച്ചു.

- pma

വായിക്കുക: , , , , , , ,

Comments Off on ഐ. എസ്. സി. ഇന്ത്യാ ഫെസ്റ്റ് സീണണ്‍-13 : ജനുവരി 24, 25, 26 തിയ്യതികളില്‍

സൺഡേ സ്കൂൾ സുവർണ്ണ ജൂബിലി ആഘോഷങ്ങൾക്ക് തുടക്കമായി

January 15th, 2025

golden-jubilee-celebration-of-abudhabi-mar-thoma-sunday-school-ePathram
അബുദാബി : മാർത്തോമാ സൺഡേ സ്കൂൾ സുവർണ്ണ ജൂബിലി ആഘോഷങ്ങൾക്ക് തുടക്കമായി. മാർത്തോമാ സഭ യുടെ സഫ്രഗൻ മെത്രാപ്പോലീത്ത റവ. ഡോ. യുയാക്കീം മാർ കൂറിലോസ് സുവർണ്ണ ജൂബിലി ആഘോഷങ്ങൾ ഉദ്ഘാടനം ചെയ്തു. ‘വചനത്തിൽ വേരൂന്നുക ക്രിസ്തുവിൽ പുഷ്പിക്കുക’ എന്ന പ്രമേയത്തെ മുൻ നിർത്തിയാണ് ആഘോഷങ്ങൾ.

അബുദാബി മാർത്തോമാ ഇടവക വികാരി റവ. ജിജോ സി. ഡാനിയേൽ അദ്ധ്യക്ഷത വഹിച്ചു. ഇടവക സഹ വികാരി റവ. ബിജോ എബ്രഹാം തോമസ്, ഇടവക വൈസ് പ്രസിഡണ്ട് ജോസഫ് മാത്യു, ജനറൽ കൺവീനർ വർഗ്ഗീസ് മാത്യു എന്നിവർ പ്രസംഗിച്ചു. ഡോ. സിനി ഷാജി സ്വാഗതവും വചനാ ആൻ നന്ദിയും പ്രകാശിപ്പിച്ചു.

സുവർണ്ണ ജൂബിലി യുടെ ഭാഗമായി നടത്തപ്പെടുന്ന വിവിധ പദ്ധതികളുടെ വിശദാംശങ്ങളും പ്രഖ്യാപിച്ചു.

- pma

വായിക്കുക: , , ,

Comments Off on സൺഡേ സ്കൂൾ സുവർണ്ണ ജൂബിലി ആഘോഷങ്ങൾക്ക് തുടക്കമായി

മാർത്തോമാ ദേവാലയത്തിൽ കൊയ്ത്തുത്സവം ശനിയാഴ്ച

January 14th, 2025

alain-marthoma-church-harvest-fest-2025-ePathram

അൽ ഐൻ : മാർത്തോമാ ഇടവകയുടെ കൊയ്ത്തുത്സവവും സ്പിരിറ്റ് ഓഫ് ദ യൂണിയൻ ആചരണവും അൽ ഐൻ മസ്യാദിലെ  ദേവാലയ അങ്കണത്തിൽ 2025 ജനുവരി 18 ശനിയാഴ്ച നടക്കും. വൈകുന്നേരം അഞ്ചര മണി മുതലാണ് കൊയ്ത്തുത്സവം പരിപാടികൾ തുടക്കമാവുക.

കൊയ്ത്തുത്സവ ക്രമീകരണങ്ങളുടെ ഉദ്ഘാടനം ഡോ. മാത്യൂസ് മാർ സെറാഫീം എപ്പിസ്കോപ്പ നിർവ്വഹിച്ചു. യു. എ. ഇ. യുടെ വിവിധ ഭാഗങ്ങളിൽ നിന്നും വിശ്വാസികൾ അടക്കമുള്ള ജന സമൂഹം എത്തിച്ചേരുന്ന കൊയ്ത്തുത്സവത്തിൽ സംഗീത സന്ധ്യയും ഇടവകാംഗ ങ്ങൾ അവതരിപ്പിക്കുന്ന കലാ പരിപാടികളും നാടൻ ഭക്ഷണ സാധനങ്ങൾ, തട്ടു കടകൾ, മെഡിക്കൽ ക്യാമ്പ്‌, കുട്ടികൾക്കായുള്ള ഗെയിംസ് എന്നിവയും മുഖ്യ ആകർഷകങ്ങളാണ്.

ഇടവക വികാരി റവ. അനീഷ് പി അലക്സ്, ‌ ജനറൽ കൺവീനർ ജിനു സ്കറിയ, വൈസ് പ്രസിഡന്‌റ് ബാബു ടി. ജോർജ്, സെക്രട്ടറി ബിജു ജോർജ്, ഫൈനാൻസ്‌ ട്രസ്റ്റി സാംസൺ കോശി, വിവിധ കമ്മിറ്റികളുടെ കൺവീനർമാരായ തോമസ് പി ഐപ്പ് (സ്പോൺസർ ഷിപ്പ്), ജിജു ഏബ്രഹാം ജോർജ്ജ്‌ (പ്രോഗ്രാം), അനീഷ് സംബാഷ് ജേക്കബ് (പബ്ളിസിറ്റി), സ്കറിയ ഏബ്രഹാം, റിനി സ്കറിയ, സിനു ജോയി, ബിനു സഖറിയ (ഫുഡ്), വൽസ സ്കറിയ (റിസപ്ഷൻ), തോമസ് ജേക്കബ് (വെന്യൂ), സന്തോഷ് മാമ്മൻ (ലൈറ്റ്സ് & സൗണ്ട്സ്), ക്രിസ്റ്റീന മാത്യൂ, ലിജു വർഗീസ് ഉമ്മൻ(ഗെയിംസ്), സൂസൻ ബാബു(മെഡിക്കൽ എയ്ഡ്), ഏബ്രഹാം മാമ്മൻ (ഫസ്റ്റ് ഫ്രൂട്ട്) എന്നിവരുടെ നേതൃത്വത്തിൽ കൊയ്‌ത്തുത്സവ ത്തിൻ്റെ ക്രമീകരണങ്ങൾ പുരോഗമിക്കുന്നു.

- pma

വായിക്കുക: , , , ,

Comments Off on മാർത്തോമാ ദേവാലയത്തിൽ കൊയ്ത്തുത്സവം ശനിയാഴ്ച

Page 3 of 11112345...102030...Last »

« Previous Page« Previous « ഒമാൻ ദേശീയ ദിനം : പുതിയ തിയ്യതി പ്രഖ്യാപിച്ചു
Next »Next Page » ശൈത്യ കാലത്തിലെ വിയർപ്പു തുള്ളികൾ പ്രകാശനം ചെയ്തു »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha