ചെന്നൈ : തമിഴ്നാട് മുഖ്യമന്ത്രി ജയലളിത അന്തരിച്ചു. സംസ്കാരം ഇന്നു വൈകീട്ട് മറീനാ ബീച്ചിൽ നടക്കും. ജയലളിതയുടെ മരണത്തെ തുടർന്ന് കേരളത്തിൽ സർക്കാർ സ്ഥാപനങ്ങൾക്കും വിദ്യാലയങ്ങൾക്കും അവധി പ്രഖ്യാപിച്ചു. മുഖ്യമന്ത്രി പിണറായി വിജയൻ മരണത്തിൽ അനുശോചിച്ചു. അടുത്ത തമിഴ്നാട് മുഖ്യമന്ത്രിയായി പനീർ ശെൽവം ചുമതലയേൽക്കും.

എം.ജി.ആറിന്റെ ശവകുടീരത്തിനടുത്തായിരിക്കും ജയലളിതയെ സംസ്കരിക്കുക. തമിഴ്നാട് അതിർത്തി പങ്കിടുന്ന പ്രദേശങ്ങളും തമിഴ് വംശജർ കൂടുതലായി എത്തുന്ന ശബരിമല തുടങ്ങിയ സ്ഥലങ്ങളും കനത്ത സുരക്ഷയിലാണ്. രാഷ്ട്രപതി, പ്രധാനമന്ത്രി, സോണിയാഗാന്ധി, രാഹുൽഗാന്ധി തുടങ്ങിയവർ അനുശോചനം രേഖപ്പെടുത്തി.

ന്യൂഡൽഹി : രാജ്യത്ത് 500,1000 രൂപയുടെ നോട്ടുകൾ നിർത്തലാക്കുകയാണെന്ന് രാജ്യത്തെ അഭിസംബോധന ചെയ്യുന്നതിനിടെ പ്രധാനമന്ത്രി നരേന്ദ്ര മോദി പ്രഖ്യാപിച്ചു. കള്ളപ്പണത്തിനും കള്ളപ്പണക്കാർക്കും എതിരെയുള്ള ശക്തമായ ആയുധമായിട്ടാണ് ഈ നീക്കത്തെ നോക്കിക്കാണുന്നത്. ജനങ്ങൾ വളരെ ആവേശത്തോടെയാണ് പ്രധാനമന്ത്രിയുടെ പുതിയ തീരുമാനത്തെ സ്വാഗതം ചെയ്തത്.

പുതിയ നിയമപ്രകാരം ഡിസംബർ 31 ന് മുമ്പ് 500,1000 രൂപയുടെ നോട്ടുകൾ ബാങ്കുകളിലും പോസ്റ്റ് ഓഫീസുകളിലും ചെന്ന് മാറ്റണം. 100 ന്റെ നോട്ടുകൾ കൂടിതലിറക്കണമെന്നും 2000 ന്റെ നോട്ടുകൾ ഫെബ്രുവരി 2017 ൽ പുറത്തിറക്കുമെന്നും പറയുന്നു. എ.ടി എമ്മുകളിൽ നിന്നും ദിവസം 10000 രൂപ മാത്രമേ എടുക്കാൻ സധിക്കുകയുള്ളൂ. സർക്കാർ ആശുപത്രികളിലും ഫാർമസികളിലും 500,100 രൂപ സ്വീകരിക്കും.

ന്യൂഡൽഹി : പാർട്ടി ആവശ്യപ്പെടുകയാണെങ്കിൽ അദ്ധ്യക്ഷ സ്ഥാനം എറ്റെടുക്കാൻ തയ്യാറാണെന്ന് രാഹുൽ ഗാന്ധി. സോണിയ ഗാന്ധിക്ക് പകരം ഇന്നത്തെ യോഗത്തിന് അദ്ധ്യക്ഷത വഹിച്ചത് രാഹുൽ ഗാന്ധിയാണ്.

എ.കെ ആന്റെണിയാണ് നിർദ്ദേശം മുന്നോട്ട് വെച്ചത്. ഇതിനെ മന്മോഹൻ സിങ്ങ് പിന്തുണച്ചു. ഇതാദ്യമായാണ് 46 കാരനായ രാഹുൽ ഗാന്ധി പ്രവർത്തക സമിതിയുടെ അദ്ധ്യക്ഷത വഹിക്കുന്നത്. 2013 ലാണ് രാഹുൽ ഉപാധ്യക്ഷനായി നിയമിക്കപ്പെട്ടത്. സമിതി യോഗത്തിനിടെ രാഹുൽ ഗാന്ധി കേന്ദ്ര സർക്കാറിനെയും പ്രധാനമന്ത്രിയെയും രൂക്ഷമായി വിമർശിച്ചു.

ചെന്നൈ : തമിഴ്നാട് മുഖ്യമന്ത്രി ജയലളിത പൂർണ്ണമായും സുഖം പ്രാപിച്ചതായി അപ്പോളോ ആശുപത്രിയിലെ ഡോക്ടർമാർ അറിയിച്ചു.
സെപ്റ്റംബർ 22 നായിരുന്നു ശ്വാസകോശ അണുബാധയെ തുടർന്ന് ജയലളിതയെ ആശുപത്രിയിൽ പ്രവേശിപ്പിച്ചത്. ബോധാവസ്ഥയിലേക്ക് തിരിച്ച് വരുകയും സംസാരശേഷി തിരിച്ചെടുക്കുകയും ചെയ്തതായി ഡോക്ടർമാർ അറിയിച്ചു.

അപ്പോളോ ആശുപത്രിയിലെ ഡോക്ടർമാരെ കൂടാതെ എയിസിലെയും ലണ്ടനിലെയും ഡോക്ടർമാർ ജയലളിതയുടെ ചികിത്സക്കായി എത്തിയിരുന്നു.