എയര്‍ ഇന്ത്യ എക്സ്പ്രസ്സിന്റെ അവഗണന അവസാനിപ്പിക്കുക : ശക്തി

October 22nd, 2012

airport-passengers-epathram

അബുദാബി : പ്രവാസികളായ യാത്രക്കാരോട് എയര്‍ ഇന്ത്യ എക്സ്പ്രസ്സ്‌ കാണിക്കുന്ന അവഗണന എത്രയും പെട്ടെന്ന് അവസാനിപ്പിക്കണം എന്ന് അബുദാബി ശക്തി തിയ്യറ്റേഴ്സ് ആവശ്യപ്പെട്ടു.

കഴിഞ്ഞ ദിവസം അബുദാബി -കൊച്ചി വിമാനത്തില്‍ യാത്ര ചെയ്ത വര്‍ക്കുണ്ടായ അനുഭവം ഇനി ഒരിക്കലും ആവര്‍ത്തിക്കരുത്. ഏറെ പ്രതീക്ഷ യോടെയാണ് പ്രവാസികള്‍ നാട്ടിലേക്കു തിരിക്കുന്നത്. സമയ നിഷ്ട ഇല്ലായ്മയും എയര്‍പോര്‍ട്ട് മാറി ഇറക്കലും ഇന്ന് നിത്യ സംഭവ മയിരിക്കുകയാണ്. അടിയന്തിരമായും ഇതിനു പരിഹാരം കാണണമെന്ന് ബന്ധപെട്ടവരോട് ശക്തി ഭാരവാഹികള്‍ ആവശ്യപ്പെട്ടു.

- കറസ്പോണ്ടന്‍റ്

വായിക്കുക: , ,

Comments Off on എയര്‍ ഇന്ത്യ എക്സ്പ്രസ്സിന്റെ അവഗണന അവസാനിപ്പിക്കുക : ശക്തി

എയര്‍ ഇന്ത്യയെ ബഹിഷ്കരിക്കും : മെസ്പോ അബുദാബി

October 22nd, 2012

mes-ponnani-alumni-mespo-logo-ePathram അബുദാബി : പ്രവാസി കളോട് നിഷേധാത്മക മായ നിലപാട് തുടരുന്ന എയര്‍ ഇന്ത്യയുടെ ധാര്‍ഷ്ട്യത്തിന് എതിരെ മെസ്പോ അബുദാബി (എം. ഇ. എസ്. പൊന്നാനി കോളേജ് അലുംനി)ശക്തമായ പ്രതിഷേധം രേഖപ്പെടുത്തി.

ഭക്ഷണം പോലും നല്കാതെ സ്ത്രീകളും പിഞ്ചു കുഞ്ഞുങ്ങളും അടക്കമുള്ള യാത്രക്കാരെ മണിക്കൂറു കളോളം പീഡിപ്പിച്ചതിനെതിരെ സ്വാഭാവിക പ്രതികരണം നടത്തിയ യാത്രക്കാരെ തീവ്രവാദി കളാക്കിയ പൈലറ്റിന്റെ നടപടി ചരിത്രത്തില്‍ കേട്ടു കേള്വി പോലുമില്ലാത്ത താണ് എന്നു യോഗം വിലയിരുത്തി.

ഫ്ലൈറ്റ് ഹൈജാക്ക് ചെയ്യാന്‍ ശ്രമിച്ചു എന്ന വ്യാജ സന്ദേശം നല്കി മുഴുവന്‍ പ്രവാസി കളെയും ലോകത്തിനു മുന്നില്‍ നാണം കെടുത്തിയ പൈലറ്റിനെതിരെ നടപടിയെടുത്തു മാതൃകാ പരമായി ശിക്ഷിക്കണം എന്ന് യോഗം ആവശ്യപ്പെട്ടു.

എന്നെ തല്ലണ്ടമ്മാവാ ഞാന്‍ നന്നാവില്ല എന്ന സമീപനം എയര്‍ ഇന്ത്യ ഉപേക്ഷിക്കണം. കാലങ്ങളായി പ്രവാസി സമൂഹം ഉയര്‍ത്തുന്ന പരാതികളും പ്രതികരണങ്ങളും കണ്ടില്ലെന്നു നടിക്കുന്ന രീതി ശരിയല്ല.

ഇതിനെതിരെ ബഹുജന പ്രതിഷേധം ഉയരണം. കക്ഷി രാഷ്ട്രീയത്തിന് അതീതമായി എയര്‍ ഇന്ത്യയെ നിലക്കു നിര്‍ത്തുവാന്‍ പൊതുജന കൂട്ടായ്മ രൂപപ്പെടണം. ഇതിന്റെ ഭാഗമായി അറു നൂറോളം അംഗങ്ങള്‍ ഉള്ള മെസ്പോ എന്ന കൂട്ടായ്മയിലെ അംഗങ്ങള്‍ ഒന്നടക്കം എയര്‍ ഇന്ത്യയെ ബഹിഷ്കരിക്കാനും യോഗം തീരുമാനിച്ചു.

മെസ്പോ പ്രസിഡന്റ് എ. വി. അബൂബക്കറിന്റെ അദ്ധ്യക്ഷത യില്‍ ചേര്‍ന്ന പ്രധിഷേധ യോഗ ത്തില്‍ ജനറല്‍ സെക്രട്ടറി അബൂബക്കര്‍ മേലേതില്‍, വൈസ് പ്രസിഡന്റ്‌ നൗഷാദ് യൂസഫ്‌, ഇസ്മയില്‍ പൊന്നാനി, ഡോക്ടര്‍ അബ്ദുല്‍ റഹ്മാന്‍ കുട്ടി എന്നിവര്‍ സംസാരിച്ചു.

- കറസ്പോണ്ടന്‍റ്

വായിക്കുക: , , , ,

Comments Off on എയര്‍ ഇന്ത്യയെ ബഹിഷ്കരിക്കും : മെസ്പോ അബുദാബി

പ്രവാസി കളോടുള്ള അവഗണന എയര്‍ ഇന്ത്യ അവസാനിപ്പിക്കണം : യൂത്ത് ഇന്ത്യ

October 19th, 2012

air-india-epathram
ദുബായ് : തിരുവനന്തപുരം, കൊച്ചി, കരിപ്പൂര്‍ വിമാന താവള ങ്ങളില്‍ നിന്നും ഗള്‍ഫ് സെക്ടറിലെ വിമാന സര്‍വീസുകള്‍ അന്യായമായി നിര്‍ത്തലാക്കി. പ്രവാസികളെ ദുരിത ത്തിലാക്കുന്ന എയര്‍ ഇന്ത്യയുടെ നിരുത്വര വാദിത്വ പരമായ നടപടി യില്‍ യൂത്ത് ഇന്ത്യ കേന്ദ്ര സെക്രട്ടറിയേറ്റ് ശക്തമായ പ്രതിഷേധം രേഖപ്പെടുത്തി.

ഇന്ത്യയിലെ തന്നെ ഏറ്റവും തിരക്കുള്ളതും ലാഭകരവുമായ കേരള സെക്ടറില്‍ നിന്നും ഉത്തരേന്ത്യന്‍ ലോബിക്ക് വേണ്ടി ഉത്തരവാദിത്വ പ്പെട്ടവര്‍ ചരടു വലികള്‍ നടത്തുന്നത് കേരള ത്തിലെ പാര്‍ലിമെന്റ് അംഗ ങ്ങളുടെയും കേന്ദ്ര മന്ത്രി മാരുടെയും പിടിപ്പു കേട് വെളിവാക്കുന്ന താണ് എന്നു യോഗം വിലയിരുത്തി.

സ്വകാര്യ കമ്പനി കള്‍ക്ക് നേട്ടമുണ്ടാക്കാന്‍ വേണ്ടി ഇന്ത്യയുടെ പൊതു മേഖലാ സ്ഥാപനം നാഥനില്ലാ കളരി യാക്കി മാറ്റാന്‍ അധികാരികള്‍ കൂട്ട് നില്‍ക്കുക യാണെന്നും അതിന്റെ ഭാഗമായിട്ടാണ് കേരള ത്തിലേക്കുള്ള സര്‍വീസുകള്‍ അന്യായമായി നിര്‍ത്ത ലാക്കാന്‍ ശ്രമം നടന്നതെന്നും യോഗം വിലയിരുത്തി.

എയര്‍ ഇന്ത്യയെ ഇല്ലാതാക്കുന് നതിന് പകരം ഈ പൊതു മേഖല സ്ഥാപനത്തെ രക്ഷിച്ചെടുക്കാന്‍ പ്രവാസി കള്‍ ഒറ്റകെട്ടായി അധികാരി കള്‍ക്ക് മുന്നില്‍ ശബ്ദ മുയര്‍ത്തണം എന്നും എയര്‍ കേരള എന്ന സ്വപ്ന പദ്ധതി സ്വാഗതാര്‍ഹ മാണ് എന്നും എന്നാല്‍ കെടുകാര്യസ്ഥത യുടെ ചരിത്രം ആവര്‍ത്തി ക്കാതിരിക്കാന്‍ പഴുതുകള്‍ അടച്ചുള്ള ശ്രമങ്ങള്‍ അധികാരികളുടെ ഭാഗത്ത്‌ നിന്നും ഉണ്ടാകേണ്ടി യിരിക്കുന്നു എന്നും യോഗം വിലയിരുത്തി.

മുന്നറിയിപ്പില്ലാതെ സര്‍വീസുകള്‍ റദ്ദു ചെയ്തും അന്യായമായ നിരക്ക് വര്‍ദ്ധനവ്‌ ഏര്‍പ്പെടുത്തിയും പ്രവാസി കളെ നിരന്തരം ദുരിത ത്തിലാക്കുന്ന എയര്‍ ഇന്ത്യ യുടെ നിലപാടിന് എതിരെ പ്രവാസി സമൂഹം ഒറ്റകെട്ടായി പ്രതികരിക്കണ മെന്ന് യൂത്ത് ഇന്ത്യ അഭിപ്രായപ്പെട്ടു.

പൊതു മേഖല സ്ഥാപന ങ്ങളെ നശിപ്പിച്ചു സ്വകാര്യ കുത്തക കമ്പനി കള്‍ക്ക് നേട്ടമുണ്ടാക്കാന്‍ ഗൂഡമായ ശ്രമം അധികാരികളുടെ ഭാഗത്തു നിന്ന് ഉണ്ടാകുന്നുണ്ടോ എന്ന് സംശയിക്കേണ്ടി യിരിക്കുന്നു എന്നും മുന്നറിയിപ്പില്ലാതെ സര്‍വീസുകള്‍ നിര്‍ത്തലാക്കിയത് മൂലം ഉയര്‍ന്ന നിരക്കില്‍ സ്വകാര്യ വിമാന കമ്പനികളില്‍ യാത്ര തുടരേണ്ടി വരികയും ചെയ്ത പ്രവാസി കള്‍ക്ക് നേരത്തെ എടുത്ത ടിക്കറ്റുകളുടെ പണം തിരകെ നല്‍കാതെ വട്ടം കറക്കുന്ന പ്രവണതയും ഏറി വരുന്നു.

ഇത്തരം വിഷയ ങ്ങളില്‍ പ്രവാസ സംഘടന കളുമായി സഹകരിച്ചു അവകാശ പോരാട്ടം ശക്ത മാക്കാനും യോഗം തീരുമാനിച്ചു. ഇതിന്റെ ഭാഗമായി ‘എയര്‍ ഇന്ത്യയെ പ്രവാസിക്ക് വേണം’ എന്ന തല കെട്ടില്‍ പ്രചാരണ കാമ്പയിന്‍ നടത്തുവാനും തീരുമാനിച്ചു.

ഈ വിഷയ ത്തില്‍ അധികാരികളെ സമ്മര്‍ദം ചെലുത്തുവാനായി ജന പ്രതിനിധികള്‍ക്ക് അന്‍പതിനായിരം പേര്‍ ഒപ്പിട്ട നിവേദനം, ഓണ്‍ ലൈന്‍ പെറ്റീഷന്‍, പ്രവാസി കളില്‍ അവബോധം സൃഷ്ടിക്കാന്‍ സെമിനാറുകള്‍,ടേബിള്‍ ടോകുകള്‍, നാട്ടിലെ സംഘടന കളെ സംഘടിപ്പിച്ചു കൊണ്ട് കൊച്ചിയിലെ എയര്‍ ഇന്ത്യ എക്സ്പ്രസ് ഓഫീസ് മാര്‍ച്ച് എന്നിവ സംഘടിപ്പി ക്കുവാന്‍ തീരുമാനിച്ചു.

- കറസ്പോണ്ടന്‍റ്

വായിക്കുക: , , ,

Comments Off on പ്രവാസി കളോടുള്ള അവഗണന എയര്‍ ഇന്ത്യ അവസാനിപ്പിക്കണം : യൂത്ത് ഇന്ത്യ

എയര്‍ ഇന്ത്യ നടപടി അപലപനീയം : യുവ കലാ സാഹിതി

October 19th, 2012

അബുദാബി: അബുദാബി യില്‍ നിന്ന് കൊച്ചി യിലേക്ക് യാത്രക്കാരുമായി പോയ വിമാനം തിരുവനന്തപുരത്ത് ഇറക്കുകയും അടിസ്ഥാന സൌകര്യങ്ങള്‍ നല്‍കാത്തതില്‍ പ്രതിഷേധിച്ച യാത്രക്കാരെ കള്ളകേസില്‍ കുടുക്കാന്‍ ശ്രമിക്കുകയും ചെയ്ത എയര്‍ ഇന്ത്യ ഉദ്യോഗസ്ഥരുടെ നടപടി അത്യന്തം അപലപനീയവും പ്രതിഷേധാര്‍ഹവും ആണെന്ന് യുവ കലാ സാഹിതി യു. എ. ഇ. ജനറല്‍ സെക്രട്ടറി ഇ. ആര്‍. ജോഷിയും പ്രസിഡന്റ്‌ പി. എന്‍. വിനായചന്ദ്രനും പ്രസ്താവിച്ചു.

മുഴുവന്‍ പ്രവാസി സമൂഹവും ഒറ്റക്കെട്ടായി ഈ സംഭവ ത്തില്‍ പ്രതിഷേധിക്കണം എന്ന് യുവ കലാ സാഹിതി ആഹ്വാനം ചെയ്തു.

- കറസ്പോണ്ടന്‍റ്

വായിക്കുക: , ,

Comments Off on എയര്‍ ഇന്ത്യ നടപടി അപലപനീയം : യുവ കലാ സാഹിതി

നിയമ സഭയില്‍ നീലച്ചിത്രം കണ്ട മൂന്ന് മന്ത്രിമാര്‍ രാജിവെച്ചു

February 8th, 2012
Karnatka_Minister-epathram
ബാംഗ്ലൂര്‍: കര്‍ണ്ണാടക നിയമസഭയില്‍ മൊബൈല്‍ ഫോണില്‍ അസ്ലീല ദൃശ്യങ്ങള്‍ ആസ്വദിച്ച മൂന്നു മന്ത്രിമാര്‍ രാജി വെച്ചു. മന്ത്രിമാര്‍ അസ്ലീല ദൃശ്യങ്ങള്‍ ഒരുമിച്ചിരുന്ന് കാണുന്ന ദൃശ്യങ്ങള്‍ ചില ചാനലുകള്‍ പുറത്തു വിട്ടിരുന്നു. സംഭവം വിവാദമായതിനെ തുടര്‍ന്നാണ് വനിത-ശിശുക്ഷേമ വകുപ്പ് മന്ത്രി സി. സി. പാട്ടീല്‍, സഹകരണ മന്ത്രി ലക്ഷ്മണ്‍ സവേദി, പരിസ്ഥിതി വകുപ്പ് മന്ത്രി കൃഷ്ണ പലേമാര്‍ എന്നിവര്‍ രാജിവെച്ചത്.
പ്രതിപക്ഷ നേതാവ് സിദ്ധരാമയ്യ നിയമസഭയില്‍ സംസാരിക്കുന്നതിനിടയിലായിരുന്നു മന്ത്രിമാരുടെ നീല‌ച്ചിത്ര ആസ്വാദനം. നിയമസഭയിലെ ജോലിക്കാരന്‍ അടുത്തെത്തിയപ്പോള്‍ മന്ത്രി മുണ്ടിനിടയില്‍ മൊബൈല്‍ ഒളിപ്പിക്കുകയായിരുന്നു. മന്ത്രിമാരുടെ ഈ പ്രവര്‍ത്തി കര്‍ണ്ണാടകയിലെ ബി. ജെ. പി സര്‍ക്കാരിനെ വെട്ടിലാക്കിയിട്ടുണ്ട്. ഭാരതീയ സദാചാര മൂല്യങ്ങളെ കുറിച്ച് മേനി പറയുന്ന ബി. ജെ. പി ഉള്‍പ്പെടെ ഉള്ള സംഘപരിവാര്‍ സംഘടനകള്‍ക്ക്  വലിയ നാണക്കേടാണ് ഈ സംഭവം മൂലം ഉണ്ടായിട്ടുള്ളത്.

- ലിജി അരുണ്‍

വായിക്കുക: , , ,

1 അഭിപ്രായം »

Page 30 of 31« First...1020...2728293031

« Previous Page« Previous « ക്രിക്കറ്റ് സ്‌റ്റേഡിയം കഴുകി ഫുട്‌ബോള്‍ താരങ്ങള്‍ ബൂട്ട് വാങ്ങി
Next »Next Page » അഞ്ചാം മന്ത്രി: കെ. പി. സി. സി യിലും ഭിന്നത »



ക്രിക്കറ്റ് സ്‌റ്റേഡിയം ക...
ലിയോ ടോള്‍സ്റ്റോയി ലോക സാ...
മൈക്കള്‍ ജാക്സന്‍റെ മരണത്...
ഫേസ്ബുക്ക് കമന്റ് കാരണം സ...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha