ആറു യൂട്യൂബ് ചാനലുകൾ കൂടി അടച്ചു പൂട്ടി

January 13th, 2023

blocked-youtube-channels-in-india-banned-social-media-ePathram ന്യൂഡൽഹി: വ്യാജ വാർത്ത പ്രചരിപ്പിക്കുന്നു എന്ന പേരിൽ രാജ്യത്ത് ആറു യൂട്യൂബ് ചാനലുകൾക്ക് കൂടി നിരോധനം ഏര്‍പ്പെടുത്തി. നേഷന്‍ ടി. വി., സംവാദ് ടി. വി., സരോകർ ഭാരത്, നേഷൻ 24, സ്വർണ്ണിം ഭാരത്, സംവാദ് സമാചാര്‍ എന്നീ ചാനലുകൾക്കാണ് നിരോധനം ഏര്‍പ്പെടുത്തിയത്. തെരഞ്ഞെടുപ്പുകൾ, സുപ്രീം കോടതി – പാർലമെന്‍റ് നടപടികൾ, സർക്കാറിന്‍റെ പ്രവർത്തനങ്ങൾ തുടങ്ങിയവ ഇവർ വളച്ചൊടിച്ചു എന്നാണ് കേന്ദ്ര പ്രസ്സ് ഇൻഫർമേഷൻ ബ്യൂറോ അറിയിച്ചത്. PIB Twitter

- pma

വായിക്കുക: , , , , , ,

Comments Off on ആറു യൂട്യൂബ് ചാനലുകൾ കൂടി അടച്ചു പൂട്ടി

പ്ലാസ്റ്റിക് നിര്‍മ്മിത പൂവുകൾക്ക് നിരോധനം വരുന്നു

January 13th, 2023

plastic-made-colorful-artificial-flowers-ePathram
ന്യൂഡൽഹി: ഒറ്റത്തവണ ഉപയോഗിക്കാവുന്ന പ്ലാസ്റ്റിക് സാധനങ്ങള്‍ നിരോധിക്കുന്നതിന്‍റെ ഭാഗമായി പ്ലാസ്റ്റിക് നിര്‍മ്മിത പൂവുകള്‍, അലങ്കാര ചെടികള്‍ തുടങ്ങി യവക്ക് വിലക്ക് ഏർപ്പെടുത്തണം എന്ന് കേന്ദ്ര മലിനീകരണ നിയന്ത്രണ ബോർഡിന് (Central Pollution Control Board – CPCB) ദേശീയ ഹരിത ട്രിബ്യൂണൽ നിർദ്ദേശം നൽകി. വിഷയത്തില്‍ രണ്ടു മാസത്തിനകം സി. പി. സി. ബി. റിപ്പോർട്ട് സമർപ്പിക്കണം എന്നും ആവശ്യപ്പെട്ടു.

പ്ലാസ്റ്റിക് പൂക്കള്‍, ഇലകള്‍, ചെടികള്‍ അടക്കമുള്ള പ്ലാസ്റ്റിക് നിര്‍മ്മിത അലങ്കാര വസ്തുക്കളും പൂർണ്ണമായി നിരോധിക്കണം എന്നുള്ള ആവശ്യവുമായി പൂനെ സ്വദേശിയായ കർഷകന്‍ സമർപ്പിച്ച ഹർജിയിലാണ് നടപടി.  -Tag : Environment

- pma

വായിക്കുക: , , , , , , ,

Comments Off on പ്ലാസ്റ്റിക് നിര്‍മ്മിത പൂവുകൾക്ക് നിരോധനം വരുന്നു

നോട്ടു നിരോധനം ശരി വെച്ച് സുപ്രീം കോടതി

January 2nd, 2023

banned-rupee-note-ePathram
ന്യൂഡൽഹി : മോഡി സർക്കാരിന്‍റെ നോട്ടു നിരോധനം ശരി വെച്ച് സുപ്രീം കോടതി വിധി. നോട്ടുകള്‍ പിൻ വലിച്ച നടപടിയെ  തെറ്റിദ്ധരിക്കുവാന്‍ കഴിയില്ല എന്ന് ജസ്റ്റിസ് ബി. ആർ. ഗവായ് വിധി പ്രസ്താവത്തിൽ പറഞ്ഞു. സര്‍ക്കാര്‍ മുന്നോട്ടു വെച്ച ലക്ഷ്യങ്ങള്‍ കൈവരിച്ചിട്ടുണ്ടോ ഇല്ലയോ എന്നത് അപ്രസക്തമാണ്. എന്നാല്‍ നോട്ടു നിരോധനത്തിന്‍റെ മൂന്നു ലക്ഷ്യങ്ങളും ശരിയാണ് എന്നും ജസ്റ്റിസ് ഗവായ് പറഞ്ഞു.

കേന്ദ്ര സർക്കാർ 2016 നവംബർ എട്ടിന് പ്രഖ്യാപിച്ച നോട്ട് അസാധുവാക്കലിനെ ചോദ്യം ചെയ്യുന്ന 58 ഹരജികളി ലാണ് സുപ്രീം കോടതി പ്രസ്താവിച്ചത്. കേസ് പരിഗണിക്കുന്ന അഞ്ചംഗ ബെഞ്ചിൽ നാല് ജഡ്ജിമാരും കേന്ദ്ര സർക്കാരിന് അനുകൂല വിധി പറഞ്ഞപ്പോൾ ജസ്റ്റിസ് നാഗ രത്‌ന ഭിന്നവിധി പുറപ്പെടുവിച്ചു.

നോട്ടുകള്‍ പിൻവലിക്കുവാന്‍ കേന്ദ്ര സര്‍ക്കാരിന് കഴിയില്ല എന്ന് നാഗരത്‌നയുടെ വിധിയില്‍ പറയുന്നു. ഇത്തരം നടപടി സ്വീകരിക്കാന്‍ അധികാരം റിസര്‍വ്വ് ബാങ്കിനു മാത്രമേ ഉള്ളൂ എന്നും ജസ്റ്റിസ് നാഗ രത്‌ന യുടെ വിധിയില്‍ പറയുന്നു.

- pma

വായിക്കുക: , , , , , , ,

Comments Off on നോട്ടു നിരോധനം ശരി വെച്ച് സുപ്രീം കോടതി

ഡിസംബര്‍ 28 : കോണ്‍ഗ്രസ്സിന്‍റെ 138-ാം സ്ഥാപകദിനം

December 28th, 2022

inc-indian-national-congress-election-symbol-ePathram
ന്യൂഡൽഹി : ഇന്ത്യന്‍ നാഷണല്‍ കോണ്‍ഗ്രസ്സിന്‍റെ 138-ാം സ്ഥാപകദിന ആചരണം ലളിതമായ ചടങ്ങുകളോടെ എ. ഐ. സി. സി. ആസ്ഥാനത്ത് നടന്നു. കോണ്‍ഗ്രസ്സ് പ്രസിഡണ്ട് മല്ലികാര്‍ജുര്‍ ഖാര്‍ഗെ, സോണിയാ ഗാന്ധി, രാഹുല്‍ ഗാന്ധി, മറ്റു മുതിര്‍ന്ന നേതാക്കളും സേവാദള്‍ അംഗങ്ങളും സംബന്ധിച്ചു.

1885 ഡിസംബര്‍ 28 ന് ദാദാ ഭായ് നവറോജി, സുരേന്ദ്ര നാഥ് ബാനര്‍ജി, ഫിറോസ് ഷാ മേത്ത, W C ബാനര്‍ജി, S.രാമ സ്വാമി മുതലിയാര്‍ തുടങ്ങിയവർ അടക്കം 72 അംഗങ്ങളുടെ കൂട്ടായ്മ ആയിട്ടാണ് കോണ്‍ഗ്രസ്സ് രൂപം കൊണ്ടത്. INC Twitter 

- pma

വായിക്കുക: ,

Comments Off on ഡിസംബര്‍ 28 : കോണ്‍ഗ്രസ്സിന്‍റെ 138-ാം സ്ഥാപകദിനം

താജ് മഹലിന് ജപ്തി നോട്ടീസ് !

December 21st, 2022

tajmahal-symbol-of-love-ePathram

ന്യൂഡല്‍ഹി : ആഗ്ര മുനിസിപ്പല്‍ കോര്‍പ്പറേ ഷന്‍ താജ് മഹലിനു ജപ്തി നോട്ടീസ് അയച്ച് വാർത്തയിൽ ഇടം നേടി. പ്രോപ്പർട്ടി ടാക്‌സും വാട്ടർ ബില്ലും അടക്കണം എന്നും അല്ലെങ്കിൽ ജപ്തി നടപടികൾ നേരിടേണ്ടി വരും എന്നും ആയിരുന്നു കോര്‍പ്പറേഷന്‍ മുന്നറിയിപ്പ്.

ഒരു കോടിയോളം രൂപയുടെ വാട്ടര്‍ ബില്ല്, 1.40 ലക്ഷം രൂപയുടെ പ്രോപ്പര്‍ട്ടി ടാക്സ് എന്നിവ അടക്കണം എന്നും അല്ലാത്ത പക്ഷം 15 ദിവസ ത്തിനകം വസ്തു ജപ്തി ചെയ്യും എന്നും കാണിച്ചു കൊണ്ട് ആര്‍ക്കിയോളജിക്കല്‍ സര്‍വ്വേ ഓഫ് ഇന്ത്യ (എ. എസ്. ഐ.) ക്ക് കോര്‍പ്പറേഷന്‍ അധികൃതരാണ് നോട്ടീസ് അയച്ചത്.

എന്നാല്‍ സ്മാരകങ്ങള്‍ക്ക് പ്രോപ്പര്‍ട്ടി ടാക്സ് ബാധകമല്ല എന്ന് ആര്‍ക്കിയോളജി സൂപ്രണ്ട് ഡോ. രാജ് കുമാര്‍ പട്ടേല്‍ അറിയിച്ചു.

താജ് മഹലില്‍ വെള്ളം ഉപയോഗിക്കുന്നത് വാണിജ്യ ഉപഭോഗമല്ല. പൂന്തോട്ടങ്ങള്‍ നനക്കുവാനാണ് വെള്ളം. അതു കൊണ്ടു തന്നെ വാട്ടര്‍ ബില്ലും ബാധകം അല്ല. താജ് മഹലിലേക്ക് ഇതു പോലെ ഒരു ബില്ല് എത്തുന്നത് ആദ്യമാണ്. ആഗ്ര മുനിസിപ്പല്‍ കോര്‍പ്പറേഷന്‍ അധികൃതര്‍ക്ക് സംഭവിച്ച പിഴവ് ആയിരിക്കും ഈ ജപ്തി നോട്ടീസ് എന്നും സൂപ്രണ്ട് അറിയിച്ചു.

* News Source : ANI Twitter

- pma

വായിക്കുക: , , , ,

Comments Off on താജ് മഹലിന് ജപ്തി നോട്ടീസ് !

Page 8 of 70« First...678910...203040...Last »

« Previous Page« Previous « സുൽത്വാനിയ പീസ്‌ കോൺഫറൻസ് ശ്രദ്ധേയമായി
Next »Next Page » അഹല്യ എക്‌സ്‌ ചേഞ്ച് വിന്‍റര്‍ പ്രമോഷന്‍ : 111 പേര്‍ക്ക് 10 ലക്ഷ്വറി കാറുകളും ഒരു കിലോ സ്വർണ്ണവും സമ്മാനങ്ങള്‍ »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha