കാശ്മീരിൽ സൈനിക ബ്രിഗേഡ് ആസ്ഥാനത്തിന് നേരെയുണ്ടായ ആക്രമണത്തിൽ 17 സൈനികർ കൊല്ലപ്പെട്ടു. 4 ഭീകരരെ വധിച്ചെങ്കിലും ഇനിയും ഭീകരർ ഉണ്ടാകാൻ സാധ്യതയുണ്ടെന്ന് സുരക്ഷാസേന അറിയിച്ചു. ഞായറാഴ്ച്ച പുലർച്ചെ 4 മണിയോടെയാണ് സംഭവം. വൻ സ്ഫോടനത്തോടെയാണ് ആക്രമണം ആരംഭിച്ചത്. പത്താൻ കോട്ടയിൽ നടന്നതിനേക്കാൾ വലിയ ആക്രമണമാണ് ഇതെന്നാണ് വിലയിരുത്തൽ.

ഭീകരാക്രമണത്തോടനുബന്ധിച്ച് ആഭ്യന്തര മന്ത്രാലയം ഉന്നത തല യോഗം വിളിച്ചിട്ടിണ്ട്. കാശ്മീരീലെ സുരക്ഷയുമായി ബന്ധപ്പെട്ട് മുഖ്യമന്ത്രിയോടും ഗവർണറോടും സംസാരിച്ചതായും ആഭ്യന്തരമന്ത്രി അറിയിച്ചു.