യു. എ. ഇ. പൊതു മാപ്പ് : വകുപ്പുകൾ ഒരുങ്ങി

August 31st, 2024

uae-amnesty-2-month-grace-period-ePathram
ദുബായ് : യു. എ. ഇ. താമസ ക്കുടിയേറ്റ നിയമം ലംഘിച്ചവർക്കായി നടപ്പിലാവുന്ന പൊതു മാപ്പ് സംവിധാനങ്ങൾക്ക് വകുപ്പുകൾ സജ്ജരായി എന്ന് ദുബായ് ജനറൽ ഡയറക്ടറേറ്റ് ഓഫ് റെസിഡൻസി ആൻഡ് ഫോറിനേഴ്സ് അഫയേഴ്സ് (ജി. ഡി. ആർ. എഫ്. എ.) അറിയിച്ചു.

2024 സെപ്റ്റംബർ ഒന്നിന് ആരംഭിക്കുന്ന ഗ്രേസ് പിരീഡ് സംരംഭം (പൊതു മാപ്പ്)പദ്ധതിയുടെ ഒരുക്കങ്ങളും തയ്യാറെടുപ്പുകളും ദുബായ് എമിറേറ്റ്സിൽ പൂർത്തിയായി എന്ന് ഡയറക്ടറേറ്റ് വ്യക്തമാക്കി.

രാജ്യത്തുടനീളമുള്ള താമസക്കാരുടെ ജീവിത നില വാരം തുടർച്ചയായി മെച്ചപ്പെടുത്തുന്നതിനുള്ള യു. എ. ഇ. യുടെ നിരന്തരമായ ശ്രമങ്ങളുടെ ഭാഗമാണ് പൊതു മാപ്പ്. രാജ്യത്തിൻറെ മാനുഷിക മൂല്യങ്ങളും സഹിഷ്ണുത, സമൂഹ അനുകമ്പ, ബഹുമാനം, നിയമ വാഴ്ച എന്നിവയോടുള്ള ദുബായുടെ പ്രതിബദ്ധത പ്രതിഫലിപ്പിക്കുന്ന പൊതു മാപ്പ് സംരംഭം നടപ്പിലാക്കാൻ ജി. ഡി. ആർ. എഫ്. എ. ദുബായ് പൂർണ്ണമായും തയ്യാറാണ് എന്ന് ഡയറക്ടർ ജനറൽ ലെഫ്റ്റനൻ്റ് ജനറൽ മുഹമ്മദ് അഹമ്മദ് അൽ മർറി പറഞ്ഞു.

പൊതു മാപ്പ് ഉപയോക്താക്കൾക്ക് സേവനങ്ങൾക്കായി ദുബായിലെ 86 ആമർ സെൻ്ററുകളെയും അൽ അവീറിലെ ജി. ഡി. ആർ. എഫ്. എ. യുടെ പൊതു മാപ്പ് കേന്ദ്രത്തെയും സമീപിക്കാം എന്ന് മേജർ ജനറൽ സലാ അൽ ഖംസി പറഞ്ഞു.

രാജ്യത്ത് തുടരാൻ ആഗ്രഹിക്കുന്നവർക്കുള്ള എല്ലാ സേവനങ്ങളും അമർ സെൻ്ററുകൾ കൈകാര്യം ചെയ്യും. ബയോമെട്രിക് ഫിംഗർപ്രിൻ്റ് (എമിറേറ്റ്സ് ഐ.ഡി.) ഉള്ളവർക്ക് ഡിപ്പാർച്ചർ പെർമിറ്റ് നൽകും. അൽ അവീർ സെൻ്റർ അംഗീകൃത വിരൽ അടയാള സൗകര്യവും രാജ്യം വിടാൻ ആഗ്രഹിക്കുന്നവർക്ക് ഔട്ട് പാസ്സ് പെർമിറ്റും നൽകും.

യു. എ. ഇ. പൊതു മാപ്പ്  സംബന്ധിച്ചുള്ള കൂടുതൽ വിവരങ്ങൾക്ക്  800 5111 എന്ന നമ്പറിൽ വിളിക്കാം.

- pma

വായിക്കുക: , , , , , , , , ,

Comments Off on യു. എ. ഇ. പൊതു മാപ്പ് : വകുപ്പുകൾ ഒരുങ്ങി

ഇസ്ലാമിക് സെൻ്ററിൽ ‘മുറ്റത്തെ മുല്ല’ ഞായറാഴ്ച അരങ്ങേറും

August 30th, 2024

logo-indian-islamic-center-abudhabi-ePathram

അബുദാബി : ഇന്ത്യൻ ഇസ്ലാമിക് സെൻ്റർ കൾച്ചറൽ വിഭാഗം സംഘടിപ്പിക്കുന്ന സംഗീത നിശ ‘മുറ്റത്തെ മുല്ല’ (സീസൺ-2) സെപ്റ്റംബർ 1 ഞായറാഴ്ച രാത്രി 7:30 ന് സെൻ്റർ അങ്കണത്തിൽ അരങ്ങേറും.

അബുദാബിയിലെ പ്രതിഭാ ധനരായ ഇരുപതിൽപരം പ്രവാസി പ്രതിഭകളെ ഉൾപ്പെടുത്തി കൊണ്ടാണ് സംഗീത സായാഹ്നം സംഘടിപ്പിക്കുന്നത്.

കൂടാതെ അബുദാബി മാട്ടൂൽ കെ. എം. സി. സി. ടീം അവതരിപ്പിക്കുന്ന കോൽക്കളിയും പരിപാടിക്ക് മാറ്റു കൂട്ടും. പ്രവേശനം സൗജന്യം.

പ്രവാസികളായി കഴിയുന്ന കലാകാരന്മാർക്ക് അവരുടെ സർഗ്ഗ ശേഷി അവതരിപ്പിക്കാനുള്ള ഒരു വേദി എന്ന നിലയിലാണ് എല്ലാ വർഷവും കൾച്ചറൽ വിഭാഗം ഇത്തരം പരിപാടി സംഘടിപ്പിക്കുന്നത് എന്നും ഭാരവാഹികൾ അറിയിച്ചു.

- pma

വായിക്കുക: , , , , , , ,

Comments Off on ഇസ്ലാമിക് സെൻ്ററിൽ ‘മുറ്റത്തെ മുല്ല’ ഞായറാഴ്ച അരങ്ങേറും

സഹപാഠി സൗഹൃദ കൂട്ടായ്മ പുസ്തകങ്ങൾ നൽകി

August 29th, 2024

puthiyangadi-jama-ath-school-autograph-94-books-to-iic-ePathram

അബുദാബി : ഗ്രന്ഥശാലാ ദിനത്തിൻ്റെ ഭാഗമായി അബുദാബി ഇന്ത്യൻ ഇസ്ലാമിക് സെൻ്ററിലെ സാഹിത്യ വിഭാഗം സംഘടിപ്പിക്കുന്ന പുസ്തക ശേഖരണ ക്യാമ്പയിനിലേക്ക് പുതിയങ്ങാടി ജമാഅത്ത് ഹൈസ്‌കൂൾ 1994 ബാച്ച് കൂട്ടായ്മ ‘ഓട്ടോ ഗ്രാഫ്-94’ പുസ്തകങ്ങൾ സംഭാവന ചെയ്തു.

സെൻ്റർ ജനറൽ സെക്രട്ടറി ഹിദായത്തുള്ള, അഷ്‌റഫ് ഹസൈനാർ, അഡ്വ. റഫീക്ക്, ജാഫർ, അഷ്‌കർ, അഹ്മദ് കുട്ടി തുടങ്ങിയവർ പുസ്തകങ്ങൾ സ്വീകരിച്ചു.

ഓട്ടോഗ്രാഫ്-94 ന് വേണ്ടി റാഷിദ് ഹമീദ്, ഫാരിസ് അബ്ബാസ്, ഫത്താഹ് എന്നിവർ ചടങ്ങിൽ സംബന്ധിച്ചു. അബുദാബി ഫാമിലി മെമ്മറീസ് നടത്തിയ ക്വിസ് മത്സര വിജയികൾക്ക് സമ്മാന ദാനവും നടത്തി.

ഗ്രന്ഥശാലാ ദിനാചരണം മുൻ നിർത്തി ഇസ്ലാമിക് സെൻ്റർ നടത്തുന്ന പുസ്തക ശേഖരണത്തിന് പ്രവാസി മലയാളികളുടെ ഭാഗത്ത് നിന്ന് വൻ പങ്കാളിത്തമാണ് ലഭിച്ചു കൊണ്ടിരിക്കുന്നത് എന്ന് ഭാരവാഹികൾ അറിയിച്ചു.

- pma

വായിക്കുക: , , , , ,

Comments Off on സഹപാഠി സൗഹൃദ കൂട്ടായ്മ പുസ്തകങ്ങൾ നൽകി

ഖുർആൻ വാർഷിക പ്രഭാഷണം ആഗസ്റ്റ് 30 വെള്ളിയാഴ്ച

August 26th, 2024

dubai-international-holy-quran-award-ePathram
അബുദാബി : ഇന്ത്യൻ ഇസ്ലാമിക്‌ സെൻ്റർ റിലീജിയസ് വിഭാഗം എല്ലാ ആഴ്ചകളിലും സംഘടിപ്പിച്ച്‌ വരുന്ന ഖുർ ആൻ ക്ലാസ്സുകളുടെ വാർഷികവും റിലീജിയസ് കമ്മിറ്റിയുടെ പ്രവർത്തനോത്ഘാടനവും ആഗസ്റ്റ് 30 വെള്ളിയാഴ്ച വൈകുന്നേരം 7: 30 ന് സെൻ്റർ ആഡിറ്റോറിയത്തിൽ വെച്ച് നടക്കും.

‘ഖുർ ആൻ : കാലങ്ങളെ അതിജീവിച്ച മഹാവിസ്മയം’ എന്ന വിഷയത്തിൽ പ്രമുഖ ഖുർആൻ പണ്ഡിതൻ സിംസാറുൽ ഹഖ് ഹുദവി പ്രഭാഷണം നടത്തും.

പരിപാടിയിൽ പങ്കെടുക്കുന്നവരിൽ നിന്നും തെരഞ്ഞെടുക്കപ്പെടുന്ന മൂന്ന് വിജയികൾക്ക് പരിശുദ്ധ ഉംറ ചെയ്യുവാൻ അവസരം ഉൾപ്പെടെ വിവിധ സമ്മാനങ്ങൾ നൽകും. സ്ത്രീകൾക്ക് പ്രത്യേക സൗകര്യങ്ങളും മുസഫ, ബനിയാസ് എന്നീ മേഖലയിൽ നിന്നും വാഹന സൗകര്യവും ഒരുക്കും എന്നും സംഘാടകർ അറിയിച്ചു.

കൂടുതൽ വിവരങ്ങൾക്ക് : 055 824 3574

- pma

വായിക്കുക: , , , ,

Comments Off on ഖുർആൻ വാർഷിക പ്രഭാഷണം ആഗസ്റ്റ് 30 വെള്ളിയാഴ്ച

പ്ര​വാ​സി മ​ല​യാ​ളി വ​നി​ത​ക​ള്‍ക്ക് ലേ​ഖ​ന മ​ത്സ​രം

August 21st, 2024

ink-pen-literary-ePathram

ദുബായ് : യു. എ. ഇയിലെ പ്രവാസികളായ മലയാളി വനിതകള്‍ക്കായി കാഫ് (കൾച്ചറൽ ആർട്ട് & ലിറ്റററി ഫോറം) ലേഖന മത്സരം സംഘടിപ്പിക്കുന്നു. ‘എന്‍റെ പ്രവാസം, എന്‍റെ ജീവിതം’ എന്നതാണ് വിഷയം.

അഞ്ചു പുറത്തില്‍ കവിയാത്ത ലേഖനങ്ങള്‍ 2024 സെപ്റ്റംബര്‍ 10 ന് മുമ്പായി calfnilapadu @ gmail. com എന്ന ഇ-മെയില്‍ വിലാസത്തില്‍ അയച്ചു കൊടുക്കാം. തെരഞ്ഞെടുക്കപ്പെടുന്ന ലേഖനങ്ങളില്‍ മൂന്ന് പേര്‍ക്ക് ഉപഹാരങ്ങൾ നൽകും.

‘എന്‍റെ പ്രവാസം, എന്‍റെ ജീവിതം’ എന്ന പേരിൽ സെപ്റ്റംബര്‍ 29 ന് ദുബായ് കെ. എം. സി. സി. യില്‍ ഒരുക്കുന്ന പരിപാടിയില്‍ ഉപഹാരങ്ങള്‍ സമ്മാനിക്കും.

വിവരങ്ങള്‍ക്ക്: 050 776 2201.

- pma

വായിക്കുക: , , , , , , , , ,

Comments Off on പ്ര​വാ​സി മ​ല​യാ​ളി വ​നി​ത​ക​ള്‍ക്ക് ലേ​ഖ​ന മ​ത്സ​രം

Page 19 of 320« First...10...1718192021...304050...Last »

« Previous Page« Previous « മെഹ്ഫിൽ മ്യൂസിക് ആൽബം ഫെസ്റ്റ് : എൻട്രികൾ ക്ഷണിച്ചു
Next »Next Page » അഭിനയിക്കാന്‍ സുരേഷ് ഗോപിക്ക് കേന്ദ്ര സര്‍ക്കാര്‍ അനുമതി നൽകില്ല »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha