മലയാള സിനിമാ താരങ്ങളുടെ സംഘടനയായ അമ്മയ്ക്കെതിരെ വിമര്‍ശനവുമായി നടനും നിര്‍മ്മാതാവുമായ പ്രകാശ് ബാരെ. അദ്ദേഹത്തിന്റെ ഫേസ്ബുക്ക് പോസ്റ്റിലൂടെയാണ് പ്രകാശ് ബാരെ അമ്മയ്ക്കെതിരെ തുറന്നടിച്ചത്. അമ്മയില്‍ അംഗമല്ലാത്തതിനാല്‍ താന്‍ അഭിമാനിക്കുന്നുവെന്നു അദ്ദേഹം പറഞ്ഞു.
അമ്മ എന്ന പേര് ഈ സംഘടനയ്ക്ക് ചേരില്ലെന്നും മലയാളം സിനി പീപ്പിള്‍ എന്നാണ് കൂടുതല്‍ അനുയോജ്യമെന്നും പ്രകാശ് ബാരെ ഫേസ്ബുക്ക് പോസ്റ്റില്‍ കുറിച്ചു. കഴിഞ്ഞ ദിവസം നടന്ന അമ്മയുടെ ജനറല്‍ ബോഡി യോഗത്തില്‍ നടി ആക്രമിക്കപ്പെട്ട സംഭവത്തില്‍ മൗനം പാലിച്ചും ആരോപണ വിധേയനായ നടനെ അനുകൂലിച്ചുമുള്ള അമ്മയുടെ നിലപാട് ഏറെ വിവാദങ്ങള്‍ സൃഷ്ടിച്ചിരുന്നു.
