അബുദാബി : ‘ഡിലൈറ്റഡ് ഈദ് ഹൈദരലി ശിഹാബ് തങ്ങൾ റിലീഫ്’ എന്ന പേരിൽ പത്തനം തിട്ട ജില്ലാ കെ. എം. സി. സി. യുടെ ആഭിമുഖ്യത്തിൽ നടന്നു വരുന്ന റമദാൻ റിലീഫ് പ്രവർത്തനങ്ങൾക്കു തുടക്കമായി. ജില്ലയിലെ അഞ്ചു നിയോജക മണ്ഡലങ്ങളിലെയും അർഹരായ കുടുംബങ്ങൾക്കുള്ള റമദാൻ കിറ്റ് വിതരണം നിയോജക മണ്ഡലം മുസ്ലിം ലീഗ് കമ്മിറ്റി കളുടെ നേതൃത്വത്തിൽ വരും ദിവസങ്ങളിൽ ജില്ലയിൽ നടക്കും.
റിലീഫ് പ്രവർത്തനങ്ങളുടെ ചർച്ചകൾക്കായി വിളിച്ചു ചേർത്ത യോഗത്തിൽ ജില്ലാ പ്രസിഡണ്ട് ഫൈസൽ പി. ജെ. അദ്ധ്യക്ഷത വഹിച്ചു. സംസ്ഥാന കെ. എം. സി. സി. സെക്രട്ടറി ഷാനവാസ് പുളിക്കൽ ഉൽഘാടനം ചെയ്തു. കെ. എം. സി. സി. യുടെ വിവിധ ജില്ലാ ഭാരവാഹി കളായ സുധീർ ഹംസ, അബ്ദുൽ സമദ്, മുഹമ്മദ് അൻസാരി ഇടുക്കി, ഡോക്ടർ ജേക്കബ് ഈപ്പൻ, ഹാരിസ് കരമന എന്നിവർ സന്നിഹിതരായിരുന്നു.
പത്തനം തിട്ട ജില്ലാ ഭാരവാഹികളായ അനീഷ് ഹനീഫ, നദീർ കാസിം, അൻസാദ് അസീസ്, അനൂബ് കവലക്കൽ, ഷാരൂഖ് ഷാജഹാൻ, ആസിഫ് അബ്ദുല്ല, റിയാസ് ഹനീഫ, സബ് ജാൻ ഹുസൈൻ, തൗഫീഖ് സുലൈമാൻ തുടങ്ങിയവർ പരിപാടിക്ക് നേതൃത്വം നൽകി. സെക്രട്ടറി അൽത്താഫ് മുഹമ്മദ് സ്വാഗതവും ട്രഷറർ റിയാസ് ഇസ്മായിൽ നന്ദിയും പറഞ്ഞു.
