വിസാ കാലാവധി കഴിഞ്ഞാലും മൂന്ന് മാസത്തേക്ക് പിഴ ഇല്ല

April 4th, 2020

uae-visa-and-id-card-logo-federal-authority-for-identity-and-citizen-ship-ePathram
ദുബായ് : യു. എ. ഇ. യില്‍ നിന്നും അവധിക്ക് നാട്ടില്‍ പോയ വരുടെ വിസാ കാലാവധി മൂന്നു മാസത്തേക്ക് നീട്ടി. വിസ യുടെ കാലാവധി കഴിഞ്ഞാലും മൂന്നു മാസം വരെ നാട്ടില്‍ തന്നെ തുടരാം. തിരികെ യു. എ. ഇ. യില്‍ എത്തി യാല്‍ പിഴ കൂടാതെ ത്തന്നെ വിസ പുതുക്കു വാനും സാധിക്കും.

കാലാവധി തീരുന്ന താമസ വിസ ഉൾപ്പെടെ എല്ലാ വിസ കളും മൂന്ന് മാസത്തേക്ക് പിഴ കൂടാതെ നീട്ടി ക്കൊടുക്കും എന്നുള്ള വിവരം ദുബായ് എമിഗ്രേഷൻ ഡയറക്ടർ ജനറൽ മേജർ ജനറൽ മുഹമ്മദ് അഹ്മദ് അൽ മർറി യാണ് അറിയിച്ചത്.

കൊറോണ രോഗ വ്യാപനത്തിന്റെ സാഹചര്യം മൂലം യു. എ. ഇ. യിലെ താമസ ക്കാർക്കും സന്ദർശ കർക്കും ഉണ്ടാകുന്ന ബുദ്ധി മുട്ട് മനസ്സിലാക്കി യാണ് സര്‍ക്കാര്‍ ഇത്തരം ഒരു തീരുമാനം എടുത്തത് എന്നും മേജർ ജനറൽ മുഹമ്മദ് അഹ്മദ് അൽ മർറി പറഞ്ഞു.

ഓണ്‍ലൈനില്‍ 24 മണിക്കൂർ ലഭ്യമായ സര്‍ക്കാര്‍ സേവന ങ്ങളുടെ വിശദാംശങ്ങള്‍ക്ക് ഇവിടെ ക്ലിക്ക് ചെയ്യുക.  കൂടുതൽ വിവരങ്ങൾക്ക് 24 മണിക്കൂറും പ്രവർത്തിക്കുന്ന അമർ സെന്ററു മായി 8005111 എന്ന നമ്പരിൽ ബന്ധ പ്പെടാം.

- pma

വായിക്കുക: , , , , ,

Comments Off on വിസാ കാലാവധി കഴിഞ്ഞാലും മൂന്ന് മാസത്തേക്ക് പിഴ ഇല്ല

കൊവിഡ്-19 : സുരക്ഷ ശക്തമാക്കുന്നു – രാത്രിയിൽ പുറത്ത് പോകാൻ പാടില്ല

April 1st, 2020

corona-virus-first-case-confirmed-in-uae-ePathram
ദുബായ് : അധികൃതരുടെ പ്രത്യേക അനു മതി യോടെ രാത്രി സമയത്ത് വീടിനു പുറത്ത് ഇറങ്ങാനും യാത്ര ചെയ്യാനും ഏർപ്പെടുത്തി യിരുന്ന സൗകര്യം യു. എ. ഇ. യില്‍ നിര്‍ത്തലാക്കി.

ദേശീയ തലത്തില്‍ എല്ലാ രാത്രികളി ലും നടന്നു വരുന്ന അണു നശീകരണ പ്രവർത്തനങ്ങ ളുടെ ഭാഗമായി എല്ലാവരും വീടു കളില്‍ കഴിയുക എന്നും പ്രത്യേക ആവശ്യങ്ങള്‍ക്കായി പുറത്ത് ഇറങ്ങുവാന്‍ അനുമതി ഇല്ലാത്ത വര്‍ക്ക് പിഴയും പ്രഖ്യാപിച്ചിരുന്നു.

ഇൗ മാസം അഞ്ചാം തിയ്യതി വരെയാണ് ദേശീയ അണു നശീകരണ യജ്ഞം നടക്കുന്നത്.

ഭക്ഷണം, ചികിത്സ, മരുന്ന് എന്നിവക്കും അതീവ പ്രാധാന്യം ഉള്ള ജോലി സംബന്ധ മായ കാര്യങ്ങൾക്കു മായി അധികൃതരുടെ അനുമതി യോടെ വാഹന വുമായി പുറത്ത് ഇറങ്ങുവാന്‍ നേരത്തെ അനുമതി നൽകിയിരുന്നു.

എന്നാല്‍ ഏപ്രിൽ ഒന്നു മുതൽ പുതിയ നിയമം വന്ന തോടെ രാത്രി എട്ടു മണി മുതൽ രാവിലെ ആറു മണി വരെ ആർക്കും പുറത്ത് ഇറങ്ങാൻ കഴിയില്ല.

- pma

വായിക്കുക: , , ,

Comments Off on കൊവിഡ്-19 : സുരക്ഷ ശക്തമാക്കുന്നു – രാത്രിയിൽ പുറത്ത് പോകാൻ പാടില്ല

അണു നശീകരണ യജ്ഞം ഏപ്രിൽ അഞ്ചു വരെ

March 29th, 2020

uae-sterilisation-drive-extended-until-april-5-ePathram

അബുദാബി : ദേശീയ തലത്തില്‍ നടന്നു വരുന്ന കൊവി‍ഡ്–19 അണു നശീകരണ യജ്ഞം ഏപ്രിൽ അഞ്ചു വരെ ദീര്‍ഘിപ്പിച്ചു. എല്ലാ ദിവസവും രാത്രി 8 മണി മുതൽ അടുത്ത ദിവസം രാവിലെ 6 മണി വരെ ആയിരിക്കും അണു നശീകരണ പരിപാടി നടക്കുക.

വിവിധ എമിറേറ്റു കളില്‍ കഴിഞ്ഞ വ്യാഴാഴ്ച രാത്രി എട്ടു മണിക്ക് തുടങ്ങിയ അണു നശീകരണ പ്രക്രിയ ഞായറാഴ്ച രാവിലെ ആറു മണി വരെ എന്നായിരുന്നു ആദ്യ പ്രഖ്യാപനം. എന്നാല്‍ കൂടുതല്‍ സമഗ്രവും മികവുറ്റതു മായ പ്രവര്‍ത്ത നങ്ങള്‍ക്കു വേണ്ടി യാണ് സമയം ദീര്‍ഘിപ്പിച്ചത് എന്ന് യു. എ. ഇ. ആരോഗ്യ–രോഗ പ്രതിരോധ മന്ത്രാലയം അറിയിച്ചു.

അണു നശീകരണ പ്രവര്‍ത്തന സമയത്ത്  വീടിനു പുറത്ത് ഇറങ്ങുന്നവരെ നിയമ ലംഘകർ ആയി കണക്കാക്കി വൻ പിഴ ചുമത്തും.

വീടുകളിൽ ക്വേറന്റൈന്‍ കഴിയേണ്ടവർ നിയമം ലംഘി ച്ചതു കൊണ്ടാണ് കൊവിഡ്–19 രോഗി ക ളുടെ എണ്ണം വര്‍ദ്ധിച്ചു വരുന്നത് എന്ന് ആരോഗ്യ മന്ത്രാലയം വക്താവ് ഡോ. ഫരീദാ അൽ ഹുസ്നി പറഞ്ഞു.

- pma

വായിക്കുക: , , ,

Comments Off on അണു നശീകരണ യജ്ഞം ഏപ്രിൽ അഞ്ചു വരെ

കൊറോണ : മുന്‍ കരുതല്‍ നടപടി കള്‍ ലംഘിച്ചാല്‍ വന്‍ തുക പിഴ

March 28th, 2020

abudhabi-police-new-logo-2017-ePathram
അബുദാബി : കൊറോണ വൈറസ് വ്യാപനം തടയുന്ന തിന്റെ ഭാഗമായി ക്വേറന്റൈന്‍ അടക്കമുള്ള നിര്‍ദ്ദേശ ങ്ങള്‍ ലംഘിച്ചാല്‍ യു. എ. ഇ. യില്‍ 50,000 ദിര്‍ഹം വരെ പിഴ ഈടാക്കും. പൊതു സ്ഥലങ്ങളില്‍ മെഡിക്കല്‍ മാസ്‌കുകള്‍ ധരിക്കാതെ ആളു കള്‍ തമ്മില്‍ സുരക്ഷിതമായ അകലം പാലി ക്കാത്ത വരിൽ നിന്നും കാറു കളില്‍ മൂന്നില്‍ കൂടു തല്‍ ആളു കള്‍ കയറിയാലും 1000 ദിര്‍ഹം പിഴ ഈടാക്കും.

അബുദാബി പോലീസിന്റെ വെബ് സൈറ്റ് വഴി അപേക്ഷ നല്‍കി അനുമതി കിട്ടിയവര്‍ മാത്രമേ വാഹനം കൊണ്ട് പുറത്ത് ഇറങ്ങാന്‍ പാടുള്ളൂ.

അനാവശ്യ കാരണങ്ങളില്‍ പുറത്ത് ഇറങ്ങുന്ന വരില്‍ നിന്നും 2,000 ദിര്‍ഹം പിഴ ഈടാക്കും. മരുന്ന്, ഭക്ഷണം തുടങ്ങിയ അവശ്യ സാധന ങ്ങള്‍ വാങ്ങുന്ന വരേയും ജോലി ആവശ്യാര്‍ത്ഥം പുറത്തിറങ്ങുന്ന വര്‍ക്കും ഇളവ് നല്‍കും.

കൊവിഡ്-19 ന്റെ വ്യാപനം തടയുന്നതിനും രാജ്യത്തെ ജനങ്ങളുടെ സുരക്ഷയും ക്ഷേമവും ഉറപ്പു വരുത്തു ന്നതിന്നു വേണ്ടി യു. എ. ഇ. സ്വീകരിച്ച പ്രതിരോധ – മുന്‍ കരുതലിന്റെ ഭാഗമായിട്ടാണ് ഈ നടപടി.

- pma

വായിക്കുക: , , , , ,

Comments Off on കൊറോണ : മുന്‍ കരുതല്‍ നടപടി കള്‍ ലംഘിച്ചാല്‍ വന്‍ തുക പിഴ

ഷോപ്പിംഗ് മാളു കള്‍ രണ്ടാഴ്ചത്തേക്ക് അടക്കുന്നു

March 23rd, 2020

corona-virus-first-case-confirmed-in-uae-ePathram
അബുദാബി : കൊവിഡ്-19 വ്യാപനം തടയുന്ന തിന്റെ ഭാഗ മായി രാജ്യ ത്തെ എല്ലാ ഷോപ്പിംഗ് മാളു കളും വാണിജ്യ കേന്ദ്ര ങ്ങളും മത്സ്യ മാംസ പച്ചക്കറി മാര്‍ ക്കറ്റു കളും രണ്ടാഴ്ച ത്തേക്ക് അടച്ചിടുവാന്‍ യു. എ. ഇ. സര്‍ക്കാര്‍ തീരുമാനിച്ചു. 48 മണിക്കൂറിനു ശേഷം ഈ തീരു മാനം പ്രാബ ല്യത്തില്‍ ആകു മന്ന് ആരോഗ്യ പ്രതിരോധ മന്ത്രാലയവും ദേശീയ ദുരന്ത നിവാരണ അഥോറി റ്റിയും അറിയിച്ചതായി ദേശീയ വാര്‍ത്താ ഏജന്‍സി വാം അറിയിച്ചു.

എന്നാല്‍ ഫാര്‍മസികള്‍, റസ്റ്റോറന്റു കള്‍, ഫുഡ് ഔട്ട് ലെറ്റുകള്‍, കോപ്പ റേറ്റീവ് സൊസൈറ്റി, ഗ്രോസറി, സൂപ്പര്‍ മാര്‍ക്കറ്റ് എന്നിവക്ക് തുറന്നു പ്രവര്‍ത്തിക്കാം. റസ്റ്റോറന്റു കളിലും ഫുഡ് ഔട്ട് ലെറ്റുകളിലും ഉപ ഭോക്താക്കള്‍ക്ക് പ്രവേശനമില്ല. പകരം ഹോം ഡെലി വറി കള്‍ മാത്രമായി പരിമിത പ്പെടുത്തിയിട്ടുണ്ട് എന്നും വാം റിപ്പോര്‍ട്ടു ചെയ്യുന്നു.

സ്വദേശികളും വിദേശികളും അടക്കമുള്ള രാജ്യത്തെ ജനങ്ങള്‍ അടിയ ന്തിര സാഹചര്യ ങ്ങളില്‍ അല്ലാതെ താമസ സ്ഥല ങ്ങളില്‍ നിന്നും പുറ ത്തേക്ക് ഇറ ങ്ങരുത് എന്ന് യു. എ. ഇ. ആഭ്യ ന്തര മന്ത്രാ ലയവും ദേശീയ ദുരന്ത നിവാ രണ അഥോറി റ്റിയും മുന്നറിയിപ്പു നല്‍കി.

ഭക്ഷണം, മരുന്ന് തുടങ്ങിയ അവശ്യ സാധന ങ്ങള്‍ക്കു വേണ്ടി മാത്രമേ പുറ ത്തേക്ക് ഇറങ്ങു വാന്‍ പാടുള്ളൂ എന്നും അധികൃതര്‍ പൊതുജ നങ്ങ ളോട് അഭ്യര്‍ത്ഥിച്ചു.

ജോലിക്കും അടിയന്തിര സാഹചര്യ ങ്ങളിലും അല്ലാതെ വീട്ടില്‍ നിന്നും പുറത്തേക്ക് പോക രുത്. അത്യാഹിത ങ്ങള്‍ക്ക് ഒഴികെ ആശുപത്രി, ക്ലിനിക്ക് എന്നിവ സന്ദര്‍ശി ക്കരുത്. ഫേസ് മാസ്‌ക്കു കള്‍ ഉപയോ ഗിക്കണം.

പരമാവധി സ്വന്തം വാഹനങ്ങള്‍ ഉപ യോഗി ക്കണം. എന്നാല്‍ ഒരു വാഹന ത്തില്‍ മൂന്നില്‍ അധികം ആളുകള്‍ ഇരിക്കരുത്. ടാക്സി – ബസ്സ് അടക്കം എല്ലാ പൊതു ഗതാ ഗത ങ്ങളും ഉപ യോഗി ക്കുന്നതിനുള്ള നിര്‍ദ്ദേശങ്ങള്‍ പിന്നീട് നല്‍കും.

നിയമ ലംഘകര്‍ ജയില്‍ ശിക്ഷയും പിഴയും ഉള്‍പ്പെടെ കടുത്ത നിയമ നടപടി കള്‍ നേരിടേണ്ടി വരും എന്നും മുന്നറി യിപ്പുണ്ട്.

- pma

വായിക്കുക: , , , , ,

Comments Off on ഷോപ്പിംഗ് മാളു കള്‍ രണ്ടാഴ്ചത്തേക്ക് അടക്കുന്നു

Page 64 of 157« First...102030...6263646566...708090...Last »

« Previous Page« Previous « നിരീക്ഷണത്തില്‍ ഉളളവര്‍ പുറത്ത് ഇറങ്ങി നടന്നാല്‍ ക്രിമിനല്‍ കേസ് രജിസ്റ്റര്‍ ചെയ്യും
Next »Next Page » വൈറസ് വ്യാപനം തടയാന്‍ പൂര്‍ണ്ണ അടച്ചു പൂട്ടല്‍ പ്രഖ്യാപിച്ചു »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha