അബുദാബി : അല്ഐന് ബ്ലൂ സ്റ്റാര് സംഘടിപ്പിക്കുന്ന ഹ്രസ്വ ചിത്ര മേള മാര്ച്ച് 1 വ്യാഴാഴ്ച നടക്കും. അന്തരിച്ച ചലച്ചിത്ര സംവിധായകന് ലോഹിത ദാസിന്റെ സ്മരണാര്ത്ഥം ബ്ലൂ സ്റ്റാര് ഒരുക്കുന്ന ഹ്രസ്വ ചിത്ര മേളയില് അഞ്ചു മിനിറ്റ് ദൈര്ഘ്യമുള്ള സിനിമ കളാണ് മത്സരിക്കുക.
തെരഞ്ഞെടുത്ത ചിത്രങ്ങളുടെ പ്രദര്ശനവും അവാര്ഡ് ദാനവും മാര്ച്ച് 1 വ്യാഴാഴ്ച വൈകിട്ട് 7. 30 മുതല് അല്ഐന് ഇന്ത്യന് സോഷ്യല് സെന്റര് ഓഡിറ്റോറിയ ത്തില് നടത്തുന്നതാണ്. മലയാള സിനിമാ സംവിധായകന് ബിജു വര്ക്കി മുഖ്യാതിഥി ആയിരിക്കും. പ്രമുഖരായ ചലച്ചിത്ര പ്രവര്ത്തകര് , മാധ്യമ പ്രവര്ത്തകര് എന്നിവര് ഉള്പ്പെടുന്ന താണ് വിധി നിര്ണായക സമിതി.
ദോഹ : വിമാന ത്തില് വച്ച് ഹൃദയാഘാതം ഉണ്ടായ യാത്രക്കാരനെ സഹ യാത്രികയായ നഴ്സ് രക്ഷിച്ചു. ദോഹ യിലെ ഹമദ് ആശുപത്രി യിലെ മലയാളി നഴ്സായ ആന്സി ഫിലിപ്പാണ് അവസരോചിതമായ ഇടപെടല് നടത്തി രോഗിയെ രക്ഷിച്ചത്. ഫെബ്രുവരി 19ന് കൊച്ചിയില് നിന്നും ദോഹ യിലേക്ക് പുറപ്പെട്ട എയര്ഇന്ത്യ എക്സ്പ്രസ്സിലെ യാത്രക്കാരനാണ് ബോധ രഹിതനായി കുഴഞ്ഞു വീണത്.
