 |
 |
 |
 |
 |
 |
 |
 |
 |
 |
 |
 |
 |
 |
ദുബായ്: അദ്ധ്വാനിക്കുന്നവര്ക്കും ഭാരം ചുമക്കുന്നവര്ക്കും അത്താണിയാണെന്ന് അവകാശപ്പെടുന്ന മത സ്ഥാപനങ്ങളുടെ കമ്പോള താല്പര്യത്തിന്റെ വികൃത മുഖം പുറത്തു കൊണ്ടുവന്ന മാധ്യമ പ്രവര്ത്തകരുടെ വായ മൂടികെട്ടാനുള്ള ശ്രമം അപലപനീയവും പ്രതിഷേധാര്ഹവുമാണെന്ന് ദുബായ് ആര്ട്ട് ലവേഴ്സ് അസോസ്സിയേഷന് (ദല) അഭിപ്രായപ്പെട്ടു. പൊതു (ഭൗതിക) വിദ്യാഭ്യാസ സ്ഥാപനങ്ങള് നടത്താനുള്ള അവകാശത്തെ ക്കുറിച്ചുള്ള മുറവിളികള്ക്കു പിന്നിലെ വ്യാപാര താല്പര്യമാണ് കാരക്കോണം സംഭവം വിളിച്ചോതുന്നത്. മതത്തെ മറയാക്കി സാമ്പത്തിക നേട്ടമുണ്ടാക്കുവാനും, ഉന്നത വിദ്യാഭ്യാസം സമ്പന്നരില് മാത്രമായി പരിമിത പ്പെടുത്തുവാനുമുള്ള നികൃഷ്ട ശ്രമമാണ് നടക്കുന്നത്. അദ്ധ്യാപക നിയമനങ്ങളിലൂടെയും, വിദ്യാര്ത്ഥി പ്രവേശനത്തിലൂടെയും നേടുന്ന അളവില്ലാത്ത സമ്പത്തില് ഒരു ഭാഗം ഗുണ്ടകളെ പോറ്റാനും ഉപയോഗിക്കുന്നു എന്നാണ് പുതിയ സംഭവങ്ങള് തെളിയിക്കുന്നത്.
മാധ്യമ സ്വാതന്ത്ര്യം സംരക്ഷിക്കുവാനും വിദ്യാഭ്യാസത്തെ രംഗത്തെ സാമൂഹ്യ നീതിയുടെ സംസ്ഥാപനത്തിനും കേരളം ഒറ്റക്കെട്ടായി അണിനിരക്കുകണമെന്ന് ദല ആവശ്യപ്പെട്ടു. സ്വാശ്രയ സ്ഥാപനങ്ങള് നടത്തുന്ന മാനേജുമെന്റുകളുടെ ഓഫീസുകളും അവരുടെ ‘ആതമീയ കേന്ദ്രങ്ങളും’ പരിശോധിച്ച് അനധികൃത സമ്പത്തുകള് കണ്ടു കെട്ടാന് സര്ക്കാര് തയ്യാറാവണമെന്നും ദല ആവശ്യപ്പെട്ടു.
(വാര്ത്ത അയച്ചു തന്നത്: സജീവന്. കെ. വി.)
-
വായിക്കുക: ദല, വിദ്യാഭ്യാസം
ദുബായ്: രാജ്യത്തെ നടുക്കിയ മുംബൈ സ്ഫോടന പരമ്പരകളില് ദല ദുബായ് നടുക്കവും, നിരപരാധികളുടെ മരണത്തില് ദുഃഖവും രേഖപ്പെടുത്തി. രാജ്യത്തെ അസ്ഥിരമാക്കി തകര്ക്കുവാന് ശ്രമിക്കുന്ന ദുഷ്ട ശക്തികള്ക്കെതിരെ ജാഗ്രത പാലിക്കുവാന് ജനാധിപത്യ ശക്തികളോട് ദല ആവശ്യപ്പെട്ടു.
ഈ വാര്ത്ത അയച്ചു തന്നത്: സജീവന്. കെ. വി.
- ഫൈസല് ബാവ
വായിക്കുക: ദുബായ്, മാധ്യമങ്ങള്
ദുബായ് : വടകര താലൂക്ക് ആശുപത്രി ക്ക് നേരെ യുള്ള അധികൃതരുടെ അനാസ്ഥ യില് പ്രതിഷേധം രേഖപ്പെടുത്തിയും, ആശുപത്രി യുടെ ശോച്യാവസ്ഥ പരിഹരിക്കുക എന്ന ആവശ്യം അറിയിച്ചു കൊണ്ടും വടകര എന്. ആര്. ഐ. ഫോറം ദുബായ് കമ്മിറ്റി, ആരോഗ്യ മന്ത്രി അടൂര് പ്രകാശിനും സംസ്ഥാന സര്ക്കാരിനും ഫാക്സ് അയച്ചു.
വടകര യിലെ സാധാരണ ക്കാരുടെ ആശ്രയ മായ വടകര താലുക്ക് ആശുപത്രി യുടെ ഇന്നത്തെ അവസ്ഥ ഏറെ ശോചനീയമാണ്. ജില്ലാ ആശുപത്രി യായി പ്രഖ്യാപിക്കുകയും കുടാതെ എം. പി. ഫണ്ടില് നിന്ന് അടിസ്ഥാന സൗകര്യങ്ങള് ഒരുക്കാന് വേണ്ടേ പണം അനുവദിക്കുക ചെയ്യ്തിട്ടു പോലും അധികൃതരുടെ അനാസ്ഥ കാരണം ഒന്നും നടത്താതെ ആശുപത്രി യുടെ അവസ്ഥ അതി ദയനീയമായി മാറി ക്കൊണ്ടിരിക്കുകയാണ്. ഇതു കൊണ്ട് ഏറെ ബുദ്ധിമുട്ടുന്നത് സാധാരണക്കാരായ രോഗികളും ബന്ധുക്കളും ആണ്.
പുതിയ കെട്ടിടം പണിയാന് സംസ്ഥാന സര്ക്കാര് അഞ്ച് കോടി രൂപ അനുവദിച്ചിരുന്നു. എന്നാല് ടെന്ഡര് നടപടിപോലും പൂര്ത്തി യാക്കാതെ, ഫിബ്രവരി 13 -ന് കെട്ടിട ത്തിന്റെ ശിലാ സ്ഥാപനം നടത്തി കൊട്ടിഘോഷിച്ച തല്ലാതെ മറ്റൊരു നടപടിയും കൈകൊള്ളാന് അധികൃതര് തയ്യാറായിട്ടില്ല.
ആശുപത്രി യുടെ സുഗമ മായ പ്രവര്ത്തന ത്തിന്, അവശ്യം വേണ്ട ഡോക്ടര്മാരെയും, ജീവന ക്കാരെയും അടിയന്തിര മായി നിയമിക്കാനും വേണ്ട നടപടികള് ഉടന് കൈക്കൊള്ളണമെന്നും ഫാക്സ് സന്ദേശ ത്തില് ആവശ്യപ്പെട്ടു.
വടകര എന്. ആര്. ഐ. ഫോറം ദുബായ് കമ്മിറ്റി – വടകര താലൂക്ക് ആശുപത്രിക്ക് നല്കിയ ഒരു ലക്ഷത്തി അന്പതിനായിരം രൂപയുടെ മെഡിക്കല് ഉപകരണങ്ങള് സാധാരണക്കാര്ക്ക് ഉപയോഗ പ്രദമാകുന്നുണ്ടോ എന്നും സംഘടന പരിശോധിക്കുമെന്നും ഇതുമായി ബന്ധപ്പെട്ട് ദുബായില് ഇറക്കിയ വാര്ത്താ കുറിപ്പില് അറിയിച്ചു.
-അയച്ചു തന്നത് : രാമകൃഷ്ണന് ദുബായ്.
- pma
അബുദാബി : മലയാളി സമാജം സംഘടിപ്പിക്കുന്ന അനുരാഗ് മെമ്മോറിയല് സമ്മര് ക്യാമ്പ് -വേനല് കൂടാരം- സമാജം പ്രസിഡന്റ് മനോജ് പുഷ്കര് ഉദ്ഘാടനം ചെയ്തു. സതീഷ് കുമാര്, യേശുശീലന്, ഷിബു വര്ഗീസ്, ജീബാ എം. സാഹിബാ, അമര് സിംഗ് എന്നിവര് സംസാരിച്ചു.
മുസ്സഫ മുഹമ്മദ് ബിന് സായിദ് സിറ്റി യിലേക്ക് മാറിയതിനു ശേഷം സമാജം നടത്തുന്ന ആദ്യ സമ്മര് ക്യാമ്പില് മുന്കാലങ്ങളെ അപേക്ഷിച്ച് കുട്ടികളുടെ അഭൂത പൂര്വ്വമായ തിരക്ക് അനുഭവപ്പെട്ടു. അപേക്ഷിക്കുന്ന എല്ലാ കുട്ടികള്ക്കും പ്രവേശനം നല്കാന് കഴിയാത്ത സാഹചര്യമാണ് ഇന്നുള്ളത്. അടുത്ത വര്ഷം മുതല് കൂടുതല് വിപുലമായ സൗകര്യങ്ങള് ഏര്പ്പെടുത്തി വരുന്ന എല്ലാ കുട്ടികള്ക്കും പ്രവേശനം നല്കുമെന്ന് പ്രസിഡന്റ് അറിയിച്ചു.
16 ദിവസം നീളുന്ന ക്യാമ്പില് വിവിധ വിഷയ ങ്ങള് കൈകാര്യം ചെയ്യാന് വിദഗ്ധരായ വ്യക്തികളെ യാണ് തീരുമാനിച്ചിരിക്കുന്നത്. കുട്ടികള്ക്ക് വേണ്ടി കുട്ടികള് തന്നെ നടത്തുന്ന വ്യത്യസ്തമായ ഒരു സമ്മര്ക്യാമ്പാണ് ഇതെന്ന് അധികൃതര് അറിയിച്ചു.
ജൂലായ് 29 ന് എമിറേറ്റ്സ് ഫ്യൂച്ചര് ഇന്റര്നാഷണല് സ്കൂളില് നടക്കുന്ന സമാപന സമ്മേളന ത്തില് കേരള വനം വകുപ്പ് മന്ത്രി കെ. ബി. ഗണേഷ്കുമാര് മുഖ്യാതിഥി ആയിരിക്കും എന്നും സമാജം പത്രക്കുറിപ്പില് പറയുന്നു.
- pma
വായിക്കുക: കുട്ടികള്, മലയാളി സമാജം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
