 |
 |
 |
 |
 |
 |
 |
 |
 |
 |
 |
 |
 |
 |
ഷാര്ജ : അക്ഷരം സാംസ്കാരിക വേദി യുടെ ആഭിമുഖ്യ ത്തില് ഈദ് ദിനത്തില് നൂര് അല് അറബ് ലേബര് ക്യാമ്പില് തൊഴിലാളി കള്ക്ക് പുതു വസ്ത്രങ്ങള് വിതരണം ചെയ്തു.
ചെയര്മാന് മഹേഷ് പൌലോസ് അദ്ധ്യക്ഷത വഹിച്ച ചടങ്ങില് ലക്ഷ്മിദാസ് മേനോന്, ഡോണ് ഡേവിഡ്, സന്തോഷ് വര്ഗ്ഗീസ്, ലദീന്, വിഷ്ണുദാസ് എന്നിവര് പ്രസംഗിച്ചു.
- pma
അബുദാബി : കേരള സോഷ്യൽ സെന്റര് അതിന്റെ പ്രവർത്തന മികവിന്റെ നാല് പതിറ്റാണ്ട് പിന്നിട്ടിരിക്കുന്നു. സാംസ്കാരിക രംഗത്തും സാമൂഹ്യ രംഗത്തും മലയാളി സംഘടന കളിൽ ഏറ്റവും തലയെടു പ്പോടെ നില്ക്കുന്ന കെ എസ് സി യുടെ നാല് പതിറ്റാണ്ട് പിന്നിടുന്ന വേള യിൽ ഒരു വര്ഷം നീണ്ടു നില്കുന്ന പരിപാടിക്ക് തുടക്കമിടുക യാണ് അതിന്റെ ഭാഗമായി “സാംസ്കാരിക സമന്വയ ത്തിന്റെ നാല് പതിറ്റാണ്ട്” എന്ന ശീർഷക ത്തിൽ ലോഗോ പ്രമുഖ വ്യവസായി ഗണേഷ് ബാബു, ഈദും ഇശലും എന്ന സംഗീത വിരുന്നിൽ വെച്ച് പ്രകാശനം ചെയ്തു.
കലാ സാഹിത്യ സംസ്കാരിക പരിപാടികൾ, സെമിനാറുകൾ, ഭാഷാ സെമിനാർ, വേനൽതുമ്പികൾ സമ്മര് ക്യാമ്പ്, ജിമ്മി ജോര്ജ്ജ് മെമ്മോറിയൽ വോളി ബോൾ ടൂർണമെന്റ്, ചിത്ര പ്രദർശനങ്ങൾ, കലോത്സവം, ചലച്ചിത്രോത്സവം,സംഗീത വിരുന്നുകൾ, കേരളോത്സവം,നാടകോത്സവം, ശാസ്ത്ര സെമിനാർ, ശാസ്ത്ര മേള, ഓണാഘോഷം, ഓണസദ്യ, മെഡിക്കൽ ക്യാമ്പുകൾ, ജീവ കാരുണ്യ പ്രവർത്തങ്ങൾ, പ്രവാസി കളുടെ ക്ഷേമ പ്രവർത്തങ്ങൾ തുടങ്ങി നിരവധി പരിപാടി കളോടെ ഈ പ്രവര്ത്തന വര്ഷ ത്തിലെ ആഘോഷം വിപുല മാക്കുകയാണ് ഉദ്ദേശമെന്ന് സംഘാടകർ അറിയിച്ചു.
- pma
വായിക്കുക: കേരള സോഷ്യല് സെന്റര്, സംഘടന
ദുബായ് : നാട്ടിലേക്ക് സ്ഥലം മാറിപ്പോകുന്ന മാധ്യമ പ്രവര്ത്തകരായ ശ്രീജിത്ത് ലാല്, ജോബിന് ഇഗ്നേഷ്യസ് (റിപ്പോര്ട്ടര് ടി. വി.) എന്നിവര്ക്ക് ദുബായിലെ മാധ്യമ പ്രവര്ത്തകരുടെ കൂട്ടായ്മ യായ ഇന്ത്യന് മീഡിയാ ഫോറം (ഐ. എം. എഫ്.) യാത്രയയപ്പ് നല്കി. ശ്രീജിത്ത് ലാല് ഐ. എം. എഫ്. ജോയിന്റ് ട്രഷറര് കൂടിയാണ്.
പ്രസിഡന്റ് എല്വിസ് ചുമ്മാര് അധ്യക്ഷത വഹിച്ചു. ജനറല് സെക്രട്ടറി റോണി എം. പണിക്കര്, ട്രഷറര് ഫൈസല് ബിന് അഹമ്മദ്, വൈസ് പ്രസിഡണ്ട് കെ. എം. അബ്ബാസ്, ജോയിന്റ് സെക്രട്ടറി ലിയോ രാധാകൃഷ്ണന് തുടങ്ങിയവരും വിവിധ മാധ്യമ സ്ഥാപന ങ്ങളിലെ പ്രതിനിധി കളും യോഗത്തില് സംസാരിച്ചു.
ശ്രീജിത്ത് ലാല്, ജോബിന് ഇഗ്നേഷ്യസ് എന്നിവര് മറുപടി പ്രസംഗം നടത്തി.
- pma
വായിക്കുക: ദുബായ്, മാധ്യമങ്ങള്, സംഘടന
അബുദാബി : എയര് ഇന്ത്യാ എക്സ്പ്രസ് വിമാന ങ്ങളില് ഗള്ഫ് യാത്രക്കാരുടെ ബാഗേജ് വെട്ടി ക്കുറക്കാനുള്ള നീക്കം പിന്വലിക്കണം എന്ന് ഇന്ത്യന് മീഡിയ അബുദാബി (ഇമ) എക്സിക്യൂട്ടീവ് യോഗം ആവശ്യപ്പെട്ടു.
പ്രവാസി ഇന്ത്യ ക്കാരില് വരുമാനം കുറഞ്ഞ ഭൂരി ഭാഗവും ഏറ്റവുമധികം ആശ്രയിക്കുന്നത് എയര് ഇന്ത്യാ എക്സ്പ്രസ് ബജറ്റ്എയര് വിമാന ങ്ങളെ യാണ്. ഗള്ഫ് രാജ്യ ങ്ങളില് നിന്നും ഈ മാസം 22 മുതല് എയര് ഇന്ത്യാ എക്സ്പ്രസ് വിമാന ങ്ങളില് ഇന്ത്യ യിലേക്കുള്ള ബാഗേജ് പരിധി 30 കിലോ ഗ്രാമില് നിന്ന് 20 കിലോ ഗ്രാമായി വെട്ടി ക്കുറക്കുന്നത് സാധാരണ ക്കാരായ ഗള്ഫ് മലയാളി കളെ യാണ് പ്രതികൂല മായി ബാധിക്കുന്നത്.
ലഗേജ് കുറച്ച് കൂടുതല് യാത്രക്കാരെ കൊണ്ടു പോകാന് തീരുമാന മെടുക്കുമെന്ന എയര് ഇന്ത്യയുടെ വിശദീകരണം തൃപ്തി കരമല്ല. ബഗേജ് വെട്ടിക്കുറക്കാനുള്ള എയര് ഇന്ത്യാ എക്സ്പ്രസ് നീക്കം ഉടന് പിന്വലിക്കണ മെന്ന് ഇന്ത്യന് മീഡിയ അബുദാബി എക്സിക്യൂട്ടീവ് യോഗം ആവശ്യപ്പെട്ടു. ഇതു സംബന്ധിച്ച് കേന്ദ്ര വ്യോമയാന മന്ത്രിക്കും സഹമന്ത്രിക്കും നിവേദനം സമര്പ്പിക്കും.
ഇന്ത്യന് ഇസ്ലാമിക് സെന്ററില് നടന്ന യോഗ ത്തില് ഇന്ത്യന് മീഡിയ അബുദാബി പ്രസിഡന്റ് ടി. എ. അബ്ദുല് സമദ് അധ്യക്ഷത വഹിച്ചു. ജനറല് സെക്രട്ടറി അനില് സി. ഇടിക്കുള പ്രമേയം അവതരിപ്പിച്ചു. വൈസ് പ്രസിഡന്റ് ആഗിന് കീപ്പുറം, ജോയിന്റ് സെക്രട്ടറി സിബി കടവില്, പ്രസ് സെക്രട്ടറി പി. എം. അബ്ദുല് റഹ്മാന്, എക്സിക്യൂട്ടീവ് മെമ്പര്മാരായ ജോണി ഫൈനാര്ട്സ്, മനു കല്ലറ, അബ്ദുല് റഹ്മാന് മണ്ടായപ്പുറത്ത് എന്നിവര് പ്രസംഗിച്ചു.
- pma
വായിക്കുക: അബുദാബി, പ്രതിഷേധം, പ്രവാസി, മാധ്യമങ്ങള്, വിമാനം
ദുബായ് : യു. എ. ഇ.യിലെ വ്യത്യസ്ത മേഖല കളിലുള്ള എഴുത്തു കാരെയും ആസ്വാദകരെയും ലക്ഷ്യ മാക്കി ദല സംഘടി പ്പിക്കുന്ന സാഹിത്യോത്സവ ത്തിന്റെ ലോഗോ പ്രകാശന കര്മ്മം ദല പ്രസിഡന്റ് മാത്തുക്കുട്ടി കടോന് നിര്വഹിച്ചു.
ആഗസ്ത് 23 വെള്ളിയാഴ്ച ദുബായ് ഗള്ഫ് മോഡല് സ്കൂളില് സംഘടിപ്പിക്കുന്ന പരിപാടി യില് കെ. ഇ. എന്. കുഞ്ഞഹമ്മദ്, എന്. പ്രഭാവര്മ, മധുപാല് തുടങ്ങിയവര് സംബന്ധിക്കും. കഥ, കവിത, നോവല് എന്നീ ശാഖകളില് വ്യത്യസ്ത മേഖല കളില് നടക്കുന്ന സംവാദ ങ്ങള്ക്ക് ആമുഖം കുറിക്കുന്ന വിഷയ ങ്ങള് അവതരിപ്പിച്ചു കൊണ്ട് അതിഥികള് സംസാരിക്കും.
- pma
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
