 |
 |
 |
 |
 |
 |
 |
 |
 |
 |
 |
 |
 |
 |
അബുദാബി: അബുദാബി മലയാളി സമാജത്തിന്റെ പുതിയ ഓഡിറ്റോറിയം നവംബര്‍ 30 വെള്ളിയാഴ്ച വൈകിട്ട് 5 മണിക്ക് ആഭ്യന്തര മന്ത്രി തിരുവഞ്ചൂര്‍ രാധാകൃഷ്ണന്‍ ഉദ്ഘാടനം ചെയ്യും. ചടങ്ങില്‍ തൃത്താല എം. എല്‍. എ. വി. ടി. ബല്‍റാം, എം. എ. യൂസഫലി എന്നിവര്‍ പങ്കെടുക്കും. പൂര്‍ണമായും ശീതീകരിച്ച ഓഡിറ്റോറിയ ത്തില്‍ 650 പേര്‍ക്ക് ഇരിക്കാനുള്ള സൗകര്യവുമുണ്ട്.
- pma
വായിക്കുക: മലയാളി സമാജം
അബുദാബി : പ്രമുഖ കാര്ട്ടൂണിസ്റ്റുകളായ രാജി ചെങ്ങന്നൂര്‍, രാജീവ്‌ മുളക്കുഴ, അജിത്ത് കണ്ണൂര്‍ എന്നിവരുടെ കാര്‍ട്ടൂണു കളുടെ പ്രദര്‍ശനം അബുദാബി കേരളാ സോഷ്യല്‍ സെന്ററില്‍ പ്രസക്തി സംഘടി പ്പിക്കുന്നു. ഡിസംബര്‍ 2, ഞായറാഴ്ച മൂന്നു മണി മുതല്‍ രാത്രി പത്തു മണി വരെ സൗജന്യമായാണ് പ്രദര്‍ശനം.
സിനിമ – നാടക സംവിധായകന്‍ മനോജ്‌ കാന പ്രദര്‍ശനം ഉദ്ഘാടനം ചെയ്യും. വൈകുന്നേരം ആറു മണിയ്ക്ക് പ്രമുഖ സാംസ്കാരിക പ്രവര്‍ത്തകന്‍ K. K. മൊയ്തീന്‍ കോയ ‘കാര്‍ട്ടൂണിന്റെ രാഷ്ട്രീയം’ എന്ന വിഷയ ത്തില്‍ പ്രഭാഷണം നടത്തും.
തുടര്‍ന്ന് പ്രശസ്ത ചലച്ചിത്ര ഗാനങ്ങള്‍ കോര്ത്തിണക്കി ക്കൊണ്ട് അബുദാബി സ്മൃതി ലയ ഒരുക്കുന്ന സംഗീത സായാഹ്ന്നം നടക്കും.
- pma
അബുദാബി : യു എ ഇ യുടെ നാല്പത്തി ഒന്നാം ദേശിയ ദിന ആഘോഷത്തോട് അനുബന്ധിച്ച് അബുദാബി ഇന്ത്യന്‍ ഇസ്ലാമിക് സെന്‍റര്‍ നവംബര്‍ 29 നു വിപുലമായ ആഘോഷ പരിപാടികള്‍ ഒരുക്കുന്നു.
കേന്ദ്ര – സംസ്ഥാന കെ എം സി സി കമ്മറ്റി കളുടെ സഹകരണ ത്തോടെ അബുദാബി ഇസ്ലാമിക് സെന്ററില്‍ നടക്കുന്ന പരിപാടി യില്‍ യു എ ഇ പ്രസിഡന്റിന്റെ മതകാര്യ ഉപദേഷ്ടാവ് ഷെയ്ക്ക് അലി അല്‍ ഹാശിമി, കേരള അഭ്യന്തര വകുപ്പ് മന്ത്രി തിരുവഞ്ചൂര്‍ രാധാകൃഷ്ണന്‍, പത്മശ്രീ എം എ യുസുഫ് അലി, എം പി അബ്ദു സമദ് സമദാനി, മുനവ്വറലി തങ്ങള്‍ തുടങ്ങിയ പ്രമുഖര്‍ സംബന്ധിക്കും. അല്‍ നൂര്‍ ഇന്ത്യന്‍ ഇസ്ലാമിക് സ്കൂള്‍ വിദ്യാര്‍ത്ഥികള്‍ അവതരിപ്പിക്കുന്ന കലാരൂപങ്ങള്‍ ആഘോഷ ങ്ങള്‍ക്ക് മറ്റേകും.
കൂടാതെ ഖത്തറില്‍ നിന്നും അറബി പാട്ടിലൂടെ പ്രസിദ്ധനായ 10 വയസ്സു കാരനായ മലയാളി ഗായകന്‍ നാദിര്‍ അബ്ദുസ്സലാമിന്റെ ഗാനമേള യും വിവിധ കലാപരിപാടി കളും ഉണ്ടായിരിക്കും.
- pma
വായിക്കുക: ആഘോഷം, കെ.എം.സി.സി., പ്രവാസി, യു.എ.ഇ.
അബുദാബി : മാധ്യമങ്ങളുടെ വിശ്വാസ്യത ചോദ്യം ചെയ്യപ്പെടേണ്ട കാലം അതിക്രമിച്ചിരി ക്കുന്നു എന്ന് എം. പി. വീരേന്ദ്ര കുമാര്‍ അബുദാബി യില്‍ പറഞ്ഞു. മാധ്യമ പ്രവര്‍ത്തകരുടെ കൂട്ടായ്‌മ ‘ഇമ’ ഇന്ത്യന്‍ സോഷ്യല്‍ സെന്ററില്‍ സംഘടിപ്പിച്ച മാധ്യമ സെമിനാറില്‍ സംസാരിക്കുക യായിരുന്നു അദ്ദേഹം. അതിജീവന ത്തിനായുള്ള മുസ്ലിം നാമധാരിയുടെ സമരത്തിന്‌ തീവ്രവാദം എന്നും അഫ്ഘാനിലും ഇറാഖിലും നടത്തിയ കടന്നു കയറ്റങ്ങളെ ലോക സമാധാന ത്തിനുള്ള ശ്രമങ്ങള്‍ എന്നും മാധ്യമ ലോകം റിപ്പോര്‍ട്ട് ചെയ്യുമ്പോള്‍ നഷ്ടപ്പെടുന്ന വിശ്വാസ്യത വീണ്ടെടുക്കാന്‍ ഒരു മൂന്നാം ലോക മാധ്യമ സമൂഹം ഉയര്‍ന്നു വരേണ്ട ആവശ്യകത ഉണ്ടെന്നും അദ്ദേഹം കൂട്ടി ചേര്‍ത്തു.
അന്തരിച്ച മുതിര്‍ന്ന മാധ്യമ പ്രവര്‍ത്തകനും സൈദ്ധാന്തികനുമായ പി. ഗോവിന്ദപ്പിള്ളയുടെ നിര്യാണത്തില്‍ ആദരാഞ്ജലികള്‍ അര്‍പ്പിച്ചു കൊണ്ട് തുടങ്ങിയ മാധ്യമ സെമിനാറില്‍, ഇമ പ്രസിഡന്റ് ടി പി ഗംഗാധരന്‍ സ്വാഗതം പറഞ്ഞു.
പി വി ചന്ദ്രന്‍, പി പി ശശീന്ദ്രന്‍ എന്നിവര്‍ സംസാരിച്ചു. കെ. കെ. മൊയ്തീന്‍ കോയ മോഡരേട്ടര്‍ ആയിരുന്നു. കല പ്രസിഡന്റ് അമര്‍ കുമാര്‍ നന്ദി പറഞ്ഞു. അബുദാബി യിലെ സാംസ്കാരിക രംഗത്തെ പ്രമുഖരും വിവിധ മാധ്യമ പ്രതിനിധികളും പങ്കെടുത്തു.
-തയ്യാറാക്കിയത് : ഹഫ്സല്‍ അഹമദ് – ഇമ അബുദാബി
- pma
വായിക്കുക: അബുദാബി, പ്രവാസി, മാധ്യമങ്ങള്‍
അബുദാബി : ലോക പ്രശസ്ത ഇന്ത്യന്‍ മരുന്ന് നിര്‍മ്മാണ ക്കമ്പനിയായ ‘ഹെറ്റെറോ ലാബ്സ്’ യു. എ. ഇ. യിലെത്തുന്നു. ആരോഗ്യ രക്ഷാ രംഗത്ത് ലബ്ധ പ്രതിഷ്ഠ നേടിയ ഡോ. ബി. ആര്‍. ഷെട്ടി യുടെ നേതൃത്വ ത്തിലുള്ള എന്‍. എം. സി. ഗ്രൂപ്പുമായി സഹകരിച്ച്
നടപ്പാക്കുന്ന, ‘നെക്സ്ജെന് ഫാര്‍മ’ എന്ന സംരംഭ ത്തിന്റെ ഉദ്ഘാടനം അബുദാബി യിലെ ജുമേര അല്‍ ഇത്തിഹാദ് ടവേഴ്സില്‍ നടന്ന വര്‍ണ്ണാഭമായ ചടങ്ങില്‍ നിര്വ്വഹിക്കപ്പെട്ടു.
ഹെറ്റെറോ ലാബ്സ് ഗ്രൂപ്പ്‌ ചെയര്‍മാന്‍ ഡോ. ബന്ദി പാര്‍ത്ഥ സാരഥി റെഡ്ഡിയും ഡോ. ബി. ആര്‍. ഷെട്ടിയും ചേര്‍ന്ന് പ്രാരംഭം കുറിച്ചു. ആദ്യ ഘട്ടത്തില്‍ ഗ്യാസ്ട്രോ എന്ട്രോളജി, കാര്‍ഡിയോ വാസ്‌കുലര്‍, ന്യൂറോളജി, ആന്റി വൈറല്‍സ്, ആന്റി റെട്ടോര്‍ വൈറല്‍സ്, ആന്റി ഹിസ്റ്റാമൈന്‍സ് എന്നീ ചികിത്സാ മേഖല ക്കുള്ള ഔഷധ ഘടകങ്ങളാണ് ഇവര്‍ വിപണിയില്‍ എത്തിക്കുക.
ലോകാരോഗ്യ സംഘടനയും യു. എ. ഇ. ആരോഗ്യ മന്ത്രാലയവും ഉള്‍പ്പെടെ ലോകത്തെ പ്രമുഖ ഔദ്യോഗിക സ്ഥാപനങ്ങള്‍ അംഗീകരിച്ച മരുന്നു ഉത്പന്നങ്ങളാണ് നെക്സ്ജെന് ഫാര്‍മ വിപണനം ചെയ്യുക.
ഇന്ത്യയിലെയും യു. എ. ഇ. യിലെയും രണ്ട് ഉന്നത സ്ഥാപന ങ്ങളുടെ ഈ കൈകോര്‍ക്കല്‍ വഴി, ഗുണ നിലവാര മുള്ള സവിശേഷ മരുന്നുകള്‍ പ്രാപ്യമായ വിലയില്‍ ലഭിച്ചു തുടങ്ങും.
ഇന്ത്യന്‍ മരുന്ന് നിര്‍മ്മാണ മേഖലയില്‍ നിരന്തരമായ ഗവേഷണ ങ്ങളിലൂടെ ഏറ്റവും ഫല പ്രദമായ ഉത്പന്നങ്ങള്‍ വികസിപ്പി ക്കുകയും ചികിത്സ എളുപ്പമാക്കുകയും ചെയ്ത ഹെറ്റെറോ ലാബ്സ് ഗ്രൂപ്പിന്റെ ശ്രദ്ധേയമായ നിരവധി മോളിക്ക്യൂളുകള്‍ ഇനി യു. എ. ഇ. യില്‍ ഡോ. ഷെട്ടിയുടെ നിയന്ത്രണ ത്തിലുള്ള നിയോ ഫാര്മയുടെ മരുന്ന് ഫാക്ടറി യില്‍ ഉത്പാദിപ്പിക്കാനും വിപണനം ചെയ്യാനുമാണ് പദ്ധതി എന്നും രോഗ ചികിത്സ യിലും പ്രതിരോധ ത്തിലും അതീവ ശ്രദ്ധ പുലര്‍ത്തുന്ന യു. എ. ഇ. യില്‍ തങ്ങളുടെ മികവ് പ്രയോജന പ്പെടുത്താന്‍ ലഭിച്ച ഈ അവസരം അഭിമാനകര മാണെന്നും നെക്സ്ജെന് ഫാര്‍മ യുടെ ചെയര്‍മാനും ശാസ്ത്രജ്ഞനു മായ ഡോ. ബി. പി. എസ്. റെഡ്ഡി വാര്‍ത്താ ലേഖകരോട് പറഞ്ഞു.
കഴിഞ്ഞ 37 വര്‍ഷമായി യു. എ. ഇ. യുടെ ആരോഗ്യ മേഖലയില്‍ വിട്ടു വീഴ്ചയില്ലാത്ത സേവന മികവ് നിലനിര്‍ത്തി പ്പോരുന്ന എന്‍. എം. സി. കുടുംബത്തിന്, 138 രാജ്യങ്ങളില്‍ ഇതിനകം തന്നെ പ്രചാരം സിദ്ധിച്ച ഹെറ്റെറോ ലാബ്സ് ഗ്രൂപ്പുമായി ഒരു സംയുക്ത സംരംഭം പ്രത്യേക അഭിമാനം നല്കുന്നുണ്ടെന്ന് നെക്സ്ജെന് ഫാര്മയുടെ പാര്‍ട്ട്ണറും മാനേജിംഗ് ഡയറക്ടറുമായ ഡോ. ബി. ആര്‍. ഷെട്ടി കൂട്ടിച്ചേര്‍ത്തു.
ഉന്നത ഗുണ നിലവാരമുള്ള മരുന്നുകള്‍ സാധാരണ ക്കാരനും ലഭ്യമാക്കുകയാണ് ഇതിന്റെ മുഖ്യ ലക്ഷ്യമെന്നും അദ്ദേഹം പറഞ്ഞു.
- pma
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
