അബുദാബി : മധു കൈതപ്രം സംവിധാനം ചെയ്ത മധ്യവേനല്‍ എന്ന മലയാള സിനിമ അബുദാബി യില്‍ പ്രദര്‍ശിപ്പിക്കുന്നു. പ്രസക്തി യാണ് സിനിമ പ്രദര്‍ശനം സംഘടിപ്പിക്കുന്നത്. മെയ് 23 ബുധനാഴ്ച രാത്രി 8 മണിക്ക് കേരള സോഷ്യല്‍ സെന്ററിലാണ് പ്രദര്‍ശനം.
‘ഏകാന്തം’ എന്ന ആദ്യചിത്ര ത്തിലൂടെ നവാഗത സംവിധായകനുള്ള ദേശീയ അവാര്‍ഡ് നേടിയ സംവിധായകനാണ് മധു കൈതപ്രം.
ഉത്തര മലബാറിന്റെ പ്രത്യേകിച്ച് പയ്യന്നൂരിന്റെ സാമൂഹ്യ രാഷ്ട്രീയ പശ്ചാത്തല ത്തിലാണ് ഈ ചിത്രത്തിന്‍റെ കഥ. അബുദാബി യില്‍ ജോലി ചെയ്യുന്ന ജഹാംഗീര്‍ ഷംസ് നിര്‍മ്മിച്ച മധ്യവേനലില്‍ മനോജ് കെ. ജയന്‍, ശ്വേതാ മേനോന്‍, അരുണ്‍, ബാലചന്ദ്രന്‍ ചുള്ളിക്കാട്, നിവേദിത, സബിത ജയരാജ്‌, ഇര്‍ഷാദ് തുടങ്ങിയവരാണ് പ്രധാന കഥാപാത്രങ്ങളെ അവതരിപ്പിക്കുന്നത്‌.
ഇതിനു മുമ്പ് ഇന്ത്യ സോഷ്യല്‍ സെന്ററിലും മധ്യവേനല്‍ പ്രദര്‍ശിപ്പിച്ചിരുന്നു.
