 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : സാമൂഹിക സാംസ്കാരിക ജീവകാരുണ്യ കൂട്ടായ്മ അബുദാബി മലയാളീസ്, ആരോഗ്യ സംരക്ഷണ ബോധ വൽക്കരണം മുൻ നിറുത്തി റമദാന് മുന്നോടിയായി സംഘടിപ്പിച്ച പ്രീ-റമദാൻ മെഡിക്കൽ ക്യാമ്പ് മുസഫ്ഫ LLH ഹോസ്പിറ്റലിൽ നടന്നു. ഫെബ്രുവരി 23 ന് ഒരുക്കിയ ക്യാമ്പിൽ വിവിധ വിഭാഗങ്ങളിലായി അംഗങ്ങൾക്കും കുടുംബാംഗ ങ്ങൾക്കും പരിശോധനകളും നടന്നു.
അബുദാബി മലയാളീസ് ടീം കമ്മിറ്റി നേതൃത്വം നൽകി. ക്യാമ്പിൽ വോളണ്ടിയറിംഗ് ചെയ്തവർക്കുള്ള സർട്ടിഫിക്കറ്റ് വിതരണം ചെയ്തു. നൂറോളം പേർ പരിപാടിയുടെ ഭാഗമായി.
- pma
വായിക്കുക: expat, nri, ആരോഗ്യം, ജീവകാരുണ്യം, പൂര്‍വ വിദ്യാര്‍ത്ഥി, പ്രവാസി, സംഘടന, സാമൂഹ്യ സേവനം, സാംസ്കാരികം, സ്ത്രീ
അബുദാബി : യു. എ. ഇ. തിരൂരങ്ങാടി മണ്ഡലം കെ. എം. സി. സി. കോഡിനേഷൻ കമ്മിറ്റി ഫെബ്രുവരി 21 വെള്ളിയാഴ്ച രാത്രി 8 മണിക്ക് അബുദാബി ഇന്ത്യൻ ഇസ്ലാമിക് സെൻ്ററിൽ സംഘടിപ്പിക്കുന്ന ‘മാനവീയം’ ക്യാമ്പയിനിൽ പ്രമുഖ സാമൂഹ്യ പരിശീലകനും സോഷ്യല്‍ മീഡിയ ഇന്‍ഫ്‌ളുവന്‍സറുമായ ഫിലിപ്പ് മമ്പാട് മുഖ്യ പ്രഭാഷണം നടത്തും.
വ്യത്യസ്ത ജീവിതാവസ്ഥ കൊണ്ട് ദുരിതം പേറുന്ന മക്കള്‍ക്ക് വേണ്ടി സര്‍വ്വ സന്തോഷവും മാറ്റി വെച്ചു ജീവിക്കുന്ന നിരവധി അമ്മമാരുടെ ഉന്നമനമാണ് ‘അമ്മേ ചിരിക്കുക’ എന്ന പേരില്‍ ഒരുക്കുന്ന മാനവീയം ക്യാമ്പയിൻ കൊണ്ട് ലക്ഷ്യമിടുന്നത് എന്നും ഭാരവാഹികൾ അറിയിച്ചു.
- pma
വായിക്കുക: social-media, കെ.എം.സി.സി., ജീവകാരുണ്യം, സംഘടന, സാമൂഹ്യ സേവനം, സ്ത്രീ
അബുദാബി : മലയാളി സമാജം സംഘടിപ്പിക്കുന്ന ഇന്‍ഡോ അറബ് കള്‍ച്ചറല്‍ ഫെസ്റ്റിവെല്‍ ഫെബ്രുവരി 21, 22, 23 (വെള്ളി, ശനി, ഞായർ) എന്നീ മൂന്നു ദിവസ ങ്ങളിൽ മുസഫ ക്യാപിറ്റല്‍ മാളിനു സമീപം പ്രത്യേകം സജ്ജമാക്കിയ ബൊലെവാർഡ് അവന്യൂ വിൽ നടക്കും എന്ന് സംഘാടകർ വാർത്താ സമ്മേളനത്തിൽ അറിയിച്ചു.
ഫെബ്രുവരി 21 വെള്ളിയാഴ്ച രാത്രി എട്ടര മണിക്ക് നടക്കുന്ന ഉദ്ഘാടന പരിപാടി യില്‍ സർക്കാർ പ്രതി നിധികള്‍, ഇന്ത്യന്‍ നയതന്ത്ര കാര്യാലയത്തിലെ ഉന്നത ഉദ്യോഗസ്ഥര്‍, സാമൂഹ്യ സാംസ്കാരിക സംഘടനാ പ്രവർത്തകരും സംബന്ധിക്കും. വ്യവസായിയും ജീവ കാരുണ്യ പ്രവർത്തകനുമായ ഫ്രാൻസിസ് ആൻ്റണിക്ക് ഇൻഡോ-അറബ് കലാ സൗഹൃദ പുരസ്കാരം നൽകി ആദരിക്കും.
പ്രവാസി മലയാളി സമൂഹത്തിലെ ഏറ്റവും വലിയ വിനോദ മേളയായ അബുദാബി മലയാളി സമാജം ഇന്‍ഡോ അറബ് കള്‍ച്ചറല്‍ ഫെസ്റ്റവെലിൽ ഇന്ത്യ യുടെയും അറബ് നാടുകളുകളുടെയും സാംസ്കാരിക പൈതൃകവും കലാ രൂപങ്ങളും രുചി ഭേദങ്ങളും സമന്വയിപ്പിച്ച് വിവിധ പരിപാടികള്‍ അരങ്ങേറും. കൂടാതെ തട്ടു കടകളും നാടന്‍ ഭക്ഷണ സ്റ്റാളുകളും ആര്‍ട്ട് ഗാലറിയും വിവിധ വ്യാപാര സ്ഥാപനങ്ങളുടെ സ്റ്റാളുകളും ഇന്‍ഡോ അറബ് കള്‍ച്ചറല്‍ ഫെസ്റ്റി വെലിനെ കൂടുതൽ ആകർഷകമാക്കും.
പരിപാടിയിലേക്കുള്ള പ്രവേശന കൂപ്പൺ നറുക്കെടുത്ത് മെഗാ വിജയിക്ക് 20 പവൻ സ്വർണ്ണം സമ്മാനിക്കും. വില പിടിപ്പുള്ള മറ്റു 56 സമ്മാനങ്ങളും നൽകും.
സിനിമാ താരം മാളവിക മേനോന്‍, പിണണി ഗായക രായ സയനോര ഫിലിപ്പ്, പ്രസീത ചാലക്കുടി, ശിഖ പ്രഭാകരന്‍, ടെലിവിഷൻ താരങ്ങളായ മിയക്കുട്ടി, ലക്ഷ്മി ജയന്‍, മസ്‌ന, ലിപിന്‍ സ്‌കറിയ, മനോജ്, ഫൈസല്‍ റാസി തുടങ്ങിയവർ ഭാഗമാവുന്ന കലാ സംഗീത നൃത്ത പരിപാടികൾ ആഘോഷ രാവു കൾക്കു നിറം പകരും.
സമാജം പ്രസിഡണ്ട് സലിം ചിറക്കൽ, ജനറൽ സെക്രട്ടറി ടി. വി. സുരേഷ് കുമാർ, പ്രായോജക പ്രതിനിധികളായ അസീം ഉമ്മർ (ലുലു എക്സ് ചേഞ്ച്), സയിദ് ഫൈസാൻ അഹമ്മദ്, നിവിൻ, ഷിഹാബ് (എൽ. എൽ. എച്ച് & ലൈഫ് കെയർ), സിബി കടവിൽ (അൽ സാബി) മറ്റു സമാജം ഭാരവാഹികളായ ടി. എം. നിസാർ, യാസിർ അറാഫത്ത്, ഷാജഹാൻ ഹൈദർ അലി, ജാസിർ, സുരേഷ് പയ്യന്നൂർ, ഗോപകുമാർ, ലാലി സാംസൺ, ശ്രീജ പ്രമോദ്, നമിത സുനിൽ എന്നിവർ വാർത്താ സമ്മേളനത്തിൽ പങ്കെടുത്തു.
- pma
വായിക്കുക: expat, nri, social-media, ആഘോഷം, കുട്ടികള്‍, കേരള രാഷ്ട്രീയ നേതാക്കള്‍, ടെലിവിഷന്‍, നൃത്തം, പൂര്‍വ വിദ്യാര്‍ത്ഥി, പ്രവാസി, ബഹുമതി, മലയാളി സമാജം, സാംസ്കാരികം, സിനിമ, സ്ത്രീ
അബുദാബി : മൂന്നു ദിവസങ്ങളിലായി കെ. എസ്. സി. സംഘടിപ്പിച്ച കേരളോത്സവം-2024 ലെ മുഖ്യ ആകർഷക മെഗാ സമ്മാനം നിസ്സാൻ സണ്ണി കാറിനു കൊച്ചു കൂട്ടുകാരി ജാൻവി അനന്തു അർഹയായി.
കേരളോത്സവം മൂന്നാം ദിവസം തിങ്ങി നിറഞ്ഞ ആയിരങ്ങളെ സാക്ഷിയാക്കി കെ. എസ്. സി. പ്രസിഡണ്ട് എ. കെ. ബീരാൻകുട്ടി, ജനറൽ സെക്രട്ടറി നൗഷാദ് യൂസഫ്, ട്രഷറർ വിനോദ് പട്ടം, ജോയിന്റ് സെക്രട്ടറി പ്രകാശ് പല്ലിക്കാട്ടിൽ, മറ്റു കമ്മിറ്റി അംഗങ്ങളുടെ മേൽ നോട്ടത്തിൽ അൽ മസൂദ് ഓട്ടോ മൊബൈൽസ് മാർക്കറ്റിങ് മാനേജർ മൊത്താസ് എൽ ഖോലി നറുക്കെടുത്ത കൂപ്പൺ നമ്പർ 37343 ഒന്നാമത്തെ വിജയിയെ കണ്ടെത്തി പ്രഖ്യാപിച്ചു.
രണ്ടാം സമ്മാനം HP ലാപ്ടോപ്പ് (കൂപ്പൺ 16839),
മൂന്നാം സമ്മാനം ഫ്രിഡ്‌ജ്‌ (കൂപ്പൺ 48038),
നാലാം സമ്മാനം ഫ്രിഡ്‌ജ്‌ (കൂപ്പൺ 53410),
അഞ്ചാം സമ്മാനം ടി. വി (കൂപ്പൺ 66985)
അങ്ങിനെ 101 സമ്മാനാർഹരെയും നറക്കെടുപ്പിലൂടെ കണ്ടെത്തി.
ഒന്നാം സമ്മാനം അൽ മസൂദ് ഓട്ടോ മൊബൈൽസ് നൽകുന്ന നിസ്സാൻ സണ്ണി ജാൻവി അനന്തുവിനു സമ്മാനിച്ചു.
- pma
വായിക്കുക: ആഘോഷം, കുട്ടികള്‍, കേരള സോഷ്യല്‍ സെന്റര്‍, പൂര്‍വ വിദ്യാര്‍ത്ഥി, സംഘടന, സ്ത്രീ
അബുദാബി : ചാവക്കാട്ടുകാരുടെ സൗഹൃദക്കൂട്ടായ്മ ‘നമ്മൾ ചാവക്കാട്ടുകാർ – ഒരാഗോള സൗഹൃദക്കൂട്ട്’ യു. എ. ഇ. ചാപ്റ്റർ സംഘടിപ്പിച്ച കുടുംബ സംഗമം ’നമ്മൾസ് സ്നേഹോത്സവം’ എന്ന പേരിൽ ഷാർജ മദാമ്മിലുള്ള ഫാം ഹൗസ്സിൽ നടന്നു. കൂട്ടായ്മയുടെ രക്ഷാധികാരികൾ ആയിരുന്ന ഇ. പി. മൂസ ഹാജി, അഷ്‌റഫ്‌ കാനാമ്പുള്ളി, കെ. എച്ച്. താഹിർ എന്നിവ ർ മുഖ്യഅതിഥികളായി സംബന്ധിച്ചു.
ആക്ടിംഗ് പ്രസിഡണ്ട് ഇ. പി. അബ്ദു റഹ്മാൻ കൂട്ടായ്മ യുടെ പ്രവർത്തനങ്ങളെ കുറിച്ച് വിശദീകരിച്ചു. ജനറൽ സെക്രട്ടറി അലാവുദ്ധീൻ സ്വാഗതം പറഞ്ഞു.
ഗ്ലോബൽ കൺവീനർ അബൂബക്കർ ഗ്ലോബൽ തല പ്രവർത്തനങ്ങൾ വിശദീകരിച്ചു. പ്രോഗ്രാം കൺവീനർ ഷാജഹാൻ സിംഗം, ട്രഷറർ ടി. വി. ഫിറോസ്, സെക്രട്ടറിമാരായ അൻവർ ഹുസൈൻ, ശറഫുദ്ധീൻ മങ്ങാട്ട്, തുടങ്ങിയവർ സംസാരിച്ചു.
അംഗങ്ങളും കുടുംബാംഗങ്ങളും വിവിധ ഗ്രൂപ്പുകളായി തിരിഞ്ഞു ആവേശകരമായ രീതിയിൽ കലാ കായിക മത്സരങ്ങൾ സംഘടിപ്പിച്ചു. കമ്പ വലി, സുന്ദരിക്ക് പൊട്ടുകുത്തൽ തുടങ്ങിവ ഏറെ ശ്രദ്ധേയമായി. തരംഗ് ഓർക്കസ്ട്ര അവതരിപ്പിച്ച സംഗീത നിശയും അരങ്ങേറി.
എക്സിക്യൂട്ടീവ് അംഗങ്ങളായ മുബാറക്ക് ഇമ്പാറക്ക്, സാദിഖ് അലി, മുസ്തഫ കണ്ണാട്ട്, ഷുക്കൂർ ചാവക്കാട്, കമറുദ്ധീൻ, അഷ്‌റഫ്‌ കാസിം, സക്കരിയ, അസ്ഗർ അലി, അബ്ദുൽ സലാം, അബ്ദുൽ നാസർ, ഷാഹു മോൻ, മുജീബ് റഹ്മാൻ, ഷാജി എം. അലി, ഫിറോസ് അലി, മുഹമ്മദ്‌ അക്ബർ, ഹാറൂൺ, അഭിലാഷ്, മുഹാദ്, നൗഷാദ് ടി. വി., ഉണ്ണി പുന്നാര, ആഷിഫ് റഹ്മാൻ, ആഷിക്, എന്നിവർ പരിപാടികൾക്ക് നേതൃത്വം നൽകി. FB PAGE : ePathram TAG
- pma
വായിക്കുക: chavakkad, ആഘോഷം, കുട്ടികള്‍, പൂര്‍വ വിദ്യാര്‍ത്ഥി, പ്രവാസി, സംഘടന, സ്ത്രീ
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
