കേരള സോഷ്യല്‍ സെന്റര്‍ ഗിന്നസ് റെക്കാര്‍ഡില്‍

March 21st, 2015

guinness-world-record-for-abudhabi-ksc-ePathram
അബുദാബി : വേള്‍ഡ് ഗിന്നസ് റെക്കാര്‍ഡ്സില്‍ അബുദാബി കേരള സോഷ്യല്‍ സെന്റര്‍ സ്ഥാനം പിടിച്ചു.

വി. പി. എസ്. ഹെല്‍ത്ത് കെയര്‍ ലൈഫ് ലൈന്‍ ഹോസ്പിറ്റലിന്റെ ആഭിമുഖ്യ ത്തില്‍ സെന്റര്‍ വനിതാ വിഭാഗ ത്തിന്റെ സഹകരണ ത്തോടെ അബുദാബി സായിദ് യൂണി വേഴ്സിറ്റി യില്‍ സംഘടിപ്പിച്ച ‘സെല്‍ഫ് എക്സാമിനേഷന്‍ ഫോര്‍ ബ്രസ്റ്റ് കാന്‍സര്‍’ എന്ന ബോധ വത്ക്കരണ പദ്ധതി യില്‍ ഏറ്റവും കൂടുതല്‍ വനിത കള്‍ (ഒരേ സയം 971 പേര്‍) നിശ്ചിത സമയ ത്തിനുള്ളില്‍ പങ്കെടുത്തതി നാലാണ് കേരള സോഷ്യല്‍ സെന്ററി ന്റെ നാമം ഗിന്നസ് വേള്‍ഡ് റെക്കാര്‍ഡില്‍ സ്ഥാനം പിടിച്ചത് എന്ന് സെന്റര്‍ ജനറല്‍ സെക്രട്ടറി സഫറുള്ള പാലപ്പെട്ടി അറിയിച്ചു.

കേരള സോഷ്യല്‍ സെന്ററിന്റെ അങ്കണ ത്തില്‍ നടന്ന ചടങ്ങില്‍ ലൈഫ് ലൈൻ ആശുപത്രി യിലെ നഴ്സിംഗ് ഡയറക്ടര്‍ റാണി എല്‍സ ഉമ്മനില്‍ നിന്ന് ഗിന്നസ് വേള്‍ഡ് റെക്കാര്‍ഡ്സിന്റെ അംഗീകാര പത്രം സെന്റര്‍ വനിതാ വിഭാഗം കണ്‍വീനര്‍ രമണി രാജന്റെ നേതൃത്വ ത്തില്‍ വനിതാ വിഭാഗം പ്രവര്‍ത്ത കരും സെന്റര്‍ ഭരണ സമിതി അംഗ ങ്ങളും ചേര്‍ന്ന് ഏറ്റു വാങ്ങി.

സെന്റര്‍ വനിതാ വിഭാഗം പ്രവര്‍ത്ത കര്‍ക്കും ഗിന്നസ് വേള്‍ഡ് റെക്കാര്‍ഡ്സ് വ്യക്ത്യാധിഷ്ഠിത പ്രശസ്തി പത്രം ലഭിച്ചു. കേരള സോഷ്യല്‍ സെന്റര്‍ പ്രസിഡന്റ് എം. യു. വാസു അദ്ധ്യക്ഷത വഹിച്ചു.

അബുദാബി പൊലീസിലെ ഡയറക്ടര്‍ ഒാഫ് ഒാപ്പറേഷന്‍ അഫയേഴ്സ് ലഫ്. കേണല്‍ ഹാമദ് അബ്ദുല്ല അല്‍ എഫാറിയും താമരശ്ശേരി ബിഷപ്പ് റവ. ഫാദര്‍ ഡോ. റെമിജിയോസ് ഇഞ്ചാനിനി യിലും ചടങ്ങിൽ മുഖ്യാതിഥി കൾ ആയിരുന്നു.

ഒായില്‍ ടക്ക് മാനേജിംഗ് ഡയറക്ടര്‍ ജോര്‍ജ്ജ് മാത്യു, യു. എ. ഇ. എക്സ്ചേഞ്ച് പ്രതിനിധി വിനോദ് നമ്പ്യാര്‍, എയര്‍ ഇന്ത്യ പ്രതിനിധി റാഷിദ്, അബുദാബി മലയാളി സമാജം പ്രസിഡന്റ് ഷിബു വര്‍ഗീസ് എന്നിവര്‍ സംബന്ധിച്ചു.

- pma

വായിക്കുക: , , , , ,

Comments Off on കേരള സോഷ്യല്‍ സെന്റര്‍ ഗിന്നസ് റെക്കാര്‍ഡില്‍

ചിറയിന്‍കീഴ് അന്‍സാര്‍ അനുസ്മരണവും പുരസ്കാര ദാനവും വ്യാഴാഴ്ച

March 4th, 2015

അബുദാബി : മലയാളി സമാജത്തിന്‍റെ പ്രസിഡന്‍റ് ആയിരുന്ന ചിറയിന്‍കീഴ് അന്‍സാറിന്‍റെ സ്മരണക്കായി ഫ്രണ്ട്സ് ഓഫ് എ. ഡി. എം. എസ്. ഏര്‍പ്പെടുത്തിയ അന്‍സാര്‍ മെമ്മോറിയല്‍ എന്‍ഡോവ് മെന്റിന്റെ അന്‍സാര്‍ സ്മാരക പുരസ്കാര ദാനവും അനുസ്മരണ സമ്മേളനവും മാര്‍ച്ച് 4 വ്യാഴാഴ്ച രാത്രി 8 മണിക്ക് മുസ്സഫ യിലെ അബുദാബി മലയാളി സമാജ ത്തില്‍ നടക്കും.

തിരൂര്‍ കേന്ദ്രമായി പ്രവര്‍ത്തിക്കുന്ന ശാന്തി സ്പെഷ്യല്‍ സ്കൂളിനും കോഴിക്കോട് ചേമഞ്ചേരി ആസ്ഥാന മായി പ്രവര്‍ത്തിക്കുന്ന അഭയം എന്ന സംഘടന ക്കുമാണ് ഈ വര്‍ഷം നല്‍കുന്നത്.

പുരസ്കാര ങ്ങള്‍ ഏറ്റു വാങ്ങാനായി ശാന്തി യുടെ ബാലകൃഷ്ണന്‍ മാസ്റ്റര്‍, അഭയ ത്തിന്റെ കുഞ്ഞു മുഹമ്മദ്‌ മാസ്റ്റര്‍ എന്നിവര്‍ എത്തിച്ചേരും എന്ന് പരിപാടിയെ കുറിച്ച് വിശദീകരിക്കാന്‍ വിളിച്ചു ചേര്‍ത്ത വാര്‍ത്താ സമ്മേളനത്തില്‍ സംഘാടകര്‍ പറഞ്ഞു.

പ്രവാസി കള്‍ക്ക് വോട്ടവകാശം നേടി എടുക്കാനായി പ്രയത്നിച്ച പ്രവാസി ഭാരതീയ സമ്മാന്‍ ജേതാവ് ഡോക്ടര്‍ ഷംസീര്‍ വയലി ലിനെ ചടങ്ങില്‍ ആദരിക്കും.

ഫ്രണ്ട്സ്‌ എ. ഡി. എം. എസ്. രക്ഷാധികാരി യായിരുന്ന മുഗള്‍ ഗഫൂര്‍ സ്മാരക പുരസ്കാരം യുവ ഗായകന്‍ പറവൂര്‍ സുധീറിന് സമ്മാനിക്കും. നൂറ്റിപ്പത്ത് മണിക്കൂര്‍ ഗാനാലാപന യജ്ഞം നടത്തി ഗിന്നസ് ബുക്കില്‍ ഇടം നേടിയ പാട്ടുകാരനാണ് പറവൂര്‍ സുധീര്‍.

മലയാളി സമാജത്തില്‍ നടക്കുന്ന ചടങ്ങില്‍ ഇന്ത്യന്‍ അംബാസിഡര്‍ ടി. പി. സീതാറാം, പത്മശ്രീ എം. എ. യൂസഫലി, എ. സമ്പത്ത് എം. പി., പാലോട് രവി എം. എല്‍. എ., കെ. പി. സി. സി. സെക്രട്ടറി എം. എം. നസീര്‍ തുടങ്ങിയ പ്രമുഖര്‍ മുഖ്യ അതിഥി കളായി സംബന്ധിക്കും.

ഒരു ലക്ഷം രൂപയും പ്രശസ്തി പത്രവും ഉപഹാരവു മാണ് നല്‍കി വരുന്നത്. തുടര്‍ച്ചയായി ഇത് നാലാം വര്‍ഷമാണ്‌ ഈ പുരസ്കാരം സമ്മാനി ക്കുന്നത്. മുന്‍ വര്‍ഷ ങ്ങളില്‍ തിരുവനന്തപുരം റീജണല്‍ കാന്‍സര്‍ സെന്റര്‍, തൃശ്ശൂര്‍ ജില്ല യിലെ എടമുട്ടത്ത്‌ പ്രവര്‍ത്തി ക്കുന്ന അല്‍ഫാ പാലിയേറ്റീവ് പെയിന്‍ ക്ലിനിക്ക് എന്നിവര്‍ക്ക് അന്‍സാര്‍ മെമ്മോറിയല്‍ എന്‍ഡോവ്മെന്റിന്റ് പുരസ്കാരങ്ങള്‍  സമ്മാനി ച്ചിരുന്നു.

വാര്‍ത്താ സമ്മേളനത്തില്‍ പ്രസിഡന്റ് പി. കെ. ജയരാജ്, ജനറല്‍ സെക്രട്ടറി പുന്നൂസ് ചാക്കോ, ട്രഷറര്‍ കല്യാണ്‍ കൃഷ്ണന്‍, പാട്രന്‍ ടി. എ. നാസ്സര്‍ തുടങ്ങിയവര്‍ സംബന്ധിച്ചു.

- pma

വായിക്കുക: , , ,

Comments Off on ചിറയിന്‍കീഴ് അന്‍സാര്‍ അനുസ്മരണവും പുരസ്കാര ദാനവും വ്യാഴാഴ്ച

ആരോഗ്യ മേഖലയിലെ പരസ്യ ങ്ങള്‍ക്ക് നിയന്ത്രണം

February 24th, 2015

uae-slash-price-of-medicine-ePathram
അബുദാബി : ആരോഗ്യ മേഖലയില്‍ നിന്നുള്ള പരസ്യ ങ്ങളെ നിയന്ത്രി ക്കുന്നതിന് രാജ്യത്ത് പുതിയ ചട്ടം പ്രാബല്യ ത്തില്‍ വരുന്നു. ഉപ പ്രധാന മന്ത്രി ശൈഖ് മന്‍സൂര്‍ ബിന്‍ സായിദ് അല്‍ നഹ്യാന്റെ അദ്ധ്യക്ഷത യില്‍ ചേര്‍ന്ന ‘മിനിസ്റ്റീരിയല്‍ കൗണ്‍സില്‍ ഫോര്‍ സര്‍വീസസ്’ യോഗ മാണ് ഇതു സംബന്ധിച്ച തീരുമാനം എടുത്ത്.

പരസ്യ ങ്ങള്‍ നിരീക്ഷി ക്കുകയും അവയുടെ സത്യ സന്ധത ഉറപ്പു വരുത്തുക യുമാണ് പുതിയ ചട്ടം കൊണ്ട് ഉദ്ദേശി ക്കുന്നത്. ഇതു പ്രകാരം ആരോഗ്യ മേഖല യിലെ പരസ്യ ങ്ങള്‍ക്ക് ആരോഗ്യ മന്ത്രാലയ ത്തില്‍ നിന്ന് മുന്‍കൂര്‍ അനുമതി നേടി യിരിക്കണം.

രാജ്യത്ത് രജിസ്റ്റര്‍ ചെയ്യപ്പെട്ടവ മാത്രമേ, പരസ്യം ചെയ്യാന്‍ പാടുള്ളൂ. ഉല്‍പന്നത്തെ ക്കുറിച്ച് കൃത്യ മായ വിവര ങ്ങള്‍ നല്‍കുന്ന തായിരി ക്കണം പരസ്യം. ഇവ യു. എ. ഇ. യുടെ പാരമ്പര്യ ത്തെയോ ഇസ്ലാമിക മൂല്യ ങ്ങളെയോ ഹനിക്കുന്നതോ ആയിരിക്കരുത്.

മരുന്നുകളും സൗന്ദര്യ വര്‍ദ്ധക വസ്തുക്കളും ഒരിക്കലും ഉപഭോക്താ ക്കളെ തെറ്റി ദ്ധരിപ്പിച്ചു കൊണ്ടാകരുത് വിപണി യില്‍ ഇറങ്ങുന്നത് എന്നും ഉറപ്പു വരുത്തും.

മാധ്യമ സ്ഥാപന ങ്ങള്‍ക്ക്, മുന്‍കൂര്‍ അനുമതി ആവശ്യ മില്ലാതെ ഏതൊക്കെ പരസ്യ ങ്ങള്‍ പ്രസിദ്ധ പ്പെടുത്താം എന്നത് സംബ ന്ധിച്ച് മന്ത്രാലയം ബന്ധപ്പെട്ട വകുപ്പു കളുമായും ഏജന്‍സി കളു മായും ആലോചിച്ച് തീരുമാനിക്കും.

- pma

വായിക്കുക: , , ,

Comments Off on ആരോഗ്യ മേഖലയിലെ പരസ്യ ങ്ങള്‍ക്ക് നിയന്ത്രണം

ടച്ചിംഗ് എ മില്യണ്‍ ഹാര്‍ട്ട്‌ അഡ്നോക്കില്‍

February 5th, 2015

logo-universal-hospital-abudhabi-ePathram
അബുദാബി : യൂണിവേഴ്‌സല്‍ ആശുപത്രിയുടെ നേതൃത്വ ത്തില്‍ നടത്തുന്ന ടച്ചിംഗ് എ മില്യണ്‍ ഹാര്‍ട്ട്‌ പദ്ധതി യുടെ ഭാഗമായി അബുദാബി നാഷണല്‍ ഓയില്‍ കമ്പനി യുമായി ചേര്‍ന്ന് രണ്ട് ദിവസത്തെ മെഡിക്കല്‍ കാമ്പയിന്‍ നടത്തി.

ജീവനക്കാര്‍ക്ക് വേണ്ടി ആരോഗ്യ പരിശോധനയും ആരോഗ്യ ബോധ വല്‍കരണ സെമിനാറു കളും ചര്‍ച്ച കളുമാണ് സംഘടിപ്പിച്ചത്. അബുദാബി നാഷണല്‍ ഓയില്‍ കമ്പനി സി. ഇ. ഒ. അബ്ദുല്‍ സലിം അല്‍ ദാഹിരി കാമ്പയിന്റെ ഉദ്ഘാടനം നിര്‍വഹിച്ചു.

യൂണിവേഴ്‌സല്‍ ആശുപത്രി മാനേജിംഗ് ഡയരക്ടര്‍ ഡോക്ടര്‍. ഷബീര്‍ നെല്ലിക്കോട് അദ്ധ്യക്ഷത വഹിച്ചു. മാനസിക പിരിമുറുക്കം, രക്ത സമ്മര്‍ദ്ദം, തുടങ്ങിയ അവസ്ഥ കളെയും തൊഴില്‍ ഇട ങ്ങളില്‍ ഉണ്ടാവുന്ന അപകട ങ്ങള്‍ എങ്ങിനെ നേരിടാം എന്നുള്ള തിനെ കുറിച്ചുള്ള ബോധവല്‍കരണവും പ്രാഥമിക ചികിത്സ നല്‍കുന്ന തിനുള്ള പരിശീലനവും കാമ്പയിന്റെ ഭാഗമായി നടന്നു.

നിരവധി ജീവകാരുണ്യ പദ്ധതികള്‍ ഇതിനിടെ യൂണിവേഴ്സല്‍ ആശുപത്രിക്ക് കീഴില്‍ നടന്നിരുന്നു. പരിപാടിക്ക് നേതൃത്വം നല്‍കിയ ഡോക്ടര്‍. ഷബീര്‍ നെല്ലിക്കോട്, മറ്റു ഡോക്ടര്‍ മാരായ ജോര്‍ജി കോശി, രാജീവ് പിള്ള, ഹസ്‌നീം ഹൈദര്‍ ഷാ, മൈക്കില്‍ ഖൂരി എന്നിവരെയും മറ്റു മെഡിക്കല്‍ സ്റ്റാഫുകളെയും ആദരിച്ചു.

- pma

വായിക്കുക: , , ,

Comments Off on ടച്ചിംഗ് എ മില്യണ്‍ ഹാര്‍ട്ട്‌ അഡ്നോക്കില്‍

280 അവശ്യ മരുന്നുകളുടെ വിലക്കുറവ് ഫെബ്രുവരി മുതല്‍ പ്രാബല്യത്തില്‍

January 27th, 2015

uae-slash-price-of-medicine-ePathram
ദുബായ് : രാജ്യത്ത് 280 അവശ്യ മരുന്നുകളുടെ വില കുറച്ചു എന്ന് ആരോഗ്യ മന്ത്രാലയം അറിയിച്ചു. 55 ശതമാനം വരെ യാണ് വില ക്കുറവ് പ്രഖ്യാപിച്ചിരിക്കുന്നത്. ഫെബ്രുവരി ഒന്ന് മുതല്‍ ഇത് പ്രാബല്യ ത്തില്‍ വരും എന്ന് ആരോഗ്യ മന്ത്രാലയം പബ്ളിക് ഹെല്‍ത്ത് പോളിസി ആന്‍ഡ് ലൈസന്‍സിംഗ് വിഭാഗം അസിസ്റ്റന്റ് അണ്ടര്‍ സെക്രട്ടറി ഡോ. അമീന്‍ അല്‍ അമീരി അറിയിച്ചു.

രക്ത സമ്മര്‍ദം, പ്രമേഹം, പൊണ്ണത്തടി, കൊളസ്ട്രോള്‍ തുടങ്ങിയവ ക്കുള്ള മരുന്നു കളുടെ വില യാണ് പ്രധാനമായും കുറയുക. അഞ്ചാം തവണ യാണ് മന്ത്രാലയം അവശ്യ മരുന്നു കള്‍ക്ക് വില ക്കുറവ് പ്രഖ്യാപി ച്ചിരിക്കുന്നത്.

2011 ജൂലൈ മുതല്‍ 565 ഓളം മരുന്നുകള്‍ക്ക് അഞ്ച് മുതല്‍ 55 ശതമാനം വരെ വില കുറച്ചിരുന്നു. 2012 ജനുവരി യില്‍ 115 മരുന്നുക ള്‍ക്ക് അഞ്ച് മുതല്‍ 35 വരെയും 2013 ജൂണില്‍ 6,791 മരുന്നുകള്‍ക്ക് ഒന്ന് മുതല്‍ 40 വരെയും 2014 ജനുവരിയില്‍ 192 മരുന്നുകള്‍ക്ക് ഒന്ന് മുതല്‍ 60 ശതമാനം വരെയും വില കുറച്ചു.

പകര്‍ച്ച വ്യാധികള്‍, ദഹന വ്യവസ്ഥാ രോഗങ്ങള്‍, കണ്ണ് രോഗ ങ്ങള്‍, ശ്വാസ കോശ രോഗ ങ്ങള്‍, ത്വക് രോഗങ്ങള്‍, ഗര്‍ഭ കാല – പ്രസവ ചികിത്സ, കാന്‍സര്‍ തുടങ്ങിയവ ക്കുള്ള മരുന്നുകള്‍ വില കുറയുന്നവ യില്‍ പെടും. പരമ്പരാ ഗത മരുന്നുകള്‍, ഹെര്‍ബല്‍ മരുന്നുകള്‍, ബയോളജിക്കല്‍ ഫുഡ് സപ്ളിമെന്‍റുകള്‍ എന്നിവക്കെല്ലാം വിലക്കുറവ് ബാധക മായി രിക്കും എന്ന്‍ ഡോ. അമീന്‍ അല്‍ അമീരി പറഞ്ഞു.

മാരക രോഗങ്ങള്‍ മൂലം ദുരിതം അനുഭവിക്കുന്ന ആരോഗ്യ ഇന്‍ഷുറന്‍സിന് കീഴില്‍ വരാത്ത, 75 ശതമാനത്തിലധികം പേര്‍ക്ക് വില ക്കുറവിന്‍െറ പ്രയോജനം ലഭിക്കും

- pma

വായിക്കുക: , , ,

Comments Off on 280 അവശ്യ മരുന്നുകളുടെ വിലക്കുറവ് ഫെബ്രുവരി മുതല്‍ പ്രാബല്യത്തില്‍


« Previous Page« Previous « വിമന്‍സ്‌ കോളേജ്‌ അലുംനെ പുതുവത്സര ആഘോഷം സംഘടിപ്പിച്ചു
Next »Next Page » അനധികൃതമായി റോഡ് മുറിച്ചു കടന്നു : പിടിക്കപ്പെട്ടവര്‍ അര ലക്ഷത്തിലധികം »



  • ലോഗോ പ്രകാശനം ചെയ്തു
  • കെ. എസ്. സി. ഈദ് ആഘോഷം ‘പെരുന്നാൾ നിലാവ്’ അരങ്ങേറി
  • കണ്ണൂർ ജില്ലാ കെ. എം. സി. സി. ഒരുക്കിയ ‘ഈദ് സംഗമം’ ശ്രദ്ധേയമായി
  • ഇമ ഇഫ്‌താർ വിരുന്നും കുടുംബ സംഗമവും
  • ഫാദേഴ്‌സ് എന്‍ഡോവ്‌മെന്റ് പദ്ധതി : ഡോ. ഷംഷീര്‍ വയലില്‍ അഞ്ച് ദശ ലക്ഷം ദിര്‍ഹം നല്‍കി
  • അബുദാബി മലയാളീസ് ഒരുക്കിയ ‘നൂറിഷ് റമദാൻ’ ശ്രദ്ധേയമായി
  • ഭരണാധികാരികൾക്ക് റമദാൻ ആശംസകൾ നേർന്ന് സലാം പാപ്പിനിശ്ശേരി
  • മുഹമ്മദ് ബിൻ സായിദ് ഫൗണ്ടേഷൻ ഫോർ ഹ്യുമാനിറ്റി സ്ഥാപിതമായി
  • ഇ. കെ. നായനാർ മെമ്മോറിയൽ ഫുട് ബോൾ : ഷാബിയ-നാദിസിയ മേഖലകൾ ചാമ്പ്യന്മാർ
  • സൗഹൃദ സ്നേഹ സംഗമമായി സമൂഹ നോമ്പുതുറ
  • ഇഖ്‌വ ഇഫ്‌താർ സൗഹൃദ സംഗമം
  • അനോര ഗ്ലോബൽ പുതിയ ഭരണ സമിതി
  • പത്തനംതിട്ട ജില്ലാ കെ. എം. സി. സി. റമദാൻ റിലീഫിന് തുടക്കമായി
  • ഇ. കെ. നായനാർ സ്മാരക റമദാൻ ഫുട് ബോൾ ടൂർണ്ണ മെന്റ് ശനിയാഴ്ച മുസ്സഫയിൽ
  • അബുദാബി മലയാളീസ് മെഡിക്കൽ ക്യാമ്പ് സംഘടിപ്പിച്ചു
  • ജ്വാല ഉത്സവ് 2025 ബ്രോഷർ പ്രകാശനം ചെയ്തു
  • കേരള സോഷ്യൽ സെന്റർ ഇഫ്‌താർ സംഗമം
  • ഐ. ഐ. സി. ഹോളി ഖുര്‍ആന്‍ : ബ്രോഷർ പ്രകാശനം ചെയ്തു
  • ഉപന്യാസ മത്സരം : സൃഷ്ടികൾ ക്ഷണിച്ചു
  • ഇഫ്താർ സംഗമവും അവാർഡ് ദാനവും സംഘടിപ്പിച്ചു



  • കിയാല്‍ മറുപടി പറയണം : വെ...
    എയര്‍ ഇന്ത്യ ബാഗേജ് പത്ത്...
    ഒ.ഐ.സി.സി. ജില്ലാ കൺവെൻഷൻ...
    പ്രവാസി ക്ഷേമനിധി പ്രായ പ...
    സിറിയ : വെടിനിർത്തൽ അടുക്...
    സമാജം യുവജനോത്സവം : ഗോപിക...
    ജലീല്‍ രാമന്തളി യുടെ നേര്...
    ഭൂമിക്കായി ഒരു മണിക്കൂര്‍...
    അബുദാബി പുസ്തക മേളക്ക് തു...
    ജലീല്‍ രാമന്തളി യുടെ നോവല...
    മാധ്യമങ്ങള്‍ സത്യ ത്തിന്റ...
    ഇ. എം. എസ്. ആഗ്രഹിച്ച രീത...
    ഇന്ത്യന്‍ എംബസി യിലെ കമ്യ...
    ഷാര്‍ജയില്‍ തീ : മലയാളിയു...
    ഖത്തര്‍ : ലോകത്തെ ഏറ്റവും...
    യു.എ.ഇ.യില്‍ ആനയുടെ കാല്‍...
    ഏറ്റവും ആദരിക്കുന്ന നേതാവ...
    ഇന്ത്യന്‍ സിനിമകള്‍ ജീവിത...
    ബഷീര്‍ അനുസ്മരണവും സാഹിത്...
    സൌദിയില്‍ അറസ്റ്റിലായ ഗായ...

    Click here to download Malayalam fonts
    Click here to download Malayalam fonts
    Your Ad Here
    Club Penguin


    ePathram Magazine