അബുദാബി : മുൻ മുഖ്യമന്ത്രി ഇ. കെ. നായനാരുടെ സ്മരണാർത്ഥം അബുദാബി ശക്തി തിയ്യറ്റേഴ്‌സ് സംഘടിപ്പിക്കുന്ന ഇ. കെ. നായനാര്‍ സ്മാരക റമദാന്‍ 5 എ – സൈഡ് ഫുട് ബോൾ ടൂർണ്ണമെൻ്റ് 2024 മാർച്ച് 16, 17 തിയ്യതികളിൽ (ശനി, ഞായർ ദിവസങ്ങളിൽ) രാത്രി 9 മണി മുതൽ മുസഫയിലെ അബുദാബി യൂണിവേഴ്‌സിറ്റി ഗ്രൗണ്ടില്‍ നടക്കും എന്ന് ഭാര വാഹികൾ വാർത്താ സമ്മേളനത്തിൽ അറിയിച്ചു.
മുതിര്‍ന്നവരുടെ വിഭാഗത്തില്‍ 38 ടീമുകളും കുട്ടി കളുടെ വിഭാഗത്തില്‍ 14 ടീമുകളുമാണ് മത്സര ങ്ങളിൽ മാറ്റുരക്കുക. 52 ടീമുകളിലായി അഞ്ഞൂറോളം കളിക്കാര്‍ അണി നിരക്കുന്ന മുഴുവന്‍ ടീമുകള്‍ക്കും നേതൃത്വം കൊടുക്കുന്നത് ശക്തി പ്രവര്‍ത്തകർ തന്നെയാണ്. കുട്ടികളുടെ മത്സരങ്ങൾ 4 ഗ്രൂപ്പുകളിലും മുതിർന്നവരുടെ മത്സര ങ്ങൾ 8 ഗ്രൂപ്പുകളിലുമായി ലീഗ് അടിസ്ഥാനത്തില്‍ നടക്കും. ഓരോ ഗ്രൂപ്പില്‍ നിന്നും മുന്നില്‍ എത്തുന്ന രണ്ട് ടീമുകളായിരിക്കും അടുത്ത റൗണ്ടിൽ പ്രവേശിക്കുക.
മൊത്തം 114 മാച്ചുകളിലായി നടക്കുന്ന ടൂര്‍ണ്ണമെൻറിൽ നിന്നും മികച്ച ഒന്നും രണ്ടും മൂന്നും ടീമുകളെ കണ്ടെത്തി ട്രോഫിയും മെഡലുകളും സമ്മാനിക്കും. കൂടാതെ മികച്ച അച്ചടക്കമുള്ള ടീമിനുള്ള ഫെയര്‍ പ്ലേ അവാര്‍ഡും മികച്ച കളിക്കാരന്‍, മികച്ച ഗോള്‍ കീപ്പര്‍ എന്നീ വ്യക്തി ഗത ചാമ്പ്യൻ ഷിപ്പുകളും നല്‍കും. കളിയില്‍ പങ്കെടുക്കുന്ന എല്ലാ കളിക്കാരെയും ശക്തിയുടെ പ്രശസ്തി പത്രം നല്‍കി ആദരിക്കും.
അബുദാബി ശക്തി തിയ്യറ്റേഴ്‌സ് പ്രസിഡണ്ട് കെ. വി. ബഷീർ, ജനറൽ സെക്രട്ടറി എ. എൽ. സിയാദ്, ശക്തി കായിക വിഭാഗം സെക്രട്ടറി ഉബൈദുല്ല, ടൂർണ്ണ മെൻ്റ് കോഡിനേറ്റർ ടി. കെ. മനോജ്, അഡ്വ. അന്‍സാരി സൈനുദ്ദീന്‍, കൃഷ്ണകുമാർ, ഗോവിന്ദൻ നമ്പൂതിരി എന്നിവർ വാർത്താ സമ്മേളനത്തിൽ പങ്കെടുത്തു.
