ദുബായ് : മൂവാറ്റുപുഴ – കോതമംഗലം നിവാസി കളുടെ പ്രവാസി കൂട്ടായ്മ ആശ്രയം യു. എ. ഇ. സംഘടിപ്പിക്കുന്ന ‘ആശ്രയം ഫെസ്റ്റ് 2013’ ജനവരി 18 വെള്ളിയാഴ്ച 2 മണി മുതല്‍ രാത്രി 9.30 വരെ ദുബായ് അല്‍ ഖിസൈസ് ആപ്പിള്‍ ഇന്റര്‍നാഷണല്‍ സ്‌കൂളില്‍ വെച്ച് നടക്കും.
കോതമംഗലം എം. എല്‍. എ. ടി. യു. കുരുവിള ഉദ്ഘാടനം ചെയ്യും. ഇന്ത്യന്‍ മീഡിയാ ഫോറം പ്രസിഡന്റും അമൃത ടി. വി. ഗള്‍ഫ് ബ്യൂറോ ചീഫുമായ എന്‍. വിജയ മോഹന്‍, അഡ്വ. ഷംസുദ്ധീന്‍ കരുനാഗപ്പിള്ളി, ഷിബു തെക്കു പുറം, ഒമര്‍ അലി എന്നിവര്‍ പങ്കെടുക്കും.
ആശ്രയം ഫെസ്റ്റി നോട് അനുബന്ധിച്ച് ഗാനമേള, റാഫിള്‍ ഡ്രോ, മിമിക്‌സ് പരേഡ്, സൗജന്യ വൈദ്യ പരിശോധന, സാധു പെണ്‍കുട്ടികളും വിവാഹ സഹായധന വിതരണം എന്നിവ ഉണ്ടായിരിക്കും.
