ദുബായ് : പ്രവാസി കൂട്ടായ്മ യായ ഒരുമ ഒരുമനയൂര്‍ 10-മത് വാര്‍ഷിക ജനറല്‍ ബോഡി യോഗം ദുബായ് കറാമയില്‍ ചേര്‍ന്നു.
യോഗ ത്തില്‍ അടുത്ത വര്‍ഷ ത്തേക്കുള്ള സെന്‍ട്രല്‍ കമ്മിറ്റി തെരഞ്ഞെടുപ്പ് നടന്നു. പ്രസിഡന്റ്‌ പി. പി. അന്‍വര്‍, ജനറല്‍ സെക്രട്ടറി ആര്‍. എം. വീരാന്‍ കുട്ടി, ട്രഷറര്‍ പി. സി. ആസിഫ്‌, ഓര്‍ഗനൈസിംഗ് സെക്രട്ടറി പി. പി. ജഹാന്ഗീര്‍, വൈസ് പ്രസിഡണ്ടു മാരായി പി. അബ്ദുള്‍ ഗഫൂര്‍, കെ. ഹനീഫ ജോയിന്റ് സെക്രട്ടറി മാരായി എം. വി.അബ്ദുള്‍ ഖാദര്‍, ജോഷി തോമസ്‌, സ്പോര്‍ട്സ് സെക്രട്ടറി എ. സി. കമറുദ്ധീന്‍, ആര്‍ട്സ് സെക്രട്ടറി പി. കെ. സുധീര്‍, ജോയന്‍റ് ട്രഷറര്‍ വി. പി. അലി തുടങ്ങി 41 അംഗ ഭരണ സമതി യേയും തെരഞ്ഞെടുത്തു.
സെന്‍ട്രല്‍ കമ്മറ്റി മെമ്പര്‍ വി. കെ. ശംസുദ്ധീന്‍ തിരഞ്ഞെടുപ്പിന് നേതൃത്വം നല്‍കി. എം. കെ. രഞ്ജിത്തിന്റെ അദ്ധ്യക്ഷത യില്‍ ചേര്‍ന്ന യോഗ ത്തില്‍ ജനറല്‍ സെക്രട്ടറി വി. ടി. അബ്ദുള്‍ ഹസീബ് സ്വാഗതം ആശംസിച്ചു.
പുതിയ കമ്മിറ്റിക്ക് ആശംസകള്‍ അര്‍പ്പിച്ചു കൊണ്ട്‌ എം. കെ. രഞ്ജിത്ത്, അബ്ദുള്‍ ഹസീബ്, പി. ബക്കര്‍ എന്നിവര്‍ സംസാരിച്ചു. ട്രഷറര്‍ പി. സി.ആസിഫ്‌ നന്ദി പ്രകാശിപ്പിച്ചു.
