 |
 |
 |
 |
 |
 |
 |
 |
 |
 |
 |
 |
 |
 |
ദുബായ് : യു. എ. ഇ. സന്ദര്‍ശിച്ച തിക്കോടി പഞ്ചായത്ത് മുൻ പ്രസിഡണ്ടും സാമൂഹ്യ പ്രവർത്തകനുമായ സി. ഹനീഫ മാസ്റ്റർക്ക് ദുബായില്‍ പെരുമ പയ്യോളിയുടെ ആഭിമുഖ്യത്തിൽ സ്വീകരണം നൽകി.
ബഷീർ തിക്കോടി, അഡ്വ. മുഹമ്മദ് സാജിദ്, ബിജു പണ്ടാരപ്പറമ്പിൽ, സത്യൻ പള്ളിക്കര, ഷാജി ഇരിങ്ങൽ, ശാമിൽ, സാജിദ്, റാഷീദ്, പ്രഭാകരൻ, ഫൈസൽ, റമീസ്, പീതാംബരൻ, റയീസ് എന്നിവര്‍ സംസാരിച്ചു. സാജിദ് പുറത്തൂട്ട് അദ്ധ്യക്ഷത വഹിച്ചു. സുനിൽ പാറേമ്മൽ സ്വാഗതവും കരീം വടക്കയിൽ നന്ദിയും പറഞ്ഞു.
- pma
വായിക്കുക: peruma-payyoli, ദുബായ്, പ്രവാസി, ബഹുമതി, സംഘടന
അബുദാബി : കേരള സോഷ്യൽ സെന്‍റർ (കെ. എസ്. സി.) കമ്മിറ്റി പുന:സ്സംഘടിപ്പിച്ചു. എ. കെ. ബീരാൻ കുട്ടി (പ്രസിഡണ്ട്), റോയ് ഐ.വർഗീസ് (വൈസ് പ്രസിഡണ്ട്), കെ. സത്യൻ (ജനറൽ സെക്രട്ടറി), ഷെബിൻ പ്രേമരാജൻ (ട്രഷറർ) എന്നിവരാണ് പ്രധാന ഭാരവാഹികള്‍.
ലതീഷ് ശങ്കർ, അബ്ദുൽ സലാം നഹാസ്, അഭിലാഷ് തോമസ്, ശ്രീകാന്ത്, റഫീഖ് അലി കൊല്ലിയത്ത്, റഫീഖ് ചാലിൽ, പി. എം. സുലൈമാൻ, റഷീദ് അയിരൂർ, വേലായുധൻ സുബാഷ്, ഷോബി, റെജിലാൽ, സുൽഫികർ എന്നിവരാണ് പ്രവർത്തക സമിതി അംഗങ്ങള്‍.
സാമൂഹ്യ വികസന മന്ത്രാലയം പ്രതിനിധികളുടെ സാന്നിദ്ധ്യത്തില്‍ നടന്ന വാര്‍ഷിക ജനറല്‍ ബോഡി യോഗത്തിൽ പ്രസിഡണ്ട് വി. പി. കൃഷ്ണ കുമാര്‍ അദ്ധ്യക്ഷത വഹിച്ചു. ജനറൽ സെക്രട്ടറി ഷെറിൻ വിജയൻ വാർഷിക പ്രവർത്തന റിപ്പോർട്ടും ട്രഷറർ നികേഷ് വരവ് ചെലവ് കണക്കും അവതരിപ്പിച്ചു.
കെ. ബി. ജയൻ, എൻ. വി. മോഹനൻ, എം. സുനീർ, അഡ്വ. സലിം ചോലമുഖത്ത്, കെ. കെ. ശ്രീവൽസൻ എന്നിവർ സംസാരിച്ചു. KSC FB Page
- pma
വായിക്കുക: കേരള സോഷ്യല്‍ സെന്റര്‍, ബഹുമതി, സംഘടന
അബുദാബി : ലോകത്തെ ഏറ്റവും സമ്പന്നരുടെ റാങ്കിംഗുമായി ഈ വർഷത്തെ ഫോബ്‌സ് ആഗോള പട്ടിക പ്രസിദ്ധീകരിച്ചു. ലോകത്തെ ഏറ്റവും വലിയ കോടീശ്വരന്മാരുടെ പട്ടികയിൽ 9 മലയാളികള്‍ ഇടം നേടി.
ലുലു ഗ്രൂപ്പ് ചെയർമാൻ എം. എ. യൂസഫലിയാണ് ഏറ്റവും സമ്പന്നനായ ലോക മലയാളി. 5.3 ബില്യൺ ഡോളർ സമ്പത്തുള്ള അദ്ദേഹം ലോക റാങ്കിംഗിൽ 497 ആം സ്ഥാനത്താണ്.
ഇൻഫോസിസ് സഹ സ്ഥാപകൻ ക്രിസ് ഗോപാല കൃഷ്ണൻ (3.2 ബില്യൺ), ആർ. പി. ഗ്രൂപ്പ് സ്ഥാപകൻ രവി പിള്ള (3.2 ബില്യൺ), ജെംസ് എഡ്യൂക്കേഷൻ മേധാവി സണ്ണി വർക്കി (3 ബില്യൺ), ജോയ് ആലുക്കാസ് ഗ്രൂപ്പ് ഉടമ ജോയ് ആലുക്കാസ് (2.8 ബില്യൺ), ബുർജീൽ ഹോൾ ഡിംഗ്‌സ് ചെയർമാൻ ഡോ. ഷംഷീർ വയലിൽ, ബൈജൂസ്‌ സ്ഥാപകൻ ബൈജു രവീന്ദ്രൻ എന്നിവരാണ് സമ്പന്ന മലയാളി കളിൽ മുൻ നിരയിൽ.
2.2 ബില്യൺ സമ്പത്തുള്ള ഡോ. ഷംഷീറാണ്‌ ഏറ്റവും സമ്പന്നനായ യുവ മലയാളി. ബൈജു രവീന്ദ്രൻ (2.1 ബില്യൺ) രണ്ടാം സ്ഥാനത്തും. ഇൻഫോസിസ് സഹ സ്ഥാപകൻ എസ്. ഡി. ഷിബു ലാൽ (1.8 ബില്യൺ), വി- ഗാർഡ് ഗ്രൂപ്പ് സ്ഥാപകൻ കൊച്ചൗസേപ്പ് ചിറ്റിലപ്പിള്ളി (1 ബില്യൺ) എന്നിവരാണ് പട്ടികയിൽ ഇടം നേടിയ മറ്റു മലയാളികൾ.
169 ഇന്ത്യക്കാർ ഇടം നേടിയ ശത കോടീശ്വര പട്ടിക യിൽ റിലയൻസ് ഇൻഡസ്ട്രീസ് ചെയർമാൻ മുകേഷ് അംബാനി (83.4 ബില്യൺ), അദാനി ഗ്രൂപ്പ് ചെയർമാൻ ഗൗതം അദാനി (47.2 ബില്യൺ) എച്ച്. സി. എൽ. സഹ സ്ഥാപകൻ ശിവ് നാടാർ (25.6 ബില്യൺ) എന്നിവ രാണ് ആദ്യ മൂന്നു സ്ഥാനങ്ങളിൽ.
2,640 ലോക സമ്പന്നരെ ഉൾപ്പെടുത്തിക്കൊണ്ടുള്ള പട്ടിക യിൽ ഒന്നാമത് 211 ബില്യൺ ഡോളർ ആസ്തി യുമായി ലൂയി വിറ്റൻ, സെഫോറ ഫാഷൻ ആഡംബര ബ്രാൻഡു കളുടെ ഉടമ ബെർണാഡ് അർനോൾഡ്. ടെസ്‌ല, സ്‌പേസ് എക്സ്, സഹ സ്ഥാപകൻ ഇലോൺ മസ്‌ക് (180 ബില്യൺ), ആമസോൺ സ്ഥാപകൻ ജെഫ് ബെസോസ് (114 ബില്യൺ) എന്നിവരാണ് രണ്ടും മൂന്നും സ്ഥാനങ്ങളിൽ.
ലോകത്തെ പകുതിയോളം കോടീശ്വരന്മാരുടെ സമ്പത്തിൽ കഴിഞ്ഞ വർഷത്തെ അപേക്ഷിച്ച് ഇടിവു വന്നിട്ടുണ്ട് എന്നാണ് ഫോബ്‌സ് അധികൃതരുടെ വിലയിരുത്തൽ. 254 പേർ പട്ടികയിൽ നിന്ന് പുറത്തു പോയപ്പോൾ 150 സമ്പന്നർ പട്ടികയിൽ ആദ്യമായി ഇടം നേടി. Forbes : Billionaires List
- pma
വായിക്കുക: forbes, nri, vps-burjeel, ബഹുമതി, യൂസഫലി, വ്യവസായം, സാമ്പത്തികം
ദുബായ് : എം. ബി. ബി. എസ്. ബിരുദം ഉയർന്ന മാർക്കോടെ വിജയിച്ച സഹർ സലാം, നൗറിൻ സൈനുദ്ദീൻ എന്നിവർക്ക് ദുബായ് കെ. എം. സി. സി. തൃശൂർ ജില്ലാ കമ്മിറ്റിയുടെ ആദരം. ദുബായിൽ ചേർന്ന അനുമോദന യോഗത്തിൽ മുസ്ലിം ലീഗ് തൃശൂർ ജില്ലാ കമ്മിറ്റി പ്രസിഡണ്ട് സി. എ. മുഹമ്മദ് റഷീദ്, വിജയികൾക്ക് ഉപഹാരങ്ങള്‍ സമ്മാനിച്ചു.
ജില്ലാ പ്രസിഡണ്ട് ജമാൽ മനയത്ത്, ദുബായ് കെ. എം. സി. സി. സംസ്ഥാന കമ്മിറ്റി സെക്രട്ടറി അഷ്‌റഫ്‌ കൊടുങ്ങല്ലൂർ, ജില്ലാ കമ്മിറ്റി ജനറൽ സെക്രട്ടറി അഷ്‌റഫ്‌ കിള്ളിമംഗലം, ഓർഗ: സെക്രട്ടറി ഗഫൂർ പട്ടിക്കര, ട്രഷറർ സമദ് ചാമക്കാല, ബഷീർ എടശ്ശേരി, മുസ്തഫ വടുതല, മുൻ സംസ്ഥാന കമ്മിറ്റി നേതാക്കള്‍ ഉബൈദ് ചേറ്റുവ, മുഹമ്മദ് വെട്ടുകാട്, അബു ഷമീർ, അസ്‌കർ പുത്തഞ്ചിറ , സത്താർ മാമ്പ്ര എന്നിവർ സംബന്ധിച്ചു.
ദുബായിലെ വ്യവസായ പ്രമുഖരായ ഫൈൻ ടൂൾസ് ഗ്രൂപ്പ് ഡയറക്ടർ അബ്ദുൽ സലാമിന്‍റെയും ഹോട്ട് പാക്ക് ഗ്രൂപ്പ് ഡയറക്ടർ പി. ബി. സൈനുദ്ദീന്‍റെയും മക്കളാണ് ഈ യുവ ഡോക്ടർമാർ.
- pma
വായിക്കുക: കുട്ടികള്‍, കെ.എം.സി.സി., ദുബായ്, ബഹുമതി, വിദ്യാഭ്യാസം
അബുദാബി : യു. എ. ഇ. യുടെ ഭരണ നേതൃത്വത്തിന്‍റെ പുതിയ സ്ഥാനാരോഹണത്തിന് അഭിനന്ദന ങ്ങളുമായി ലുലു ഗ്രൂപ്പ് ചെയര്‍മാന്‍ എം. എ. യൂസഫലി. പുതുതായി നിയമിതരായ ഭരണാധികാരികള്‍ യു. എ. ഇ. ക്ക് മുതല്‍ ക്കൂട്ടാകും എന്നും രാജ്യത്തിന്‍റെ മുന്നോട്ടുള്ള പ്രയാണത്തെ പുതിയ തലങ്ങളിലേക്ക് എത്തിക്കും എന്നും യൂസഫലി പറഞ്ഞു.
യു. എ. ഇ. വൈസ് പ്രസിഡണ്ടായി നിയമിതനായ ശൈഖ് മന്‍സൂര്‍ ബിന്‍ സായിദ് അല്‍ നഹ്യാന്‍, അബുദാബി കിരീട അവകാശിയായി നിയമിതനായ ശൈഖ് ഖാലിദ് ബിന്‍ മുഹമ്മദ് ബിന്‍ സായിദ് അല്‍ നഹ്യാന്‍, ഉപ ഭരണാധികാരി കളായി നിയമിതരായ ശൈഖ് ഹസ്സ ബിന്‍ സായിദ് അല്‍ നഹ്യാന്‍, ശൈഖ് തഹ്നൂന്‍ ബിന്‍ സായിദ് അല്‍ നഹ്യാന്‍ എന്നിവരെയാണ് യൂസഫലി അഭിനന്ദിച്ചത്.
പ്രസിഡണ്ട് ശൈഖ് മുഹമ്മദ് ബിന്‍ സായിദ് അല്‍ നഹ്യാന്‍റെ ദീര്‍ഘ വീക്ഷണത്തോടെ യുള്ള നടപടികള്‍ രാജ്യത്തെ പുരോഗതി യിലേക്കാണ് നയിക്കുന്നത് എന്നും അദ്ദേഹം കൂട്ടിച്ചേര്‍ത്തു. Image Credit : Twitter
- pma
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്‍) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
