ദുബായ് : എമിറേറ്റിലെ 17 ബസ്സ് സ്റ്റേഷനുകളിലും 12 മറൈന് ട്രാന്സ് പോര്ട്ട് സ്റ്റേഷനുകളിലും ആര്. ടി. എ. യുടെ സൗജന്യ വൈ-ഫൈ സൗകര്യം ലഭ്യമാക്കുന്നു. ടെലികോം കമ്പനിയായ ഇത്തിസലാത്തുമായി ചേർന്നാണ് ഇത് യാഥാര്ത്ഥ്യം ആക്കുന്നത്.
യാത്രക്കാർക്ക് സ്മാര്ട്ട് ഫോണുകള്, ടാബുകള്, ലാപ് ടോപ്പുകള് എന്നിവ ഉപയോഗിക്കാം. നഗരത്തിലെ 29 ബസ്സ് – മറൈന് ട്രാന്സ് പോര്ട്ട് സ്റ്റേഷനുകളില് വൈ-ഫൈ ഉപകരണങ്ങള് സ്ഥാപിച്ചിട്ടുണ്ട്.
2025 രണ്ടാം പാദത്തോടെ ഈ സൗകര്യങ്ങൾ ബാക്കിയുള്ള സ്റ്റേഷനുകളിലും ലഭ്യമാക്കും എന്നും ആര്. ടി. എ. അറിയിച്ചു. RTA
