 |
 |
 |
 |
 |
 |
 |
 |
 |
 |
 |
 |
 |
 |
റാസ് അൽ ഖൈമ : ഇന്ത്യന്‍ റിലീഫ് കമ്മിറ്റി യില്‍ 07 -09 -2012 വെള്ളിയാഴ്ച രാവിലെ 10 മണി മുതല്‍ കോണ്‍സുലര്‍ സേവനം ഉണ്ടായിരിക്കുന്നതാണ്. അറ്റെസ്റ്റേഷൻ, പവര്‍ ഓഫ് അറ്റോര്‍ണി, അഫിഡവിറ്റ് തുടങ്ങിയ കോണ്‍സുലേറ്റ് സംബന്ധമായ എല്ലാ കാര്യങ്ങള്‍ക്കും ഈ സേവനം ഉപയോഗപ്പെടുത്താം എന്ന് സെക്രട്ടറി ഷാഹുല്‍ ഹമീദ് അറിയിച്ചു. കൂടുതല്‍ വിവരങ്ങള്‍ക്ക് 07 2283932 , 0508687983 എന്നീ നമ്പരുകളില്‍ ബന്ധപ്പെടുക.
അയച്ചു തന്നത് – അഡ്വക്കേറ്റ് നജുമുദീന്‍, പ്രസിഡന്റ്
- ജെ.എസ്.
അബുദാബി : ഇന്ത്യന്‍ മീഡിയ അബുദാബി യിലെ അംഗങ്ങളും കുടുംബങ്ങളും ലോക ത്തിലെ ഏറ്റവും ഉയരമുള്ള കെട്ടിടമായ ദുബായിലെ ‘ബുര്‍ജ് ഖലീഫ’ യില്‍ ഓണം ആഘോഷിച്ചു.
ബുര്‍ജ് ഖലീഫയിലെ 142-ാം നില യില്‍ ദുബായ് നഗരത്തിന്റെ ആകാശ ക്കാഴ്ചകള്‍ ആസ്വദിച്ച് നടത്തിയ ഓണാഘോഷ ത്തില്‍ എന്‍ എം സി ഗ്രൂപ്പ് മേധാവി ഡോ. ബി ആര്‍ ഷെട്ടിയും യു. എ. ഇ. എക്‌സ്‌ചേഞ്ച് ചീഫ് ഓപ്പറേറ്റിംഗ് ഓഫീസര്‍ വൈ. സുധീര്‍കുമാര്‍ ഷെട്ടിയും ആതിഥേയരായിരുന്നു.
ഗള്ഫ് ജീവിതം മതിയാക്കി നാട്ടിലേക്ക് മടങ്ങുന്ന മുതിര്‍ന്ന മാധ്യമ പ്രവര്‍ത്തകനും ഇമ വൈസ് പ്രസിഡണ്ടുമായ ജലീല്‍ രാമന്തളി ക്ക് ബി ആര്‍ ഷെട്ടി ചടങ്ങില്‍ യാത്രാ മംഗളം നേര്‍ന്നു. ഇമ പ്രസിഡന്റ് ടി. പി. ഗംഗാധരന്‍, ജനറല്‍സെക്രട്ടറി ബി. എസ്. നിസാമുദ്ദീന്‍ തുടങ്ങിയവര്‍ നേതൃത്വം നല്കി.
- pma
വായിക്കുക: ആഘോഷം, പ്രവാസി, മാധ്യമങ്ങള്‍, സംഘടന
അബുദാബി : ഓണാഘോഷ ങ്ങളുടെ ഭാഗമായി അബുദാബി അല്‍ വഹ്ദ മാളിലെ ലുലു ഹൈപ്പര്‍ മാര്‍ക്കറ്റില്‍ പഴങ്ങളും പച്ചക്കറി കളും കൊണ്ടു തീര്‍ത്ത അത്തക്കളം സന്ദര്‍ശകരുടെ മനം കവരുന്നു.
ലോക ത്തിന്റെ വിവിധ ഭാഗങ്ങളില്‍ നിന്നുള്ള പഴങ്ങളും പച്ചക്കറികളും പിന്നെ പേരിനു മാത്രമായി ജമന്തിയും ചെണ്ടുമല്ലി പൂക്കളും ചേര്‍ത്ത ഈ പൂക്കള ത്തില്‍ ഓണത്തിന്റെ സ്വന്തം നാടായ കേരള ത്തില്‍ നിന്നുള്ള തെങ്ങിന്‍ പൂക്കുല മാത്രമേ ഉപയോഗിച്ചിട്ടുള്ളൂ.
യു. എ. ഇ. യിലെ കത്തിരിക്ക (കുക്കുംബര്‍ ) അടക്കം വിവിധ ഇനങ്ങളും ഒമാനിലെ പച്ചമുളകും പിന്നെ ജോര്‍ദാനിലെ കോളിഫ്ലവറും ഇറാഖിലെ ഈന്തപ്പഴവും തുടങ്ങീ ആസ്ത്രേലിയന്‍ കാരറ്റ്, ചൈനീസ്‌ വെളുത്തുള്ളി, ഫിലിപ്പീന്‍സില്‍ നിന്നുള്ള കൈതച്ചക്ക, ചിക്കിറ്റ വാഴപ്പഴം, ആഫ്രിക്കന്‍ ചെറുനാരങ്ങ, ഈജിപ്ഷ്യന്‍ ഓറഞ്ച്, അമേരിക്കന്‍ റെഡ്‌ ആപ്പിള്‍, ചിലിയിലെ ഗ്രീന്‍ ആപ്പിള്‍, ഹോളണ്ടിലെ കാപ്സിക്കം, സ്പെയിനിലെ പ്ലംസ്, കൂടാതെ തക്കാളി, ചെറിയ ഉള്ളി, വഴുതനങ്ങ, പിയേഴ്സ്, സബര്‍ജീല്‍ എന്നിങ്ങനെ പഴങ്ങളും പച്ചക്കറി കളുമായി 25 ഇനങ്ങള്‍ കൊണ്ടാണ് ഈ ഭീമന്‍ കളം ഒരുക്കിയത്.
ഏകദേശം മുന്നൂറോളം കിലോ പഴം – പച്ചക്കറികള്‍ ഇതിനായി ഉപയോഗിച്ചു എന്ന് ലുലു ഹൈപ്പര്‍മാര്‍ക്കറ്റ്‌ മാനേജര്‍ മുഹമ്മദ്‌ ശാജിത്‌, ബയിംഗ് മാനേജര്‍ റിയാദ്‌ ജബ്ബാര്‍ എന്നിവര്‍ അറിയിച്ചു.
ഓണാഘോഷ ത്തിന്റെ അന്തരീക്ഷം സൃഷ്ടിക്കാനായി ഈ പൂക്കള ത്തിനു പശ്ചാത്തല ത്തില്‍ ചെണ്ടമേളംവും നെറ്റിപ്പട്ടം കെട്ടിയ ആന കളുടെ കട്ടൗട്ടുകളും ഉണ്ട്.
ലുലു ഗ്രൂപ്പിന്റെ കോര്‍പ്പറേറ്റ് കമ്യൂണിക്കേഷന്‍ മാനേജര്‍ വി.നന്ദകുമാറിന്റെ നേതൃത്വ ത്തില്‍ എം. കെ. ഗ്രൂപ്പിന്റെ പരസ്യ വിഭാഗ ത്തിലെ പതിനാറോളം ജീവനക്കാര്‍ നാലുമണിക്കൂര്‍ കൊണ്ടു തീര്‍ത്ത ഈ വര്‍ണ്ണ ക്കാഴ്ച കാണാന്‍ വിദേശികള്‍ അടക്കമുള്ള സന്ദര്‍ശകരുടെ വലിയ തിരക്കാണ് അനുഭവപ്പെടുന്നത്.
(ഫോട്ടോ : അഫ്സല്‍ അഹമദ്‌ – ഇമ )
- pma
മസ്കത്ത് : സര്‍ക്കാര്‍ – സ്വകാര്യ മേഖല യില്‍ ജോലി ചെയ്യുന്ന ഒമാനികള്‍ക്ക് ഇനി മുതല്‍ പ്രവാസി കളെ ജീവനക്കാരായി റിക്രൂട്ട് ചെയ്ത് സ്വന്തം പേരില്‍ ബിസിനസ് നടത്താനാകില്ല എന്ന് തൊഴില്‍ മന്ത്രാലയം വ്യക്തമാക്കി.
തൊഴില്‍ മന്ത്രി അബ്ദുല്ല ബിന്‍ നാസല്‍ ആല്‍ബക്റിയെ ഉദ്ധരിച്ച് ‘ടൈംസ് ഓഫ് ഒമാന്‍’ ദിനപത്ര മാണ് ഇക്കാര്യം റിപ്പോര്‍ട്ട് ചെയ്തത്. ബിസിനസ് രംഗത്ത് പ്രവര്‍ത്തിക്കുന്ന സര്‍ക്കാര്‍ – സ്വകാര്യ സ്ഥാപന ങ്ങളിലെ ജീവനക്കാരായ ഒമാനി കള്‍ക്ക് തങ്ങളുടെ സ്ഥാപന ത്തിലേക്ക് വിദേശത്ത് നിന്ന് ജീവനക്കാരെ നിയോഗിക്കണമെങ്കില്‍ അവര്‍ ആദ്യം ജോലി യില്‍ നിന്ന് രാജി വെക്കണം എന്നാണ് പുതിയ തൊഴില്‍ നിയമ ഭേദഗതി.
- pma
അബുദാബി : പ്രവാസികളായ കലാകാരന്മാര്‍ ഒരുക്കിയ ‘ മെഹ്ജബിന്‍ ‘ എന്ന മാപ്പിളപ്പാട്ട് ആല്‍ബം റിലീസ്‌ ചെയ്തു. കൊച്ചിയില്‍ നടന്ന ചടങ്ങില്‍ പ്രശസ്ത നടന്‍ ദിലീപ് സംഗീത സംവിധായകരായ ബേണി, അന്‍വര്‍ എന്നിവര്‍ക്ക് നല്‍കിയാണ് സി. ഡി. പ്രകാശനം ചെയ്തത്.
മടത്തറയില്‍ ക്രിയേഷന്‍സിന്റെ ബാനറില്‍ അബുദാബി യിലെ ലുഖ്മാനുല്‍ ഹക്കീം നിര്‍മ്മിച്ച മെഹ്ജബിന്‍ എന്ന ആല്‍ബ ത്തില്‍ പതിനഞ്ചു ഗാനങ്ങള്‍ ഉള്‍ക്കൊള്ളിച്ചിരിക്കുന്നു.
പ്രശസ്ത ഗായകരായ അഫ്സല്‍, സലിം കോടത്തൂര്‍, കൊല്ലം ഷാഫി, തന്‍സീര്‍ കൂത്തുപറമ്പ്, റിജിയ യൂസുഫ്‌, സിയാവുല്‍ ഹഖ്, മന്‍സൂര്‍ ഇബ്രാഹിം, ഫഹദ്‌, സക്കീര്‍ ആലുവ, സംഗീത സംവിധായകന്‍ സയന്‍, എന്നിവരോടൊപ്പം പ്രവാസി കലാകാരനും മെഹ്ജബിനിലെ ഗാന രചയിതാവും കൂടിയായ ഷമീര്‍ മടത്തറ യില്‍ എന്ന യുവ ഗായകനും പാട്ടുകള്‍ പാടിയിരിക്കുന്നു.
ഓ. എം. കരുവാരക്കുണ്ട്, ബാപ്പു വെള്ളിപ്പറമ്പ്, ചിറ്റൂര്‍ ഗോപി, രാജീവ്‌ ആലുങ്കല്‍, അഡ്വ. സുധാംശു, ജലീല്‍ കെ. ബാവ, ഇബ്രാഹിം കാരക്കാട്, ഷമീര്‍ മടത്തറ യില്‍ എന്നിവരാണ് ഗാന രചയിതാക്കള്‍.
റംസാന്‍ ആഘോഷ ങ്ങളോട് അനുബന്ധിച്ചു കേരള ത്തില്‍ റിലീസ്‌ ചെയ്ത മെഹ്ജബിന്‍ രചനാ മികവ് കൊണ്ടും സംഗീത -ആലാപന ശൈലി കൊണ്ടും ഇതിനോടകം ശ്രദ്ധേയമായി കഴിഞ്ഞു.
ഒട്ടനവധി ഹിറ്റ് ഗാനങ്ങള്‍ സംഗീത പ്രേമികള്‍ക്ക് സമ്മാനിച്ച സയന്‍ അന്‍വര്‍ കൂട്ടുകെട്ടിലെ അന്‍വര്‍ സംഗീതം ചെയ്ത ഈ ആല്‍ബം മില്ലേനിയം ഓഡിയോസ് വിപണിയില്‍ എത്തിച്ചു. ഉടന്‍ തന്നെ ഗള്ഫ് നാടുകളിലും മെഹ്ജബിന്‍ റിലീസ്‌ ചെയ്യും.
- pma
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
