ദുബായ് : തൃശൂര്‍ ജില്ലയിലെ അകലാട് മഹല്ല് നിവാസി കളുടെ യു എ ഇ യിലെ പ്രവാസി കൂട്ടായ്മ രൂപീകരിച്ചു. ഇതിന്റെ ആദ്യത്തെ ഒത്തു ചേരല്‍ ‘അകലാട് മഹല്ല് സ്നേഹ സംഗമം’ ഷാര്‍ജ അല്‍ജസീറ പാര്‍ക്കില്‍ നടന്നു. ഇരു നൂറോളം മഹല്ല് നിവാസികള്‍ പങ്കെടുത്ത പരിപാടി യില്‍ എ. പി. അബൂബക്കര്‍ അദ്ധ്യക്ഷത വഹിച്ചു.

മഹല്ലി ലെ പൊതുവായ കാര്യങ്ങളില്‍ സജീവമായി ഇടപെടാനും നിര്‍ദ്ധനര്‍ക്കും അവശത അനുഭവി ക്കുന്നവര്‍ക്കും വേണ്ടതായ സഹായങ്ങള്‍ നല്‍കാനും ജീവ കാരുണ്യ പ്രവര്‍ത്തന ങ്ങളില്‍ കൂടുതല്‍ സജീവ മാകാനും കമ്മിറ്റി തീരുമാനിച്ചു.

അതിനായി രൂപികരിച്ച വെല്‍ഫയര്‍ കമ്മിറ്റി യുടെ ഭാരവാഹി കളായി ഷംസുദ്ധീന്‍ ഹാജി (പ്രസിഡന്റ് ), സിദ്ധീഖ്‌ കോനാരത്ത് (സെക്രട്ടറി ), ഇബ്രാഹിം കുട്ടി (ട്രഷറര്‍ ) എന്നിവരെ തെരഞ്ഞെടുത്തു. അഷറഫ്‌ വലിയകത്ത്‌ ‘അകലാട് മഹല്ല് സ്നേഹ സംഗമം’ എന്ന വിഷയം അവതരിപ്പിച്ചു. സിദ്ധീഖ്‌ കോനാരത്ത് സ്വാഗതം പറഞ്ഞു. ഷംസുദ്ധീന്‍ ഹാജി നന്ദി പ്രകാശിപ്പിച്ചു. വിശദ വിവരങ്ങള്‍ക്ക് ബന്ധപ്പെടുക : 050 33 93 275, 050 57 69 566

– അയച്ചു തന്നത് : എ. സി. റഫീഖ്‌ അകലാട്‌, ദുബായ്.

ദുബായ്: വെഞ്ഞാറമൂട് പ്രവാസി കൂട്ടായ്മ ‘വെണ്മ യു. എ. ഇ.’ യുടെ ജനറല്‍ ബോഡി നടന്നു. യോഗത്തില്‍ 2012- 13 വര്‍ഷ ത്തേക്കുള്ള ഭരണ സമിതിയെ തെരഞ്ഞെടുത്തു.

പ്രസിഡന്റ് : പ്രേം രാജ്‌, സെക്രട്ടറി : ഷാജഹാന്‍ , ട്രഷറര്‍ : നാസര്‍ , രക്ഷാധികാരി : ഷാഹുല്‍ ഹമീദ്‌. ( വിവരങ്ങള്‍ക്ക് : ദിലീപ്‌ 055 76 71 794 )