 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : 3 0 വര്ഷത്തെ പ്രവാസ ജീവിതത്തിന് ശേഷം നാട്ടിലേക്ക് മടങ്ങുന്ന മണ്ണാര്ക്കാട് സ്വദേശി മുഹമ്മദലിക്ക് അബുദാബി അല്തൈഫ് ജീവനക്കാര് യാത്രയയപ്പ് നല്കി. പ്രവാസ ജീവിത ത്തില് നിന്ന് തനിക്ക് ലഭിച്ച പ്രവൃത്തി പരിചയവും സുഹൃദ്ബന്ധങ്ങളും അദ്ദേഹം സ്മരിച്ചു. ഗോപാലന് അദ്ധ്യക്ഷത വഹിച്ച യാത്രയയപ്പ് യോഗത്തില് നീരജ്, ബാബു, അരുണ്, രാജു എന്നിവര് പ്രസംഗിച്ചു.
- pma
വായിക്കുക: പ്രവാസി
റിയാദ് : റിയാദിലെ ബത്തയില് ഉണ്ടായ തീപിടിത്തത്തില് മരിച്ചവരുടെ കുടുംബത്തിന് എം. കെ. ഗ്രൂപ്പ് മാനേജിംഗ് ഡയറക്ടര് എം. എ. യൂസഫലി ഒരു ലക്ഷം സൗദി റിയാല് സഹായം നല്കി. മരിച്ച 6 ഇന്ത്യന് തൊഴിലാളികളുടെ കുടുംബത്തിന് 17,200 റിയാല് വീതം ലഭിച്ചപ്പോള് തീപിടിത്തത്തില് മരിച്ച ഒരു നേപ്പാള് സ്വദേശിയുടെ കുടുംബത്തിനെയും അദ്ദേഹം രണ്ടു ലക്ഷം നേപ്പാളീസ് രൂപ നല്കി സഹായിച്ചു.
അല് ബത്തയിലുള്ള അല് സാലിം സൂപ്പര്മാര്ക്കറ്റിന് മുകളിലുള്ള താമസ സ്ഥലത്ത് ഉണ്ടായ തീപ്പിടിത്തത്തില് അബ്ദുറഹീം (തൃശ്ശൂര്), സുലൈമാന്, അഹമ്മദ് കബീര് (നിലമ്പൂര്), സജിത് (മാവേലിക്കര), അജിത് (എറണാകുളം) എന്നിവര്ക്കൊപ്പം മംഗലാപുരം സ്വദേശി മുഹമ്മദ്, നേപ്പാള് സ്വദേശി സലാഹി രാജേഷ് എന്നിവരും മരണമടഞ്ഞു.
വിശുദ്ധ കഅബ കഴുകല് ചടങ്ങില് പങ്കെടുക്കാന് വിശുദ്ധ നഗരത്തില് എത്തിയ പത്മശ്രീ എം. എ. യൂസഫലി അപകട വാര്ത്ത കേട്ട ഉടനെ തന്നെ ഇവരുടെ കുടുംബങ്ങളെ സഹായിക്കാനുള്ള തീരുമാനം എടുക്കുകയായിരുന്നു.
- ജെ.എസ്.
വായിക്കുക: prominent-nris, അപകടം, ജീവകാരുണ്യം, ദുരന്തം, പ്രവാസി
റിയാദ്: സൗദി അറേബ്യയിലെ റിയാദിലുണ്ടായ തീപിടുത്തത്തില് 5 മലയാളികളടക്കം ഏഴ് പേര് മരിച്ചു. അല് ബത്തയിലുള്ള അല് സാലിം സൂപ്പര്മാര്ക്കറ്റിന് മുകളിലുള്ള താമസ സ്ഥലത്താണ് തീപ്പിടിത്തം ഉണ്ടായത്. അബ്ദുറഹീം (തൃശ്ശൂര്), സുലൈമാന്, അഹമ്മദ് കബീര് (നിലമ്പൂര്), സജിത് (മാവേലിക്കര), അജിത് (എറണാകുളം) എന്നിവരാണ് മരിച്ച മലയാളികള്. മുഹമ്മദ് (മംഗലാപുരം), സലാഹി രാജേഷ് (നേപ്പാള്) എന്നിവരാണ് മരിച്ച മറ്റ് രണ്ടു പേര്. ശനിയാഴ്ച പുലര്ച്ചെ 4.30 നാണ് സംഭവം. വൈദ്യുത ഷോര്ട്ട് സര്ക്യൂട്ടാണ് അപകട കാരണമെന്ന് കരുതുന്നു. പുക ശ്വസിച്ചതിനെ ത്തുടര്ന്ന് ശ്വാസ തടസം അനുഭവപ്പെട്ട ഏതാനും പേരെ ആസ്പത്രിയില് പ്രവേശിപ്പിച്ചു. ഏഴു പേരുടെയും മൃതദേഹങ്ങള് ആസ്പത്രിയിലേക്ക് മാറ്റി. മരിച്ച ഇന്ത്യക്കാരുടെ മൃതദേഹങ്ങള് ഉടന് നാട്ടിലെത്തിക്കുന്നതിനുള്ള നടപടികള് സ്വീകരിക്കുമെന്ന് കേന്ദ്ര പ്രവാസി കാര്യ മന്ത്രി വയലാര് രവി പറഞ്ഞു. സംഭവത്തെ ക്കുറിച്ച് ഇന്ത്യ അംബാസിഡറോട് വിശദമായ റിപ്പോര്ട്ട് ആവശ്യപ്പെട്ടിട്ടുണ്ടെന്നും കേന്ദ്ര മന്ത്രി വയലാര് രവി കോട്ടയത്ത് പറഞ്ഞു.
-
വായിക്കുക: അപകടം, ദുരന്തം, പ്രവാസി, സൗദി അറേബ്യ
പയ്യന്നൂര് : അക്ഷയ പുസ്തക നിധിയുടെ സാംസ്കാരിക പ്രവര്ത്തകനുള്ള ഈ വര്ഷത്തെ അക്ഷയ ദേശീയ പുരസ്കാരത്തിന് അബുദാബിയില് ദീര്ഘകാലമായി പ്രവാസിയായ വി. ടി. വി. ദാമോദരനെ തിരഞ്ഞെടുത്തു.
കലാ സാംസ്കാരിക ജീവകാരുണ്യ മേഖലകളിലെ പ്രവര്ത്തനങ്ങള് പരിഗണിച്ചാണ് പ്രസ്തുത പുരസ്കാരം നല്കുന്നത്. ആഗസ്ത് അവസാനം ബറോഡയില് വിവിധ കേന്ദ്ര – സംസ്ഥാന മന്ത്രിമാര് സംബന്ധിക്കുന്ന ചടങ്ങില് പുരസ്കാരം സമ്മാനിക്കും എന്ന് പുരസ്കാര സമിതി വാര്ത്താ കുറിപ്പില് അറിയിച്ചു.
പയ്യന്നൂര് സൗഹൃദ വേദിയുടെ സ്ഥാപക പ്രവര്ത്തകാനായ വി. ടി. വി. ദാമോദരന് പയ്യന്നൂരിന്റെ തനതു കലാരൂപമായ പയ്യന്നൂര് കോല്ക്കളി വിദേശത്തു ആദ്യമായി അവതരിപ്പിച്ചു ശ്രദ്ധ നേടി. കേരള നാടന് കലാ അക്കാദമിയുടെ അംഗീകാരവും നേടിയ ഇദ്ദേഹം പയ്യന്നൂര് കോല്ക്കളിയെ കുറിച്ച് ‘കേളിപ്പെരുമ’ എന്ന ഡോക്കുമെന്ററി നിര്മ്മിച്ചിട്ടുണ്ട്. മധു കൈതപ്രമാണ് ഡോക്കുമെന്ററി സംവിധാനം ചെയ്തത്.
പയ്യന്നൂര്ക്കാരുടെ ആഗോള കൂട്ടായ്മയായ പയ്യന്നൂര് സൗഹൃദ വേദി അബുദാബി ചാപ്റ്റര് മുന് സെക്രട്ടറിയും ഇപ്പോള് ജീവകാരുണ്യ വിഭാഗം കണ് വീനറുമാണ്.
മലയാള ഭാഷ പാഠശാല, കേരള ഫോക് ലോര് അക്കാദമി തുടങ്ങി വിവിധ പ്രസ്ഥാന ങ്ങളുടെ പുരസ്കാരങ്ങള് ഇതിനകം അദ്ദേഹത്തെ തേടിയെത്തിയിട്ടുണ്ട്.
മധു കൈതപ്രം സംവിധാനം ചെയ്ത ‘മധ്യവേനല്’ എന്ന ചലച്ചിത്ര ത്തിലൂടെ സിനിമാ അഭിനയ രംഗത്തെത്തിയ ദാമോദരന്, ഉടന് റിലീസാകുന്ന മധുവിന്റെ തന്നെ ദിലീപ് നായകനായി അഭിനയിച്ച ‘ഓര്മ്മ മാത്രം’ എന്ന സിനിമയിലും അഭിനയിക്കുന്നുണ്ട്.
പ്രമുഖ കോല്ക്കളി ആചാര്യനും സംഗീത നാടക അക്കാദമി അവാര്ഡ് ജേതാവുമായ അന്നൂരിലെ കെ. യു. രാമ പൊതുവാളുടെയും വി. ടി. വി. നാരായണി അമ്മയുടെയും മകനാണ്. നിര്മ്മലയാണ് ഭാര്യ. ഐശ്വര്യ, വൈശാഖ് എന്നിവര് മക്കളാണ്.
എസ്. രമേശന് നായര്, വൈസ് ചാന്സലര് ഡോ: വി. എന്. രാജശേഖരന് പിള്ള, ബറോഡ കേരള സമാജം, പി. എന്. സുരേഷ്, മോഹന് നായര് വഡോദര തുടങ്ങിയവര്ക്കും ഈ വര്ഷം അവാര്ഡു നല്കുന്നുണ്ട്.
പദ്മശ്രീ ഡോ: എം. ലീലാവതി, ഡി. ശ്രീമാന് നമ്പൂതിരി, പായിപ്ര രാധാകൃഷ്ണന് എന്നിവരടങ്ങിയ സമിതിയാണ് അവാര്ഡ് ജേതാക്കളെ തിരഞ്ഞെടുത്തത്.
മലയാണ്മക്ക് നല്കി വരുന്ന നിസ്തുല സേവനങ്ങളെ പരിഗണിച്ചാണ് പുരസ്കാരങ്ങള് നല്കുന്നതെന്ന് ഭാരവാഹികള് അറിയിച്ചു.
പ്രമുഖ ഗാന്ധിയനായിരുന്ന പ്രൊഫ: എം. പി. മന്മഥനാണ് മൂവാറ്റുപുഴ ആസ്ഥാനമായ അക്ഷയ പുസ്തക നിധിയുടെ സ്ഥാപകന്.
മഹാകവി അക്കിത്തം, സുഗത കുമാരി, ഡോ: ലീലാവതി, പായിപ്ര രാധാകൃഷ്ണന് എന്നിവരാണ് ഇപ്പോള് സമതിയുടെ പ്രവര്ത്തനങ്ങള്ക്ക് നേതൃത്വം നല്കുന്നത്.
വി. കെ. മാധവന് കുട്ടി, പി. ഭാക്സരന്, തൈക്കാട്ട് മൂസ്, എം. ലീലാവതി, വൈദ്യമഠം നമ്പൂതിരി, കാണിപ്പയ്യൂര് നമ്പൂതിരിപ്പാട്, വിഷ്ണു നാരായണന് നമ്പൂതിരി, യൂസഫലി കേച്ചേരി, ടി. കെ. എ. നായര്, ഓംചേരി തുടങ്ങിയവരാണ് കഴിഞ്ഞ കാലങ്ങളില് അക്ഷയ അവാര്ഡിന് അര്ഹരായവര്.
- pma
ദോഹ : പയ്യന്നൂര് സൗഹൃദവേദി യുടെ നാലാം വാര്ഷികാഘോഷം വൈവിധ്യമാര്ന്ന പരിപാടി കളോടെ ആഘോഷിച്ചു. ഐ. സി. സി. അശോകാ ഹാളില് ഖത്തറിലെ ഇന്ത്യന് അംബാസഡര് ദീപാ ഗോപാലന് വാധ്വ നിലവിളക്ക് കൊളുത്തി ഉദ്ഘാടനം നിര്വ്വഹിച്ചു.
സൗഹൃദവേദി അബുദാബി ഘടകം സ്ഥാപക നേതാവും മുന്പ്രസിഡണ്ടും ജനറല് സെക്രട്ടറി യുമായിരുന്ന വി. ടി. വി. ദാമോദരന്, ഐ. സി. സി. പ്രസിഡന്റ് കെ. എം. വര്ഗീസ്, അമൃത ടി. വി. എഡിറ്ററും ഫ്രണ്ട്സ് ഓഫ് തൃശ്ശൂര് ജനറല് സെക്രട്ടറി യുമായ പ്രദീപ് മേനോന് തുടങ്ങിയവര് സന്നിഹിതരായിരുന്നു.
സൗഹൃദവേദി യുടെ ചിട്ടയായ സേവനങ്ങള് മറ്റു സംഘടനകള്ക്കു കൂടി മാതൃക യാണ് എന്ന് ഉദ്ഘാടന പ്രസംഗത്തില് ഇന്ത്യന് അംബാസഡര് പറഞ്ഞു. പ്രവര്ത്ത കരുടെ ഐക്യവും സഹകരണവും അതിലേറെ സൗഹൃദവും ഏറെ ആകര്ഷിച്ചു എന്ന് അംബാസഡര് കൂട്ടിച്ചേര്ത്തു.
ഗള്ഫ് നാടുകളില് പത്ത് ശാഖകള് ഉള്ള സൗഹൃദവേദി പ്രവര്ത്തകരെ ഒരേ കുടക്കീഴില് കൊണ്ടു വരാന് സാധിക്കും എന്നും അവര് പ്രത്യാശ പ്രകടിപ്പിച്ചു.
കള്ച്ചറല് സെക്രട്ടറി സുബൈര് ആണ്ടിയില്, രവീന്ദ്രന് കൈപ്രത്ത്, വാസുദേവ് കോളിയാട്ട്, എം. കെ. മധുസൂദനന് എന്നിവരുടെ നേതൃത്വ ത്തില് നടത്തിയ അഞ്ചു മണിക്കൂറിലേറെ നീണ്ടു നിന്ന കലാസന്ധ്യ ശ്രദ്ധേയമായി. സുബൈര് ആണ്ടിയില് തയ്യാറാക്കിയ പയ്യന്നൂരിന്റെ ഡോക്യുമെന്ററിയും ഉദ്ഘാടന ചടങ്ങും ഏവരുടെയും പ്രശംസ പിടിച്ചുപറ്റി.
പ്രസിഡന്റ് കക്കുളത്ത് അബ്ദുള്ഖാദര് അദ്ധ്യക്ഷത വഹിച്ചു. ജനറല്സെക്രട്ടറി സുരേ ഷ്ബാബു സ്വാഗതവും ജനറല് കണ്വീനര് വേണു കോളിയാട്ട് നന്ദിയും പറഞ്ഞു. അതിഥികളായ വി. ടി. വി. ദാമോദരനും പ്രദീപ് മേനോനും അംബാസഡര് ഉപഹാരം നല്കി.
നാലു പതിറ്റാണ്ടോളം പത്രപ്രവര്ത്തനവും സാമൂഹിക പ്രവര്ത്തനവും നടത്തി ക്കൊണ്ടിരിക്കുന്ന കക്കുളത്ത് അബ്ദുള്ഖാദറിനെ സ്വന്തം തട്ടകത്തിന്റെ ആദര സൂചകമായി ഐ. സി. സി. പ്രസിഡന്റ് കെ. എം. വര്ഗീസ് പൊന്നാട അണിയിച്ചു.
സൗഹൃദവേദി യുടെ അംഗങ്ങളുടെ ക്ഷേമത്തിനായി രൂപീകരിച്ച ‘ആശ്രയ’ ത്തിന്റെ പ്രാധാന്യ ത്തെപ്പറ്റി ചെയര്മാന് ശ്രീജിത്ത് വിശദീകരിച്ചു. രാജഗോപാലന് കോമ്പയര് ആയിരുന്നു.
ജീവകാരുണ്യ പ്രവര്ത്തനത്തിന്റെ ഭാഗമായി വേദിയുടെ ധന സഹായം അതിഥികള് ബന്ധപ്പെട്ടവര്ക്ക് കൈമാറി.
വൈസ് പ്രസിഡണ്ടു മാരായ രാജീവ്, കൃഷ്ണന് പാലക്കീല്, വത്സരാജന്, എക്സിക്യൂട്ടീവ് കമ്മിറ്റി മെംബര് രമേശന് കോളിയാട്ട്, അനില്കുമാര്, പവിത്രന്, സതീശന്, ശിവദാസന് എന്നിവരുടെ നേതൃത്വ ത്തില് ആയിരുന്നു കലാവിരുന്നും സാംസ്കാരിക പരിപാടികളും ഒരുക്കിയത്.
സലീം പാവറട്ടി, ജിനി ഫ്രാന്സിസ്, ഹംസ കൊടിയില്, അനഘ രാജഗോപാല്, ആന് മറിയ എന്നിവര് ഗാനങ്ങള് ആലപിച്ചു . ജ്യോതി രമേശന്റെ നേതൃത്വ ത്തിലുള്ള ഡാന്ഡിയ നൃത്തവും, ഭരതനാട്യം, സിനിമാറ്റിക് ഡാന്സ്, കഥാപ്രസംഗം, ആസിം സുബൈര് അവതരിപ്പിച്ച അവ്വൈ ഷണ്മുഖി എന്ന ഡാന്സും ജിംസി ഖാലിദ്, ഫര്സീന ഖാലിദ് എന്നിവരുടെ അവതരണവും കലാപരിപാടികള് ആകര്ഷകമാക്കി.
പരിപാടി കളില് പങ്കെടുത്ത കലാകാരന്മാര്ക്കും കലാകാരികള്ക്കും നിര്വാഹക സമിതി അംഗങ്ങള് പാരിതോഷികങ്ങള് നല്കി.
– അയച്ചു തന്നത് : അബ്ദുല് ഖാദര്, ദോഹ
- pma
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
