 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : യു. എ. ഇ. ഇന്റർനാഷനൽ ഇൻവെസ്റ്റേഴ്സ് കൗൺസിൽ (യു. എ. ഇ. ഐ. ഐ. സി) ഡയറക്ടർ ബോർഡ് അംഗമായി വ്യവസായ പ്രമുഖനും ലുലു ഫിനാൻഷ്യൽ ഹോൾഡിംഗ്സ് എം. ഡി. യുമായ അദീബ് അഹമ്മദിനെ തെരഞ്ഞെടുത്തു. വിദേശ നിക്ഷേപകർക്കുള്ള എമിറേറ്റ്സ് ഡയറക്ടർ ബോർഡി ലേക്കുള്ള സ്വതന്ത്ര അംഗം എന്ന നിലയിലാണ് ഇത്. നിക്ഷേപകരും സർക്കാരും തമ്മിലുള്ള കണ്ണിയായി ധന മന്ത്രാലയത്തിന് കീഴിൽ പ്രവർത്തിക്കുന്ന യു. എ. ഇ. ഐ. ഐ. സി. 2009 ലാണ് സ്ഥാപിച്ചത്.
- pma
അബുദാബി : മിഡില് ഈസ്റ്റിലെ ഏറ്റവും വലുതും സ്വാധീനം ഉള്ളതുമായ ആരോഗ്യ സ്ഥാപനങ്ങള്ക്ക് നേതൃത്വം നല്കുന്ന ഇന്ത്യക്കാരില് ഒന്നാമതായി വി. പി. എസ്. ഹെല്ത്ത് കെയര് ചെയര്മാനും മാനേജിംഗ് ഡയറക്ടറുമായ ഡോ. ഷംഷീര് വയലില്. മേഖലയിലെ പ്രമുഖരായ 50 ആരോഗ്യ നേതാക്കളെ ഉള്പ്പെടുത്തി ഫോബ്സ് മിഡില് ഈസ്റ്റ് പുറത്തു വിട്ട പട്ടികയിലാണ് ആദ്യ പത്ത് പേരില് ഇടം നേടുന്ന ഏക ഇന്ത്യക്കാരന് ആയി ഡോ. ഷംഷീര് മാറിയത്.
കൊവിഡ് മഹാമാരിയില് മിഡില് ഈസ്റ്റിലെ ആരോഗ്യ മേഖലയില് വി. പി. എസ്. ഗ്രൂപ്പ് നടത്തിയ നിര്ണ്ണായക ഇടപെടലുകളും ഡോ. ഷംഷീറിനെ മുന് നിരയില് എത്തിച്ചു. വി. പി. എസ്. ഹെല്ത്ത് കെയര് ആശുപത്രി കള് 2 ദശ ലക്ഷത്തില് അധികം പി. സി. ആര്. ടെസ്റ്റുകള് നടത്തുകയും, 5 ലക്ഷത്തില് അധികം പേര്ക്ക് വാക്സിനുകള് നല്കുകയും ചെയ്തു.
2007 ല് അബുദാബിയില് സ്ഥാപിച്ച എല്. എല്. എച്ച്. ഹോസ്പിറ്റലാണ് ഡോ. ഷംഷീര് തുടക്കമിട്ട ആദ്യ ആശുപത്രി. 2020 ല് അബുദാബി മുഹമ്മദ് ബിന് സായിദ് സിറ്റിയില് പ്രവര്ത്തനം ആരംഭിച്ച ബുര്ജീല് മെഡിക്കല് സിറ്റി യു. എ. ഇ. യിലെ ഏറ്റവും വലിയ അര്ബുദ ചികിത്സാ കേന്ദ്രങ്ങളില് ഒന്നാണ്.
കഴിഞ്ഞ ഒന്നര പതിറ്റാണ്ടായി മിഡില് ഈസ്റ്റില് മെഡിക്കല് സൗകര്യങ്ങള് വികസിപ്പിക്കുന്നതിലും ആരോഗ്യ സംരക്ഷണത്തിന്റെ ഗുണ നിലവാരം ഉയര്ത്തുന്നതിലും ഡോ. ഷംഷീര് നിര്ണ്ണായ പങ്കാണ് വഹിച്ചത്.
അബുദാബി ആസ്ഥാനമായ വി. പി. എസ്. ഹെല്ത്ത് കെയര് ഗ്രൂപ്പിന് ഇപ്പോള് മിഡില് ഈസ്റ്റിലും ഇന്ത്യ യിലുമായി 15 ബ്രാന്ഡു കളും 24 പ്രവര്ത്തന ആശു പത്രികളും 125 ല് അധികം ആരോഗ്യ കേന്ദ്രങ്ങളും ഉണ്ട്. പ്രമുഖ വിദ്യാഭ്യാസ നിക്ഷേപ സ്ഥാപനം അമാനത് ഹോള്ഡിംഗ്സിന്റെ വൈസ് ചെയര്മാന് കൂടിയാണ് ഡോ. ഷംഷീര് വയലില്.
- pma
വായിക്കുക: expat, nri, vps-burjeel, അബുദാബി, ജീവകാരുണ്യം, പ്രവാസി, ബഹുമതി, യു.എ.ഇ., വ്യവസായം, സാമ്പത്തികം
അബുദാബി : ഡ്രൈവർമാരോടും മറ്റു യാത്രക്കാരോടും ബസ്സ് യാത്രക്കാര് മാന്യമായി പെറുമാറണം എന്നും മര്യാദ ഇല്ലാതെയും മോശമായും പെരുമാറുന്നവർക്ക് 500 ദിർഹം വരെ പിഴ ഈടാക്കും എന്നും ഗതാഗത വകുപ്പ്. ഡ്രൈവര്മാരെ ശകാരിക്കുകയോ അസഭ്യം പറയുകയോ സഹ യാത്രികര്ക്ക് ശല്യമാവുന്ന വിധ ത്തില് ഉച്ചത്തില് സംസാരിക്കുകയും ചെയ്യരുത്. നിയമ ലംഘകര്ക്ക് കുറ്റത്തിന്റെ ഗൗരവം അനുസരിച്ച് 100 ദിര്ഹം മുതൽ 500 ദിർഹം വരെ പിഴ ഈടാക്കും എന്നും ഗതാഗത വകുപ്പ് മുന്നറിയിപ്പ് നൽകി.
യാത്രാ നിരക്ക് ഈടാക്കുവാന് ഉപയോഗിക്കുന്ന ‘ഹാഫിലാത്ത്’ കാര്ഡുകള് ഇല്ലാതെ യാത്ര ചെയ്യുന്നതും, കാർഡ് റീചാർജ്ജ് ചെയ്യാതെയും, ബസ്സിൽ സ്വൈപ്പ് ചെയ്യാതെയും യാത്ര ചെയ്യുന്നതും ശിക്ഷാര്ഹം തന്നെയാണ്. ഈ കുറ്റങ്ങൾക്ക് ഇപ്പോൾ 200 ദിർഹം പിഴ ഈടാക്കുന്നുണ്ട്. ഈ വ്യക്തിഗത കാർഡു കൾ (ഹാഫിലാത്ത്) മറ്റുള്ളവർക്ക് കൈ മാറിയാലും പിഴ ഈടാക്കും.
These are the most frequent violations by public transport users, with fines ranging from AED 100 to AED 500. Your commitment avoids violations. pic.twitter.com/SHXXoA3O1K
— "ITC" مركز النقل المتكامل (@ITCAbuDhabi) March 16, 2022
ബസ്സ് യാത്രയില് പുക വലിക്കുന്നതും ഭക്ഷണ – പാനീയങ്ങള് കഴിക്കുന്നതും നിരോധിച്ചിട്ടുണ്ട്. ഈ കുറ്റങ്ങൾക്കും 200 ദിർഹം പിഴയുണ്ട്. സംവരണം ചെയ്ത സീറ്റു കളില് മറ്റുള്ളവര് ഇരുന്നാല് പിഴ ഈടാക്കും. മൂർച്ചയുള്ള ആയുധങ്ങള്, പെട്ടെന്നു തീ പിടിക്കുന്ന വസ്തുക്കള് എന്നിവ ബസ്സ് യാത്രക്കാര് കയ്യില് വെച്ചാലും പിഴ ചുമത്തും എന്നും ഗതാഗത വകുപ്പ് മുന്നറിയിപ്പ് നൽകി.
- pma
വായിക്കുക: abu-dhabi-bus, കുറ്റകൃത്യം, ഗതാഗതം, നിയമം, പ്രവാസി, യു.എ.ഇ., സാമ്പത്തികം
അബുദാബി : യു. എ. ഇ. യില് സംഘടിത ഭിക്ഷാടനം ചെയ്യുന്നവര്ക്ക് കുറഞ്ഞത് ആറു മാസം വരെ തടവും ഒരു ലക്ഷം ദിർഹം പിഴയും ശിക്ഷ ചുമത്തും എന്ന് പബ്ലിക്ക് പ്രൊസിക്യൂഷന്.
2021-ലെ ഫെഡറൽ ഉത്തരവ്-നിയമ നമ്പർ 31-ലെ ആർട്ടിക്കിൾ 476 പ്രകാരം കുറ്റ കൃത്യങ്ങളുടെയും പിഴകളുടെയും ശിക്ഷാ നിയമം പ്രകാരം, “രണ്ടോ അതില് അധികമോ ആളുകളുടെ സംഘടിത കൂട്ടം ചേര്ന്നു നടത്തുന്ന ഭിക്ഷാടനം ചെയ്യുന്നവര്ക്ക്” കുറഞ്ഞത് 6 മാസത്തെ തടവു ശിക്ഷയും 100,000 ദിര്ഹം പിഴയും ലഭിക്കും എന്ന് യു. എ. ഇ. പബ്ലിക് പ്രോസിക്യൂഷൻ (പി.പി) സോഷ്യൽ മീഡിയ പോസ്റ്റുകളിലൂടെ അറിയിച്ചു.
വ്യക്തികളെ സംഘടിത ഭിക്ഷാടനത്തിനായി ഈ രാജ്യത്തേക്ക് കൊണ്ടു വന്നാൽ അവര്ക്കും അതേ പിഴ ശിക്ഷ നല്കും എന്നും ഓര്മ്മിപ്പിച്ചു. രാജ്യത്ത് യാചന നടത്തിയാല് 3 മാസം ജയില് ശിക്ഷയും 5,000 ദിര്ഹം പിഴയും ലഭിക്കുന്ന ‘ഭിക്ഷാടന നിരോധന’ നിയമം നില നില്ക്കുന്നുണ്ട്.
Managing organized begging offence #law #legal_culture #publicprosecution #safe_society pic.twitter.com/n7JQ1q53Km
— النيابة العامة (@UAE_PP) February 23, 2022
സമൂഹത്തില് നിയമ സംസ്കാരം വർദ്ധിപ്പിക്കുന്നതിനും രാജ്യത്തെ ഏറ്റവും പുതിയ നിയമ നിർമ്മാണങ്ങളെ ക്കുറിച്ചുള്ള അവബോധം വർദ്ധിപ്പിക്കുവാനും കൂടി യുള്ള പബ്ലിക് പ്രോസിക്യൂഷന്റെ നിരന്തര ശ്രമങ്ങളുടെ ഭാഗമാണ് ഈ പോസ്റ്റ്.
- pma
വായിക്കുക: public-prosecution, കുറ്റകൃത്യം, നിയമം, യു.എ.ഇ., സാമ്പത്തികം
ദുബായ് : വാരാന്ത്യ അവധി ദിനങ്ങളില് അടക്കം ഇനി എല്ലാ ദിവസങ്ങളിലും എക്സ്പോ യിലേക്കുള്ള പ്രവേശന ടിക്കറ്റ് നിരക്ക് 45 ദിർഹം ആയിരിക്കും. പ്രവൃത്തി ദിനങ്ങളിൽ 45 ദിർഹം, വാരാന്ത്യ അവധി ദിനങ്ങളിൽ 95 ദിര്ഹം എന്നിങ്ങനെ ആയിരുന്നു ടിക്കറ്റ് നിരക്കുകള്.
സീസൺ ടിക്കറ്റിന്റെ നിരക്ക് 495 ദിര്ഹം ആയിരുന്നത് 195 ദിർഹമായി കുറച്ചിരുന്നു. 18 വയസ്സിനു താഴെ ഉള്ളവർക്കും 59 വയസ്സിനു മുകളില് ഉള്ളവർക്കും പ്രവേശനം സൗജന്യം ആയിരിക്കും. എക്സ്പോ പാസ്സിനുള്ള നിരക്കിൽ അമ്പതു ശതമാനം ഇളവു വരുത്തിയതായി അധികൃതർ അറിയിച്ചു.
- pma
വായിക്കുക: expo, ദുബായ്, യു.എ.ഇ., സാമ്പത്തികം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
