 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : ടെലികോം ഡിജിറ്റൽ റെഗുലേറ്ററി അഥോറിറ്റി യുടെ നിയന്ത്രണങ്ങള്‍ പാലിക്കാതെ വി. പി. എൻ. ഉപയോഗിക്കുന്നത് സൈബർ കുറ്റകൃത്യം എന്ന് അധികൃതര്‍. ബാങ്കുകൾ ഉൾപ്പെടെയുള്ള സ്ഥാപനങ്ങളുടെ ആഭ്യന്തര കാര്യങ്ങള്‍ക്കായി വി. പി. എൻ. ഉപയോഗിക്കുവാന്‍ മാത്രമേ യു. എ. ഇ. യിൽ അനുമതിയുള്ളൂ. സർക്കാർ നിരോധിച്ച വെബ് സൈറ്റു കള്‍ വി. പി. എൻ. വഴി പ്രവേശിക്കുന്നതും ക്രിമിനൽ നടപടികൾക്കു വേണ്ടി വി. പി. എൻ. ഡൗണ്‍ ലോഡ് ചെയ്യുന്നതും കുറ്റകരം എന്നും അധികൃതര്‍ ഓര്‍മ്മിപ്പിച്ചു.
- pma
വായിക്കുക: social-media, ഇന്റര്നെറ്റ്, കുറ്റകൃത്യം, നിയമം
അബുദാബി : യു. എ. ഇ. യില്‍ പൊതു സ്ഥലങ്ങളില്‍ വെച്ച് സ്ത്രീകളെ ശല്യം ചെയ്യുന്നവര്‍ക്കും പരസ്യമായി അപമാനിക്കുന്നവര്‍ക്കും 10,000 ദിർഹം പിഴയും ഒരു വർഷം തടവു ശിക്ഷയും ലഭിക്കും എന്ന് യു. എ. ഇ. പബ്ലിക് പ്രോസിക്യൂഷന്‍റെ മുന്നറിയിപ്പ്. 2021 ലെ ഫെഡറൽ ഉത്തരവ്, നിയമ നമ്പർ 31 ആർട്ടിക്കിൾ 412 അനുസരിച്ച് വാക്കു കൊണ്ടും പ്രവർത്തി കൊണ്ടും സ്ത്രീകളോട് മോശമായി പെരുമാറുന്നവര്‍ക്കും ഇതേ ശിക്ഷ ലഭിക്കും.
സ്ത്രീകൾക്ക് മാത്രം പ്രവേശനമുള്ള സ്ഥലത്ത് സ്ത്രീ വേഷം ധരിച്ച് കടക്കുന്ന പുരുഷന്മാര്‍ക്കും എതിരെ കടുത്ത നടപടി എടുക്കും എന്നും പബ്ലിക് പ്രോസിക്യൂ ഷന്‍ ഓര്‍മ്മിപ്പിച്ചു.
- pma
വായിക്കുക: public-prosecution, നിയമം, പ്രവാസി, യു.എ.ഇ.
അബുദാബി : 2022 ഏപ്രില്‍ 2 നു തുടക്കം കുറിക്കുന്ന ഈ വര്‍ഷത്തെ റമദാൻ മാസത്തിൽ യു. എ. ഇ. യിലെ സര്‍ക്കാര്‍ സ്ഥാപനങ്ങ ളുടെ പ്രവൃത്തി സമയം തിങ്കൾ മുതൽ വ്യാഴം വരെ രാവിലെ 9 മണി മുതൽ ഉച്ചക്ക് 2 മണി വരെയും വെള്ളിയാഴ്ച കളിൽ രാവിലെ 9 മണി മുതൽ ഉച്ചക്ക് 12 മണി വരെയും ആയിരിക്കും എന്ന് അധികൃതര്‍.
വെള്ളിയാഴ്ച ഉച്ചക്കു ശേഷവും ശനിയും ഞായറും പൊതു മേഖലാ സ്ഥാപനങ്ങള്‍ക്ക് അവധിയാണ്. വാരാന്ത്യ അവധി ഞായറാഴ്ച ആയി മാറിയ ശേഷമുള്ള യു. എ. ഇ. യിലെ ആദ്യ റമദാനും വെള്ളിയാഴ്ചകൾ തൊഴിൽ ദിനം ആകുന്ന ആദ്യ റമദാനും കൂടിയാണിത്.
- pma
അബുദാബി : രാജ്യത്ത് കൊവിഡ് കേസുകളിൽ ഗണ്യമായി കുറവ് വന്ന സാഹചര്യത്തിൽ കൊവിഡ് മാനദണ്ഡ ങ്ങളില്‍ സമഗ്ര മാറ്റങ്ങളുമായി യു. എ. ഇ.
പുതിയ അറിയിപ്പ് അനുസരിച്ച് ഇനി മുതൽ തുറസ്സായ സ്ഥലത്ത് മാസ്ക് ധരിക്കേണ്ടതില്ല. എന്നാൽ അടച്ചിട്ട സ്ഥലങ്ങളിൽ മാസ്ക് ധരിക്കല്‍ നിര്‍ബ്ബന്ധം തന്നെയാണ്.പുതുക്കിയ കൊവിഡ് പ്രൊട്ടോക്കോള്‍ 2022 മാർച്ച് 1 മുതൽ നിലവില്‍ വന്നു.
മറ്റു രാജ്യങ്ങളില്‍ നിന്നും യു. എ. ഇ. യിലേക്ക് വരുന്ന വാക്സിനേഷൻ എടുത്ത യാത്രക്കാർ ക്യൂ-ആർ കോഡ് ഉള്ള അംഗീകൃത വാക്സിനേഷൻ സർട്ടിഫിക്കറ്റ് കരുതണം. വാക്സിനേഷൻ ഇല്ലാത്തവര്‍ യാത്ര പുറപ്പെടുന്നതിന്റെ 48 മണിക്കൂറിനുള്ളിൽ നടത്തിയ പി. സി. ആർ. കൊവിഡ് നെഗറ്റീവ് റിപ്പോർട്ട് കരുതണം. കൊവിഡ് ബാധിതരുമായി സമ്പര്‍ക്കം ഉള്ളവര്‍ക്ക് ക്വാറന്‍റൈന്‍ ഇല്ല. എന്നാല്‍ അവര്‍ 5 ദിവസത്തിനിടെ 2 പി. സി. ആര്‍ പരിശോധന നടത്തി നെഗറ്റീവ് റിപ്പോർട്ട് ഉറപ്പു വരുത്തണം.
- pma
അബുദാബി : രാജ്യത്തെ കൊവിഡ് വ്യാപനം നിയന്ത്രി ക്കുന്നതിന്‍റെ ഭാഗമായി അബുദാബി അതിര്‍ത്തി കളില്‍ ഒരുക്കിയിരുന്ന ഇ. ഡി. ഇ. സ്കാനിംഗ് സംവിധാനം ഒഴിവാക്കി. ഇതോടെ യു. എ. ഇ. യിലെ ഇതര എമിറേറ്റു കളില്‍ നിന്നും അബുദാബി യിലേക്ക് പ്രവേശിക്കാൻ അല്‍ ഹൊസ്ന്‍ ആപ്ലിക്കേഷനിലെ ഗ്രീൻ പാസ്സ് വേണം എന്നുള്ള നിബന്ധനയും നീക്കി.
2022 ഫെബ്രുവരി 28 മുതല്‍ പ്രാവര്‍ത്തികമായ പുതിയ കൊവിഡ് മാനദണ്ഡങ്ങള്‍ അനുസരിച്ചാണ് അബു ദാബി പ്രവേശനത്തിനുള്ള ഗ്രീന്‍ പാസ്സ് ഒഴിവാക്കിയത്.
Abu Dhabi Emergency, Crisis and Disasters committee has approved the removal of EDE scanners and requirements for green pass to enter Abu Dhabi emirate from within the UAE, effective Monday, 28 February, 2022. Green pass will still be required to enter public spaces in Abu Dhabi. pic.twitter.com/CVP9BEvqNG
— مكتب أبوظبي الإعلامي (@admediaoffice) February 25, 2022
അതേ സമയം പാര്‍ക്കുകള്‍, ഷോപ്പിംഗ് മാളുകള്‍ അടക്കമുള്ള അബുദാബി യിലെ പൊതു സ്ഥല ങ്ങളില്‍ പ്രവേശിക്കുന്നതിനും പൊതു പരിപാടി കളില്‍ പങ്കെടുക്കുന്നതിനും ഗ്രീന്‍ പാസ്സ് നിര്‍ബ്ബന്ധമാണ്.
- pma
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
