ഒമാന്‍ : ഒമാനിലെ ഇബ്രിയില്‍ പ്രാര്‍ത്ഥനാ യോഗത്തില്‍ പങ്കെടുത്ത് മടങ്ങിയ വരുടെ കാര്‍ അപകട ത്തില്‍ പെട്ട് രണ്ട് മലയാളി സ്ത്രീകള്‍ മരിച്ചു. ഏഴു മാസം പ്രായമുള്ള കുഞ്ഞടക്കം നാലു പേര്‍ക്ക് പരിക്കേറ്റു.

തിരുവനന്തപുരം ഊരൂട്ടമ്പലം നീരണം കുഴി പൊയിലില്‍ പുത്തന്‍ വീട്ടില്‍ ബിനുവിന്റെ ഭാര്യ റീന (28), കോട്ടയം അയ്മനം പുലുകട്ടിശ്ശേരിയില്‍ കരുണാകരന്‍ – ജാനകി ദമ്പതികളുടെ മകളും കന്യാകുമാരി സ്വദേശി ഗോപാലന്റെ ഭാര്യയുമായ സിന്ധു (42) എന്നിവരാണ് മരിച്ചത്.

വെള്ളിയാഴ്ച രാത്രി പത്തരയോടെ ഇബ്രിയിലെ സുലൈഫിലാണ് അപകടം ഉണ്ടായത്. പെന്തകോസ്ത് സഭയുടെ പ്രാര്‍ത്ഥനാ യോഗ ത്തില്‍ പങ്കെടുത്ത് മടങ്ങുക യായിരുന്ന മലയാളി കുടുംബങ്ങള്‍ സഞ്ചരിച്ച കാര്‍ ഒമാന്‍ സ്വദേശിയുടെ വാഹനവുമായി കൂട്ടിയിടിക്കുകയായിരുന്നു.

അപകടത്തില്‍ മരിച്ച സിന്ധുവിന്റെ ഏഴുമാസം പ്രായമുള്ള കുഞ്ഞ് ഫേബ, ഡ്രൈവര്‍ തിരുവല്ല സ്വദേശി സണ്ണി മാത്യൂ ജോണ്‍, കൊട്ടാരക്കര കോടവട്ടം സ്വദേശി രാജന്‍ അലക്സാന്‍ഡര്‍ തോമസ്, കന്യാകുമാരി കന്നന്‍മൂട് സ്വദേശി ജയരാജ് എന്നിവര്‍ക്കാണ് പരിക്കേറ്റത്. വാഹന ത്തിലുണ്ടായിരുന്ന 11 കാരി അഞ്ജുപോള്‍ അദ്ഭുത കരമായി രക്ഷപ്പെട്ടു.

-അയച്ചത് : ബിജു

ഒമാന്‍ : എട്ടു വയസ്സുകാരി മലയാളി പെണ്‍കുട്ടി ഒമാനില്‍ നീന്തല്‍ കുളത്തില്‍ മുങ്ങിമരിച്ചു. പത്തനം തിട്ട കോന്നി എനിമുള്ള പ്ളാക്കല്‍ സന്തോഷ്‌ -മിനി ദമ്പതി കളുടെ മകള്‍ അക്ഷയയാണ് (എട്ട്) മരിച്ചത്. സ്കൂള്‍ അവധി ക്കാലത്ത് പിതാവിനെ സന്ദര്‍ശിക്കാന്‍ അമ്മക്കൊപ്പം എത്തിയതാണ് അക്ഷയ.

മുസന്നക്ക് സമീപം മുലദ യില്‍ സന്തോഷ് ചുമതലക്കാരനായ തോട്ടത്തിലെ സ്വിമ്മിങ്പൂളില്‍ മെയ്‌ 15 ചൊവ്വാഴ്ച വൈകുന്നേരം മൂന്നോടെയാണ് അപകടം. മാതാപിതാ ക്കള്‍ക്കൊപ്പം കുളിക്കാന്‍ ഇറങ്ങിയ കുട്ടി, രക്ഷിതാക്കള്‍ എന്തിനോ വീടിനകത്ത് പോയി തിരിച്ചു വരുമ്പോള്‍ വെള്ളത്തില്‍ മുങ്ങി താഴുന്നതാണ് കണ്ടത്‌. ഉടന്‍ മുലദ ആശുപത്രിയില്‍ എത്തെിച്ചെങ്കിലും രക്ഷിക്കാനായില്ല.

15 ദിവസം മുമ്പാണ് ഭാര്യ മിനിയും മകള്‍ അക്ഷയയും സന്ദര്‍ശക വിസയില്‍ സന്തോഷിനെ കാണാന്‍ ഒമാനില്‍ എത്തിയത്.