അബുദാബി : യു. എ. ഇ. യുടെ വിവിധ പ്രദേശങ്ങളില്‍ വരും ദിവസങ്ങളിലും മഴ തുടരും എന്ന് ദേശീയ കാലാവസ്ഥാ നിരീക്ഷണം കേന്ദ്രം. പകല്‍ പൊതുവേ അന്തരീക്ഷം മേഘാവൃതം ആയിരിക്കും. തണുത്ത കാലാവസ്ഥയും ദൂരക്കാഴ്ച കുറവും ആയതിനാൽ വാഹനം ഓടിക്കുന്നവര്‍ പ്രത്യേക ജാഗ്രത പുലര്‍ത്തണം.
പടിഞ്ഞാറന്‍ തീര പ്രദേശങ്ങളിലും കടലിലും മഴ പെയ്യാന്‍ സാദ്ധ്യതയുണ്ട്. അബുദാബിയില്‍ 16 ഡിഗ്രി സെല്‍ഷ്യസും ദുബായില്‍ 17 ഡിഗ്രി സെല്‍ഷ്യസും പര്‍വ്വത പ്രദേശങ്ങളില്‍ ഏഴ് ഡിഗ്രി സെല്‍ഷ്യസും വീതം താപനില കുറയാം. ചെറിയ രീതിയിലുള്ള കാറ്റ് വീശാനും സാദ്ധ്യതയുണ്ട് എന്നും കേന്ദ്രം മുന്നറിയിപ്പ് നല്‍കി.
