അബുദാബി : യു. എ. ഇ. യിലെ സ്കൂൾ കാന്റീനു കളിൽ ജങ്ക് ഫുഡുകൾക്കും കൃത്രിമ മധുരം ചേർത്ത പാനീയ ങ്ങൾക്കും അധികൃതരുടെ വിലക്ക്.
വിദ്യാഭ്യാസ മന്ത്രാലയവും ആരോഗ്യ-പ്രതിരോധ മന്ത്രാലയവും സംയുക്തമായി പുറത്തിറക്കിയ പുതിയ മാർഗ്ഗ രേഖയിലാണ് കർശ്ശന നിർദ്ദേശങ്ങൾ അടങ്ങി യിട്ടുള്ളത്.
കൊഴുപ്പ് കൂടിയ, പോഷക ഗുണം ഇല്ലാത്ത ഭക്ഷണ പാനീയങ്ങൾ വീടുകളിൽ നിന്നും സ്കൂളിലേക്ക് കൊണ്ട് വരരുത്. കാർബണേറ്റഡ്-എനർജി ഡ്രിങ്കുകൾ, കൃത്രിമ മധുരം ചേർത്ത ശീതള പാനീയങ്ങൾ എന്നിവ ഒഴിവാക്കണം. പകരം പ്രകൃതി ദത്ത ജ്യൂസ്, പഴങ്ങൾ, പാൽ ഉൽപന്നങ്ങൾ എന്നിവ കുട്ടികൾക്ക് നൽകാം.
വിദ്യാർത്ഥികളുടെ അക്കാദമിക നിലവാരം നില നിർത്താൻ ആവശ്യമായ ഊർജ്ജവും പോഷകങ്ങളും ലഭിക്കുന്നു എന്ന് ഉറപ്പു വരുത്തുക, ഒപ്പം തന്നെ ആരോഗ്യകരമായ ഭക്ഷണ ശീലങ്ങൾക്ക് വിദ്യാർത്ഥികളെ സഹായിക്കുക എന്നതുമാണ് ഇതിലൂടെ ലക്ഷ്യം വെക്കുന്നത്.
വിദ്യാർത്ഥികളുടെ ഏകാഗ്രതയും ഓർമ്മ ശക്തിയും വർദ്ധിപ്പിക്കുക, അക്കാദമിക് നേട്ടം മെച്ചപ്പെടുത്തുക എന്നതിന് ഒപ്പം പൊണ്ണത്തടി, പോഷക ആഹാരക്കുറവ് എന്നിവയെ ലഘൂകരിക്കുവാനും ആരോഗ്യകരമായ ഭക്ഷണ രീതികൾ വളർത്തി കൊണ്ടു വരാനും ഇതിലൂടെ സാധിക്കും.
ശാരീരികവും വൈജ്ഞാനികവുമായ വികാസത്തെ പിന്തുണക്കുന്ന, ഓരോരുത്തരുടെയും പ്രായത്തിന് അനുയോജ്യമായ പോഷക സമൃദ്ധമായ ഭക്ഷണ ശീലങ്ങൾ വാഗ്ദാനം ചെയ്യുന്നതിൻ്റെ പ്രാധാന്യം വ്യക്തമാക്കി കൊണ്ടാണ് ആരോഗ്യ-വിദ്യാഭ്യാസ വകുപ്പുകൾ ഈ നിർദ്ദേശങ്ങൾ പ്രാവർത്തികം ആക്കുന്നത്.
കന്റീനുകളിൽ ആരോഗ്യ മാനദണ്ഡങ്ങൾ പാലിക്കുന്നു എന്നുറപ്പു വരുത്താൻ സ്കൂളുകളിൽ അധികൃതർ പരിശോധനകൾ നടത്തുകയും നിയമ ലംഘകർക്ക് എതിരെ കർശ്ശന നടപടികൾ എടുക്കുമെന്നും മുന്നറിയിപ്പ് നൽകിയിട്ടുണ്ട്.
Image Credit : edugravity
- ADEK : Food Guidelines for Parents
- Nutrition in Schools : Policy inAbu Dhabi
- പ്രമേഹ ചികിത്സയുടെ മാന ദണ്ഡം മാറ്റുന്നു
- സ്കൂളുകളിൽ മൊബൈൽ ഫോൺ നിയന്ത്രണം
- സ്കൂളുകളിലും പരിസരങ്ങളിലും ജങ്ക് ഫുഡിന് നിരോധനം
- ഹോസ്റ്റലിലെ ഫോണ് നിയന്ത്രണം മൗലിക അവകാശ ലംഘനം
- യു. എ. ഇ. യില് 67 ശതമാനം പേരും പ്രമേഹ സാദ്ധ്യത ഉള്ളവർ
