ജെ.എന്‍.യു തിരഞ്ഞെടുപ്പ്; എസ്.എഫ്.ഐക്ക് സമ്പൂര്‍ണ്ണ പരാജയം

September 18th, 2013

ന്യൂഡെല്‍ഹി: ജെ.എന്‍.യു.വില്‍ ശാനിയാഴ്ച നടന്ന യൂണിയന്‍ തിരഞ്ഞെടുപ്പില്‍ എസ്.എഫ്.ഐക്ക് സമ്പൂ‍ര്‍ണ്ണ പരാജയം. ഒറ്റ സീറ്റു പോലും നേടുവാനാകാതെ എസ്.എഫ്.ഐ ചരിത്രത്തില്‍ ആദ്യമായി ജെ.എന്‍.യു തിരഞ്ഞെടുപ്പില്‍ പുറം തള്ളപ്പെട്ടു. തീവ്ര ഇടതുപക്ഷ സംഘടനയായ ഐസയാണ് വന്‍ വിജയം നേടി യൂണിയന്‍ ഭരണം പിടിച്ചടക്കിയത്. ഇത് തുടര്‍ച്ചയായി മൂന്നാം തവണയാണ് ഐസ യൂണിയന്‍ ഭരണം കരസ്ഥമാക്കുന്നത്. പ്രസിഡണ്ട്, വൈസ് പ്രസിഡണ്ട്, ജനറല്‍ സെക്രട്ടറി, ജോയന്റ് സെക്രട്ടറി സ്ഥാനങ്ങളിലേക്ക് ഐസയുടെ സ്ഥാനാര്‍ഥികള്‍ ജയിച്ചപ്പോള്‍ ഈ സ്ഥാനങ്ങളിലേക്ക് മത്സരിച്ച എസ്.എഫ്.ഐ സ്ഥാനാര്‍ഥികള്‍ മൂന്നാം സ്ഥാനത്തേക്ക് പിന്തള്ളപ്പെട്ടു. എ.ബി.വി.പിയും,എ.ഐ.എസ്.എഫും,എന്‍.എസ്.യുവും, ഡി.എസ്.എഫും ഓരോ സീറ്റ് കരസ്ഥമാക്കി.

പ്രാദേശിക വിഷയങ്ങളും അന്താരാഷ്ട്ര വിഷയങ്ങളും ചര്‍ച്ചയാകുന്നതാണ് ജെ.എന്‍.യു തിരഞ്ഞെടുപ്പ്. എസ്.എഫ്.ഐ നേരിടുന്ന ആശയ പരവും സംഘടനാപരവുമായ പ്രതിസന്ധികള്‍ അവരെ വിദ്യാര്‍ഥികളില്‍ നിന്നും അകറ്റി. 2006 വരെ എസ്.എഫ്.ഐയുടെ കുത്തകയായിരുന്നു ജെ.എന്‍.യു യൂണിയന്‍. എന്നാല്‍ എസ്.എഫ്.ഐയുടെ നിലപാടുകളില്‍ വന്ന മാറ്റം തീവ്ര ഇടതു പക്ഷ സംഘടനയായ ഐസയ്ക്ക് പുറകില്‍ വിദ്യാര്‍ഥികള്‍ അണി നിരക്കുവാന്‍ ഇടയാക്കി. നിരവധി നേതാക്കന്മാരും പ്രവര്‍ത്തകരും അടുത്തിടെ എസ്.എഫ്.ഐ വിട്ടു. ഇവര്‍ രൂപീകരിച്ച ഡി.എസ്.എഫ്‌ന് ജെ.എന്‍.യുവില്‍ എസ്.എഫ്.ഐയേക്കാള്‍ പിന്തുണ നേടുവാനായി. തുടക്ക കാലം മുതല്‍ ശക്തമായ ഇടതു സാന്നിധ്യം നിലനില്‍ക്കുന്ന ജെ.എന്‍.യുലെ തിരഞ്ഞെടുപ്പില്‍ എസ്.എഫ്.ഐ തുടച്ച് നീക്കപ്പെട്ടു എന്നത് മുന്‍ കാല ജെ.എന്‍.യു വിദ്യാര്‍ഥികള്‍ കൂടെയായ സി.പി.എം നേതാക്കളേയും അസ്വസ്ഥരാക്കിയിട്ടുണ്ട്.

- എസ്. കുമാര്‍

വായിക്കുക: , ,

Comments Off on ജെ.എന്‍.യു തിരഞ്ഞെടുപ്പ്; എസ്.എഫ്.ഐക്ക് സമ്പൂര്‍ണ്ണ പരാജയം

പത്താം തരം തുല്യതാ കോഴ്‌സ് രജിസ്‌ട്രേഷന്‍ നീട്ടി

September 5th, 2013

അബുദാബി : പൊതു വിദ്യാഭ്യാസ വകുപ്പിന്റെയും സംസ്ഥാന സാക്ഷരതാ വകുപ്പിന്റെയും ആഭിമുഖ്യ ത്തില്‍ നടത്തുന്ന പത്താം തരം തുല്യതാ കോഴ്‌സിന്റെ രണ്ടാംബാച്ചി ലേക്കുള്ള രജിസ്‌ട്രേഷന്‍ സപ്തംബര്‍ 13 വരെ നീട്ടിയതായി സാക്ഷരതാ മിഷന്‍ അസിസ്റ്റന്‍റ് ഡയരക്ടര്‍ അറിയിച്ചു.

പൂരിപ്പിച്ച അപേക്ഷാ ഫോറം സപ്തംബര്‍ 13 ന് മുമ്പായി അബുദാബി ഇന്ത്യന്‍ ഇസ്‌ലാമിക് സെന്‍ററില്‍ സമര്‍പ്പിക്കണം. ഏഴാംക്ലാസ് യോഗ്യത തെളിയിക്കുന്ന സര്‍ട്ടിഫിക്കറ്റു ഉള്ളവര്‍ക്ക് എസ്. എസ്. എല്‍. സി. ക്ക് തുല്യമായ സര്‍ട്ടിഫിക്കറ്റ് നേടാന്‍ പറ്റുന്ന ഈ പാഠ്യ പദ്ധതി യില്‍ രജിസ്റ്റര്‍ ചെയ്യാം.

കൂടുതല്‍ വിവരങ്ങള്‍ക്ക് 02 642 44 88, 056 31 77 987 എന്നീ നമ്പറുകളില്‍ ബന്ധപ്പെടാം.

- കറസ്പോണ്ടന്‍റ്

വായിക്കുക: , ,

Comments Off on പത്താം തരം തുല്യതാ കോഴ്‌സ് രജിസ്‌ട്രേഷന്‍ നീട്ടി

പ്രകൃതി യുമായി ഇണങ്ങി ചേര്‍ന്ന് സമ്മര്‍ ക്യാമ്പിലെ കുരുന്നുകള്‍

August 31st, 2013

samajam-tree-in-summer-camp-2013-ePathram
അബുദാബി : പുതിയ തലമുറയെ പ്രകൃതി യുമായി കൂടുതൽ അടുപ്പി ക്കുന്നതിനു വേണ്ടി അബുദാബി മലയാളി സമാജം നടത്തുന്ന ശ്രമം ശ്രദ്ധേയ മാകുന്നു. സമ്മർ അങ്കണ ത്തില്‍ കുട്ടികളുടെ സ്വന്തം പേരിൽ ത്തന്നെ അവരെ കൊണ്ട് വൃക്ഷ തൈകൾ നടീച്ച് വളർത്തുന്ന വ്യത്യസ്ത രീതിയാണ് ഇങ്ങിനെ ശ്രദ്ധേയമായത്.

കഴിഞ്ഞ വര്‍ഷം ക്യാമ്പില്‍ പങ്കെടുത്ത ഓരോ കുട്ടി യുടെയും പേരില്‍ നട്ട മരത്തൈകള്‍ ഒരു വര്‍ഷ ത്തിലധികം നട്ടു നനച്ചതോടെ കുട്ടികളേ ക്കാള്‍ ഉയരം വെച്ചു.

malayalee-samajam-summer-camp-tree-plantation-ePathram

മര ങ്ങള്‍ക്ക് വെള്ളവും വളവും പകര്‍ന്ന് നല്‍കി ഈ കുട്ടികള്‍ വളര്‍ത്തുക യാണ്. നാടിനെയും സംസ്കാരത്തെയും അറിയാനും കുട്ടികള്‍ക്ക് ക്യാമ്പിലൂടെ അവസരം ഒരുക്കിയിട്ടുണ്ട്.

നാടന്‍ പാട്ടുകള്‍, കവിതകള്‍, കഥ പറച്ചില്‍, നാടകം, ചിത്രരചന, ശില്‍പ നിര്‍മാണം തുടങ്ങിയവയില്‍ എല്ലാം പരിശീലനം നല്‍കുന്നുണ്ട്.

വേനലവധി ക്കാലത്ത് നാട്ടിലേക്ക് പോകാതെ ഫ്ലാറ്റു കളിലെ നാല് ചുമരു കള്‍ക്കുള്ളില്‍ കഴിയുന്ന കുഞ്ഞുങ്ങളുടെ വിവിധ കഴിവു കളെ വളര്‍ത്തി എടുക്കാനും കൂടിയാണ് സമ്മര്‍ ക്യാമ്പുകള്‍ സംഘടിപ്പി ക്കുന്നത്.

ഈ വര്‍ഷവും ക്യാമ്പിനു നേതൃത്വം കൊടുക്കുന്നത് നാട്ടില്‍ നിന്നും എത്തിയ ചിത്രകാരനും കാര്‍ട്ടൂണിസ്റ്റുമായ ഇബ്രാഹിം ബാദുഷയും അനിമേറ്റര്‍ ജിനേഷ്‌ കുമാറുമാണ്.

നാടന്‍ കളികളും നാടന്‍ പാട്ടുകളും കഥയും കവിതയുമായി നൂറോളം കുട്ടികള്‍ സെപ്തംബര്‍ 6 വരെ മുസ്സഫ യിലെ സമാജം അങ്കണം സജീവമാക്കും.

- കറസ്പോണ്ടന്‍റ്

വായിക്കുക: , , ,

Comments Off on പ്രകൃതി യുമായി ഇണങ്ങി ചേര്‍ന്ന് സമ്മര്‍ ക്യാമ്പിലെ കുരുന്നുകള്‍

ഇന്റര്‍നെറ്റ് സുരക്ഷ : ബോധവത്കരണ സമ്മേളനം

August 30th, 2013

logo-disk-foundation-ePathram അബുദാബി : ഇന്റര്‍നെറ്റിലെ അശ്ലീലവും സംസ്‌കാര ശൂന്യ വുമായ കാഴ്ചകളിലൂടെ വഴി തെറ്റിക്കുന്ന കുഞ്ഞുങ്ങളുടെ സുരക്ഷ ക്കായി പ്രത്യേക ബോധ വല്‍ക്കരണ സമ്മേളനം സെപ്തംബര്‍ 2, 3 തീയ്യതി കളില്‍ ഡല്‍ഹി യില്‍ നടക്കുമെന്ന് ‘ഡിസ്‌ക് ഫൗണ്ടേഷന്‍’ സ്ഥാപകനും സി. ഇ. ഓ. യുമായ മുഹമ്മദ് മുസ്തഫ അബുദാബി യില്‍ വാര്‍ത്താ സമ്മേളന ത്തില്‍ പറഞ്ഞു.

ലോകത്ത് ദിനം പ്രതി വര്‍ധിച്ചു കൊണ്ടിരിക്കുന്ന ഇന്റര്‍നെറ്റ് അശ്ലീലം പിഞ്ചു കുഞ്ഞുങ്ങളെ വഴി തെറ്റിക്കുകയും അതിലുപരി സമൂഹത്തെ നശിപ്പിച്ചു കൊണ്ടിരിക്കുക യുമാണ്. ഇത്തരം പ്രവണത വര്‍ധിച്ചു വരുന്നതിനു പിന്നില്‍ കോടി ക്കണക്കിന് രൂപ യുടെ വന്‍ വ്യവസായം തന്നെയാണ് നടക്കുന്നത്.

ലോകം ഇതു തിരിച്ചറിഞ്ഞു വിവിധ മാര്‍ഗ്ഗ ങ്ങളിലുടെ തടയാന്‍ ശ്രമിക്കുന്നു എങ്കിലും ഇന്ത്യയിലും വിശിഷ്യാ കേരള ത്തിലും ഇതു സംബന്ധിച്ചു കാര്യമായ പ്രവര്‍ത്തനങ്ങള്‍ ഒന്നും തന്നെ നടക്കുന്നില്ല. എന്നാല്‍ അബുദാബി പോലുള്ള നഗര ങ്ങളില്‍ ഇതിനെ ചെറുക്കുന്ന തിനായി പ്രത്യേക വിഭാഗം തന്നെ പ്രവര്‍ത്തിക്കുന്നുണ്ട്. പക്ഷെ നമ്മുടെ നാട് ഇതൊന്നും കണ്ടില്ല എന്ന് നടിക്കുകയാണ്.

ഇന്ത്യയില്‍ ഓരോ എട്ട് മിനുട്ടിലും ഓരോ കുട്ടിയെ കാണാതാകുന്നുണ്ട്. ഇതില്‍ 40 ശതമാനം കുട്ടികളെയും കണ്ടെത്താന്‍ കഴിയുന്നില്ല. അതിന്റെ കാര്യ കാരണങ്ങളെ ക്കുറിച്ച് ഭരണ കൂടവും സമൂഹവും വേണ്ടത്ര ബോധവാന്മാരല്ല.

സ്ത്രീകളും കുട്ടികളും ഇന്റര്‍നെറ്റ് അശ്ലീല ത്തിന് അടിമ കളായി മാറുമ്പോള്‍ അതു വഴി കോടികളുടെ വന്‍വ്യാപാരമാണ് ലോകത്ത് നടന്നു കൊണ്ടിരിക്കുന്നത്. ഇതിനെ ക്കുറിച്ച് അടുത്തറിയാനും വിദേശ ഏജന്‍സികള്‍ നടത്തുന്ന ശ്രമ ങ്ങളെ മനസ്സിലാക്കാന്‍ ഉതകുന്ന തര ത്തിലാണ് സമ്മേളനം സംഘടിപ്പിക്കുന്നത്.

ലോകമെമ്പാടും പടർന്നു പിടിക്കുന്ന, എന്നാൽ നാം ആരും തന്നെ അധികം ശ്രദ്ധിക്കാതെ പോകുന്ന അതി മാരകമായ ഒരു വിപത്തിനെ പറ്റി കൂടുതൽ അറിയുവാനും ആ അറിവ് മറ്റുള്ള വരിലേക്ക് പകർന്നു നല്കുവാനും ഈ വിപത്തിന് എതിരെ പടപൊരുതി സമൂഹത്തെ ഇതു മൂലമുണ്ടാകുന്ന പ്രശ്ന ങ്ങളിൽ നിന്നും സംരക്ഷിച്ചു നിർത്തുവാനും വേണ്ടി പ്രവർത്തി ക്കുന ഒരു പ്രസ്ഥാന മാണ് ഡിസ്ക് ഫൗണ്ടെഷൻ.

ഇന്റർനെറ്റ്‌ ഇന്ന് ഒഴിച്ചു കൂടാൻ പറ്റാത്ത അവസ്ഥ യിൽ നമ്മെ സ്വാധീനിച്ചിരിക്കുന്നു. ഇൻറർനെറ്റിൽ കുട്ടികൾക്കും സ്ത്രീകൾക്കും എതിരേ നടക്കുന്ന കുറ്റ കൃത്യങ്ങളെ തടയുവാൻ വേണ്ട കർമ പദ്ധതി ആസൂത്രണം ചെയ്തു നടപ്പിലാക്കുക യാണ് ഈ കൂട്ടായ്മയുടെ പ്രധാന ലക്‌ഷ്യം.

യുണൈറ്റഡ് നേഷന്‍സ്, ഇന്റര്‍പോള്‍ തുടങ്ങിയ അന്താ രാഷ്ട്ര തല ത്തിലെ വിവിധ ഏജന്‍സികളെ സംയോജിപ്പിച്ചു കൊണ്ട് സെപ്തംബര്‍ 2,3 തിയ്യതി കളില്‍ ഡല്‍ഹി യില്‍ സംഘടി പ്പിക്കുന്ന സമ്മേളന ത്തില്‍ ആഭ്യന്തര മന്ത്രാലയം, സാമൂഹ്യ ക്ഷേമ വകുപ്പ്, വിദ്യാഭ്യാസ വകുപ്പ് തുടങ്ങിയവരും പങ്കാളികളാകും.

- കറസ്പോണ്ടന്‍റ്

വായിക്കുക: , , , ,

Comments Off on ഇന്റര്‍നെറ്റ് സുരക്ഷ : ബോധവത്കരണ സമ്മേളനം

പത്താം തരം തുല്യതാ പരീക്ഷ സെപ്തംബര്‍ നാലിന്

August 29th, 2013

educational-personality-development-class-ePathram
അബുദാബി : കേരള പൊതു വിദ്യാഭ്യാസ വകുപ്പിന്റെയും സാക്ഷരതാ മിഷന്റെയും കീഴില്‍ നടക്കുന്ന പത്താം തരം തുല്യതാ പഠന ആദ്യ ബാച്ച് പരീക്ഷ സപ്തംബര്‍ 4 മുതല്‍ 10 വരെ തീയതി കളില്‍ ഗള്‍ഫിലെ കേന്ദ്ര ങ്ങളില്‍ നടക്കും.

രാവിലെ 8 മുതല്‍ 11.30 വരെയും ഉച്ചയ്ക്ക് 12.30 മുതല്‍ 2.30 വരെ യുമാണ് പരീക്ഷാ സമയം.

അബുദാബി ഇന്ത്യന്‍ ഇസ്‌ലാമിക് സെന്‍ററിലെ പഠന കേന്ദ്ര ത്തില്‍ രജിസ്റ്റര്‍ ചെയ്തിട്ടുള്ള മുഴുവന്‍ പഠിതാക്കളുടെയും പരീക്ഷാ കേന്ദ്രം മുസഫ യിലുള്ള മോഡല്‍ സ്‌കൂള്‍ ആയിരിക്കും.

പുതിയ ബാച്ചി ലേക്കുള്ള രജിസ്‌ട്രേഷന്‍ ഈ മാസം 31ന് ശനിയാഴ്ച അവസാനിക്കും.

ഏഴാംക്ലാസ് യോഗ്യത തെളിയിക്കുന്ന സര്‍ട്ടിഫിക്കറ്റുകള്‍ കയ്യിലുള്ളവര്‍ക്ക് എല്ലാവര്‍ക്കും എസ്. എസ്. എല്‍. സി. ക്ക് തുല്യമായ സര്‍ട്ടിഫിക്കറ്റ് നേടാന്‍ കഴിയുന്ന ഈ പഠന പദ്ധതി യില്‍ രജിസ്റ്റര്‍ ചെയ്യാം.

കൂടുതല്‍ വിവര ങ്ങള്‍ക്ക് : 02 642 44 88, 056 31 77 927.

- കറസ്പോണ്ടന്‍റ്

വായിക്കുക: , , ,

Comments Off on പത്താം തരം തുല്യതാ പരീക്ഷ സെപ്തംബര്‍ നാലിന്

Page 42 of 52« First...102030...4041424344...50...Last »

« Previous Page« Previous « ‘സംഘാടകന്റെ ചിരി’ പുസ്തക പ്രകാശനം വ്യാഴാഴ്ച
Next »Next Page » ഇന്ത്യന്‍ മുജാഹിദീന്‍ സ്ഥാപകനേതാവ് യാസിന്‍ ഭട്കല്‍ അറസ്റ്റില്‍ »



ക്രിക്കറ്റ് സ്‌റ്റേഡിയം ക...
ലിയോ ടോള്‍സ്റ്റോയി ലോക സാ...
മൈക്കള്‍ ജാക്സന്‍റെ മരണത്...
ഫേസ്ബുക്ക് കമന്റ് കാരണം സ...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha