വ്യക്തിഗത മികവുമായി ജോനിറ്റ ജൊസഫ്

June 7th, 2013

jonita-joseph-winner-of-cbse-2013-ePathram
അബുദാബി : ഈ വര്‍ഷത്തെ സി. ബി. എസ്. ഇ. പത്താം ക്ലാസ് പരീക്ഷ യില്‍ മലയാളം, ഇംഗ്ലീഷ് എന്നീ വിഷയങ്ങള്‍ കൂടാതെ ശാസ്ത്ര വിഷയങ്ങളിലും സോഷ്യല്‍ സയന്‍സ്, കണക്ക് എന്നിവയിലും A 1 ഗ്രേഡ് നേടിയ ജോനിറ്റ ജോസഫ് ശ്രദ്ധേയയായി.

അബുദാബി അവര്‍ ഓണ്‍ ഇംഗ്ലീഷ് ഹൈസ്കൂളിലെ വിദ്യാര്‍ത്ഥിനി യായ ജൊനിറ്റ,CGPA അഥവാ ക്യുമുലേറ്റിവ് ഗ്രേഡ് പോയിന്റ് ആവറേജ് അനുസരിച്ച് പത്തില്‍ പത്തും (PERFECT10) ലഭിച്ച ചുരുക്കം ചില കുട്ടികളില്‍ ഒരാളാണ്.

ചെറുകഥ എഴുത്ത് മല്‍സര ങ്ങളിലും സയന്‍സ് എക്സിബിഷനു കളിലും പങ്കെടുത്ത് സമ്മാന ങ്ങള്‍ കരസ്ഥമാക്കിയ ജോനിറ്റ, മികച്ച നര്‍ത്തകിയും അഭിനേത്രി യുമാണ്.

അഞ്ചാം വയസ്സു മുതല്‍ ശാസ്ത്രീയ നൃത്തം അഭ്യസിക്കാന്‍ തുടങ്ങിയ ഈ കലാകാരി ഭരത നാട്യത്തിലും മോഹിനി യാട്ടത്തിലും കുച്ചുപ്പുടിയിലും അരങ്ങേറ്റം നടത്തി. നിരവധി കലാ മല്‍സര ങ്ങളില്‍ പങ്കെടു ക്കുകയും സമ്മാന ങ്ങള്‍ നേടുകയും ചെയ്തിട്ടുണ്ട്. യു. എ. ഇ. യില്‍ ചിത്രീകരിച്ച ഇടവഴിയിലെ പൂക്കള്‍ എന്ന ടെലി സിനിമ യില്‍ പ്രധാന കഥാപാത്രത്തെ അവതരിപ്പി ക്കുകയും  മേല്‍വിലാസങ്ങള്‍ എന്ന ടെലി സിനിമ യില്‍ നൃത്ത പ്രാധാന്യമുള്ള വേഷത്തില്‍ അഭിനയിക്കുകയും ചെയ്തു.

അബുദാബി എല്‍. എല്‍. എച്ച്. ആശുപത്രി യിലെ ഹൃദ്രോഗ വിദഗ്ദന്‍ ഡോക്റ്റര്‍ ജോസഫ്‌ കുരിയന്‍ – സോണിയ ദമ്പതി കളുടെ മകളാണ് ഈ മിടുക്കി.

- കറസ്പോണ്ടന്‍റ്

വായിക്കുക: , , ,

Comments Off on വ്യക്തിഗത മികവുമായി ജോനിറ്റ ജൊസഫ്

ലോക പരിസ്ഥിതി ദിനാചരണം ശ്രദ്ധേയമായി

June 6th, 2013

nahtam-group-efia-world-environmental-day-ePathram
അബുദാബി : നാഹ്ഥം സോഷ്യല്‍ റെസ്പോണ്‍സിബിലിറ്റീസ് ഗ്രൂപ്പ്, അബുദാബി മുനിസിപ്പാലിറ്റിയും ലുലു ഗ്രൂപ്പുമായി സഹകരിച്ചു സംഘടിപ്പിച്ച ലോക പരിസ്ഥിതി ദിനാചരണം ശ്രദ്ധേയമായി.

എമിറേറ്റ്സ് ഫ്യൂച്ചര്‍ ഇന്റര്‍ നാഷണല്‍ അക്കാദമി യിലെ അമ്പതോളം വരുന്ന വിദ്യാര്‍ത്ഥികള്‍ അബുദാബിയിലെ വിവിധ മാളുകളില്‍ പരിസ്ഥിതി ദിന സന്ദേശം ഉയര്‍ത്തിയ പ്ലക്കാര്‍ഡുകളും UNDP പ്രഖ്യാപിച്ച THINK Before You EAT and Help SAVE Our Environment എന്ന മുദ്രാവാക്യത്തോടെ റാലിയും നടത്തി.

efia-world-environmental-day-with-nahtam-ePathram

ഖാലിദിയ മാളില്‍ നടന്ന കുട്ടികളുടെ കൂട്ടായ്മയും പരിസ്ഥിതി പരിപാലിക്കപ്പെടേണ്ടതിന്റെ ആവശ്യകതാ ബോധ വത്കരണ ത്തിനുള്ള വിവിധ പരിപാടികളും ഭക്ഷണവും വെള്ളവും പാഴാക്കാതെ ആവശ്യാനുസരണം മാത്രം ഉപയോഗിക്കേ ണ്ടതിന്റെ ആവശ്യകതയും മര ങ്ങളുടെ പ്രാധാന്യവും കൊച്ചു കുട്ടികളി ലൂടെ സമൂഹത്തിലേക്ക് എത്തി ക്കാനായിട്ടാണ് ഈ പരിപാടി സംഘടിപ്പിച്ചത്.

ഇന്ന് ലോക ത്തില്‍ ഉത്പാദിപ്പിക്കപ്പെടുന്ന ഭക്ഷണ ത്തിന്റെ ദുരുപയോഗം ചെയ്യപ്പെടുന്ന മൂന്നില്‍ ഒരു ഭാഗം സംരക്ഷിക്കാന്‍ നമ്മെക്കൊണ്ടായാല്‍ ലോക ത്തില്‍ ഒരാള്‍പോലും ഭക്ഷണം കിട്ടാതെ ഉറങ്ങേണ്ടി വരില്ല എന്ന്‍ നാഹ്ഥം ഗ്രൂപ്പ് സി. ഇ. ഒ. ജോര്‍ജ്ജ് വി. ഇട്ടി പറഞ്ഞു.

- കറസ്പോണ്ടന്‍റ്

വായിക്കുക: , ,

Comments Off on ലോക പരിസ്ഥിതി ദിനാചരണം ശ്രദ്ധേയമായി

പരിസ്ഥിതി സംരക്ഷണവും ഭൂമിയും : ഏകദിന പരിസ്ഥിതി ക്യാമ്പ്

June 3rd, 2013

ksc-world-environmental-day-class-for-children--ePathram
അബുദാബി : ലോക പരിസ്ഥിതി ദിനത്തോട് അനുബന്ധിച്ച് കേരള സോഷ്യൽ സെന്റര്‍ ബാലവേദി, കുട്ടികൾക്കായി സംഘടിപ്പിക്കുന്ന ഏകദിന പരിസ്ഥിതി ക്യാമ്പ്‌ കെ. എസ്. സി. അങ്കണ ത്തിൽ ജൂണ്‍ 8 ശനിയാഴ്ച രാവിലെ 10 മണിക്ക് നടക്കും.

“പരിസ്ഥിതി സംരക്ഷണവും ഭൂമിയും” എന്നതാണ് കേന്ദ്ര വിഷയം. ഈ വിഷയ ത്തെ ആസ്പദമാക്കി തയ്യാറാകുന്ന പോസ്റ്ററുകൾ, കൊളാഷ്, ചർച്ചകൾ, തിയറ്റർ സ്കിറ്റ്, പ്രദർശന ങ്ങൾ തുടങ്ങി വിവിധ പരിപാടികൾ ഒരു ദിവസത്തെ ക്യാമ്പിൽ ഉണ്ടായി രിക്കുന്നതാണ്.

പങ്കെടുക്കാൻ ആഗ്രഹിക്കുന്നവർ മുൻ‌കൂർ രജിസ്റ്റർ ചെയ്യണം.

കൂടുതൽ വിവരങ്ങൾക്ക് : 02 631 44 56, 050 78 82 028, 050 54 15 172

- കറസ്പോണ്ടന്‍റ്

വായിക്കുക: , ,

Comments Off on പരിസ്ഥിതി സംരക്ഷണവും ഭൂമിയും : ഏകദിന പരിസ്ഥിതി ക്യാമ്പ്

സി. ബി. എസ്. ഇ. പത്താം ക്ലാസ് പരീക്ഷാ ഫലം : ഇന്ത്യന്‍ സ്കൂളുകള്‍ക്ക് മികച്ച നേട്ടം

May 31st, 2013

അബുദാബി : ഈ വര്‍ഷത്തെ സി. ബി. എസ്. ഇ. പത്താം ക്ലാസ് പരീക്ഷാ ഫലം പ്രഖ്യാപിച്ച പ്പോള്‍ അബുദാബി യിലെ ഇന്ത്യൻ സ്കൂളുകളും ഉന്നത വിജയം കരസ്ഥമാക്കി. അബുദാബി മോഡല്‍ സ്കൂള്‍, എമിറേറ്റ്സ് ഫ്യൂച്ചര്‍ ഇന്റര്‍നാഷണല്‍ അക്കാദമി, അല്‍ നൂര്‍ ഇന്ത്യന്‍ ഇസ്ലാമിക് സ്കൂള്‍, സണ്‍ റൈസ് ഇംഗ്ലീഷ്‌ പ്രൈവറ്റ്‌ സ്കൂള്‍ എന്നിവയാണ് ഇതില്‍ മുന്‍പന്തിയില്‍ നില്‍ക്കുന്നത്‌.

ചരിത്ര വിജയം നേടിക്കൊണ്ടാണ് മോഡല്‍ സ്കൂള്‍ ഈ വര്‍ഷവും മുന്നില്‍ നില്‍ക്കുന്നത്‌. വിജയിച്ച 73 കുട്ടികളില്‍ 25% പേരും എല്ലാ വിഷയ ങ്ങളിലും A1 ഗ്രേഡ്‌ നേടി. 62 % കുട്ടികളും C G PA അഥവാ ക്യുമുലേറ്റിവ് ഗ്രേഡ് പോയിന്റ് ആവറേജ് 9 ന് മുകളിലാണ് നേടിയിരിക്കുന്നത്.

എമിറേറ്റ്സ് ഫ്യൂച്ചര്‍ ഇന്റര്‍നാഷണല്‍ അക്കാദമി യില്‍ പരീക്ഷ ക്കിരുന്ന 102 കുട്ടികളും വിജയിക്കുകയും അതില്‍ C G PA ആവറേജ് 10 പോയിന്റ് നേടിയ 12 വിദ്യാര്‍ഥികളും ഉള്‍പ്പെടുന്നുണ്ട്.

തുടര്‍ച്ചയായ പതിനെട്ടാം വര്‍ഷവും നൂറു ശതമാനം വിജയം നേടി ക്കൊണ്ടാണ് അല്‍ നൂര്‍ ഇന്ത്യന്‍ ഇസ്ലാമിക് സ്കൂള്‍ ചരിത്ര ത്തിന്റെ ഭാഗമാവുന്നത്. പരീക്ഷ എഴുതിയ 36 കുട്ടികളും ഉന്നത വിജയം നേടിയപ്പോള്‍ മദീയ തരന്നം, ജംഷി യ സുല്‍ത്താന എന്നീ കുട്ടികള്‍ മുഴുവന്‍ വിഷയ ങ്ങളിലും A1 ഗ്രേഡ്‌ കരസ്ഥമാക്കി.

സണ്‍ റൈസ് സ്കൂളിലെ പരീക്ഷ എഴുതിയ 18 കുട്ടികളും പത്തില്‍ പത്തും നേടി മികച്ച വിജയം കൈവരിച്ചു.

- കറസ്പോണ്ടന്‍റ്

വായിക്കുക: , ,

Comments Off on സി. ബി. എസ്. ഇ. പത്താം ക്ലാസ് പരീക്ഷാ ഫലം : ഇന്ത്യന്‍ സ്കൂളുകള്‍ക്ക് മികച്ച നേട്ടം

വ്യക്തിഗത നേട്ടവുമായി ആയിഷ ഷാഹുല്‍

May 28th, 2013

ഷാര്‍ജ : സി. ബി. എസ്. ഇ. പത്താം ക്ലാസ് പരീക്ഷയില്‍ ഷാര്‍ജ ഗള്‍ഫ്‌ ഏഷ്യന്‍ സ്കൂളിലെ ആയിഷ ഷാഹുല്‍ കണ്ണാട്ട്,  മുഴുവന്‍ മാര്‍ക്കും വാങ്ങി ഉന്നത വിജയം കരസ്ഥ മാക്കി.

ayisha-shahul-chavakkad-kannat-ePathram
ചാവക്കാട്‌ മണത്തല സ്വദേശിയും ദുബായില്‍ ബിസിനസ്സു കാരനുമായ ഷാഹുല്‍ കണ്ണാട്ട് – ജാസ്മിന്‍ ദമ്പതി കളുടെ മകളാണ് ആയിഷ. ഏഴാം തരം വരെ ദുബായ് അവര്‍ ഓണ്‍ സ്കൂളില്‍ പഠിച്ച ആയിഷ യുടെ ഹൈസ്കൂള്‍ വിദ്യാഭ്യാസം തൃശൂര്‍ ചിറ്റിലപ്പിള്ളി ഐ. ഇ. എസ്. സ്കൂളില്‍ ആയിരുന്നു .

ആയിഷയുടെ പത്താം ക്ലാസ് പരീക്ഷ കഴിഞ്ഞ ഉടനെ ഷാഹു ലിന്റെ കുടുംബം ഷാര്‍ജ യിലേക്ക് വരിക യായിരുന്നു. പിന്നീട് തുടര്‍ പഠന ത്തിനായി ഗള്‍ഫ്‌ ഏഷ്യന്‍ സ്കൂളില്‍ ചേര്‍ന്നു.

ദുബായ്  കേന്ദ്രമാക്കി പ്രവര്‍ത്തിക്കുന്ന ‘പ്രോഗ്രസീവ്‌ ചാവക്കാട്‌ ’ എന്ന കൂട്ടായ്മ യുടെ സ്ഥാപക പ്രസിഡന്റും സാമൂഹ്യ പ്രവര്‍ത്ത കനുമാണ് ഷാഹുല്‍ കണ്ണാട്ട്. ചരിത്ര വിഷയ ങ്ങളിലും സാഹിത്യ ത്തിലും തല്പരയായ ആയിഷ, പിതാവിനെ പ്പോലെ തികഞ്ഞ ഒരു പരിസ്ഥിതി പ്രവര്‍ത്തകയുമാണ്.

- കറസ്പോണ്ടന്‍റ്

വായിക്കുക: , , ,

Comments Off on വ്യക്തിഗത നേട്ടവുമായി ആയിഷ ഷാഹുല്‍

Page 74 of 82« First...102030...7273747576...80...Last »

« Previous Page« Previous « സി. ബി. എസ്. ഇ. പ്ലസ്‌ ടു : മികച്ച നേട്ടവുമായി സെന്റ് ജോസഫ് സ്കൂള്‍
Next »Next Page » സിറിയയിൽ രാസായുധങ്ങൾ വീണ്ടും »



ക്രിക്കറ്റ് സ്‌റ്റേഡിയം ക...
ലിയോ ടോള്‍സ്റ്റോയി ലോക സാ...
മൈക്കള്‍ ജാക്സന്‍റെ മരണത്...
ഫേസ്ബുക്ക് കമന്റ് കാരണം സ...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha