ജനാർദ്ദനദാസ് കുഞ്ഞിമംഗല ത്തിന്റെ മാതാവ് നിര്യാതയായി

March 10th, 2015

അബുദാബി : അബുദാബി പോലീസ് ഫോറൻസിക് വകുപ്പിലെ മുതിർന്ന ഉദ്യോഗ സ്ഥനും പ്രശസ്ത ഫോട്ടോ ഗ്രാഫറുമായ ജനാർദ്ദന ദാസ് കുഞ്ഞിമംഗല ത്തിന്റെ മാതാവ് കലിക്കോട്ട് വലിയ വീട്ടിൽ ജാനകിയമ്മ (85) നിര്യാതയായി.

kunjimangalam-valiya-veettil-janaki-amma-ePathram
വാർദ്ധക്യ സഹജമായ അസ്വസ്ഥതകളെ ത്തുടർന്ന് കണ്ണൂരിലെ സ്വവസതി യിൽ വച്ചായിരുന്നു അന്ത്യം.

കുട്ടികൃഷ്ണൻ, പരേതനായ രവി, ലളിത എന്നിവരാണ് മറ്റു മക്കൾ.

- pma

വായിക്കുക:

Comments Off on ജനാർദ്ദനദാസ് കുഞ്ഞിമംഗല ത്തിന്റെ മാതാവ് നിര്യാതയായി

ആദര്‍ശ ദീപം പൊലിഞ്ഞു : ജി. കാര്‍ത്തി കേയന്റെ നിര്യാണ ത്തില്‍ അനുശോചന പ്രവാഹം

March 9th, 2015

speaker-g-karthikeyan-in-meet-the-press-ePathram
അബുദാബി : സ്പീക്കര്‍ ജി. കാര്‍ത്തികേയന്‍െറ നിര്യാണ ത്തില്‍ പ്രവാസ ലോക ത്തെ വിവിധ സംഘടന കളും കൂട്ടായ്മകളും അനുശോചനം രേഖപ്പെടുത്തി.

ഒന്നര വര്‍ഷം മുമ്പ് ഇന്ത്യന്‍ മീഡിയ അബുദാബി ഗാന്ധി ജയന്തിയോട് അനുബന്ധിച്ച് സംഘടിപ്പിച്ച സമാധാന സമ്മേളന ത്തില്‍ പങ്കെടു ക്കാനാണ് ജി. കാര്‍ത്തി കേയന്‍ അവസാന മായി ഗള്‍ഫില്‍ എത്തിയത്.

ഇന്ത്യന്‍ ഇസ്ലാമിക് സെന്‍റര്‍ പ്രസിഡന്‍റ് പി. ബാവ ഹാജി, ജനറല്‍ സെക്രട്ടറി അഡ്വ. മുഹമ്മദ് കുഞ്ഞി, കേരള സോഷ്യല്‍ സെന്‍റര്‍ പ്രസിഡന്‍റ് എം. യു. വാസു, ജനറല്‍ സെക്രട്ടറി സഫറുല്ല പാലപ്പെട്ടി, അബുദാബി മലയാളി സമാജം പ്രസിഡന്റ് ഷിബു വര്‍ഗ്ഗീസ്, ജനറല്‍ സെക്രട്ടറി സുരേഷ് പയ്യന്നൂര്‍ എന്നിവര്‍ സംയുക്ത മായി അനു ശോചന സന്ദേശം അയച്ചു. ഇന്ത്യന്‍ മീഡിയ അബുദാബി, കെ. എസ്. സി. യില്‍ ചേര്‍ന്ന അനുശോചന യോഗ ത്തില്‍ ഇമ പ്രസിഡന്റ് ടി. എ. അബ്ദുല്‍ സമദ് അദ്ധ്യക്ഷത വഹിച്ചു.

സ്ഥാന മാന ങ്ങള്‍ക്ക് വേണ്ടിയല്ല രാഷ്ട്രീയ പ്രവര്‍ത്തനം എന്ന് കേരളത്തെ പഠിപ്പിച്ച സൗമ്യ നായ വ്യക്തിത്വ മായിരുന്നു ജി. കാര്‍ത്തി കേയന്‍ എന്ന് പ്രമുഖ വ്യവസായി യും അബുദാബി ചേംബര്‍ ഡയറക്ടര്‍ ബോര്‍ഡ് അംഗവു മായ എം. എ. യൂസുഫലി അനുശോചന സന്ദേശ ത്തില്‍ പറഞ്ഞു.

ഒ. ഐ. സി. സി., അബുദാബി മഹാത്മാ ഗാന്ധി കള്‍ച്ചറല്‍ ഫോറം, സംസ്ഥാന കെ. എം. സി. സി. തുടങ്ങിയ കൂട്ടായ്മകള്‍ അനുശോചിച്ചു.

- pma

വായിക്കുക: , , , ,

Comments Off on ആദര്‍ശ ദീപം പൊലിഞ്ഞു : ജി. കാര്‍ത്തി കേയന്റെ നിര്യാണ ത്തില്‍ അനുശോചന പ്രവാഹം

ചിറയിന്‍കീഴ് അന്‍സാര്‍ മെമ്മോറിയല്‍ എന്‍ഡോവ്മെന്റ് സമ്മാനിച്ചു

March 7th, 2015

അബുദാബി : മലയാളി സമാജ ത്തിന്‍റെ പ്രസിഡന്‍റ് ആയിരുന്ന അന്തരിച്ച സാമൂഹ്യ സാംസ്കാരിക പ്രവര്‍ത്തകന്‍ ചിറയിന്‍ കീഴ് അന്‍സാറിന്‍റെ സ്മരണക്കായി ഫ്രണ്ട്സ് ഓഫ് എ. ഡി. എം. എസ്. ഏര്‍പ്പെടുത്തിയ അന്‍സാര്‍ മെമ്മോറിയല്‍ എന്‍ഡോവ് മെന്റിന്റെ അന്‍സാര്‍ സ്മാരക പുരസ്കാര ദാനവും അനുസ്മരണ സമ്മേള നവും നടന്നു.

മുസ്സഫ യിലെ മലയാളി സമാജ ത്തില്‍ സംഘടിപ്പിച്ച പരിപാടി യിൽ ഇന്ത്യന്‍ അംബാസിഡര്‍ ടി. പി. സീതാറാം, പത്മശ്രീ എം. എ. യൂസഫലി, കെ. പി. സി. സി. സെക്രട്ടറി എം. എം. നസീര്‍, വിവിധ സാമൂഹ്യ – സാംസ്കാരിക സംഘടനാ നേതാക്കളും സംബന്ധിച്ചു.

തിരൂര്‍ കേന്ദ്രമായി പ്രവര്‍ത്തിക്കുന്ന ശാന്തി സ്പെഷ്യല്‍ സ്കൂളിനും കോഴിക്കോട് ചേമഞ്ചേരി ആസ്ഥാന മായി പ്രവര്‍ത്തിക്കുന്ന അഭയം മെന്റല്‍ ഹെല്‍ത്ത് സെന്ററിനു മാണ് അൻസാർ സ്മാരക പുരസ്കാരം സമ്മാനിച്ചത്.

ശാന്തി സ്പെഷ്യല്‍ സ്കൂളിന്റെ ബാലകൃഷ്ണന്‍ മാസ്റ്റര്‍, അഭയ ത്തിന്റെ കുഞ്ഞു മുഹമ്മദ്‌ മാസ്റ്റര്‍ എന്നിവര്‍ പുരസ്കാര ങ്ങള്‍ ഏറ്റു വാങ്ങി.

പ്രവാസികള്‍ക്ക് വോട്ടവകാശം നേടി എടുക്കാനായി പ്രയത്നിച്ച പ്രവാസി ഭാരതീയ സമ്മാന്‍ ജേതാവ് ഡോക്ടര്‍ ഷംസീര്‍ വയലിലിനെ ചടങ്ങില്‍ ആദരിച്ചു.

ഫ്രണ്ട്സ്‌ എ. ഡി. എം. എസ്. സ്ഥാപക നേതാക്കളിൽ ഒരാളായ മുഗള്‍ ഗഫൂ റിന്റെ സ്മരണാർത്ഥം നല്കുന്ന പുരസ്കാരം, യുവ ഗായകന്‍ പറവൂര്‍ സുധീറിന് സമ്മാനിച്ചു.

നൂറ്റിപ്പത്ത് മണിക്കൂര്‍ ഗാനാലാപന യജ്ഞം നടത്തി ഗിന്നസ് ബുക്കില്‍ ഇടം നേടിയ പാട്ടുകാരനാണ് പറവൂര്‍ സുധീര്‍.

തുടർന്ന് അൻസാർ അനുസ്മരണ സമ്മേളനവും നടന്നു. ഫ്രണ്ട്സ്‌ എ. ഡി. എം. എസ്. പ്രസിഡന്റ് പി. കെ. ജയരാജ്, അധ്യക്ഷത വഹിച്ചു. പുന്നൂസ് ചാക്കോ, കല്യാണ്‍ കൃഷ്ണന്‍, ടി. എ. നാസ്സര്‍ തുടങ്ങിയവര്‍ പരിപാടി കള്‍ക്ക് നേതൃത്വം നല്‍കി.

- pma

വായിക്കുക: , , ,

Comments Off on ചിറയിന്‍കീഴ് അന്‍സാര്‍ മെമ്മോറിയല്‍ എന്‍ഡോവ്മെന്റ് സമ്മാനിച്ചു

സ്പീക്കര്‍ ജി. കാര്‍ത്തികേയന്റെ സംസ്കാരം ഇന്ന് വൈകീട്ട്

March 7th, 2015

തിരുവനന്തപുരം: ഇന്നലെ രാവിലെ അന്തരിച്ച കേരള നിയമസഭാ സ്പീക്കര്‍ ജി. കാര്‍ത്തികേയന്റെ മൃതദേഹം ഇന്ന് വൈകീട്ട് ആറരയ്ക്ക് തിരുവനന്തപുരത്തെ തൈക്കാട് ശാന്തികവാടത്തില്‍ സംസ്കരിക്കും. ബാംഗ്ലൂരുവില്‍ നിന്നും പ്രത്യേക വിമാനത്തില്‍ തിരുവനന്തപുരത്തെത്തിക്കുന്ന മൃതദേഹം ഇന്ന് രാവിലെ പത്തു മുതല്‍ പതിനൊന്നു മണി വരെ കെ. പി. സി. സി. ആസ്ഥാനമായ ഇന്ദിരാ ഭവനില്‍ പൊതു ദര്‍ശനത്തിനു വെക്കും. തുടര്‍ന്ന് സെക്രട്ടേറിയേറ്റിലെ ദര്‍ബാര്‍ ഹാളിലും ആര്യനാട് സ്കൂളിലും പൊതു ദര്‍ശനത്തിനു വെക്കും. വൈകീട്ട് നാലു മണിക്ക് തിരുവനന്തപുരത്തെ വസതിയില്‍ പൊതു ദര്‍ശനത്തിനു ശേഷമായിരിക്കും വിലാപ യാത്രയായി ശാന്തി കവാടത്തിലേക്ക് കൊണ്ടു പോകുക. സ്പീക്കറുടെ മരണത്തെ തുടര്‍ന്ന് സംസ്ഥനത്ത് ഒരാഴ്ചത്തെ ഔദ്യോഗിക ദു:ഖാചരണം പ്രഖ്യാപിച്ചു.

- എസ്. കുമാര്‍

വായിക്കുക: , ,

Comments Off on സ്പീക്കര്‍ ജി. കാര്‍ത്തികേയന്റെ സംസ്കാരം ഇന്ന് വൈകീട്ട്

സ്പീക്കര്‍ ജി. കാര്‍ത്തികേയന്‍ അന്തരിച്ചു

March 7th, 2015

speaker-g-karthikeyan-ePathram

തിരുവനന്തപുരം: കേരള നിയമ സഭാ സ്പീക്കറും കോണ്‍ഗ്രസിന്റെ മുതിര്‍ന്ന നേതാവുമായ ജി. കാര്‍ത്തികേയന്‍ (66) അന്തരിച്ചു. കരളില്‍ അര്‍ബുദ രോഗ ബാധയെ തുടര്‍ന്ന് ബാംഗ്ലൂരുവിലെ എച്ച്. സി. ജി. ആശുപത്രിയില്‍ ഇന്ന് രാവിലെ പത്തരയോടെ ആയിരുന്നു അന്ത്യം. 17 ദിവസമായി അദ്ദേഹത്തെ ആശുപത്രിയില്‍ പ്രവേശിപ്പിച്ചിട്ട്. ആരോഗ്യ സ്ഥിതി വഷളായതിനെ തുടര്‍ന്ന് കഴിഞ്ഞ ഒരാഴ്ചയായി ഓങ്കോളൊജി വിഭാഗത്തിലെ വെന്റിലേറ്ററില്‍ ആയിരുന്നു. ഭാര്യ ഡോ. സുലേഖയും മക്കളായ അനന്ത പത്മനാഭന്‍, ശബരീനാഥ് എന്നിവരും അടുത്ത ബന്ധുക്കളും മന്ത്രിമാര്‍ അടക്കമുള്ള പ്രമുഖ രാഷ്ടീയ നേതാക്കളും മരണ സമയത്ത് ആശുപത്രിയില്‍ ഉണ്ടായിരുന്നു. ആഭ്യന്തര മന്ത്രി രമേശ് ചെന്നിത്തല, വ്യവസായ മന്ത്രി പി. കെ. കുഞ്ഞാലിക്കുട്ടി എന്നിവര്‍ ബാംഗ്ലുരുവിലെക്ക് പുറപ്പെട്ടു.

മൃതദേഹം പ്രത്യേക വിമാനത്തില്‍ തിരുവനന്തപുരത്തേക്ക് കൊണ്ടു വരും. സ്പീക്കറുടെ ഔദ്യോഗിക വസതിയില്‍ പൊതു ദര്‍ശനത്തിനു വെക്കും. തുടര്‍ന്ന് ദര്‍ബാര്‍ ഹാള്‍, കെ. പി. സി. സി. ആസ്ഥാനം എന്നിവിടങ്ങളില്‍ പൊതു ദര്‍ശനത്തിനു വച്ച ശേഷം ഔദ്യോഗിക ബഹുമതികളോടെ തൈക്കാട് ശാന്തി കവാടത്തില്‍ ഞായറാഴ്ച വൈകീട്ട് 6.30ന് സംസ്കരിക്കും.

1949-ല്‍ വര്‍ക്കലയില്‍ എന്‍. പി. ഗോപാല പിള്ളയുടേയും വനജാക്ഷി അമ്മയുടേയും മകനായാണ് രാഷ്ടീയ മണ്ഡലങ്ങളില്‍ ജി. കെ. എന്നറിയപ്പെടുന്ന ജി. കാര്‍ത്തികേയന്‍ ജനിച്ചത്. കെ. എസ്. യു. യൂണിറ്റ് പ്രസിഡണ്ടായി വിദ്യാര്‍ഥി രാഷ്ടീയത്തില്‍ കടന്നു വന്ന അദ്ദേഹം പിന്നീട് സംസ്ഥാന പ്രസിഡണ്ട്, കേരള സര്‍വ്വകലാശാല യൂണിയന്‍ ജനറല്‍ സെക്രട്ടറി തുടങ്ങി വിവിധ പദവികള്‍ വഹിച്ചു. എല്‍. എല്‍. ബി. പഠന ശേഷം സജീവ രാഷ്ടീയത്തിലേക്ക് കടന്നു. യൂത്ത് കോണ്‍ഗ്രസ്സ് ബ്ലോക്ക് പ്രസിഡണ്ടായ അദ്ദേഹം സംസ്ഥാന സെക്രട്ടറി, പ്രസിഡണ്ട് തുടങ്ങിയ ഭാരവാഹിത്വങ്ങള്‍ വഹിച്ചിട്ടുണ്ട്.

1980-ല്‍ ആണ് കാര്‍ത്തികേയന്‍ ആദ്യമായി നിയമ സഭയിലേക്ക് മത്സരിക്കുന്നത്. സി. പി. എമ്മിലെ കരുത്തനായ വര്‍ക്കല രാധാകൃഷ്ണനോട് പരാജയപ്പെട്ടു. തുടര്‍ന്ന് 1982-ല്‍ തിരുവനന്തപുരം നോര്‍ത്തില്‍ സി. പി. എമ്മിലെ കെ. അനിരുദ്ധനെ തോല്പിച്ച് നിയമസഭയില്‍ എത്തി. തുടര്‍ന്ന് 1987-ല്‍ സി. പി. എമ്മിലെ തന്നെ എം. വിജയ കുമാറിനോട് മത്സരിച്ച് പരാജയപ്പെട്ടു. പിന്നീട് 1991-ല്‍ ആര്യനാട് മണ്ഡലത്തില്‍ എത്തിയ കാര്‍ത്തികേയന്‍ അവിടെ നിന്നും 2006-വരെ തുടര്‍ച്ചയായി വിജയിച്ചു. ആര്യനാട് മണ്ഡലം പിന്നീട് അരുവിക്കരയായി മാറിയെങ്കിലും ജി. കാര്‍ത്തികേയന്‍ വിജയിച്ചു. 1995-ല്‍ വൈദ്യുതി മന്ത്രിയായും 2001-ല്‍ ഭക്ഷ്യ പൊതുവിതരണ വകുപ്പ് മന്ത്രിയായും സേവനം അനുഷ്ടിച്ചു. ഇത്തവണ കോണ്‍ഗ്രസ്സ് അധികാരത്തിൽ എത്തിയപ്പോള്‍ മന്ത്രി സ്ഥാനം ലഭിച്ചില്ലെങ്കിലും സഭാ നാഥനാകുവാനായിരുന്നു കാര്‍ത്തികേയന്റെ നിയോഗം.

സിനിമ, സ്പ്പോര്‍ട്സ്, വായന, യാത്ര എന്നിവയില്‍ കാര്‍ത്തികേയനു പ്രത്യേക താല്പര്യം ഉണ്ടായിരുന്നു. സ്പീക്കര്‍ ജി. കാര്‍ത്തികേയന്റെ നിര്യാണത്തില്‍ സാമൂഹിക രാഷ്ടീയ സാംസ്കാരിക രംഗത്തെ പ്രമുഖര്‍ അനുശോചനം രേഖപ്പെടുത്തി. മികച്ച ഒരു പാര്‍ളമെന്റേറിയനെയാണ് അദ്ദേഹത്തിന്റെ നിര്യാണത്തിലൂടെ കേരളത്തിനു നഷ്ടമായത്.

- എസ്. കുമാര്‍

വായിക്കുക: , , , ,

Comments Off on സ്പീക്കര്‍ ജി. കാര്‍ത്തികേയന്‍ അന്തരിച്ചു

Page 30 of 43« First...1020...2829303132...40...Last »

« Previous Page« Previous « സമാജം സാഹിത്യ പുരസ്‌കാര ദാനവും സാംസ്കാരിക സമ്മേളനവും
Next »Next Page » സ്പീക്കര്‍ ജി. കാര്‍ത്തികേയന്റെ സംസ്കാരം ഇന്ന് വൈകീട്ട് »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha