ട്വന്റി – ട്വന്റി ക്രിക്കറ്റ്‌ : ടൂര്‍ണമെന്റ് തൃശ്ശൂര്‍ ജേതാക്കള്‍

January 19th, 2013

ദുബായ് : ഷാര്‍ജ ക്രിക്കറ്റ്‌ സ്റ്റേഡിയ ത്തില്‍ സംഘടിപ്പിച്ച മൂന്നാമത് ഇന്റര്‍ ഡിസ്ട്രിക്റ്റ് ക്രിക്കറ്റ്‌ ലീഗ് കേരള (ഐ. സി. എല്‍. കേരള) ട്വന്റി – ട്വന്റി ക്രിക്കറ്റ്‌ ടൂര്‍ണമെന്റില്‍ തൃശൂര്‍ ജേതാക്ക ളായി. ഫൈന ലില്‍ കണ്ണൂരിനെ എഴുപത്തി ഏഴ് റണ്‍സിന് പരാജയപ്പെടുത്തിയാണ് തൃശൂര്‍ വിജയികളായത്. സ്കോര്‍: തൃശൂര്‍ 20 ഓവറില്‍ 188/6, കണ്ണൂര്‍ 18 ഓവറില്‍ 111/10.

പ്രവീണ്‍ അച്യുതന്‍ (തൃശൂര്‍) മാന്‍ഓഫ് ദ മാച്ചായും ഹൈദര്‍ (കണ്ണൂര്‍) മാന്‍ഓഫ് ദ സീരിസായും കൃഷ്ണ ചന്ദ്രന്‍ മികച്ച ബാറ്റ്സ്മാനായും ഗോപ കുമാര്‍ മികച്ച ബൌളര്‍ ആയും തിരഞ്ഞെടുക്കപ്പെട്ടു (ഇരുവരും തൃശൂര്‍).

സബ്കോണ്‍ ക്രിക്കറ്റ്‌ ക്ലബ്ബ്‌ പ്രസിഡന്റ്‌ ബിപിന്‍ മേനോന്‍ അധ്യക്ഷത വഹിച്ച സമ്മാനദാന ചടങ്ങില്‍ സെക്രട്ടറി ഷിനോയ് സോമന്‍ ട്രഷറര്‍ ജോണ്‍സന്‍ ജോര്‍ജ്, കണ്‍വീനര്‍ അജയ്‌ ബാലന്‍, വൈസ് പ്രസിഡന്‍റ് ഷഹീദ അഹമ്മദ്‌, ഷാര്‍ജ ക്രിക്കറ്റ്‌ കൌണ്‍സില്‍ ജനറല്‍സെക്രട്ടറി മസൂര്‍ ഖാന്‍, മാധ്യമ പ്രവര്‍ത്തകരായ ലിയോ, ഐപ്പ് വള്ളിക്കാടന്‍, സിറാജുദ്ദീന്‍, അക്കാഫ്‌ പ്രസിഡന്റ് സാനു മാത്യു, അക്കാഫ്‌ മുന്‍ പ്രസിഡന്‍റ് എം. ഷാഹുല്‍ഹമീദ്‌, റോജിന്‍ പൈനുംമൂട്, സതീഷ്‌, ആര്‍. കെ. നായര്‍, എന്നിവര്‍ പ്രസംഗിച്ചു.

- കറസ്പോണ്ടന്‍റ്

വായിക്കുക: ,

Comments Off on ട്വന്റി – ട്വന്റി ക്രിക്കറ്റ്‌ : ടൂര്‍ണമെന്റ് തൃശ്ശൂര്‍ ജേതാക്കള്‍

ഫോര്‍ എ സൈഡ് ഫുട്ബോള്‍ ടൂര്‍ണമെന്റ്റ്

November 7th, 2012

അബുദാബി : കേരള സോഷ്യല്‍ സെന്റര്‍ സംഘടിപ്പിക്കുന്ന അഞ്ചാമത് എ കെ ജി മെമ്മോറിയല്‍ ഫോര്‍ എ സൈഡ് ഫുട്ബോള്‍ ടൂര്‍ണമെന്റ് നവംബര്‍ 15, 16, 17 തിയ്യതി കളില്‍ കെ എസ് സി യില്‍ വെച്ച് നടക്കും.

പങ്കെടുക്കാന്‍ താല്പര്യമുള്ള ടീമുകള്‍ നവംബര്‍ 10നു മുമ്പ് കെ എസ് സി ഓഫീസുമായി ബന്ധപ്പെടുക : 02 631 44 55 – 050 31 28 483

- കറസ്പോണ്ടന്‍റ്

വായിക്കുക: ,

Comments Off on ഫോര്‍ എ സൈഡ് ഫുട്ബോള്‍ ടൂര്‍ണമെന്റ്റ്

ഒളിമ്പ്യന്‍ ഇര്‍ഫാന് അബുദാബിയില്‍ സ്വീകരണം നല്‍കി

November 4th, 2012

olympian-irfan-at-abudhabi-ePathram
അബുദാബി : തന്റെ ഗതികേട് മറ്റൊരു കായിക താരത്തിനും ഉണ്ടാവരുതെന്നു കെ. എം. സി. സി. നൽകിയ സ്വീകരണത്തിൽ പ്രസംഗിക്കവെ ഒളിമ്പ്യന്‍ ഇര്‍ഫാന്‍ പറഞ്ഞു. വേണ്ട രീതിയിലുള്ള പരീശീലനം തനിക്ക് ലഭിക്കുക യാണെങ്കില്‍ അര മിനിറ്റ് കൊണ്ട് നഷ്ടപ്പെട്ട മെഡല്‍ പട്ടിക യില്‍ താനും ഉള്‍പ്പെടുമായിരുന്നു എന്ന് പത്താം സ്ഥാനം കരസ്ഥമാക്കിയ ഇര്‍ഫാന്‍ വേദന യോടെ തന്‍റെ ഉള്ളു തുറന്നു പറഞ്ഞു. താന്‍ ഒരു പ്രാസംഗികന്‍ അല്ല വെറും ഒരു നടത്ത ക്കാരാനാണ് എന്ന് പറഞ്ഞ അദ്ദേഹം തന്റെ നന്ദി പ്രസംഗ ത്തിന്‍റെ ആദ്യ വാക്കില്‍ തന്നെ കാണികളുടെ കയ്യടി നേടിയിരുന്നു.

പലരുടെയും ഉള്ളില്‍ ഒരു കായിക താരം ഒളിഞ്ഞിരിപ്പുണ്ടെന്നും അത് പ്രോത്സാഹിപ്പി ക്കേണ്ടതാണ് എന്നും തന്നെ ആദ്യമായി ലണ്ടന്‍ കെ. എം. സി. സി. ആണ് സ്വീകരണ ത്തിനു ക്ഷണിച്ച തെന്നും തനിക്ക് ലഭിച്ച സ്വീകരണ ത്തില്‍ കൂടുതലും കെ. എം. സി. സി. പ്രവര്‍ത്ത കരുടെ ആണെന്നും ഇര്‍ഫാന്‍ പറഞ്ഞു.

ഒളിമ്പ്യന്‍ ഇര്‍ഫാന് അബുദാബി ഇസ്ലാമിക്‌ സെന്ററില്‍ നല്‍കിയ സ്വീകരണ ത്തില്‍ കെ. എം. സി. സി. യുടെ പ്രമുഖ നേതാക്കൾ പങ്കെടുത്തു. ഇസ്ലാമിക്‌ സെന്‍റർ അങ്കണത്തില്‍ വന്നിറങ്ങിയ ഇര്‍ഫാനെ സ്വീകരിക്കാന്‍ നൂറു കണക്കിന് ആളുകളാണ് എത്തിയിരുന്നത്.

ഇസ്ലാമിക്‌ സെന്‍റര്‍ പ്രസിഡണ്ട്‌ ബാവ ഹാജി പരിപാടി ഉദ്ഘാടനം ചെയ്തു. ജാഫര്‍ തങ്ങള്‍ അദ്ധ്യക്ഷത വഹിച്ചു. എം. പി. എം. റഷീദ്‌, ഷറഫുദീന്‍ മംഗലാട്, എന്‍ . കുഞ്ഞിപ്പ, അബ്ദുള്ള ഫാറൂഖി, ഉസ്മാന്‍ കരപ്പാത്ത്, അസീസ്‌ കാളിയാടന്‍ , ടി. കെ. അബ്ദുല്‍ ഹമീദ്, ബാസിത്ത് കായക്കണ്ടി തുടങ്ങിയവര്‍ ആശംസാ പ്രസംഗവും ഷുക്കൂര്‍ അലി കല്ലിങ്ങല്‍ സ്വാഗതവും മരക്കാര്‍ നന്ദിയും പറഞ്ഞു.

ഷറഫുദീന്‍ മംഗലാട്, അസീസ്‌ കാളിയാടന്‍ , ലത്തീഫ്‌. പി. കെ. വാണിമേല്‍, അബ്ദുല്‍സലാം എന്നിവര്‍ മൊമന്റോ നല്‍കി. കോഴിക്കോട്‌ – മലപ്പുറം ജില്ലാ കെ. എം. സി. സി. കമ്മിറ്റികള്‍ സംയുക്ത മായിട്ടാണ് സ്വീകരണ പരിപാടി ഒരുക്കിയിരുന്നത്. സ്വീകരണത്തിനു നന്ദി പ്രകാശിപ്പിച്ചു കൊണ്ട് ഇര്‍ഫാന്‍ സംസാരിച്ചു. ഫെബ്രുവരി യില്‍ നടക്കുന്ന കോഴിക്കോട്‌ ജില്ലാ കെ. എം. സി. സി. യുടെ അഞ്ചാമത് സി. എച്ച്. ഫുട്ബോള്‍ മേള യുടെ പ്രഖ്യാപനവും ഒളിമ്പ്യന്‍ ഇര്‍ഫാന്‍ നടത്തി.

-അബൂബക്കര്‍ പുറത്തീല്‍ – അബുദാബി

- കറസ്പോണ്ടന്‍റ്

വായിക്കുക: , ,

Comments Off on ഒളിമ്പ്യന്‍ ഇര്‍ഫാന് അബുദാബിയില്‍ സ്വീകരണം നല്‍കി

നടി അനന്യയ്ക്ക് ദേശീയ അമ്പെയ്‌ത്ത് ചാമ്പ്യന്‍ ഷിപ്പിന് യോഗ്യത

October 13th, 2012

ananya-archery-epathram

കൊച്ചി: പ്രശസ്ത ചലച്ചിത്ര താരം അനന്യ ദേശീയ അമ്പെയ്‌ത്ത് ചാമ്പ്യന്‍ ഷിപ്പില്‍ പങ്കെടുക്കുവാന്‍ യോഗ്യത നേടി. സംസ്ഥാന അമ്പെയ്ത്ത് ചാമ്പ്യന്‍ ഷിപ്പില്‍ കോമ്പൌണ്ട് ബോയില്‍ സീനിയര്‍ വിഭാഗത്തില്‍ വിജയിയായതോടെ ആണ് അനന്യ ദേശീയ ചാമ്പ്യന്‍ഷിപ്പിനു യോഗ്യത നേടിയത്. സിനിമയില്‍ സജീവമാകുന്നതിനു മുമ്പ് അനന്യ അമ്പെയ്‌ത്ത് മത്സരങ്ങളില്‍ ആറു വര്‍ഷം പങ്കാളിയായിരുന്നു. 2003-ല്‍ ആയിരുന്നു അമ്പെയ്ത്തില്‍ അനന്യയുടെ അരങ്ങേറ്റം. എറണാകുളം ജില്ലയെ പ്രതിനിധീകരിച്ചാണ് ഇത്തവണയും അനന്യ സംസ്ഥാന ചാമ്പ്യന്‍ ഷിപ്പില്‍ ഇറങ്ങിയത്. പെരുമ്പാവൂര്‍ സ്വദേശിയായ അനന്യ മലയാളം, തെലുങ്ക് ചിത്രങ്ങളില്‍ സജീവമാണ്.

- എസ്. കുമാര്‍

വായിക്കുക: , ,

Comments Off on നടി അനന്യയ്ക്ക് ദേശീയ അമ്പെയ്‌ത്ത് ചാമ്പ്യന്‍ ഷിപ്പിന് യോഗ്യത

ഹിന്ദുത്വം ആരോപിച്ച് യോഗയ്ക്ക് വിലക്ക്

September 27th, 2012

yoga-instructor-epathram

ലണ്ടൻ : യോഗ ഒരു ഹിന്ദു മത അനുഷ്ഠാനമാണ് എന്ന കാരണം പറഞ്ഞ് ലണ്ടനിലെ ഒരു പള്ളിയുടെ ഹാളിൽ നിന്നും യോഗാ ക്ലാസ് എടുക്കുന്നത് പള്ളിയിലെ വികാരിയച്ഛൻ വിലക്കി. പള്ളിയുടെ ഹാൾ കത്തോലിക്കാ വിശ്വാസത്തെ വളർത്താൻ ഉദ്ദേശിച്ച് നിർമ്മിച്ചതാണ്. ഇവിടെ ഒരു ഹിന്ദു മത അനുഷ്ഠാനത്തിന്റെ പരിശീലനം പ്രോൽസാഹിപ്പിക്കാൻ ആവില്ല എന്നാണ് അച്ഛൻ പറയുന്നത്. യോഗാ ക്ലാസ് നടത്താനായി 180 പൌണ്ട് നൽകിയ പരിശീലക കോറി വിത്തെല്ലിനെ സഭാ നേതൃത്വം സംഭവം ധരിപ്പിച്ചതിനെ തുടർന്ന് നേരത്തെ പ്രഖ്യാപിച്ച ക്ലാസുകൾ അവർ റദ്ദാക്കി. യോഗ ഒരു മതാനുഷ്ഠാനമല്ല എന്ന് ആണയിടുന്ന കോറി തന്റെ ക്ലാസിൽ വെറും കായിക പരിശീലനം മാത്രമാണ് നടക്കുന്നത് എന്ന് വ്യക്തമാക്കി.

- ജെ.എസ്.

വായിക്കുക: , , ,

Comments Off on ഹിന്ദുത്വം ആരോപിച്ച് യോഗയ്ക്ക് വിലക്ക്

Page 36 of 37« First...102030...3334353637

« Previous Page« Previous « ജൂലിയൻ അസാഞ്ജെ ഐക്യരാഷ്ട്ര സഭയിൽ സംസാരിക്കും
Next »Next Page » ഇന്ന് അനശ്വര രക്തസാക്ഷി സര്‍ദാര്‍ ഭഗത് സിങ്ങിന്റെ ജന്മദിനം »



ക്രിക്കറ്റ് സ്‌റ്റേഡിയം ക...
ലിയോ ടോള്‍സ്റ്റോയി ലോക സാ...
മൈക്കള്‍ ജാക്സന്‍റെ മരണത്...
ഫേസ്ബുക്ക് കമന്റ് കാരണം സ...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha