ന്യൂഡല്ഹി : പിണറായി സര്ക്കാര് പുറത്താക്കിയ ഡിജിപി സെന് കുമാറിനെ പോലീസ് മേധാവിയായി പുനര്നിയമിക്കണമെന്ന് സുപ്രീം കോടതി. ഡിജിപി സ്ഥാനത്തുനിന്നും സെന് കുമാറിനെ മാറ്റിയ കേരള സര്ക്കാര് നടപടി പരമോന്നത കോടതി റദ്ദാക്കി. കേരള സര്ക്കാര് സെന് കുമാറിനോട് മോശം നടപടി സ്വീകരിച്ചെന്ന് സുപ്രീം കോടതി വിധിയില് പറയുന്നതായി അഭിഭാഷകന് പറഞ്ഞു.
വിരമിക്കാന് ഒരു വര്ഷം മാത്രം ബാക്കി നില്ക്കേയാണ് സെന് കുമാറിനെ മാറ്റി ആ സ്ഥാനത്ത് ലോകനാഥ് ബെഹ്റയെ കൊണ്ടുവന്നത്. സുപ്രീം കോടതി വിധി അനുസരിച്ച് സേവന കാലാവധി തീരുന്നത് വരെ സെന് കുമാറിന് ഡിജിപി സ്ഥാനത്ത് തുടരാം.
