പ്രബന്ധ രചനാ മത്സര വിജയികളെ പ്രഖ്യാപിച്ചു

September 10th, 2024

ink-pen-literary-ePathram
അബുദാബി : ഇന്ത്യൻ ഇസ്ലാമിക് സെൻ്റർ സാഹിത്യ വിഭാഗവും അബുദാബി അക്ഷര ക്ലബ്ബും ചേർന്ന് സംഘടിപ്പിച്ച പ്രബന്ധ രചനാ മത്സര വിജയികളെ പ്രഖ്യാപിച്ചു.

സ്വാതന്ത്ര്യ ദിന ആഘോഷങ്ങളുടെ ഭാഗമായി ‘രാഷ്ട്ര ബോധവും ദേശ സ്നേഹവും പുതു തലമുറയിൽ’ എന്ന വിഷയത്തിൽ ഒരുക്കിയ രചനാ മത്സരത്തിൽ അബൂബക്കർ പൊന്നാനി (ദുബായ്), അബ്ദുൽ മുത്തലിബ് അരയാലൻ (അബുദാബി), ജംഷാദ് തിരുവിഴാംകുന്ന് (മുസ്സഫ) എന്നിവർ യഥാക്രമം ഒന്നും രണ്ടും മൂന്നും സ്ഥാനങ്ങൾ കരസ്ഥമാക്കി.

ഗ്രന്ഥശാലാ ദിന ആചരണത്തിൻ്റെ ഭാഗമായി സെപ്റ്റംബർ 14 വരെയുള്ള പുസ്തക ശേഖരണ – ലൈബ്രറി മെമ്പർഷിപ്പ് ക്യാമ്പ് പുരോഗമിക്കുന്നു എന്നും താല്പര്യമുള്ളവർ സെൻ്ററുമായി ബന്ധപ്പെടണം എന്നും ഭാരവാഹികൾ അറിയിച്ചു.

- pma

വായിക്കുക: , ,

Comments Off on പ്രബന്ധ രചനാ മത്സര വിജയികളെ പ്രഖ്യാപിച്ചു

പൊതു മാപ്പ് : സൗജന്യ വിമാന ടിക്കറ്റ് നൽകണം എന്ന് കെ. എം. സി. സി.

September 4th, 2024

logo-of-kmcc-abu-dhabi-amnesty-help-desk-ePathram
അബുദാബി : പൊതു മാപ്പ് പ്രയോജനപ്പെടുത്തി നാട്ടിൽ പോകുന്ന പ്രവാസികൾക്ക് നോർക്ക-റൂട്സ് വഴി സൗജന്യ വിമാന ടിക്കറ്റ് നൽകണം എന്ന് അബുദാബി കെ. എം. സി. സി. ആവശ്യപ്പെട്ടു. പൊതു മാപ്പിന് അപേക്ഷ നൽകി എക്സിറ്റ് പാസ്സ് ലഭിച്ചു 14 ദിവസത്തിനകം രാജ്യം വിടണം എന്നതാണ് നിയമം. എന്നാൽ ഉയർന്ന നിരക്കിൽ സ്വന്തമായി വിമാന ടിക്കറ്റ് എടുത്തു ഈ കാലയളവിൽ നാട്ടിൽ പോകുക എന്നത് പലർക്കും സാധിക്കില്ല.

നാളിതു വരെ പല സംഘടനകളും ഉദാര മതികളായ സാമൂഹിക പ്രവർത്തകരുമാണ് ഇവർക്കുള്ള നിയമ സഹായവും അതോടൊപ്പം താമസവും ഭക്ഷണവും നൽകി വരുന്നത്. ഇനിയൊരു വിമാന ടിക്കറ്റ് കൂടി എടുത്തു നാടണയുക എന്നത് വളരെ വെല്ലു വിളി നിറഞ്ഞ കാര്യമാണ്. കൂടാതെ സാമ്പത്തിക കേസു കളിലും മറ്റും ഉൾപ്പെട്ട വർക്കു അത്തരം കേസുകൾ തീർപ്പാക്കിയാൽ മാത്രമേ പൊതു മാപ്പ് പ്രയോജന പ്പെടുത്താൻ സാധിക്കുകയുള്ളു.

പ്രവാസി ഉന്നമനം ലക്ഷ്യമിട്ടു രൂപീകരിച്ച നോർക്ക-റൂട്സ് ഈ അവസരത്തിൽ ഉണർന്നു പ്രവർത്തിക്കണം. പ്രവാസി കൾക്ക് വേണ്ടതായ നിയമ സഹായവും അതോടൊപ്പം സൗജന്യ ടിക്കറ്റും ലഭ്യമാക്കണം എന്നും സംസ്ഥാന കെ. എം. സി. സി. പ്രസിഡണ്ട് ശുക്കൂർ അലി കല്ലുങ്ങൽ, ജനറൽ സെക്രട്ടറി സി. എച്ച്. യൂസഫ്, ട്രഷറർ പി. കെ. അഹമ്മദ് എന്നിവർ പ്രസ്താവനയിലൂടെ ആവശ്യപ്പെട്ടു.

പൊതു മാപ്പുമായി ബന്ധപ്പെട്ട കെ. എം. സി. സി. ഹെല്പ് ഡസ്ക് സേവനങ്ങൾക്ക് :  050 826 4991, 056 882 9880

- pma

വായിക്കുക: , , , , , , , , , , , ,

Comments Off on പൊതു മാപ്പ് : സൗജന്യ വിമാന ടിക്കറ്റ് നൽകണം എന്ന് കെ. എം. സി. സി.

ഇടപ്പാളയം അബുദാബി ചാപ്റ്റർ പുതിയ കമ്മറ്റി നിലവിൽ വന്നു

September 4th, 2024

edappalayam-abudhabi-committee-2024-ePathram
അബുദാബി :  എടപ്പാള്‍ സ്വദേശികളുടെ ആഗോള പ്രവാസി കൂട്ടായ്മ ‘ഇടപ്പാളയം’ അബുദാബി ചാപ്റ്റർ ജനറൽ ബോഡി കേരള സോഷ്യൽ സെൻ്ററിൽ നടന്നു. 2024-2026 വർഷത്തേക്കുള്ള കമ്മിറ്റി നിലവിൽ വന്നു.

രാജേഷ് കായലം പള്ളത്ത് (പ്രസിഡണ്ട്), നിസാർ കാലടി (സെക്രട്ടറി), ജാഫർ (ട്രഷറർ) റഹീദ്‌ അഹമ്മദ് (ചീഫ് കോഡിനേറ്റർ) എന്നിവരുടെ നേതൃത്വത്തിൽ 19 അംഗ എക്സിക്യൂട്ടീവ് കമ്മിറ്റിയെ തെരഞ്ഞെടുത്തു.

‘പ്രവാസിയുടെ ആരോഗ്യ ചിന്തകൾ’ എന്ന വിഷയ ത്തിൽ ഡോക്ടർ നവീൻ ഹുദ്,’പ്രവാസിയും സാമ്പത്തിക അച്ചടക്കവും’ എന്ന വിഷയത്തിൽ നിർമ്മൽ തോമസ് എന്നിവർ സംസാരിച്ചു.

റഹീദ് സ്വാഗതം പറഞ്ഞു. ഗഫൂർ എടപ്പാൾ അദ്ധ്യക്ഷത വഹിച്ചു. ആഷിക് ഹനീഫ, രാജേഷ് കായലം പള്ളത്ത് എന്നിവർ റിപ്പോർട്ടുകൾ അവതരിപ്പിച്ചു. സെക്രട്ടറി നിസാർ ഭാവി പ്രവർത്തനങ്ങൾ വിശദീകരിച്ചു. F B

- pma

വായിക്കുക: , , , ,

Comments Off on ഇടപ്പാളയം അബുദാബി ചാപ്റ്റർ പുതിയ കമ്മറ്റി നിലവിൽ വന്നു

ഇസ്ലാമിക് സെൻ്ററിൽ ‘മുറ്റത്തെ മുല്ല’ ഞായറാഴ്ച അരങ്ങേറും

August 30th, 2024

logo-indian-islamic-center-abudhabi-ePathram

അബുദാബി : ഇന്ത്യൻ ഇസ്ലാമിക് സെൻ്റർ കൾച്ചറൽ വിഭാഗം സംഘടിപ്പിക്കുന്ന സംഗീത നിശ ‘മുറ്റത്തെ മുല്ല’ (സീസൺ-2) സെപ്റ്റംബർ 1 ഞായറാഴ്ച രാത്രി 7:30 ന് സെൻ്റർ അങ്കണത്തിൽ അരങ്ങേറും.

അബുദാബിയിലെ പ്രതിഭാ ധനരായ ഇരുപതിൽപരം പ്രവാസി പ്രതിഭകളെ ഉൾപ്പെടുത്തി കൊണ്ടാണ് സംഗീത സായാഹ്നം സംഘടിപ്പിക്കുന്നത്.

കൂടാതെ അബുദാബി മാട്ടൂൽ കെ. എം. സി. സി. ടീം അവതരിപ്പിക്കുന്ന കോൽക്കളിയും പരിപാടിക്ക് മാറ്റു കൂട്ടും. പ്രവേശനം സൗജന്യം.

പ്രവാസികളായി കഴിയുന്ന കലാകാരന്മാർക്ക് അവരുടെ സർഗ്ഗ ശേഷി അവതരിപ്പിക്കാനുള്ള ഒരു വേദി എന്ന നിലയിലാണ് എല്ലാ വർഷവും കൾച്ചറൽ വിഭാഗം ഇത്തരം പരിപാടി സംഘടിപ്പിക്കുന്നത് എന്നും ഭാരവാഹികൾ അറിയിച്ചു.

- pma

വായിക്കുക: , , , , , , ,

Comments Off on ഇസ്ലാമിക് സെൻ്ററിൽ ‘മുറ്റത്തെ മുല്ല’ ഞായറാഴ്ച അരങ്ങേറും

മലപ്പുറം ഫെസ്റ്റ് സീസൻ-2 : ഒക്ടോബർ 25, 26, 27 തിയ്യതികളിൽ

August 27th, 2024

logo-release-malappuram-fest-2024-mahitham-malappuram-season-2-ePathram
അബുദാബി : മലപ്പുറം ജില്ലാ കെ. എം. സി. സി. സംഘടിപ്പിക്കുന്ന (സീസൺ-2) ‘മലപ്പുറം ഫെസ്റ്റ്’ 2024 ഒക്ടോബർ 25, 26, 27 തിയ്യതികളിൽ അബുദാബി ഇന്ത്യൻ ഇസ്ലാമിക് സെൻ്ററിൽ വെച്ച് നടക്കും. മലപ്പുറം ഫെസ്റ്റ്-2 പ്രോഗ്രാമിൻ്റെ ഔദ്യോഗിക പ്രഖ്യാപനം, വീഡിയോ ലോഞ്ചിംഗ് സെൻ്റർ അങ്കണത്തിൽ നടന്നു.

മുഹമ്മദ് ഹഫീമ്മ് ഖിറാഅത്ത് നടത്തി. പ്രസിഡണ്ട്‌ അസീസ് കാളിയാടൻ അദ്ധ്യക്ഷത വഹിച്ചു. മലപ്പുറം ഫെസ്റ്റിനെ കുറിച്ചു ജനറൽ കൺവീനർ നൗഷാദ് തൃപ്രങ്ങോട് വിശദീകരിച്ചു.

സെൻ്റർ ജനറൽ സെക്രട്ടറി ഹിദായത്തുള്ള, കെ. എം. സി. സി. പ്രസിഡണ്ട്‌ ഷുക്കൂറലി കല്ലുങ്ങൽ, വൈസ് പ്രസിഡണ്ട്‌ അഷറഫ് പൊന്നാനി തുടങ്ങിയവർ സംസാരിച്ചു.

ഭാരവാഹികളായ ബഷീർ വറ്റലൂർ, മുനീർ എടയൂർ, സാൽമി പരപ്പനങ്ങാടി, നാസർ വൈലത്തൂർ, സമീർ പുറത്തൂർ, ഫൈസൽ പെരിന്തൽമണ്ണ, സൈദ് മുഹമ്മദ്‌, റഷീദലി മമ്പാട്, ബീരാൻ കുട്ടി ഇരിങ്ങാവൂർ തുടങ്ങി മണ്ഡലം – പഞ്ചായത്ത്‌ മുനിസിപ്പൽ ഭാര വാഹികളും പങ്കെടുത്തു.

ഭാരവാഹികളായ ഹുസൈൻ സി. കെ., കുഞ്ഞിപ്പ മോങ്ങം, ഷാഹിർ പൊന്നാനി, ഹസ്സൻ അരീക്കൻ, സിറാജ് ആതവനാട് എന്നിവർ നേതൃത്വം നൽകി. ജനറൽ സെക്രട്ടറി ഹംസക്കോയ സ്വാഗതം പറഞ്ഞു. ഷാഹിദ് ചെമ്മുക്കൻ നന്ദി പറഞ്ഞു.

കഴിഞ്ഞ വർഷത്തിൽ മഹിതം മലപ്പുറം എന്ന ശീർഷകത്തിൽ സംഘടിപ്പിച്ച മലപ്പുറം ഫെസ്റ്റ് വളരെയധികം ജനശ്രദ്ധ നേടിയിരുന്നു. ഈ വർഷം മൂന്നു ദിവസം നീണ്ടു നിൽക്കുന്ന ആഘോഷ പരിപാടികളിൽ നാട്ടിൽ നിന്നുള്ള പ്രമുഖ കലാ കാരന്മാരും പങ്കെടുക്കും.

- pma

വായിക്കുക: , ,

Comments Off on മലപ്പുറം ഫെസ്റ്റ് സീസൻ-2 : ഒക്ടോബർ 25, 26, 27 തിയ്യതികളിൽ

Page 13 of 143« First...1112131415...203040...Last »

« Previous Page« Previous « ഖുർആൻ വാർഷിക പ്രഭാഷണം ആഗസ്റ്റ് 30 വെള്ളിയാഴ്ച
Next »Next Page » സംവിധായകൻ മോഹൻ അന്തരിച്ചു »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha