മെഹ്ഫിൽ മ്യൂസിക് ആൽബം ഫെസ്റ്റ് : എൻട്രികൾ ക്ഷണിച്ചു

August 19th, 2024

mehfil-inernational-dubai-music-fest-2024-invite-album-entry-ePathram

ദുബായ് : മെഹ്ഫിൽ ഇൻ്റർ നാഷണൽ ദുബായ് സംഘടിപ്പിക്കുന്ന മ്യൂസിക് ആൽബം ഫെസ്റ്റിവൽ 2024 (സീസൺ 3) ലേക്കുള്ള എൻട്രികൾ ക്ഷണിച്ചു. 2020 നു ശേഷം നിർമ്മിച്ച എട്ടു മിനിറ്റിൽ താഴെ സമയ ദൈർഘ്യമുള്ള, ഭക്തിഗാനം ഒഴികെയുള്ള മലയാളം സംഗീത ആൽബങ്ങളാണ് പരിഗണിക്കുക.

മികച്ച ആൽബം, ഗായകൻ, ഗായിക, ഗാന രചന, സംഗീതം, സംവിധായകൻ, ക്യാമറ, എഡിറ്റർ എന്നി മേഖലകളിലാണ് അവാർഡ്‌ സമ്മാനിക്കുക.

എൻട്രികൾ അയക്കേണ്ട അവസാന തിയ്യതി 2024 സെപ്റ്റംബർ 30. പ്രശസ്തരായ കലാകാരന്മാർ അടങ്ങിയ ജഡ്ജിംഗ് പാനൽ വിധി നിർണയിക്കും.

കൂടുതൽ വിവരങ്ങൾക്ക് ഈ നമ്പറുകളിൽ വാട്സാപ്പ് ചെയ്യുക : +971 50 549 0334, +91 82818 13598.
e-Mail : skmediaclt @ gmail. com

Instagram ,  FB Page

- pma

വായിക്കുക: , , , ,

Comments Off on മെഹ്ഫിൽ മ്യൂസിക് ആൽബം ഫെസ്റ്റ് : എൻട്രികൾ ക്ഷണിച്ചു

ഡബ്ലിയു. എം. എഫ്. സ്വാതന്ത്ര്യ ദിനം ആഘോഷിച്ചു

August 17th, 2024

wmf-abudhabi-state-council-independence-day-2024-ePathram

അബുദാബി : വേൾഡ് മലയാളി ഫെഡറേഷൻ (WMF) അബുദാബി സ്റ്റേറ്റ് കൗൺസിലിൻ്റെ നേത്യത്വത്തിൽ സ്വാതന്ത്ര്യ ദിനം ആഘോഷിച്ചു. അബുദാബി മദീന സായിദിൽ നടന്ന ലളിതമായ ചടങ്ങിനു രക്ഷാധികാരി അഷ്‌റഫ് നേതൃത്വം നൽകി,

world-malayalee-federation-wmf-abudhabi-state-council-ePathram

ഗ്ലോബൽ കൗൺസിൽ അംഗം ഫിറോസ് ഹമീദ്, നാഷണൽ കൗൺസിൽ അംഗങ്ങളായ പി. എം. അബ്ദുൽ റഹിമാൻ, ഷാജുമോൻ പുലാക്കൽ, സ്റ്റേറ്റ് കൗൺസിൽ ട്രഷറർ ഷെറിൻ അഷ്റഫ് എന്നിവർ സ്വാതന്ത്ര്യ ദിന ആശംസകൾ നൽകി.

ഡബ്ലിയു. എം. എഫ്. അബുദാബി കൗൺസിൽ പ്രസിഡണ്ട് അബ്ദുൾ വാഹിബ് അദ്ധ്യക്ഷത വഹിച്ചു. ജോയിൻ്റ് സെക്രട്ടറിമാരായ സുബീന, അനീഷ് യോഹന്നാൻ, ഇവൻ്റ് കോഡിനേറ്റർ സബീന അബ്ദുൽ കരീം എന്നിവർ സംബന്ധിച്ചു. ഡബ്ലിയു. എം. എഫ്. അബുദാബി സ്റ്റേറ്റ് കൗൺസിൽ സെക്രട്ടറി ഡോക്ടർ. ഷീബ അനിൽ നന്ദി പറഞ്ഞു.

* W M F , വേള്‍ഡ് മലയാളി ഫെഡറേഷന്‍ ദുബായ് 

- pma

വായിക്കുക: , , , , , , , , , , , , , ,

Comments Off on ഡബ്ലിയു. എം. എഫ്. സ്വാതന്ത്ര്യ ദിനം ആഘോഷിച്ചു

ഭിന്ന ശേഷി കുരുന്നുകൾക്ക് സഹായ ഹസ്തവുമായി ഇ-നെസ്റ്റ്

August 17th, 2024

logo-niark-abudhabi-ePathram

ദുബായ് : ഇന്ത്യയുടെ 78 ആം സ്വാതന്ത്ര്യ ദിനത്തോട് അനുബന്ധിച്ചു വേറിട്ടൊരു സേവന പദ്ധതിയുമായി ഇ- നെസ്റ്റ് പ്രവർത്തകർ.

കോഴിക്കോട് കൊയിലാണ്ടിയിലെ നെസ്റ്റ് ഇന്‍റർ നാഷണൽ അക്കാദമി ആൻഡ് റിസർച്ച് സെന്‍റർ (നിയാർക്ക്‌)ലെ ഭിന്ന ശേഷി ക്കാരായ  കുട്ടികളെയും നിർദ്ധനരായ കിടപ്പു രോഗികളെയും സഹായിക്കുക എന്ന ലക്ഷ്യത്തോടെ ‘നെസ്റ്റ് ഹെൽപ്പ് ചലഞ്ച്’ എന്ന പേരിൽ സെപ്റ്റംബർ 15 വരെ ഒരു മാസം നീണ്ടു നിൽക്കുന്ന കാമ്പയിന് തുടക്കമിട്ടു. നെസ്റ്റ് അഭ്യുദയ കാംക്ഷികൾക്കു ഈ കാമ്പയിനിലൂടെ നെസ്റ്റിലെ കുരുന്നുകളെയും രോഗികളെയും വ്യക്തിപരമായി സഹായിക്കാം.

niyark-nest-help-challenge-for-disabled-children-ePathram
ഇ-നെസ്റ്റ് സ്വാതന്ത്ര്യ ദിന സംഗമത്തോട് അനുബന്ധിച്ചു സംഘടിപ്പിച്ച ചടങ്ങിൽ കാമ്പയിൻ്റെ പ്രചാരണ പരിപാടിക്ക് തുടക്കം കുറിച്ചു. ബ്രോഷർ പ്രകാശനം പ്രമുഖ ശിശുരോഗ വിദഗ്ധൻ ഡോ. ബാബു റഫീഖ് നിർവ്വഹിച്ചു.

ഇ-നെസ്റ്റ് ചെയർമാൻ അഡ്വ.മുഹമ്മദ് സാജിദ് അദ്ധ്യക്ഷത വഹിച്ചു. നെസ്റ്റ്-നിയാർക് പദ്ധതികളെ കുറിച്ച് അബ്ദുൽ ഖാലിഖ് വിശദീകരിച്ചു. ജലീൽ മശ്ഹൂർ തങ്ങൾ, ഒ. പി. അബൂബക്കർ, പി. എം. ചന്ദ്രൻ, ശമീൽ പള്ളിക്കര, സുനിൽ, നിസാർ കളത്തിൽ, നബീൽ നാരങ്ങോളി, ഷഫീഖ് സംസം, മൊയ്‌ദു പേരാമ്പ്ര, സംജിദ്, അബ്ദുൽ ഗഫൂർ എന്നിവർ സംബന്ധിച്ചു. കാമ്പയിൻ കൺവീനർ ഷഹീർ പി. കെ. സ്വാഗതവും മുസ്തഫ പൂക്കാട് നന്ദിയും പറഞ്ഞു.

നെസ്റ്റിനു കീഴിൽ അന്താരാഷ്ട്ര നിലവാരത്തിൽ ഭിന്ന ശേഷി കുട്ടികൾക്കുള്ള ഉന്നമനത്തിനായുള്ള നിയാർക്കിനു പുറമെ അനാഥരായ ഭിന്ന ശേഷി കുട്ടികളെ പരിചരിക്കുന്ന നെസ്റ്റ് കെയർ ഹോം, 24 മണിക്കൂറും പ്രവർത്തിക്കുന്ന പാലിയേറ്റീവ് സെൻ്റർ എന്നിവ ഇപ്പോൾ പ്രവർത്തിച്ചു വരുന്നു.

- pma

വായിക്കുക: , , , , , , , , ,

Comments Off on ഭിന്ന ശേഷി കുരുന്നുകൾക്ക് സഹായ ഹസ്തവുമായി ഇ-നെസ്റ്റ്

പൊതു മാപ്പ് : രാജ്യം വിടുന്നവര്‍ക്ക് തിരിച്ചു വരാം

August 14th, 2024

logo-indian-association-sharjah-ias-ePathram

ഷാര്‍ജ : യു. എ. ഇ. പ്രഖ്യാപിച്ച പൊതു മാപ്പിലൂടെ രാജ്യം വിടുന്നവര്‍ക്ക് യു. എ. ഇ. യിലേക്കുള്ള മടക്ക യാത്ര തടസ്സമാവില്ല. യാത്രാ രേഖകള്‍ ശരിപ്പെടുത്തി നിയമാനുസൃതം അവര്‍ക്ക് വീണ്ടും യു. എ. ഇ. യിലേക്ക് തിരിച്ച് വരാനുള്ള അവസരമുണ്ടാവും.

സന്ദര്‍ശക വിസക്കാര്‍ക്കും പൊതുമാപ്പ് അവസരം ഉപയോഗപ്പെടുത്താം. കേസുകൾ ഉണ്ടെങ്കിൽ രാജ്യം വിടുന്നതിന് മുമ്പ് അതെല്ലാം തീര്‍പ്പാക്കണം എന്നും അധികൃതർ. സെപ്തംബര്‍ ഒന്ന് മുതൽ യു. എ. ഇ. യില്‍ തുടക്കമാവുന്ന പൊതുമാപ്പ് സംബന്ധിച്ച് ഇന്ത്യന്‍ അസോസ്സിയേഷന്‍ പ്രസിഡണ്ട് നിസാർ തളങ്കര, മന്ത്രാലയം മേധാവികളുമായി നടത്തിയ കൂടിക്കാഴ്ച യിലാണ് ഇക്കാര്യങ്ങൾ അറിയിച്ചത്.

രാജ്യത്ത് കഴിയുന്ന വിദേശ പൗരന്മാരെല്ലാം താമസ കുടിയേറ്റ രേഖകള്‍ കൃത്യത വരുത്താനുള്ള ലക്ഷ്യം മുന്‍ നിര്‍ത്തിയാണ് പൊതു മാപ്പ് പ്രഖ്യാപനം എന്നും മന്ത്രാലയ മേധാവികള്‍ പറഞ്ഞു. കാലാവധി തീര്‍ന്ന റെസിഡന്‍സ് വിസ, കാലാവധി കഴിഞ്ഞ സന്ദര്‍ശക വിസകളില്‍ യു. എ. ഇ. യില്‍ തങ്ങുന്നവര്‍ക്കും പൊതു മാപ്പ് പ്രയോജന പ്പെടുത്തി പിഴയില്ലാതെ രാജ്യം വിടുകയോ പുതിയ റെസിഡന്‍സ് വിസയിലേക്ക് മാറുകയോ ചെയ്യാം.

എമിഗ്രേഷന്‍ അംഗീകൃത ടൈപ്പിംഗ് സെൻ്ററുകൾ മുഖേന പൊതു മാപ്പ് സംബന്ധിച്ച അപേക്ഷകള്‍ സമർപ്പിക്കാം. സിവില്‍, തൊഴില്‍, വാണിജ്യ കേസുകള്‍ നേരിടുന്നവര്‍ അതാത് വകുപ്പുകളുമായി ബന്ധപ്പെട്ട് കേസുകള്‍ തീര്‍പ്പാക്കിയ രേഖകള്‍ സഹിതമാണ് അപേക്ഷിക്കേണ്ടത്.

പൊതു മാപ്പ് വിഷയ സംബന്ധമായി ഇന്ത്യന്‍ കോണ്‍സുലേറ്റ്, വിവിധ യു. എ. ഇ. മന്ത്രാലയ ഉദ്യോഗസ്ഥരും ഉള്‍ക്കൊള്ളുന്ന യോഗം സംഘടിപ്പിക്കാന്‍ ഇന്ത്യന്‍ അസോസിയേഷന്‍ മുന്‍കയ്യെടുക്കും എന്നും പ്രസിഡണ്ട് നിസാർ തളങ്കര അറിയിച്ചു.

- pma

വായിക്കുക: , , , , , , , , ,

Comments Off on പൊതു മാപ്പ് : രാജ്യം വിടുന്നവര്‍ക്ക് തിരിച്ചു വരാം

വയനാട് ഉരുൾപൊട്ടൽ ദേശീയ ദുരന്തമായി പ്രഖ്യാപിക്കണം : മലബാർ പ്രവാസി

August 10th, 2024

logo-pravasi-koottayma-ePathram
ദുബായ് : വയനാട് മുണ്ടക്കൈയിൽ ഉണ്ടായ ഉരുൾ പൊട്ടൽ ദേശീയ ദുരന്തമായി പ്രഖ്യാപിക്കണം എന്ന് മലബാർ പ്രവാസി (യു. എ. ഇ.) ആവശ്യപ്പെട്ടു. കേരള ചരിത്രത്തിൽ സമാനതകളില്ലാത്ത ഒരു പ്രകൃതി ദുരന്തമാണ് മുണ്ടക്കൈയിൽ നടന്നത്.

ഒരു ഗ്രാമത്തെ ഒട്ടാകെ ഇല്ലാതാക്കിയ ഉരുൾ പൊട്ടൽ, ദേശീയ ദുരന്തമായി കേന്ദ്ര സർക്കാർ പ്രഖ്യാപിക്കണം എന്നും യോഗം ആവശ്യപ്പെട്ടു.

പുനരധിവാസ പ്രവർത്തികൾക്ക് വിദേശ രാഷ്ട്ര ങ്ങളുടെയും, അന്തരാഷ്ട്ര സംഘടന കളുടെയും സഹായങ്ങൾ ലഭ്യമാകാൻ അത് പ്രയോജന പ്രദമാകും. സ്ഥലത്തെത്തുന്ന പ്രധാന മന്ത്രിയുടെ സന്ദർശന വേളയിലെങ്കിലും ഇത്തരം ഒരു പ്രഖ്യാപനം ഉണ്ടാവും എന്നുള്ള പ്രതീക്ഷയിലാണുള്ളത് എന്നും മലബാർ പ്രവാസി ഭാരവാഹികൾ പറഞ്ഞു.

ഇത്തരം പ്രകൃതി ദുരന്തങ്ങൾ മുൻകൂട്ടി കാണാനും മുൻകരുതലുകൾ എടുക്കാനുമുള്ള ജാഗ്രത കൈ ക്കൊള്ളാൻ കേന്ദ്ര-സംസ്ഥാന സർക്കാരു കളും ബന്ധപ്പെട്ട വകുപ്പ് ഉദ്യോഗസ്ഥന്മാരും മുൻ കൈ എടുക്കണം എന്നും യോഗം അഭ്യർത്ഥിച്ചു.

പ്രസിഡണ്ട് ജമീൽ ലത്തീഫ് അദ്ധ്യക്ഷത വഹിച്ചു. മോഹൻ എസ്. വെങ്കിട്ട്, അഡ്വ. മുഹമ്മദ് സാജിദ്, രാജൻ കൊളാവിപാലം, മലയിൽ മുഹമ്മദലി തുടങ്ങിയവർ സംസാരിച്ചു.

- pma

വായിക്കുക: , , , ,

Comments Off on വയനാട് ഉരുൾപൊട്ടൽ ദേശീയ ദുരന്തമായി പ്രഖ്യാപിക്കണം : മലബാർ പ്രവാസി

Page 14 of 143« First...1213141516...203040...Last »

« Previous Page« Previous « അൽ ദഫ്രയിലെ ആദ്യ ഡേ സർജറി സെൻ്റർ തുറന്ന് ബുർജീൽ ഹോൾഡിംഗ്സ്
Next »Next Page » അനു സിനുബാൽ അനുസ്മരണം ഞായറാഴ്ച »



പൗരത്വം ഇല്ലാതെ ആക്കുവാന്...
മരട് ഫ്ലാറ്റുകൾ പൊളിക്കാ...
ഐഐടി വിദ്യാര്‍ഥിനി ഫാത്തി...
ശിവാംഗി.. നാവികസേനയുടെ ആദ...
ഗുണ നിലവാരം ഇല്ലാത്ത വെളി...
വെനീസില്‍ വെള്ളപ്പൊക്കം...
എയര്‍ ഇന്ത്യയും ഭാരത് പെട...
ജോണ്‍ എബ്രഹാം സ്മാരക ഹ്രസ...
വായു മലിനീകരണം : ഡൽഹിയിൽ ...
വിദ്യാർത്ഥി കൾക്ക് സ്കൂളി...
പഴങ്ങളില്‍ നിന്നും വീര്യം...
രജനികാന്ത് ചിത്രത്തിൽ മഞ്...
ഇന്ത്യൻ വംശജനും പത്നിക്കു...
“നിങ്ങള്‍ നനയുമ്പോള്‍ എനി...
ഹൊറര്‍ ചിത്രത്തിലൂടെ തമന്...
ഇന്ത്യക്കെതിരെ ആഞ്ഞടിച്ച്...
ജമ്മു കശ്മീ‍ർ വിഭജനത്തിനെ...
'ഞാന്‍ പന്ത്രണ്ടാം ക്ലാസു...
'ലൂസിഫറി'ന് ശേഷം ‘ഉണ്ട’; ...
ഗിരീഷ് കര്‍ണാട് അന്തരിച്ച...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha