അബുദാബി : കുടുംബിനിയുടെ സൗഹൃദ കൂട്ടായ്മ ഷീ ഗ്രൂപ്പ് (SHE – See HER Empowered) ഒരുക്കുന്ന ‘ഷീ ഫ്യൂഷൻ ഫീയസ്റ്റ സീസൺ -2’ നവംബർ 10 ഞായറാഴ്ച ഉച്ചക്ക് മൂന്നു മണി മുതൽ അബുദാബി ഇന്ത്യാ സോഷ്യൽ സെന്ററിൽ വെച്ച് നടക്കും എന്ന് ഭാരവാഹികൾ വാർത്താ സമ്മേളനത്തിൽ അറിയിച്ചു.
വൈവിധ്യമാർന്ന നിരവധി കലാപരിപാടികളും ഫാഷൻ ഷോയും അരങ്ങേറും. പ്രോഗ്രാമിൽ മുഖ്യ അതിഥികളായി സിനിമാ താരം ഷംന കാസിം, മോഡലും സോഷ്യൽ മീഡിയ ഇൻഫ്ലുൻസറുമായ അജ്മൽ ഖാൻ എന്നിവർ സംബന്ധിക്കും.
ഷീ ഫ്യൂഷൻ ഫീയസ്റ്റ ആകർഷകമാക്കുവാൻ പ്രമുഖ ഗായകരായ അമൃത സുരേഷ്, ശ്രീനാഥ് ശിവരാമൻ, റോക്‌സ്റ്റാർ കൗഷിക്, കൃതിക എന്നിവർ നയിക്കുന്ന ‘ലൈവ് മ്യൂസിക്കൽ നൈറ്റ്’, മിസ്സി മാത്യൂസ് നയിക്കുന്ന ‘ഫാഷൻ ഷോ’ യും അരങ്ങേറും എന്നും ഷീ ഭാരവാഹികൾ അറിയിച്ചു.
ചടങ്ങിൽ ഷീ ഫ്യൂഷൻ ഫീയസ്റ്റ സീസൺ -2 ബ്രോഷർ റിലീസ് ചെയ്തു. ബി. ബി. സി. റസ്റ്റോറന്റ് ഗ്രൂപ്പിന്റെ സഹകരണത്തോടെ സംഘടിപ്പിച്ച പരിപാടിയിൽ ഗ്രൂപ്പ് അഡ്മിന്മാരായ സുറുമി ശിഹാബ്, ഉദായത്ത് ഷാൻ, Dr ഷമീമ ശരീഫ്, സജ്‌ന റിയാസ്, തനൂജ ഫാരിസ്, ജസ്‌ന അൻവർ, ഹുസ്ന അനീസ് എന്നിവർ വാർത്താ സമ്മേളനത്തിൽ സംബന്ധിച്ചു.
അംഗങ്ങളുടെയും കുടുംബാംഗങ്ങളുടെയും ആരോഗ്യ പരിരക്ഷ മുൻ നിറുത്തിയുള്ള പ്രവർത്തനങ്ങളോ ടൊപ്പം അവരുടെ സർഗാത്മക കഴിവുകളെ പ്രോത്സാഹി പ്പിക്കുവാനും കൂട്ടായ്മ ശ്രമിക്കുന്നു. അതിന്റെ ഭാഗമായി വിരവധി പരിപാടികൾ സംഘടിപ്പിച്ചു വരുന്നതായും ഭാരവാഹികൾ അറിയിച്ചു. SHE in FB & Instagram
