ദുബായ് : ദുബായിലെ ഖല്ഫാന് ഖുര്ആന് സെന്ററില് നിന്ന് ഈ വര്ഷം വിശുദ്ധ ഖുര്ആന് മന:പ്പാഠമാക്കിയ വിദ്യാര്ത്ഥി കള്ക്കുള്ള സര്ട്ടിഫിക്കറ്റ് വിതരണവും ആദരിക്കല് ചടങ്ങും നടന്നു.
കനേഡിയന് യൂണിവേഴ്സിറ്റി ഹാളില് നടന്ന ചടങ്ങില് ദുബായ് പോലീസ് മേധാവി ലെഫ്റ്റനന്റ് ജനറല് ദാഹീ ഖല്ഫാന് തമീം, ഔഖാഫ് ഡയറക്ടര് ഡോ. അമദ് അഹമ്മദ് അല് ശൈബാനി, ബ്രഗേഡിയര് ജുമുഅ സായഗ്, ജമാല് ഖല്ഫാന്, തുടങ്ങിയ പ്രമുഖര് സംബന്ധിച്ചു.
ദാഹീ ഖഫാന് തമീം തന്റെ പിതാവിന്റെ നാമധേയത്തില് 1999-ല് ജുമേര യില് നിര്മ്മിച്ച് പഠനം നടത്തി വരുന്ന ഖല്ഫാന് ഖുര്ആന് സെന്ററില് ഇതു വരേയായി നിരവധി പേര് വിശുദ്ധ ഖുര്ആന് മന:പ്പാഠമാക്കി യതായി പ്രിന്സിപ്പാള് ശൈഖ് മുഹമ്മദ് അഹമ്മദ് ശെഖറൂന് പറഞ്ഞു.
തികച്ചും സൗജന്യമായി ഖുര്ആന് പഠിപ്പിച്ചു വരുന്ന ഇവിടെ വിശുദ്ധ ഖുര്ആന് പൂര്ണമായും മന:പ്പാഠമാക്കിയ ശേഷം പത്ത് ഖിറാഅത്ത് (ഖുര്ആന് പാരായണ രീതി)കൂടി പഠിപ്പിച്ചു വരുന്നതിനാല് വിദ്യാര്ത്ഥി കള്ക്ക് പുറമെ മുതിര്ന്ന സ്ത്രീകളും യു. എ. ഇ. യിലെ മതകാര്യ വകുപ്പുകളിലും പള്ളികളിലും മറ്റും ജോലി ചെയ്യുന്ന ഇമാമുകള്, ഖതീബുമാര്, മുഅദ്ദിനുകള്, അദ്ധ്യാപകര് ഉള്പ്പെടെയുള്ള ഉന്നത മതപണ്ഡിതരും ഉപരി പഠനത്തിനായി ഇവിടെ വരാറുണ്ട്.
പരിശുദ്ധ റമദാന് മാസത്തില് വര്ഷ ങ്ങളായി ദുബായില് നടന്നു വരുന്ന ദുബായ് അന്താരാഷ്ട്ര ഹോളി ഖുര്ആന് അവാര്ഡ് മത്സര ത്തില് പത്ത് വര്ഷം മുമ്പ് ഇന്ത്യയെ പ്രതിനിധീകരിച്ച് പങ്കെടുത്ത് രണ്ടാം സ്ഥാനം നേടി ഇന്ത്യക്ക് അഭിമാന നേട്ടം കൈവരിച്ച തമിഴ് നാട്ടിലെ മുനവ്വര് അബ്ദുസ്സലാം എന്ന വിദ്യാര്ത്ഥി ഈ സെന്ററില് നിന്നാണ് ഖുര്ആന് മന:പാഠമാക്കിയത്.
അറബികള്ക്ക് പുറമെ ഇന്ത്യ ഉള്പ്പെടെയുള്ള മറ്റ് രാഷ്ട്രങ്ങളില് പെട്ടവരും ഈ ഖുര്ആന് സെന്ററില് പഠനം നടത്തിവരുന്നു. ഖല്ഫാന് ഖുര്ആന് സെന്ററിന്റെ ഒരു ശാഖ സുന്നി മാര്ക്സിന്റെ കീഴിലായി കോഴിക്കോട്ടും പ്രവര്ത്തിക്കുന്നുണ്ട്. ദുബായിലെ കറാമ, ജുമേര, സത്ത്വ, അല്വസല്, അല്കൂസ്, ഭാഗങ്ങളില് വിദ്യാര്ത്ഥി കള്ക്കായി ഖുര്ആന് സെന്റര് വക സൗജന്യ ബസ് സര്വീസ് സേവനവും നടത്തി വരുന്നുണ്ടെന്ന് രജിസ്ട്രേഷന് വിഭാഗത്തിന്റെ ചുമതലയുള്ള ആലൂര് ടി. എ. മഹമൂദ് ഹാജി അറിയിച്ചു.
വിശദ വിവരങ്ങള്ക്ക് വിളിക്കുക : +971 50 47 60 198
ദുബായ് : പ്രമുഖ പ്രവാസി കൂട്ടായ്മ ഒരുമ ഒരുമനയൂര് പ്രശസ്ത ആതുരാലയമായ ആംബര് ക്ലിനിക്കുമായി ചേര്ന്ന് സംഘടിപ്പിക്കുന്ന ത്രിദിന സൌജന്യ മെഡിക്കല് ക്യാമ്പ് ബുധനാഴ്ച തുടക്കം കുറിക്കും. ജൂണ് 13 ബുധന്, 14 വ്യാഴം, 16 ശനി ദിവസങ്ങളില് ദേരയിലെ അല് റിഗ്ഗ റോഡിലെ ആംബര് ക്ലിനിക്കില് ഒരുക്കുന്ന സൌജന്യ മെഡിക്കല് ക്യാമ്പ് രാവിലെ 8 മുതല് 1 വരെയും വൈകീട്ട് 5 മുതല് 8.30 വരെയും നടക്കും. 
