അബുദാബി : മുവാറ്റുപുഴ കേന്ദ്രമായി പ്രവര്‍ത്തിക്കുന്ന അക്ഷയ പുസ്തകനിധി പ്രഖ്യാപിച്ച അക്ഷയ ഗ്ലോബല്‍ അവാര്‍ഡ് അബുദാബി മലയാളി സമാജം സ്വീകരിക്കും.
ഡിസംബര്‍ 1 വ്യാഴാഴ്‌ച രാത്രി 8 മണിക്ക് അബുദാബി ഇന്ത്യന്‍ ഇസ്‌ലാമിക് സെന്‍ററില്‍ നടക്കുന്ന ചടങ്ങില്‍ സാമൂഹിക ക്ഷേമ വകുപ്പ് മന്ത്രി ഡോ. എം. കെ. മുനീറില്‍ നിന്ന് സമാജം പ്രസിഡന്‍റ് മനോജ് പുഷ്‌കര്‍ അവാര്‍ഡ് സ്വീകരിക്കും. അക്ഷയ പുസ്തക നിധി യുടെ പ്രസിഡന്റും സാഹിത്യ അക്കാദമി മുന്‍സെക്രട്ടറി യുമായ പായിപ്ര രാധാകൃഷ്ണന്‍ അദ്ധ്യക്ഷത വഹിക്കും.
കഴിഞ്ഞ 12 വര്‍ഷമായി ഇന്ത്യയിലെ വിവിധ മലയാളി സംഘടന കള്‍ക്കാണ് അക്ഷയ പുരസ്‌കാരം ലഭിച്ചി രുന്നത്. ഇതാദ്യമായാണ് അക്ഷയ ഗ്ലോബല്‍ പുരസ്‌കാരം വിദേശങ്ങളില്‍ പ്രവര്‍ത്തിക്കുന്ന ഒരു സംഘടന യ്ക്ക് ലഭിക്കുന്നത്.
വിദേശ രാജ്യങ്ങളില്‍ പ്രവര്‍ത്തിക്കുന്ന ഏറ്റവും നല്ല മലയാളി സംഘടന യ്ക്കുള്ള ഈ പുരസ്‌കാരം അബുദാബി മലയാളി സമാജ ത്തിന് നല്കുവാന് നിരവധി ഘടകങ്ങളുണ്ടെന്ന് അക്ഷയ പ്രസിഡന്‍റ് പായിപ്ര രാധാകൃഷ്ണന്‍ അബുദാബി യില്‍ നടത്തിയ പത്ര സമ്മേളന ത്തില്‍ പറഞ്ഞു.
ദശാബ്ദങ്ങളായി അബുദാബി യില്‍ പ്രവര്‍ത്തിക്കുന്ന മലയാളി സമാജം ഗള്‍ഫിലെ അറിയപ്പെടുന്ന സംഘടന യാണ്. അബുദാബി മലയാളി സമാജം സാഹിത്യ പുരസ്‌കാരം കേരളത്തില്‍ ഏറെ അറിയ പ്പെടുന്ന സാഹിത്യ അവാര്‍ഡാണ്.
വിദേശ മലയാളി കളുടെ സാംസ്കാരിക സാമൂഹിക പ്രവര്‍ത്തന ങ്ങളില്‍ സ്തുത്യര്‍ഹമായ പങ്കാണ് അബുദാബി മലയാളി സമാജ ത്തിനുള്ളത്. സമാജത്തില്‍ നടന്ന പത്രസമ്മേളന ത്തില്‍ സമാജം പ്രസിഡന്‍റ് മനോജ് പുഷ്‌കര്‍, സമാജം സെക്രട്ടറി കെ. എച്ച്. താഹിര്‍, വൈസ് പ്രസിഡന്‍റ് യേശുശീലന്‍, ട്രഷറര്‍ അമര്‍സിംഗ് എന്നിവരും പങ്കെടുത്തു.
