 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : ലോക ആസ്മാ ദിനത്തോട് അനുബന്ധിച്ച് അബുദാബി അഹല്യ ആശുപത്രിയില്‍ ആസ്മാ രോഗത്തെ പറ്റിയും അത് നിയന്ത്രിക്കുന്നതിനെ കുറിച്ചും ബോധ വല്‍ക്കരണ ക്ലാസ്സ്‌ സംഘടി പ്പിക്കുന്നു.
മെയ്‌ ഒന്ന് ചൊവ്വാഴ്‌ച രാത്രി 8.30 നു ശ്വാസകോശ വിദഗ്ദന്‍ ഡോക്ടര്‍ സായി ചരണ്‍ ബോധി യുടെ നേതൃത്വത്തില്‍ നടക്കുന്ന ക്ലാസ്സില്‍ പങ്കെടുക്കാന്‍ താല്പര്യമുള്ളവര്‍ വിളിക്കുക 050 – 69 25 811, 02 – 62 62 666 ext :111
- pma
വായിക്കുക: ആരോഗ്യം
ജിദ്ദ: സൗദി അറേബ്യ ഈജിപ്തിലെ നയതന്ത്ര കാര്യാലയങ്ങള്‍ അടച്ചു. ഈജിപ്തിലെ സൗദി സ്ഥാനപതിയെ തിരിച്ചു വിളിക്കാനും തീരുമാനിച്ചു. ഈജിപ്തില്‍ നയതന്ത്ര കാര്യാലയങ്ങള്‍ക്കു മുന്നിലുണ്ടാകുന്ന നിരന്തര പ്രതിഷേധങ്ങളെ ത്തുടര്‍ന്നാണ് ഈ തീരുമാനം. കയ്‌റോയിലെ എംബസിയും അലക്സാണ്ട്രിയയിലും സൂയസിലുമുള്ള കോണ്‍സുലേറ്റുകളുടെ പ്രവര്‍ത്തനവും നിര്‍ത്തിവെച്ചു.
സൗദി അറേബ്യയിലെ അബ്ദുള്ള രാജാവിനെ അപമാനിച്ചുവെന്ന ആരോപണത്തെ തുടര്‍ന്ന് മനുഷ്യാവകാശ പ്രവര്‍ത്തകനായ ഈജിപ്ത് അഭിഭാഷകന്‍ അഹ്മദ് അല്‍-ഗിസാമി സൗദിയില്‍ അറസ്റ്റ് ചെയ്തിരുന്നു. ഇതിനെ തുടര്‍ന്ന് കയ്‌റോയിലെ സൗദി സ്ഥാനപതി കാര്യാലത്തിന് മുമ്പില്‍ ശക്തമായ പ്രതിഷേധ പ്രകടനങ്ങള്‍ നടന്നു. ഇതോടെ ഇരു രാജ്യങ്ങളും തമ്മിലുള്ള നയതന്ത്രബന്ധം വഷളായിരുന്നു.
- ന്യൂസ് ഡെസ്ക്
വായിക്കുക: പ്രതിഷേധം, സൗദി അറേബ്യ
അബുദാബി : ഗൃഹാതുര സ്മരണകള്‍ ഉണര്‍ത്തി വടകര എന്‍ ആര്‍ ഐ ഫോറം അബുദാബി യില്‍ സംഘടിപ്പിച്ച വടകര മഹോത്സവം പലഹാര പ്പെരുമ യാലും നാട്ടുകാഴ്ച കള്‍ കൊണ്ടും ശ്രദ്ധേയ മായി.
കേരള സോഷ്യല്‍ സെന്ററില്‍ ഒരുക്കിയ തട്ടുകട കളില്‍ നിരന്ന വിഭവങ്ങള്‍ കണ്ട് അബുദാബി യിലെ മലയാളി സമൂഹം വിസ്മയ ഭരിതരായി.
മുട്ടമാല, പിഞ്ഞാണത്തപ്പം, കലത്തപ്പം, കുഞ്ഞിപ്പത്തല്‍, ചീരോക്കഞ്ഞി, ഉന്നക്കായ, ചട്ടിപ്പത്തിരി, കോഴിയട, കൊഴുക്കട്ട, ഏലാഞ്ചി, പോള, റൊട്ടി നിറച്ചത്, കടലപ്പത്തിരി, മത്തി അച്ചാര്‍, പിലായില, മുട്ടസുറുക്ക, പത്തല്‍, പൊട്ട്യാപ്പം, അച്ചപ്പം, ബിണ്ടി തുടങ്ങിയ വിഭവങ്ങളും പലതരം പായസ ങ്ങളും ഇറച്ചി ക്കറികളും കൊതിയൂറുന്ന കാഴ്ചകളായി തട്ടില്‍ നിരന്നു.
മറ്റൊരു വശത്ത് ഗ്രാമീണമായ കാഴ്ച വസ്തുക്കള്‍. പാനൂസ്, തഴപ്പായ, കിണ്ടി, കോളാമ്പി, ഇസ്തിരി പ്പെട്ടി, കിണ്ണം, ഉലക്ക, ഉരല്‍, കുഴി അമ്മി, മുളനാഴി, അപ്പച്ചട്ടി, കടകോല്, മുളപുട്ടുകുറ്റി, ഭരണി, നിലോതിക്ക, തള, തെരുവ, കലപ്പ, ഉറി, വട്ടക്കിണര്‍ എന്നിങ്ങനെ ഉള്ളതെല്ലാം നഗര ങ്ങളില്‍ ജീവിക്കുന്ന പുതിയ തലമുറയ്ക്ക് കൗതുക ക്കാഴ്ചകളാണ്.
തട്ടുകട കളില്‍ വടകര യിലെ മങ്കമാര്‍ നാടന്‍ പലഹാര ങ്ങള്‍ വിളമ്പുമ്പോള്‍ സ്റ്റേജില്‍ കടത്തനാടന്‍ കളരിപ്പയറ്റും ദഫ്മുട്ടും നാടന്‍ പാട്ടും അരങ്ങു തകര്‍ക്കുക യായിരുന്നു.
വടകര എന്‍ ആര്‍ ഐ ഫോറം ഒരുക്കിയ ഗ്രാമീണ മേളയ്ക്ക് പ്രസിഡന്റ് ഇബ്രാഹിം ബഷീര്‍, പ്രോഗ്രാം കമ്മറ്റി ചെയര്‍മാന്‍ ബാബു വടകര, ജനറല്‍ കണ്‍വീനര്‍ എന്‍ കുഞ്ഞഹമ്മദ്, ജനറല്‍ സെക്രട്ടറി വി. പി. കെ. അബ്ദുള്ള, ട്രഷറര്‍ പി. മനോജ് തുടങ്ങിയവര്‍ നേതൃത്വം നല്കി.
- pma
അബുദാബി: അബുദാബി കേരള സോഷ്യൽ സെന്ററിന്റെ ആഭിമുഖ്യത്തിൽ സംഘടിപ്പിച്ച പാചക മത്സരത്തിൽ വെജിറ്റബിൾ, നോൺ വെജിറ്റബിൾ എന്നീ ഇനങ്ങളിൽ ഗീതാ സുബ്രമണ്യനും പായസത്തിൽ സീനാ അമർസിംഗും ഒന്നാം സമ്മാനാർഹരായി. നോൺ വെജിറ്റബിൾ ഇനത്തിൽ ബിന്നി തോമസ്‌, സ്വപ്ന സുന്ദർ എന്നിവരും വെജിറ്റബിൾ ഇനത്തിൽ സൈദ മഹബൂബ്‌, സ്വപ്ന സുന്ദർ എന്നിവരും പായസത്തിൽ സീന അമർസിംഗും മുക്തയും യഥാക്രമം രണ്ടും മൂന്നും സ്ഥാനങ്ങൾ കരസ്ഥമാക്കി.
മുൻ വർഷങ്ങളിൽ കേരള സോഷ്യൽ സെന്റർ നടത്തിയ പാചക മത്സരങ്ങളിൽ വിവിധ ഇനങ്ങളിലായി മൂന്നു തവണ ഒന്നാം സമ്മാനവും രണ്ടു തവണ മൂന്നാം സ്ഥാനവും നേടിയിട്ടുള്ള ഗീതാ സുബ്രമണ്യൻ മുൻ വർഷങ്ങളിൽ അബുദാബി മലയാളി സമാജവും കല അബുദാബിയും നടത്തിയ പാചക മത്സരങ്ങളിൽ ഓരോ തവണ ഒന്നാം സമ്മാനവും കരസ്ഥമാക്കിയിട്ടുണ്ട്‌.
കേരള സോഷ്യൽ സെന്റർ, അബുദാബി മലയാളി സമാജം, കല അബുദാബി, ഇന്ദിരാഗാന്ധി വീക്ഷണം ഫോറം എന്നീ സംഘടനകൾ മുൻ വർഷങ്ങളിൽ നടത്തിയ പാചക മത്സരങ്ങളിൽ വിവിധ ഇനങ്ങളിലായി അഞ്ചു തവണ ഒന്നാം സ്ഥാനവും അഞ്ചു തവണ രണ്ടാം സ്ഥാനവും സീന അമർസിംഗും കരസ്ഥമാക്കിയിട്ടുണ്ട്‌.
യു. എ. ഇ. യിലെ പ്രമുഖ പാചക വിദഗ്ദ്ധർ വിധി കർത്താക്കളായി പങ്കെടുത്ത പാചക മത്സരങ്ങൾ ക്കൊടുവിൽ കേരള സോഷ്യൽ സെന്റർ ഭാരവാഹികളും പൗര പ്രമുഖരും വിജയികൾക്കുള്ള സമ്മാനങ്ങൾ വിതരണം ചെയ്തു.
– അയച്ചു തന്നത് : സഫറുള്ള പാലപ്പെട്ടി
- ന്യൂസ് ഡെസ്ക്
വായിക്കുക: കേരള സോഷ്യല്‍ സെന്റര്‍, സ്ത്രീ
ഖത്തര്‍ : ഖത്തര്‍ – ബ്ലാങ്ങാട് മഹല്ല് അസ്സോസ്സിയേഷന്റെ കുടുംബ സംഗമം ഏപ്രിൽ 27 വെള്ളിയാഴ്ച ജുമുഅക്ക് ശേഷം ദോഹയിലെ അല്‍ – ഒസറ ഹോട്ടലില്‍ നടന്നു. തുടര്‍ന്ന് നടന്ന യോഗത്തിൽ മഹല്ലില്‍ പെട്ട നൂറുദ്ധീന്റെ മകന്‍ ഷാക്കിറിന്റെ മരണത്തിലുള്ള അനുശോചനം രേഖപ്പെടുത്തി ക്കൊണ്ട് എം. വി. അഷ്‌റഫ്‌, അബ്ദുല്‍ അസീസ്‌, മുജീബ് റഹ് മാന്‍ , പൊറ്റയിൽ അബ്ദുല്‍ ഖാദര്‍ എന്നിവര്‍ സംസാരിച്ചു. മരണം ഏത് നിമിഷവും നമ്മെ തേടി വരാമെന്നും അതിനായി എല്ലാവരും തയ്യാറെടുക്കണമെന്നും മുജീബ് റഹ് മാന്‍ തന്റെ പ്രസംഗത്തില്‍ ഓര്‍മ്മപ്പെടുത്തി.
ദോഹ സന്ദർശിക്കുന്ന ബ്ലാങ്ങാട് മഹല്ല് മുൻ സെക്രട്ടറി പൊറ്റയില്‍ ഖാദര്‍ ബ്ലാങ്ങാട് പള്ളിയിലെ അനുഭവങ്ങള്‍ പങ്ക് വെച്ചു. ഖത്തര്‍ മഹല്ല് കമ്മറ്റി നടത്തുന്ന കാരുണ്യ പ്രവര്‍ത്തനങ്ങള്‍ ഏറെ പ്രശംസനീയമാണെന്നും, അത് അർഹതപ്പെട്ടവരുടെ കൈയ്യില്‍ എത്തുമ്പോള്‍ അവരുടെ മുഖത്ത് കാണുന്ന സന്തോഷം ഒരുപാട് തവണ കണ്ടിട്ടുണ്ടെന്നും അനുഭവത്തിന്റെ വെളിച്ചത്തില്‍ അദ്ദേഹം വ്യക്തമാക്കി. സെക്രട്ടറി ഷാഫിയുടെ മേല്‍നോട്ടത്തില്‍ നടന്ന ഈ ആദ്യത്തെ കുടുംബ സംഗമം ഏറെ സന്തോഷവും ആഹ്ളാദവും നിറഞ്ഞ ഒരു കൂടിച്ചേരല്‍ ആയിരുന്നു.
– കെ. വി. അബ്ദുല്‍ അസീസ്‌ – ചാവക്കാട്, ദോഹ – ഖത്തര്‍
- ന്യൂസ് ഡെസ്ക്
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
