അബുദാബി : സാമൂഹിക – സാംസ്‌കാരിക പ്രവര്‍ത്തകനും പയ്യന്നൂര്‍ സൗഹൃദ വേദി പ്രസിഡന്റു മായ വി. ടി. വി. ദാമോദരന് എഴുതിയ ‘പൊന്‍തൂവല്‍’ എന്ന കവിത അറബി യിൽ വിവർത്തനം ചെയ്തു അബുദാബി പോലീസിന്റെ മുഖ പത്രമായ ‘999’ ല്‍ പ്രസിദ്ധീകരിച്ചു.
കവിതകള്‍ അറബി യിലേക്ക് മൊഴി മാറ്റം നടത്തിയത് ഫറോക്ക് സ്വദേശിയും അബുദാബി യിലെ സര്‍ക്കാര്‍ ഉദ്യോഗസ്ഥനു മായ അബ്ദുറഹ്മാന്‍ പൊറ്റമ്മലാണ്.
അബുദാബി പോലീസ് ആസ്ഥാനത്തെ 999 മാസിക യുടെ കാര്യാ ലയ ത്തില്‍ വെച്ച് ഉന്നത ഉദ്യോഗസ്ഥ രായ ലഫ്റ്റ. കേണല്‍ അവാദ് സാല അല്‍ കിന്ദി, ഖാലിദ് അല്‍ ധന്‍ഹാനി എന്നിവര്‍ ചേര്‍ന്ന് മാസിക യുടെ കോപ്പി വി. ടി. വി. ദാമോദരന് സമ്മാനിച്ചു.
ഇതിന് മുന്‍പ് വി. ടി. വി.യുടെ ‘നന്മ’ എന്ന കവിതയും ‘999’ല്‍ അച്ചടിച്ചു വന്നിരുന്നു.
ഫോക് ലോര്‍ അക്കാദമി അവാര്‍ഡ്‌ ജേതാവും 2010 ലെ മലയാള ഭാഷാ പാഠ ശാല യുടെ പ്രവാസി സംസ്കൃതി പുരസ്കാര ജേതാവും അക്ഷയ ദേശീയ പുരസ്കാര ജേതാവു കൂടി യായ വി. ടി. വി. എന്ന ചുരുക്ക പ്പേരില്‍ അറിയ പ്പെടുന്ന വി. ടി. വി. ദാമോദരൻ, പയ്യന്നൂർ സൌഹൃദ വേദി അബുദാബി ചാപ്റ്റർ പ്രസിഡന്റ്, ഗാന്ധി സാഹിത്യ വേദി പ്രസി ഡന്റ്‌ എന്ന നില യിലും ശ്രദ്ധേയ മായ പ്രവര്‍ത്തന ങ്ങളാണ് പ്രവാസി മലയാളി കള്‍ക്കിട യില്‍ കാഴ്ച വെച്ചിട്ടുള്ളത്.
പൊതു പ്രവര്‍ത്തന രംഗത്ത് നിരവധി പുരസ്കാരങ്ങള്‍ക്ക് അര്‍ഹ നായിട്ടുണ്ട് വി. ടി. വി. ദാമോദരൻ
