അബുദാബി : ഗാനമേള വേദികളില്‍ നിറഞ്ഞു നിന്നിരുന്ന പ്രമുഖ ഗായകന്‍ എടപ്പാള്‍ ബാപ്പു വിനെ ആദരിക്കാന്‍ സംഗീത ആസ്വാദ കര്‍ ഒരുക്കുന്ന ‘പ്രണാമം’ എന്ന കലാ സന്ധ്യ മാര്‍ച്ച് 19 വ്യാഴാഴ്ച രാത്രി എട്ടു മണിക്ക് അബുദാബി ഇന്ത്യന്‍ ഇസ്ലാമിക് സെന്ററില്‍ നടക്കും. സാമൂഹ്യ സാംസ്കാരിക കലാ രംഗങ്ങളിലെ പ്രമുഖര്‍ ചടങ്ങില്‍ സംബന്ധിക്കും.
പ്രമുഖ ധന വിനിമയ സ്ഥാപനമായ എക്സ്പ്രസ്മണി യാണ് ‘പ്രണാമം’ അരങ്ങില്‍ എത്തിക്കുന്നത്. ചടങ്ങിനോട് അനുബന്ധിച്ച് അബുദാബി മെലഡി മൈന്‍ഡ്സിന്റെ നേതൃത്വ ത്തില്‍ കെ. കെ. മൊയ്തീന്‍ കോയ സംവിധാനം ചെയ്ത് അവതരിപ്പിക്കുന്ന ഗാനമേള അരങ്ങേറും.
ചലച്ചിത്ര പിന്നണി ഗായകരും റേഡിയോ – ടെലിവിഷന്‍ താര ങ്ങളുമായ കബീര്‍, സുമി അരവിന്ദ്, റജി മണ്ണേല്‍, യൂസുഫ് കാരക്കാട്, ആദില്‍ ഇബ്രാഹിം, മുഹമ്മദ് ഈസാ, ഉന്മേഷ് ബഷീര്‍, അപ്സര ശിവപ്രസാദ്, ഹര്‍ഷ, അജയ് ഗോപാല്‍ എന്നിവര്‍ വേദി യിലെത്തും. പരിപാടി യിലേക്കുള്ള പ്രവേശനം സൗജന്യമായിരിക്കും.
വിവര ങ്ങള്‍ക്ക് 055 180 34 34, 050 49 95 861
ഷാര്‍ജ : കലാ സാംസ്കാരിക കൂട്ടായ്മ യായ ഭാവനാ ആര്‍ട്‌സ് സൊസൈറ്റി പുതിയ കമ്മിറ്റി രൂപീകരിച്ചു. പ്രസിഡന്റ് നൗഷാദ് പുന്നത്തല, ജനരൽ സെക്രട്ടറി ലത്തീഫ് മമ്മിയൂര്‍, ട്രഷറര്‍ ആരിദ് വര്‍ക്കല. കലാ വിഭാഗം സെക്രട്ടറി ശശി വെന്നിങ്കല്‍, വൈസ് പ്രസിഡന്റ് ശങ്കര്‍ വര്‍ക്കല, ജോയിന്റ്റ് സെക്രട്ടറി ഷാജി ഹനീഫ് പൊന്നാനി എന്നിവരെയും പ്രവര്‍ത്തക സമിതി അംഗ ങ്ങളായി കെ. ത്രിനാഥ് , സുലൈമാന്‍ തണ്ടിലം, മധു എന്‍. ആര്‍, ശശീന്ദ്രന്‍ നായര്‍ പി, ഷാനവാസ് ചാവക്കാട് എന്നിവരെയും തെരഞ്ഞെടുത്തു. 
അബുദാബി : ശക്തി തിയേറ്റേഴ്‌സിന്റെ മുപ്പത്തി ആറാമത് വാര്‍ഷിക ആഘോഷം വ്യാഴം, വെള്ളി ദിവസ ങ്ങളിലായി കേരള സോഷ്യല്‍ സെന്ററില്‍ നടക്കും. 
