 |
 |
 |
 |
 |
 |
 |
 |
 |
 |
 |
 |
 |
 |
അജ്മാന്‍ തുറമുഖത്ത്‌ ഇന്ധനകപ്പലിന് തീ പിടിച്ച് മൂന്നുപേര്‍ മരിച്ചു. ഗുരുതരമായി പൊള്ളലേറ്റ അഞ്ചുപേരെ അജ്മാന്‍ ഖലീഫ ആശുപത്രിയില്‍ പ്രവേശിപ്പിച്ചു, രണ്ടു പേരെ കാണാതായതായും റിപ്പോര്‍ട്ട് ഉണ്ട്, അപകടത്തില്‍ പെട്ടവരെല്ലാം ഏഷ്യന്‍ വംശക്കാരാണ്, തീ പിടുത്തത്തെ തുടര്‍ന്നുണ്ടായ ശക്തമായ വിഷപുക ശ്വസിച്ചാണ് മരണം സംഭവിച്ചത്‌ എന്ന് അജ്മാന്‍ സിവില്‍ ഡിഫന്‍സ്‌ വിഭാഗം ഡയറക്ടര്‍ ജനറല്‍ ബ്രി:സലിഹ് അല്‍ മത്രൂഷി പറഞ്ഞു.
- ന്യൂസ് ഡെസ്ക്
ദോഹ : യൂറോപ്യന്‍ സുന്ദരിമാരെ വീട്ടു ജോലിക്കാരിയായി നിര്‍ത്തുന്നതിനെ ഖത്തറിലെ സ്ത്രീകള്‍ ശക്തിയായി എതിര്‍ക്കുന്നു. തങ്ങളുടെ ഭര്‍ത്താക്കന്മാര്‍ ഈ സുന്ദരിമാരുടെ വലയില്‍ വീണു പോവും എന്നാണ് ഇവരുടെ ആശങ്ക. ഖത്തറില്‍ ഏഷ്യന്‍ വംശജരായ വീട്ടുജോലിക്കാരെ മാത്രം ആശ്രയിക്കുന്നതിനെ മറികടക്കുവാന്‍ സര്‍ക്കാര്‍ മറ്റു രാഷ്ട്രങ്ങളില്‍ നിന്നും വീട്ടു ജോലിക്കാരെ കൊണ്ട് വരുവാന്‍ പദ്ധതി ഇടുന്നതിനെയാണ് ഇവിടത്തെ സ്ത്രീകള്‍ എതിര്‍ക്കുന്നത്. വാര്‍ത്ത റിപ്പോര്‍ട്ട് ചെയ്തത് ഇവിടത്തെ പ്രാദേശിക അറബി പത്രമായ അല്‍ ഷര്‍ഖ് ആണ്.
യൂറോപ്യന്‍ രാഷ്ട്രമായ ബോസ്നിയയില്‍ നിന്നും വീട്ടു ജോലിക്ക് യുവതികളെ ഖത്തറിലേക്ക് കൊണ്ട് വരുവാനാണ് ആലോചന. എന്നാല്‍ സുന്ദരിമാരായ ബോസ്നിയന്‍ യുവതികള്‍ വീട്ടില്‍ വരുന്നത് സാമൂഹ്യ പ്രശ്നങ്ങള്‍ക്ക് കാരണമാവും എന്നാണ് ആശങ്ക.
ഏഷ്യന്‍ വംശജരായ വീട്ടു ജോലിക്കാര്‍ തന്നെ പലപ്പോഴും തങ്ങള്‍ക്ക് തലവേദന ആകാറുണ്ട് എന്ന് ഇവര്‍ ചൂണ്ടിക്കാണിക്കുന്നു. സുന്ദരിമാരായ വീട്ടു ജോലിക്കാരികളോട് അടുപ്പം കാണിക്കുന്ന വീട്ടിലെ യുവാക്കളും പലപ്പോഴും ഇവരുമായി അവിഹിത ബന്ധം പുലര്‍ത്തുന്ന ഭര്‍ത്താക്കന്മാരും കുടുംബ ബന്ധങ്ങള്‍ ശിഥിലമാകുവാന്‍ ഇപ്പോള്‍ തന്നെ കാരണമാവുന്നു. അപ്പോള്‍ പിന്നെ ഏറെ അഴകുള്ള യൂറോപ്യന്‍ സുന്ദരിമാര്‍ സ്വന്തം വീട്ടില്‍ എത്തിയാലുള്ള അവസ്ഥ എന്താകും എന്നാണ് ഇവര്‍ ചോദിക്കുന്നത്.
- ജെ.എസ്.
അബുദാബി : രാജ്യത്തെ ധന കാര്യ സ്ഥാപന ങ്ങളിലേക്ക് കൂടുതല്‍ സ്വദേശി കളെ ആകര്‍ഷിക്കാനായി അബൂദാബി യില്‍ വിപുലമായ റിക്രൂട്ട്മെന്‍റ് മേള നടത്തുന്നു. എങ്കിലും ഇതില്‍ വിദേശി കള്‍ക്കും അവസരം ഉണ്ട് .‘തൗദീഫ്’ എന്ന പേരില്‍ ജനുവരി 31, ഫെബ്രുവരി 1 , 2 തിയ്യതി കളില്‍ അബുദാബി യിലെ നാഷനല്‍ എക്സിബിഷന്‍ സെന്‍ററിലാണ് മേള സംഘടിപ്പിക്കുന്നത്. രാജ്യത്തെ ധനകാര്യ, – ബാങ്കിംഗ് മേഖല യില്‍ പ്രവര്‍ത്തി ക്കുന്ന നിരവധി സ്ഥാപന ങ്ങള്‍ക്ക് പുറമെ മറ്റു പ്രധാന സ്ഥാപന ങ്ങളും പങ്കെടുക്കുന്നുണ്ട്. സ്വദേശികള്‍ക്ക് തൊഴിലവസരം ലക്ഷ്യമിട്ടാണ് മേള നടത്തുന്ന തെങ്കിലും മൂന്നാം ദിവസം എല്ലാ രാജ്യക്കാര്‍ക്കും അവസരം ലഭിക്കും. ജനുവരി 31ന് രാവിലെ 11 മുതല്‍ വൈകിട്ട് 7 വരെ സ്വദേശി കള്‍ക്ക് മാത്രമാണ് അവസരം ലഭിക്കുക. ഫെബ്രുവരി ഒന്നിന് രാവിലെ 11 മുതല്‍ ഉച്ച 2 വരെ സ്വദേശി വനിത കള്‍ക്കും ഉച്ച 2 മുതല്‍ വൈകിട്ട് 7 വരെ സ്വദേശി പുരുഷന്‍ മാര്‍ക്കുമാണ് അവസരം. ഫെബ്രുവരി രണ്ടിന് രാവിലെ 9.30 മുതല്‍ വൈകിട്ട് 7 വരെ എല്ലാ രാജ്യക്കാര്‍ക്കും അവസരമുണ്ടാകും.
പങ്കെടുക്കാന്‍ ആഗ്രഹിക്കുന്നവര്‍ തൌദീഫ് വെബ്‌ സൈറ്റിലൂടെ മുന്‍കൂട്ടി രജിസ്റ്റര്‍ ചെയ്യണം.
- pma
ദുബായ്‌ : ശക്തമായ ഷമാല്‍ കൊണ്ടു വന്ന മഴ യു.എ.ഇ. യിലെ പല ഭാഗങ്ങളിലും താപനിലയില്‍ ഗണ്യമായ വ്യതിയാനം രേഖപ്പെടുത്താന്‍ കാരണമായി. ഷാര്‍ജയില്‍ പെയ്ത മഴയെ തുടര്‍ന്ന് മല്‍സ്യ ബന്ധന തൊഴിലാളികള്‍ ബോട്ടുകള്‍ കരയ്ക്കടുപ്പിച്ചു. ഇനി കാലാവസ്ഥാ വകുപ്പിന്റെ നിര്‍ദ്ദേശം ലഭിച്ചാല്‍ മാത്രമേ തങ്ങള്‍ കടലിലേക്ക്‌ പോകുകയുള്ളൂ എന്ന് തൊഴിലാളികള്‍ അറിയിച്ചു. ശനിയാഴ്ചയും ഞായറാഴ്ചയും യു.എ.ഇ. യില്‍ ഏറ്റവും കുറഞ്ഞ താപനില രേഖപ്പെടുത്താന്‍ സാദ്ധ്യതയുണ്ട് എന്നാണ് നിഗമനം. ഇത് 8 ഡിഗ്രി സെല്‍ഷ്യസ്‌ വരെയാവാം. ദുബായിലെ പലയിടങ്ങളിലും ചെറിയ തോതില്‍ മഴ രേഖപ്പെടുത്തുകയുണ്ടായി.
- ജെ.എസ്.
ദുബായ്‌ : പ്രശസ്തമായ ഒരു കമ്പനിയില്‍ സെയില്‍സ്‌ എന്‍ജിനിയര്‍മാരുടെ ഒഴിവുകള്‍ ഉണ്ട്. യു.എ.ഇ. യില്‍ ഹെവി എക്യുപ്മെന്റ് സെയില്‍സില്‍ 2 – 3 വര്‍ഷത്തെ പ്രവര്‍ത്തി പരിചയമുള്ള ഏതു എന്‍ജിനിയറിങ് ശാഖയില്‍ നിന്നുമുള്ളവര്‍ക്കും അപേക്ഷിക്കാം. ഡ്രൈവിംഗ് ലൈസന്‍സ്‌ നിര്‍ബന്ധമാണ്. ഒഴിവുകള്‍ ദുബായിലും അബുദാബിയിലും ഉണ്ട്. കൂടുതല്‍ വിവരങ്ങള്‍ക്ക് heavy അറ്റ്‌ epathram ഡോട്ട് കോം എന്ന ഈമെയില്‍ വിലാസത്തില്‍ ബന്ധപ്പെടുക.
- ജെ.എസ്.
വായിക്കുക: jobs, തൊഴിലാളി, പൂര്‍വ വിദ്യാര്‍ത്ഥി
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
