 |
 |
 |
 |
 |
 |
 |
 |
 |
 |
 |
 |
 |
 |
അബുദാബി : ജൂണ്‍ 19ന് വായനാ ദിനത്തോട് അനുബന്ധിച്ച് (പി. എന്‍. പണിക്കര്‍ ജന്മദിനം) അബുദാബി മലയാളി സമാജം ലൈബ്രറി വിഭാഗം രാത്രി 8 മണിക്ക് സമാജം ലൈബ്രറി ഹാളില്‍ ‘അക്ഷര ജ്യോതി’ സംഘടിപ്പിക്കും.
യു. എ. ഇ. യിലെ പ്രമുഖ സാഹിത്യ കാരന്മാര്‍ പങ്കെടുക്കുന്ന പരിപാടി യില്‍ പുസ്തക സമാഹരണം, വായനാനുഭവം, സാഹിത്യ ചര്‍ച്ച എന്നിവയും ഉണ്ടാവും. കൂടുതല്‍ വിവരങ്ങള്‍ക്ക് : 050 73 49 807.
- pma
വായിക്കുക: മലയാളി സമാജം, സാഹിത്യം
അബുദാബി : തൃശൂര്‍ കേന്ദ്രമാക്കി പ്രവര്‍ത്തിക്കുന്ന അങ്കണം സാംസ്കാരിക വേദി രജത ജൂബിലി ആഘോഷ ങ്ങളുടെ ഭാഗമായി പ്രവാസി എഴുത്തു കാര്‍ക്ക് വേണ്ടി നടത്തിയ കഥാ – കവിതാ മത്സര ത്തിലെ വിജയികളെ പ്രഖ്യാപിച്ചു.
പുന്നയൂര്‍ക്കുളം സൈനുദ്ദീന്റെ ‘ഹാഗോപ്’ കഥാ വിഭാഗ ത്തില്‍ ഒന്നാം സമ്മാനാര്‍ഹമായി. കഴിഞ്ഞ 20 വര്‍ഷങ്ങളായി യു. എ. ഇ. യില്‍ ജോലി ചെയ്യുന്ന സൈനുദ്ദീന് ഇവിടത്തെ സാഹിത്യ സാംസ്കാരിക രംഗത്ത്‌ സജീവ സാന്നിദ്ധ്യമാണ്. 2009 ലെ മാധ്യമം വാര്‍ഷിക പ്പതിപ്പില്‍ പ്രസിദ്ധീകരിച്ച കഥയായിരുന്നു ഹാഗോപ്.
അങ്കണം സാംസ്കാരിക വേദിയുടെ അവാര്‍ഡ്‌ ജേതാക്കള്‍
അതോടൊപ്പം നിര്‍മ്മലാ തോമസ് (കാനഡ )എഴുതിയ ‘മേപ്പിള്ളിയില്‍ പതിഞ്ഞു പോയ നക്ഷത്രങ്ങള്‍’ എന്ന കഥയും ഒന്നാം സമ്മാനം നേടി. റിയാദില്‍ ജോലി ചെയ്യുന്ന ജോസഫ് അതിരുങ്കലിന് കഥാ വിഭാഗത്തില്‍ പ്രോത്സാഹന സമ്മാനം ലഭിച്ചു.
കവിതയില്‍ ന്യൂയോര്‍ക്കിലുള്ള സന്തോഷ് പാലാ (അരൂപിയുടെ രൂപം) യ്ക്കാണ് ഒന്നാം സ്ഥാനം. കെ. ബാലചന്ദ്രന്‍ (ബഹ്‌റൈന്‍), സറീനാ റിയാസുദ്ദീന്‍ (അല്‍കോബാര്‍) എന്നിവര്‍ക്ക് പ്രോത്സാഹന സമ്മാനവും ലഭിച്ചു.
ആഗസ്റ്റ് അവസാന വാരത്തില്‍ നടക്കുന്ന പരിപാടി യില്‍ പ്രശസ്തി പത്രവും ശില്പവും ക്യാഷ് അവാര്‍ഡും സമ്മാനിക്കും.
- pma
- ഫൈസല്‍ ബാവ
വായിക്കുക: അബുദാബി, സംഘടന, സാംസ്കാരികം, സാഹിത്യം
അബുദാബി : പ്രസക്തി, നാടക സൌഹൃദം, ആര്‍ട്ടിസ്റ്റ ആര്‍ട്ട് ഗ്രൂപ്പ്‌, കോലായ എന്നീ കൂട്ടായ്മകള്‍ ചേര്‍ന്ന് പ്രമുഖ സാഹിത്യകാരന്‍ എസ്. എ. ഖുദ്‌സിയ്ക്ക് ആദരം അര്‍പ്പിച്ചു കൊണ്ട് കെ. എസ്. സി. യില്‍ നടത്തിയ പരിപാടിയില്‍
അറബ് മലയാളം കവിത കളുടെ ചൊല്‍ക്കാഴ്ച ആസ്വാദ്യകരമായി.
കവി അസ്‌മോ പുത്തന്‍ചിറ അദ്ധ്യക്ഷത വഹിച്ചു. കവി നസീര്‍ കടിക്കാട് ചൊല്‍ക്കാഴ്ച്ച ഉദ്ഘാടനം ചെയ്തു. സൈനുദ്ദീന് ഖുറൈഷി, ടി. എ. ശശി, രാജേഷ് ചിത്തിര, അമല്‍ കാരൂത്ത് ബഷീര്‍ എന്നിവര്‍ കവിതകള്‍ അവതരിപ്പിച്ചു.
തുടര്‍ന്ന് ഒ. വി. വിജയന്റെ പ്രശസ്തമായ ചെറുകഥയെ ആസ്പദമാക്കി ‘കടല്‍ത്തീരത്ത്’ എന്ന നാടകം അബുദാബി നാടക സൗഹൃദം അവതരിപ്പിച്ചത് പ്രേക്ഷകര്‍ക്ക് വിസ്മയമായി.
ഹരി അഭിനയ സംവിധാനം ചെയ്ത നാടക ത്തില്‍ ബിന്നി ടോമി, അനന്ത ലക്ഷ്മി, രാജീവ് മുളക്കുഴ, പി. എം. അബ്ദുല്‍ റഹ്മാന്‍, അനീഷ് വാഴപ്പള്ളി, ഷാബു, സാലിഹ് കല്ലട, ഷാബിര്‍ ഖാന്‍, ഷഫീഖ്, ഷെരീഫ് മാന്നാര്‍ , ആസാദ് ഷെരീഫ് എന്നിവര്‍ വേഷമിട്ടു. വക്കം ജയലാല്‍, സാബു പോത്തന്‍കോട്, അന്‍വര്‍ ബാബു, റാംഷിദ്, അന്‍വര്‍ കൊച്ചനൂര്‍ എന്നിവര്‍ പിന്നണിയില്‍ പ്രവര്‍ത്തിച്ചു.
- pma
വായിക്കുക: കവിത, നാടകം, സംഘടന, സാംസ്കാരികം, സാഹിത്യം
ഷാര്‍ജ : യുവ കലാ സാഹിതി അച്യുത മേനോന്‍ സ്മാരക ലേഖന മത്സരം നടത്തുന്നു. കേരള ത്തിന്റെ മുന്‍ മുഖ്യ മന്ത്രിയും സി. പി. ഐ. നേതാവു മായിരുന്ന സി. അച്യുത മേനോന്റെ ജന്മ ശതാബ്ധി യോട് അനുബന്ധിച്ചു നടത്തുന്ന ലേഖന മല്‍സര ത്തില്‍ ‘കേരളത്തിന്റെ വികസന പ്രക്രിയ യില്‍ സി. അച്യുത മേനോന്റെ പങ്ക്”എന്നതാണ് വിഷയം.
നാല് പുറത്തില്‍ കവിയാത്ത ലേഖനങ്ങള്‍ ജൂണ്‍ 15 നു മുന്‍പ് പി. ഒ. ബോക്സ് : 30697, ഷാര്‍ജ , യു. എ. ഇ. എന്ന വിലാസ ത്തിലോ yksmagazine at gmail dot com എന്ന ഇ -മെയില്‍ വിലാസ ത്തിലോ അയക്കണം. കൂടുതല്‍ വിവരങ്ങള്‍ക്ക് 055 – 244 08 40 എന്ന നമ്പരില്‍ ബന്ധപ്പെടുക.
- pma
വായിക്കുക: യുവകലാസാഹിതി, സാഹിത്യം
വാര്ത്തകള് കേരളം
|
കലാ സാഹിത്യം ലേഖനങ്ങള്‍
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
