അബുദാബി : കൊവിഡ് വ്യാപനം അതി രൂക്ഷമായ രാജ്യങ്ങളിലേക്ക് യു. എ. ഇ. വാക്സിന്‍ അയച്ചു കൊടുക്കും. എമിറേറ്റ്സ് റെഡ് ക്രസന്റ്, തമൂഹ് ഹെൽത്ത് കെയര്‍ എന്നിവ സംയുക്തമായി ഇതിനു നേതൃത്വം നല്‍കും.

ഇതിനായി രൂപീകരിച്ച ഹോപ്പ് കൺസോർഷ്യം, വിവിധ കമ്പനികളുടെ വാക്സിനുകള്‍ യു. എ. ഇ. യിലേക്ക് എത്തിച്ചു കൊണ്ട് ഓരോ രാജ്യങ്ങളു ടേയും ആവശ്യാനുസരണം ലോകത്തി ന്റെ വിവിധ ഭാഗങ്ങ ളിലേക്ക് ഏറ്റവും പെട്ടെന്നു തന്നെ എത്തിക്കും.

ഓരോ രാജ്യ ത്തിന്റെയും ആവശ്യം അനുസരിച്ച് വാക്സിന്‍ ലഭ്യമാക്കു ന്നതിനു വേണ്ടി യാണ് വിവിധ കമ്പനി കളുടെ വാക്സിനുകള്‍ യു. എ. ഇ. യിലേക്ക് എത്തിച്ചു സംഭരിക്കുന്നത്.

ചൈനയുടെ സിനോഫാം വാക്‌സിൻ, യു. എ. ഇ. യില്‍ ഹയാത്ത് വാക്‌സിൻ എന്ന പേരിൽ പ്രാദേശികമായി ഉത്പാദിപ്പിച്ചു തുടങ്ങിയിട്ടുണ്ട്. 800 കോടി വാക്സിൻ ശേഖരിച്ച് മൈനസ് 80 ഡിഗ്രി താപ നിലയില്‍ സൂക്ഷിച്ചു വെക്കുവാന്‍ ഇവിടെ സൗകര്യം ഒരുക്കിയിട്ടുണ്ട്.

അബുദാബി : യു. എ. ഇ. ജന സംഖ്യയുടെ 52.46 % ആളു കളും കൊവിഡ് പ്രതിരോധ വാക്സിൻ സ്വീകരിച്ചു എന്ന് ആരോഗ്യ- പ്രതിരോധ വകുപ്പു മന്ത്രി അബ്ദുൽ റഹ്‌മാൻ അൽ ഒവൈസ്.

പ്രായം കൂടിയവരും ദുർബ്ബല വിഭാഗങ്ങളിലും പെട്ട 70.21% ആളുകള്‍ക്കു വാക്സിന്‍ നല്‍കി ക്കഴിഞ്ഞു. ഏഴു മില്ല്യണ്‍ വാക്സിനുകള്‍, രാജ്യത്തെ 205 കേന്ദ്ര ങ്ങളി ലൂടെ വിതരണം ചെയ്തു കഴിഞ്ഞു. വാക്സിനേഷന്‍ നടക്കുന്ന ലോക രാജ്യങ്ങളുടെ പട്ടികയില്‍ ഉയര്‍ന്ന സ്ഥാനമാണ് യു. എ. ഇ.ക്ക് ഉള്ളത്.