മന്ത്രാലയത്തിന്റെ അനുമതി ഇല്ലാതെ സ്‌കൂളുകൾ ട്രാൻസ്‌പോർട്ട് ഫീസ് കൂട്ടരുത്

September 5th, 2015

abudhabi-school-bus-ePathram
അബുദാബി : വിദ്യാര്‍ത്ഥി കളുടെ ട്രാൻസ്‌പോർട്ട് ഫീസ് വര്‍ദ്ധിപ്പിക്കാന്‍ വിദ്യാഭ്യാസ മന്ത്രാലയ ത്തിന്റെ രേഖാമൂലമുള്ള അനുമതി തേടണം എന്ന് അധികൃതര്‍. സ്കൂള്‍ ഫീസും ബസ്സ്‌ ഫീസും നിലവിലെ നിരക്കില്‍ നിന്നും ഒരു ശതമാനം എങ്കിലും വര്‍ദ്ധനവ്‌ വരുത്തണം എങ്കില്‍ മന്ത്രാലയ ത്തില്‍ നിന്നും രേഖാ മൂലമുള്ള അനുമതി വാങ്ങിയിരി ക്കണം. നിയമം ലംഘിക്കുന്നവർ കനത്ത പിഴ ശിക്ഷ നേരിടേണ്ടി വരും എന്നും വിദ്യാഭ്യാസ മന്ത്രാലയ ത്തിന്റെ സ്വകാര്യ സ്‌കൂൾ വകുപ്പ് അണ്ടർ സെക്രട്ടറി അലി അൽ സുവൈദി അറിയിച്ചു.

ഫീസ്‌ വര്‍ദ്ധിപ്പിക്കാനുള്ള അപേക്ഷ സമര്‍പ്പിച്ചാല്‍ മന്ത്രാലയ ത്തിനു കീഴിലുള്ള പ്രത്യേക സമിതി സ്‌കൂളു കളിൽ സന്ദർശനം നടത്തുകയും പാഠ്യ വിഷയ ങ്ങളും കെട്ടിട സൗകര്യ ങ്ങളും സാങ്കേതിക സംവിധാന ങ്ങളും എല്ലാം പരിശോധി ക്കുകയും സ്കൂള്‍ അധികൃത രുടെ ആവശ്യ ങ്ങൾ വിലയിരുത്തു കയും ചെയ്‌ത ശേഷം മന്ത്രാലയ ത്തിന്റെ നിബന്ധന കളും മാര്‍ഗ്ഗ നിര്‍ദ്ദേശ ങ്ങളും അനുസരിച്ചു മാത്രമാണ് ഫീസ്‌ വര്‍ദ്ധിപ്പിക്കാന്‍ ഉള്ള അപേക്ഷ കളില്‍ അംഗീകാരം നല്‍കുകയുള്ളൂ.

ഏതെങ്കിലും വിദ്യാഭ്യാസ സ്‌ഥാപനങ്ങൾ നിയമം ലംഘിച്ചു നിരക്കു വാങ്ങിയാൽ രക്ഷിതാക്കൾ മന്ത്രാലയ ത്തിൽ പരാതിപ്പെടണം എന്നും അലി അൽ സുവൈദി ഓര്‍മ്മിപ്പിച്ചു.

സ്‌കൂൾ നടത്തി പ്പുകാർ അനധികൃത മായി നിരക്ക് ഈടാക്കുന്ന തായി കണ്ടെത്തി യാല്‍ നിയമ നടപടി കൾ അതിവേഗ ത്തില്‍ ആയിരിക്കും എന്നും അദ്ദേഹം മുന്നറിയിപ്പ് നല്‍കി.

- കറസ്പോണ്ടന്‍റ്

വായിക്കുക: , , , ,

Comments Off on മന്ത്രാലയത്തിന്റെ അനുമതി ഇല്ലാതെ സ്‌കൂളുകൾ ട്രാൻസ്‌പോർട്ട് ഫീസ് കൂട്ടരുത്

പെട്രോളിന് ലിറ്ററിന് വില വര്‍ദ്ധന : ഡീസലിന് വില കുറയും

July 30th, 2015

fuel-prices-deregulated-in-uae-ePathram
അബുദാബി : യു. എ. ഇ. യില്‍ ഇന്ധന വില പുനഃക്രമീകരിച്ചു. ഓഗസ്റ്റ് ഒന്നു മുതല്‍ പുതിയ വില നിലവില്‍ വരും. സര്‍ക്കാര്‍ കനത്ത സബ്‌സിഡി നൽകുന്ന തിനാൽ ലോക ത്തിൽ ഇന്ധന വില ഏറ്റവും കുറഞ്ഞ രാജ്യ ങ്ങളി ലൊന്നാണ് യു. എ. ഇ. എന്നാല്‍ ഈ സബ്സിഡി യു. എ. ഇ. സര്‍ക്കാര്‍ നിര്‍ത്ത ലാക്കി യതോടെ ഇന്ധന വില പുനഃക്രമീകരിച്ചു.

ഓഗസ്റ്റ് ഒന്നു മുതൽ പെട്രോള്‍ ലിറ്ററിന് 2 ദിര്‍ഹം 14 ഫില്‍സ് നല്‍കണം. നേരത്തെ 1. ദിര്‍ഹം 72 ഫില്‍‌സ് ആയി രുന്നു സ്ഥിരം വില. ഇപ്പോള്‍ സബ്സിഡി ഒഴിവാക്കു ന്നതോടെ പെട്രോള്‍ വിലയില്‍ 24 ശതമാനം വര്‍ദ്ധന വാണ് ഉണ്ടായിരിക്കുന്നത്. അതേസമയം, ഡീസലിന് നേരത്തെ 2 ദിര്‍ഹം 90 ഫില്‍‌സ് വില ഉണ്ടായിരുന്നതില്‍ ലിറ്ററിന് 85 ഫിൽസ് കുറഞ്ഞു 2.05 ദിർഹ മായി മാറി.

ഇന്ധന വില നിർണയ സമിതിയുടെ യോഗമാണ് പുതുക്കിയ വില നിലവാരം പ്രഖ്യാപി ച്ചത്. 2010 മുതൽ യു. എ. ഇ. യിൽ പെട്രോളിനും ഡീസലിനും നിശ്ചിത വില യായി രുന്നു. ജൂലായിലെ അന്താരാഷ്ട്ര വിലയുടെ ശരാശരിയും കടത്തു കൂലിയും മറ്റു ചെലവുകളും പരിഗണിച്ചാണ് ആഗസ്തിലെ വില നിശ്ചയിച്ചത്.

എല്ലാ ദിവസവും അന്താരാഷ്ട്ര ഇന്ധന വില നിരീക്ഷണത്തിന് വിധേയ മാക്കും. ഇനി മുതൽ എല്ലാ മാസവും 28ന് യോഗം ചേർന്ന് അടുത്ത മാസത്തെ വില നിർണ യിക്കും. രാജ്യാന്തര തലത്തിലെ ശരാശരി ഇന്ധന വിലയുമായി ബന്ധപ്പെടു ത്തിയാകും ഇനി മുതല്‍ വില നിശ്ചയിക്കുക.

അബുദാബി നാഷണല്‍ ഓയില്‍ കമ്പനി (അഡ്‌നോക്) ഡീസലിനും പെട്രോളിനും താരതമ്യേന കുറഞ്ഞ നിരക്കാണ് ഈടാ ക്കുന്നത്. എന്നാല്‍, ഇനി മുതല്‍ യു. എ. ഇ. യിലെ എല്ലാ എമിരേറ്റു കളിലെയും പെട്രോള്‍ സ്റ്റെഷനുകളില്‍ ഒരേ വില ആയിരിക്കും ഈടാക്കുക.

ഫോട്ടോക്ക് കടപ്പാട് : അറേബ്യന്‍ ബിസിനസ്സ് ഡോട്ട് കോം

- കറസ്പോണ്ടന്‍റ്

വായിക്കുക: , , ,

Comments Off on പെട്രോളിന് ലിറ്ററിന് വില വര്‍ദ്ധന : ഡീസലിന് വില കുറയും

റമദാനില്‍ ചുവപ്പു സിഗ്നലില്‍ കുടുങ്ങിയത് 2209 വാഹനങ്ങൾ

July 4th, 2015

traffic-police-installed-infra-red-camera-ePathram
അബുദാബി : അമിത വേഗവും ഗതാഗത നിയമ ലംഘനങ്ങളും പിടിക്കാന്‍ സ്ഥാപിച്ച ഗതാ ഗത വകുപ്പിന്റെ ക്യാമറയില്‍ റമദാന്‍ മാസത്തില്‍ മാത്രം കുടുങ്ങിയത് 2209 വാഹന ങ്ങൾ എന്ന്‍ ഗതാഗത വകുപ്പ്.

മിക്ക വാഹനങ്ങളും ഇന്റര്‍ചെയ്ഞ്ചു കളിലെ സിഗ്‌നലു കളാണു മുറിച്ചു കടക്കുന്നത്. ഇവിടെ സ്ഥാപിച്ച ക്യാമറകള്‍ ചുവപ്പു സിഗ്‌നല്‍ മുറിച്ചു കടക്കുന്നതു മാത്ര മല്ല മറ്റു നിയമ ലംഘന ങ്ങളും പിടി കൂടും. കാല്‍ നട യാത്രക്കാര്‍ക്കു കടക്കാനായി പ്രത്യേകം അടയാള പ്പെടുത്തിയ ഭാഗത്തു നിര്‍ത്തി യിടുന്ന വാഹന ങ്ങളും ക്യാമറ യില്‍ കുടുങ്ങും.

ഓറഞ്ചു സിഗ്നല്‍ ലൈറ്റ് കത്തിയാല്‍ വളരെ മുന്‍ കരുതലോടെ സിഗ്‌നലു കളില്‍ എത്തേ ണ്ടതായ വാഹന ങ്ങള്‍, ചുവപ്പു സിഗ്‌നല്‍ നോക്കാതെ പായുന്നതും ഇതു മൂലം സ്വന്തം ജീവനും നിരപരാധി കളുടെ ജീവനു കളുമാണ് നഷ്ടപ്പെടുക എന്നുള്ളതും വാഹനം ഓടിക്കുന്നവര്‍ ഓര്‍ക്കണം എന്ന് ഗതാഗത വകുപ്പിലെ ട്രാഫിക് കേസ് വകുപ്പു തലവന്‍ ലഫ്. കേണല്‍ സാലിം അല്‍ശഹി അറിയിച്ചു.

- കറസ്പോണ്ടന്‍റ്

വായിക്കുക: , ,

Comments Off on റമദാനില്‍ ചുവപ്പു സിഗ്നലില്‍ കുടുങ്ങിയത് 2209 വാഹനങ്ങൾ

എയർ ഇന്ത്യ : ഡ്യൂട്ടി ഫ്രീ ഉൾപ്പെടെ ഹാൻഡ് ബാഗേജ് 8 കിലോ മാത്രം

June 29th, 2015

air-india-epathram
ദുബായ് : ഡ്യൂട്ടി ഫ്രീ ഷോപ്പു കളില്‍ നിന്നുള്ള ബാഗുകള്‍ അടക്കം എയർ ഇന്ത്യാ വിമാന ങ്ങളിൽ ഹാന്‍ഡ് ബാഗേജ് എട്ടു കിലോ യിൽ കൂടുതല്‍ അനുവദിക്കില്ല എന്ന്‍ അധികൃതര്‍ അറിയിച്ചു.

ഡ്യൂട്ടി ഫ്രീ ഷോപ്പിൽ നിന്ന് വാങ്ങിക്കുന്ന സാധനങ്ങൾ ഉൾപ്പെടെ യാണ് എട്ട് കിലോ ബാഗേജ് കർശന മാക്കിയത്. ഇതിൽ കൂടി യാൽ പണം അടക്കേണ്ടി വരും.

ഹാൻഡ് ബാഗേജിന് പുറമെ, ലേഡീസ് ഹാൻഡ് ബാഗ്, ഒാവർ കോട്ട്, കമ്പിളി പ്പുതപ്പ്, പുതപ്പ്, ക്യാമറ, ബൈനാക്കുലർ, ലാപ് ടോപ്, പുസ്തക ങ്ങള്‍, കുഞ്ഞുങ്ങളുടെ ഭക്ഷണം, അവര്‍ക്ക് വേണ്ടി യുള്ള മറ്റു സാധനങ്ങള്‍, മടക്കി വയ്ക്കാവുന്ന വീൽ ചെയർ, ഉൗന്നു വടി, മടക്കി വെക്കാ വുന്ന കുട, ആസ്ത്മ രോഗി കൾക്കും മറ്റും ഉപയോഗി ക്കാവുന്ന മരുന്നു കളും അനു വദിക്കും. എന്നാൽ, ഇവയൊ ക്കെയും കര്‍ശന മായ പരിശോധന യ്ക്ക് വിധേയ മാകും എന്നും അധികൃതർ പറഞ്ഞു.

യു. എ. ഇ. യിലെ എല്ലാ വിമാന ത്താവള ങ്ങളിലെയും ബോര്‍ഡിംഗ് ഗേറ്റു കളിൽ ഹാൻഡ് ബാഗേജ് തൂക്കി നോക്കാനുള്ള സംവിധാനം ഏർപ്പെടുത്താൻ തീരുമാനിച്ച തായും അധികൃതർ പറഞ്ഞു.

ഹാന്‍ഡ് ബാഗേജിന്ന് അധികൃതര്‍ കൃത്യമായ അളവും വലുപ്പവും നിശ്ചയിച്ചിട്ടുണ്ട്. കാരിയോൺ ബാഗ് 55 സെന്റി മീറ്റർ (22 ഇഞ്ച്‌ ) X 40 സെന്റി മീറ്റർ(16 ഇഞ്ച്‌ ) X 20 സെന്റി മീറ്റർ ( 8 ഇഞ്ച്‌ ) വലുപ്പ ത്തില്‍ ഉള്ളതായിരിക്കണം.

- കറസ്പോണ്ടന്‍റ്

വായിക്കുക: , , ,

Comments Off on എയർ ഇന്ത്യ : ഡ്യൂട്ടി ഫ്രീ ഉൾപ്പെടെ ഹാൻഡ് ബാഗേജ് 8 കിലോ മാത്രം

അബുദാബി ടാക്സികളില്‍ സി. സി. ടി. വി. ക്യാമറകള്‍

June 9th, 2015

silver-taxi-in-abudhabi-ePathram
അബുദാബി : തലസ്ഥാനത്തെ ടാക്സികളില്‍ ക്ലോസ്ഡ് സര്‍ക്യൂട്ട് ടെലിവിഷന്‍ (സി. സി. ടി. വി.) ക്യാമറകള്‍ സ്ഥാപിക്കുന്നു. സാമൂഹിക സേവന നിലവാരം അഭിവൃദ്ധി പ്പെടുത്തുന്ന തിന്റെയും ഉന്നതമായ സുരക്ഷിതത്വവും ഭദ്രതയും നടപ്പാക്കുന്ന തിന്റെ യും ഭാഗമായി ട്ടാണ് ക്യാമറകള്‍ സ്ഥാപിക്കുന്നത് എന്ന് ഒൗദ്യോഗിക വൃത്ത ങ്ങള്‍ അറിയിച്ചു.

യാത്രക്കാരുടെയും ഡ്രൈവറു ടെയും സുരക്ഷിതത്വം ഉറപ്പാക്കുന്നതിന് അതി പ്രധാന മായ പങ്കു വഹിക്കാന്‍ ഈ സം വിധാനത്തിനു സാധിക്കും. യാത്രക്കാര്‍ വാഹന ത്തില്‍ മറന്നു പോകുന്നതോ നഷ്ട പ്പെടുന്ന തോ ആയ വസ്തുക്കള്‍ ഉടമക്കു തിരികെ നല്‍കു ന്നതിനും സേവന ത്തിന്റെ കാര്യ ക്ഷമത വര്‍ദ്ധി പ്പിക്കു വാനും ഇൗ പദ്ധതി സഹായക മാവും എന്നാണ് കരുതുന്നത്.

തുടക്കത്തില്‍ തെരഞ്ഞെടുക്കപ്പെട്ട 100 ടാക്സി കളിലാണ് ക്യാമറ സ്ഥാപിക്കുക. ഇതിന്റെ ഗുണവും ഫല പ്രദമായ സാഹചര്യ ങ്ങളും വില യിരുത്തിയ ശേഷം രണ്ടാം ഘട്ടം ഒരു വര്‍ഷത്തിനകം നടപ്പാക്കും.

എല്ലാ ടാക്സി കളിലും സെക്യൂരിറ്റി ക്യാമറ സ്ഥാപിക്കുകയാണ് ലക്ഷ്യമെന്നും ദ് സെന്റര്‍ ഫോര്‍ റെഗുലേഷന്‍ ഓഫ് ട്രാന്‍സ്പോര്‍ട്ട് ബൈ ഹയര്‍ കാര്‍സ് ജനറല്‍ മാനേജര്‍ മുഹമ്മദ് ദര്‍വീഷ് അല്‍ ഖംസി അറിയിച്ചു.

ഫോട്ടോക്കു കടപ്പാട് : ഗള്‍ഫ് ന്യൂസ്

- കറസ്പോണ്ടന്‍റ്

വായിക്കുക: , ,

Comments Off on അബുദാബി ടാക്സികളില്‍ സി. സി. ടി. വി. ക്യാമറകള്‍

Page 10 of 27« First...89101112...20...Last »

« Previous Page« Previous « ഇടവകകളുടെ ദൌത്യം സഫലമാകാന്‍ മനോഭാവ ങ്ങളിലെ മാറ്റം അനിവാര്യം
Next »Next Page » അല്‍ ഇത്തിഹാദ് സ്‌പോര്‍ട്‌സ് അക്കാദമി വാര്‍ഷിക ആഘോഷ ങ്ങള്‍ ടി. സി. മാത്യു ഉത്ഘാടനം ചെയ്യും »



ക്രിക്കറ്റ് സ്‌റ്റേഡിയം ക...
ലിയോ ടോള്‍സ്റ്റോയി ലോക സാ...
മൈക്കള്‍ ജാക്സന്‍റെ മരണത്...
ഫേസ്ബുക്ക് കമന്റ് കാരണം സ...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha