 |
 |
 |
 |
 |
 |
 |
 |
 |
 |
 |
 |
 |
 |
കൊച്ചി : ഞായറാഴ്ച മുതല് വ്യാഴാഴ്ച വരെ കേരളത്തില് ഒറ്റപ്പെട്ടയിടങ്ങളില് ഇടി മിന്നലോടു കൂടിയ മഴ പെയ്യും എന്ന് കേന്ദ്ര കാലാവസ്ഥ വകുപ്പ് മുന്നറിയിപ്പ് നല്കി. ഉച്ചക്ക് 2 മണി മുതല് രാത്രി 10 മണി വരെ യുള്ള സമയത്ത് ഇടിമിന്നലിനുള്ള സാദ്ധ്യത കൂടും എന്നതിനാല് കാര്മേഘം ഉരുണ്ടു കൂടി കാണുമ്പോള് തന്നെ ജാഗ്രത പാലിക്കുവാനും മുന് കരുതലുകള് എടുക്കണം എന്നും മുന്നറിയിപ്പുണ്ട്.
കേരളം, കര്ണ്ണാടക, ലക്ഷദ്വീപ് തീരങ്ങളില് മത്സ്യ ബന്ധനത്തിന് തടസ്സം ഇല്ലാ എന്നും കേന്ദ്ര കാലാവസ്ഥ വകുപ്പ് അറിയിച്ചു.
- pma
തിരുവനന്തപുരം : 2021ലെ അബുദാബി ശക്തി അവാര്ഡുകള് പ്രഖ്യാപിച്ചു. പ്രൊഫസര്. എരുമേലി പരമേശ്വരന് പിള്ള യുടെ സ്മരണാര്ത്ഥം ശക്തി ഏര്പ്പെടുത്തിയ അവാര്ഡ് പ്രൊഫസര്. എം. കെ. സാനുവിന്റെ ‘കേസരി, ഒരു കാലഘട്ടത്തിന്റെ സൃഷ്ടാവ്’ എന്ന കൃതി അര്ഹമായി. നാടക രംഗത്തെ സമഗ്ര സംഭാവനകള്ക്കുള്ള ശക്തി – ടി. കെ. രാമകൃഷ്ണന് സ്മാരക പുരസ്കാരം സി. എല്. ജോസിനു സമ്മാനിക്കും.
മികച്ച നോവല് : അകം (കെ. ആര്. മല്ലിക).
ബാല സാഹിത്യം : അപ്പുവും അച്ചുവും (സേതു).
മികച്ച കഥ : കടുക്കാച്ചി മാങ്ങ (വി. ആര്. സുധീഷ്).
വിജ്ഞാന സാഹിത്യം : ഭരണ ഘടന-ചരിത്രവും സംസ്കാരവും (പി. രാജീവ്). കവിത : കറുത്ത വറ്റേ, കറുത്ത വറ്റേ (രാവുണ്ണി), മരത്തിനെ തിരിച്ചു വിളിക്കുന്ന വിത്ത് (അസീം താന്നിമൂട്). നാടകം : ഇരിക്കപ്പിണ്ഡം കഥപറയുന്നു (ഇ. ഡി. ഡേവിസ്), ജീവിതം തുന്നുമ്പോള് (രാജ് മോഹന് നീലേശ്വരം). നിരൂപണം : അകം തുറക്കുന്ന കവിതകള് (വി. യു. സുരേന്ദ്രന്), കവിതയിലെ കാലവും കാല്പ്പാടുകളും (ഇ. എം. സൂരജ്).
പി. കരുണാകരന് ചെയര്മാനും എ. കെ. മൂസ്സ മാസ്റ്റര് കണ്വീനറുമായ കമ്മിറ്റിയാണ് അവാര്ഡ് പ്രഖ്യാപനം നടത്തിയത്. എറണാകുളത്ത് 2022 ഏപ്രില് രണ്ടാം വാരം നടക്കുന്ന ചടങ്ങില് അവാര്ഡുകള് സമ്മാനിക്കും.
യു. എ. ഇ. യിലെ കലാ സാമൂഹ്യ സാംസ്കാരിക രംഗത്തു നാലു പതിറ്റാണ്ടായി സജീവമായിട്ടുള്ള അബുദാബി ശക്തി തിയ്യറ്റേഴ്സ് 1987 മുതല് ശക്തി അവാര്ഡുകള് നല്കി വരുന്നുണ്ട്.
- pma
വായിക്കുക: കേരള സാംസ്കാരിക വ്യക്തിത്വം, നാടകം, ബഹുമതി, സാമൂഹികം, സാഹിത്യം
തിരുവനന്തപുരം : ഒന്നു മുതല് ഒന്പത് വരെയുള്ള ക്ലാസ്സുകളുടെ വാര്ഷിക പരീക്ഷ മാര്ച്ച് 23 മുതല് ഏപ്രില് 2 വരെ നടക്കും എന്ന് വിദ്യാഭ്യാസ വകുപ്പു മന്ത്രി വി. ശിവന് കുട്ടി അറിയിച്ചു. എസ്. എസ്. എല്. സി. പരീക്ഷ മാര്ച്ച് 31 ന് ആരംഭിച്ച് ഏപ്രില് 29 ന് അവസാനിക്കും.
പ്ലസ് ടു പരീക്ഷ മാര്ച്ച് 30 ന് ആരംഭിച്ച് ഏപ്രില് 22 ന് അവസാനിക്കും. പ്ലസ് വണ് / വി. എച്ച്. എസ്. ഇ. പരീക്ഷകള് ജൂണ് രണ്ടു മുതല് 18 വരെ നടക്കും. ഏപ്രില്, മേയ് മാസങ്ങളില് മധ്യ വേനല് അവധി ആയിരിക്കും. ജൂണ് ഒന്നിനു തന്നെ സ്കൂളുകള് തുറക്കും എന്നും മന്ത്രി പറഞ്ഞു.
- pma
വായിക്കുക: kerala-government-, കുട്ടികള്, വിദ്യാഭ്യാസം, സാമൂഹികം
ചാവക്കാട് : പഠിക്കുന്ന സ്കൂളിന്റെ ദുരവസ്ഥകള് വിശദീകരിച്ചു കൊണ്ടും സ്കൂള് പുതുക്കിപ്പണിയുവാന് സഹായം ആവശ്യപ്പെട്ടു കൊണ്ടും ചാവക്കാട് ഇരട്ടപ്പുഴ ജി. എൽ. പി. സ്കൂളിലെ വിദ്യാർത്ഥികൾ ലുലു ഗ്രൂപ്പ് ചെയർമാൻ എം. എ. യൂസഫലിക്ക് കത്തെഴുതി.
97 വർഷം പിന്നിട്ട സ്കൂൾ കാലങ്ങളായി വാടക കെട്ടിട ത്തിലാണ് പ്രവര്ത്തിക്കുന്നത്. എത്രയും പെട്ടെന്ന് കെട്ടിടം ഒഴിഞ്ഞു കൊടുക്കണം എന്ന് സ്ഥലം ഉടമകൾ ആവശ്യ പ്പെടുന്നു. അറ്റകുറ്റപ്പണി നടത്താത്ത കാരണം സ്കൂൾ നിലം പൊത്താവുന്ന സ്ഥിതിയില് ആയതു കൊണ്ട് ശോച്യാവസ്ഥയിലുള്ള സ്കൂളിന് അധികൃതർ ഫിറ്റ്നസ് സർട്ടിഫിക്കറ്റ് നൽകിയിട്ടുമില്ല.
ഇരട്ടപ്പുഴ ഉദയ വായന ശാലയുടെ പരിമിത സൗകര്യ ത്തിലാണ് ക്ലാസ്സ് മുറികൾ ഇപ്പോൾ പ്രവർത്തി ക്കുന്നത്. ഈ സാഹചര്യത്തിലാണ് സ്കൂളിന്റെ അവസ്ഥ വിവരിച്ചു കൊണ്ട് തെരഞ്ഞെടുത്ത നൂറു വിദ്യാര്ത്ഥികള് എം. എ. യൂസഫലിക്ക് എഴുത്തയച്ചത്.
അദ്ദേഹത്തിൽ നിന്നും അനുകൂല പ്രതികരണം ഉണ്ടാവും എന്ന വിശ്വാസത്തിലാണ് വിദ്യാർത്ഥികളും രക്ഷിതാക്കളും അദ്ധ്യാപകരും ഉദയ വായന ശാലാ പ്രവര്ത്തകരും.
- pma
വായിക്കുക: chavakkad-guruvayoor, കുട്ടികള്, വിദ്യാഭ്യാസം, സാമൂഹികം, സാമ്പത്തികം
തിരുവനന്തപുരം : സർക്കാർ മെഡിക്കൽ കോളേജിൽ ഒന്നാം വർഷ എം. ബി. ബി. എസ്സ്. കോഴ്സിനുള്ള പ്രവേശനത്തിന് കേരള എൻട്രൻസ് കമ്മിഷണറിൽ നിന്നും അലോട്ട്മെന്റ് ലഭിച്ച വിദ്യാർത്ഥികൾ 2022 ഫെബ്രുവരി 3 മുതൽ 7 വരെ രാവിലെ 10 മുതൽ 3 വരെ തിരുവനന്ത പുരം സർക്കാർ മെഡിക്കൽ കോളേജ് ക്യാമ്പസിലെ ഓൾഡ് ഓഡിറ്റോറിയത്തിൽ (ഗോൾഡൻ ജൂബിലി അലുമിനി ഓഡിറ്റോറിയം) എത്തണം.
അലോട്ട്മെന്റ് മെമ്മോ, അഡ്മിറ്റ് കാർഡ്, നീറ്റ് റിസൾട്ട് ഷീറ്റ്, കീം ഡാറ്റാ ഷീറ്റ്, ഫീസ് രസീത്, എസ്. എസ്. എൽ. സി., പ്ലസ് ടു മാർക്ക് ലിസ്റ്റ് & പാസ്സ് സർട്ടിഫിക്കറ്റ്, മൈഗ്രേഷൻ സർട്ടിഫിക്കറ്റ്, എലിജിബിലിറ്റി സർട്ടിഫിക്കറ്റ്, ടി. സി. & കോണ്ടക്റ്റ് സർട്ടിഫിക്കറ്റ്, വാക്സിനേഷൻ സർട്ടിഫിക്കറ്റ് (എം. എം. ആർ, ചിക്കൻ പോക്സ്, ഹെപ്പറ്ററ്റീസ്-ബി) മെഡിക്കൽ ഫിറ്റ് നെസ് സർട്ടിഫിക്കറ്റ് എന്നിവ യുടെ ശരി പകർപ്പും രണ്ട് പകർപ്പും കരുതണം. പാസ് പോർട്ട് സൈസ് ഫോട്ടോ (5), സ്റ്റാമ്പ് സൈസ് ഫോട്ടോ (2), 50 രൂപയുടെ നാല് മുദ്രപ്പത്രം എന്നിവയും കരുതണം.
- pma
വായിക്കുക: വിദ്യാഭ്യാസം, വൈദ്യശാസ്ത്രം, സാമൂഹികം
വാര്ത്തകള് കേരളം
|
കലാ സാഹിത്യം ലേഖനങ്ങള്
മഞ്ഞ (മാഗസിന്) |
കോളംസ് പള്സ്
പച്ച (പരിസ്ഥിതി) |
മറ്റ് പംക്തികള് ചരമം |
