മുഗള്‍ ഗഫൂര്‍ സ്മാരക പുരസ്കാരം റസാഖ് ഒരുമനയൂരിന്

February 14th, 2014

razack-orumanayoor-epathram
അബുദാബി : യുവ കലാ സാഹിതി ഏര്‍പ്പെടുത്തിയ പ്രഥമ മുഗള്‍ ഗഫൂര്‍ സ്മാരക പുരസ്കാര ത്തിന് റസാഖ് ഒരുമനയൂര്‍ അര്‍ഹനായി.

മിഡിലീസ്റ്റ് ചന്ദ്രിക ദിനപ്പത്രത്തിന്റെ റിപ്പോര്‍ട്ടറും ഇന്ത്യന്‍ മീഡിയ അബുദാബി യുടെ എക്സിക്യൂ ട്ടീവ് മെമ്പറും സാമൂഹിക പ്രവര്‍ത്ത കനുമാണ് റസാഖ് ഒരുമനയൂര്‍

സാമൂഹിക സാംസ്കാരിക മേഖലകളിലെ പ്രവര്‍ത്തനങ്ങള്‍ കണക്കി ലെടുത്താണ് റസാഖിനെ അവാര്‍ഡിന് തെരഞ്ഞെടുത്തത്. കാഷ് അവാര്‍ഡും ഫലകവും പ്രശസ്തി പത്രവുമടങ്ങുന്ന പുരസ്കാരം പിന്നീട് സമ്മാനിക്കും എന്നു ഭാരവാഹികള്‍ അറിയിച്ചു.

- pma

വായിക്കുക: , , , ,

Comments Off on മുഗള്‍ ഗഫൂര്‍ സ്മാരക പുരസ്കാരം റസാഖ് ഒരുമനയൂരിന്

പാം അക്ഷര തൂലിക പുരസ്കാരങ്ങള്‍ പ്രഖ്യാപിച്ചു

February 10th, 2014

ഷാര്‍ജ : പാം പുസ്തക പ്പുര യുടെ അക്ഷര തൂലിക പുരസ്കാരം പ്രഖ്യാപിച്ചു.

കഥാ വിഭാഗ ത്തില്‍ സീനോ ജോണ്‍ നെറ്റോ (കഥ -പൂച്ചകള്‍)യും കവിതാ വിഭാഗ ത്തില്‍ സബീന ഷാജഹാനും (കവിത – തലവര) അവാര്‍ഡ് നേടി.

യു. എ. ഇ. യിലെ മലയാളി കള്‍ക്കു വേണ്ടി ഒരുക്കിയ മല്‍സരത്തിന്റെ വിധി കര്‍ത്താക്കള്‍ പ്രൊഫസര്‍ കെ. അലവി ക്കുട്ടി, ശേഖര്‍ വാര്യര്‍ എന്നിവരായിരുന്നു.

റാസല്‍ഖൈമ യില്‍ താമസിക്കുന്ന തിരുവനന്തപുരം മണക്കാട് സ്വദേശിനി യായ സബീന ഷാജഹാന്‍ ഒട്ടേറെ ആല്‍ബ ങ്ങള്‍ക്കു ഗാന രചന നിര്‍വഹിച്ചിട്ടുണ്ട്.

കൊല്ലം സ്വദേശി യായ സീനോ ജോണ്‍ നെറ്റോ ഷാര്‍ജ യിലെ സ്വകാര്യസ്ഥാപന ത്തില്‍ ഫിനാന്‍സ് മാനേജരാണ്.

മാര്‍ച്ച് അവസാന വാരം ഷാര്‍ജ യില്‍ നടക്കുന്ന പാം സര്‍ഗ സംഗമ ത്തില്‍ പുരസ്കാരങ്ങള്‍ വിതരണം ചെയ്യുമെന്ന് ഭാര വാഹികള്‍ പറഞ്ഞു.

- pma

വായിക്കുക: , , ,

Comments Off on പാം അക്ഷര തൂലിക പുരസ്കാരങ്ങള്‍ പ്രഖ്യാപിച്ചു

സ്നോഡന് നൊബേൽ ശുപാർശ

January 30th, 2014

edward-snowden-epathram

ഓസ്ലോ: സ്വന്തം പൌരന്മാരുടെ ഫോൺ സന്ദേശങ്ങൾ രഹസ്യമായി ചോർത്തുകയും, സുഹൃദ് രാജ്യങ്ങളിൽ പോലും ചാര പ്രവർത്തനം നടത്തുകയും ചെയ്യുന്ന അമേരിക്കയുടെ ഇരട്ടത്താപ്പ് നയം വെളിച്ചത്ത് കൊണ്ടു വന്ന മുൻ സി. ഐ. എ. ഉദ്യോഗസ്ഥനും കമ്പ്യൂട്ടർ വിദഗ്ദ്ധനുമായ എഡ്വേർഡ് സ്നോഡനെ സമാധാനത്തിനുള്ള നൊബേൽ പുരസ്കാരത്തിന് ശുപാർശ ചെയ്തു.

നോർവെയിൽ നിന്നാണ് ഈ ശുപാർശ. നോർവെയുടെ മുൻ പരിസ്ഥിതി വകുപ്പ് മന്ത്രിയും മറ്റൊരു പ്രമുഖ രാഷ്ട്രീയ നേതാവും ചേർന്ന് സ്നോഡനെ സമാധാനത്തിനുള്ള നൊബേൽ സമ്മാനത്തിന് ശുപാർശ ചെയ്യുകയായിരുന്നു. സ്നോഡൻ വെളിച്ചത്ത് കൊണ്ടു വന്ന കാര്യങ്ങൾ സുസ്ഥിരമായ ഒരു പുതിയ സമാധാന അന്തരീക്ഷം ലോകത്ത് കൊണ്ടു വരാൻ സഹായകമായി എന്ന് ഇവർ നിരീക്ഷിച്ചു.

പാസ്പോർട്ട് അമേരിക്ക റദ്ദ് ചെയ്തതിനെ തുടർന്ന് മോസ്കോ വിമാനത്താവളത്തിൽ കുടുങ്ങിയ സ്നോഡന് റഷ്യ താൽക്കാലിക രാഷ്ട്രീയ അഭയം നൽകി. റഷ്യയിൽ ഒളിവിൽ കഴിയുന്ന സ്നോഡനെ വധിക്കാൻ അമേരിക്കൻ ചാരന്മാർ ശ്രമിച്ചു വരികയാണ് എന്ന് റിപ്പോർട്ടുകൾ പുറത്ത് വന്നിരുന്നു.

- ജെ.എസ്.

വായിക്കുക: , , ,

Comments Off on സ്നോഡന് നൊബേൽ ശുപാർശ

ഇഫിയ യിൽ ബിരുദ ധാരണ ചടങ്ങ് നടത്തി

January 24th, 2014

efia-graduation-2014-ePathram
അബുദാബി : എമിറേറ്റ്സ് ഫ്യൂച്ചര്‍ ഇന്റര്‍നാഷണല്‍ അക്കാദമി യിലെ വിദ്യാര്‍ഥികളുടെ ബിരുദ ധാരണ ചടങ്ങ് നടത്തി. ഡല്‍ഹി റോമന്‍ കാതോലിക് ആര്‍ച്ച് ബിഷപ്പ് അനില്‍ ജോസഫ് തോമസ് കൌട്യോ മുഖ്യാതിഥിയായിരുന്നു.

ഇഫിയ ചെയര്‍മാന്‍ ഡോക്ടര്‍ ഫ്രാന്‍സിസ് ക്ലീറ്റസ് അധ്യക്ഷത വഹിച്ച ചടങ്ങില്‍ മലേഷ്യന്‍ യൂണിവേഴ്സിറ്റി യിലെ മുന്‍ ഡെപ്യൂട്ടി വൈസ് ചാന്‍സലറും കോംഗ്സി ഇന്‍സ്റ്റിറ്റ്യൂട്ട് ഡയറക്ടറുമായ ഡോക്ടര്‍ അസാരേ ബിന്‍ ഇദ്രീസ് മുഖ്യ പ്രഭാഷണം നടത്തി.

സയന്‍സ്, കൊമേഴ്സ് വിഭാഗ ങ്ങളിലെ ഉന്നത വിജയം കരസ്ഥ മാക്കിയ 89 വിദ്യാര്‍ത്ഥികളെ ആദരിച്ചു. തുടര്‍ന്ന് കുട്ടികള്‍ അവതരിപ്പിച്ച ആകര്‍ഷക ങ്ങളായ കലാ പരിപാടി കള്‍ അരങ്ങേറി.

അബുദാബി എയര്‍പോര്‍ട് മാനേജര്‍ ക്യാപ്റ്റന്‍ സലാം അല്‍ മസാബി, ഇന്ത്യന്‍ സ്ഥാനപതി കാര്യാലയത്തിലെ എജ്യൂക്കേഷന്‍ സെക്രട്ടറി ഡി. എസ്. മീന, സ്കൂള്‍ പ്രിന്‍സിപ്പല്‍ ശുഭാന്തി ഭൌമിക്, വൈസ് പ്രിന്‍സിപ്പല്‍ വിനായകി, ഇന്ത്യാ സോഷ്യല്‍ സെന്റര്‍ ജനറല്‍ സെക്രട്ടറി സത്യബാബു എന്നിവര്‍ പ്രസംഗിച്ചു.

അദ്ധ്യാപകനായ ആന്റണി യുടെയും സഹ അദ്ധ്യാപകരു ടേയും നേതൃത്വ ത്തില്‍ സംഘടിപ്പിച്ച പരിപാടി യില്‍ ഹെഡ്ഗേള്‍ ലക്ഷ്മി പി. ശശീധരന്‍ സ്വാഗതവും ഹെഡ്ബോയ് ക്ലിഫോഡ് ക്ലീറ്റസ് നന്ദിയും പറഞ്ഞു.

- pma

വായിക്കുക: , ,

Comments Off on ഇഫിയ യിൽ ബിരുദ ധാരണ ചടങ്ങ് നടത്തി

മാർകോണി പുരസ്കാരം പോൾരാജിന്

January 24th, 2014

arogyaswami-joseph-paulraj-epathram

കാലിഫോണിയ: വാർത്താ വിനിമയ രംഗത്തെ സാങ്കേതിക മികവിനുള്ള 2014ലെ മാർകോണി പുരസ്കാരം ഇന്ത്യൻ വംശജനായ ആരോഗ്യസ്വാമി ജോസഫ് പോൾരാജിന് ലഭിച്ചു. നൊബേൽ സമ്മാന ജേതാവും റേഡിയോയുടെ ഉപജ്ഞാതാവുമായ മാർകോണിയുടെ ബഹുമാനാർത്ഥം സ്ഥാപിച്ച മാർകോണി സൊസൈറ്റി ഏപ്പെടുത്തിയതാണ് ഈ പുരസ്കാരം.

ഇന്ന് ലോകമെമ്പാടുമുള്ള സകല 3ജി, 4ജി മൊബൈൽ ഫോണുകളിലും, വൈഫൈ (WiFi) റൌട്ടറുകളിലും, വൈഫൈ മോഡം മുതലായ വയർലെസ് ഉപകരണങ്ങളിലും ഒക്കെ ഉപയോഗിക്കപ്പെടുന്ന മിമോ (MIMO – Multiple-Input and Multiple-Output) ആന്റിനയുടെ കണ്ടുപിടുത്തത്തിനാണ് പോൾരാജിന് പുരസ്കാരം ലഭിച്ചത്.

ഒന്നിലേറെ റേഡിയോ ചാനൽ ആന്റിനകൾ ഉപയോഗിക്കുക വഴി ഊർജ്ജ ഉപയോഗം കൂട്ടാതെ ലഭ്യമായ ബാൻഡ് വിഡ്ത്തിൽ തന്നെ ഡാറ്റാ ട്രാൻസ്ഫർ അളവിൽ ഗണ്യമായ വർദ്ധനവ് കൈവരിച്ചതാണ് മിമോ സാങ്കേതിക വിദ്യയുടെ പ്രത്യേകത. ആധുനിക വയർലെസ് സാങ്കേതിക വിദ്യയുടെ അവിഭാജ്യ ഘടകമാണ് മിമോ.

മലയാളിയായ തോമസ് കൈലത്തിനൊപ്പം 1993ലാണ് ആരോഗ്യസ്വാമി ആദ്യമായി ഈ ആശയം അവതരിപ്പിച്ചത്. 1994ൽ ഇതിന്റെ പേറ്റന്റ് ഇവർക്ക് ലഭിച്ചു.

ശാസ്ത്ര സാങ്കേതിക രംഗത്തെ ഇവരുടെ സംഭാവനകൾ കണക്കിലെടുത്ത് ഭാരത സർക്കാർ ഇരുവരേയും പദ്മ ഭൂഷൺ പുരസ്കാരം നൽകി ആദരിച്ചിട്ടുണ്ട്. തോമസ് കൈലത്തിന് 2009ലും ആരോഗ്യസ്വാമിക്ക് 2010ലുമാണ് പദ്മ ഭൂഷൺ ലഭിച്ചത്.

ഇന്ത്യയിലെ യുവ തലമുറയിൽ ശാസ്ത്ര ബോധം വളർത്തി എടുക്കുന്നതിൽ സുപ്രധാന പങ്ക്‍ വഹിച്ച പ്രൊഫസർ യശ് പാൽ, ഇന്റർനെറ്റിനെ ഇത്രയധികം ജനപ്രിയമാക്കിയ വേൾഡ് വൈഡ് വെബ്ബിന്റെ ഉപജ്ഞാതാവായ ടിം ബേണേസ് ലീ, വേൾഡ് വൈഡ് വെബ്ബിനെ ജനോപകാരപ്രദമാക്കിയ ഗൂഗിളിന്റെ ഉപജ്ഞാതാക്കളായ സെർഗീ ബ്രിൻ, ലാറി പേജ് എന്നിവർ മുൻപ് മാർകോണി പുരസ്കാരം ലഭിച്ചവരിൽ ചിലരാണ്.

- ജെ.എസ്.

വായിക്കുക: , , ,

Comments Off on മാർകോണി പുരസ്കാരം പോൾരാജിന്

Page 85 of 89« First...102030...8384858687...Last »

« Previous Page« Previous « പോലീസുകാർക്ക് എതിരെ നടപടി എടുക്കണം
Next »Next Page » സെക്സിനിടയിൽ മരണം: ടീനേജ് പെൺകുട്ടി അറസ്റ്റിൽ »



മലയാളിയുടെ ഗോളില്‍ ബംഗാളി...
മലയാളിയുടെ ഗോളില്‍ ബംഗാളി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha