ഹൌ ഓള്‍ഡ് ആര്‍ യു? മഞ്ജു വാര്യര്‍-രോഷന്‍ ആന്‍ഡ്രൂസ് ചിത്രം

October 1st, 2013

ഇടവേളയ്ക്ക് ശേഷം രണ്‍ജിത്ത് ചിത്രത്തിലൂടെ മഞ്ജു വാര്യര്‍ സിനിമയിലേക്ക് മടങ്ങിയെത്തുമ്പോള്‍ കാത്തിരിക്കുന്നത് പ്രമുഖ സംവിധായകരുടെ ചിത്രങ്ങള്‍. മുന്‍ നിര സംവിധായകനായ രോഷന്‍ ആന്‍ഡ്രൂസ് സംവിധാനം ചെയ്യുന്ന ബോബി സഞ്ജയ് ടീം തിരക്കഥ ഒരുക്കുന്ന ഹൌ ഓള്‍ഡ് ആര്‍ യു ആയിരിക്കും മഞ്ജുവിന്റെ രണ്ടാമത്തെ ചിത്രം. തുടര്‍ച്ചയായി വിജയ ചിത്രങ്ങളുടെ ഭാഗമായ കുഞ്ചാക്കോ ബോബനാണ് നായകന്‍. ചിത്രം ഒരു ക്ലീന്‍ എന്റര്‍ ടെയ്നര്‍ ആയിരിക്കും എന്നാണ് അണിയറ പ്രവര്‍ത്തകര്‍ പറയുന്നത്.

ചിത്രം നിര്‍മ്മിക്കുന്നത് ലിസ്റ്റിന്‍ സ്റ്റീഫന്‍ ആണ്. നിരുപമ എന്ന ഒരു സര്‍ക്കാര്‍ ഉദ്യോഗസ്ഥയായിട്ടാണ് മഞ്ജു ഈ ചിത്രത്തില്‍ വേഷമിടുന്നത്. പ്രായത്തെ കുറിച്ചുള്ള ചിന്തകളും ചോദ്യങ്ങളും ആളുകളില്‍ ഉണ്ടാക്കുന്ന വ്യത്യസ്ഥമായ പ്രതികരണങ്ങളും അനുഭവങ്ങളുമാണ് ചിത്രത്തിലെ പ്രമേയം.മോഹന്‍ ലാല്‍ നായകനായ കാസനോവ എന്ന ചിത്രം ബോക്സോഫീസില്‍ വന്‍ പരാജയം ആയിരുന്നു എങ്കിലും കൊമേഴ്സ്യല്‍ ചിത്രങ്ങള്‍ ഒരുക്കുന്നതില്‍ പ്രതിഭ തെളിയിച്ചിട്ടുള്ള രോഷന്‍ ആന്‍ഡ്രൂസില്‍ പ്രതീക്ഷ പകരുന്നു.

- എസ്. കുമാര്‍

വായിക്കുക: , ,

Comments Off on ഹൌ ഓള്‍ഡ് ആര്‍ യു? മഞ്ജു വാര്യര്‍-രോഷന്‍ ആന്‍ഡ്രൂസ് ചിത്രം

നാസര്‍ പരദേശിയെ ആദരിച്ചു

September 28th, 2013

dubai-events-honouring-nasar-paradeshi-ePathram
ദുബായ് : കഴിഞ്ഞ ആറു പതിറ്റാണ്ടു കാലം സാമൂഹിക-കലാ-സാംസ്‌കാരിക മണ്ഡല ങ്ങളില്‍ നല്കിയ സമഗ്ര സംഭാവനകള്‍ പരിഗണിച്ച് നാസര്‍ പരദേശിയെ ഈവന്റൈഡ്‌സ് ദുബായ് ആദരിച്ചു.

മുഹമ്മദ് റഫി ഫൗണ്ടേഷന്‍ സെക്രട്ടറിയും കേരള ഹാസ്യ വേദി സെക്രട്ടറിയുമാണ് നാസര്‍ പരദേശി.

കോഴിക്കോട് പ്രവാസി അസോസിയേഷന്‍ ട്രഷറര്‍ ജമീല്‍ ലത്തീഫ് ഉപഹാരം സമര്‍പ്പിച്ചു. ബഷീര്‍ പടിയത്ത് പൊന്നാട അണിയിച്ചു. ഫൈസല്‍ മേലടി സ്വാഗതം പറഞ്ഞ ചടങ്ങില്‍ മലയില്‍ മുഹമ്മദലി അദ്ധ്യക്ഷത വഹിച്ചു.

- കറസ്പോണ്ടന്റ്

വായിക്കുക: , , ,

Comments Off on നാസര്‍ പരദേശിയെ ആദരിച്ചു

ശാബ്ദസാങ്കേതിക വിദ്യയിലെ അതികായന്‍ ഡോള്‍ബി റേ അന്തരിച്ചു

September 14th, 2013

സാന്‍ഫ്രാന്‍സിസ്കോ: ശബ്ദസാങ്കേതിക രംഗത്തെ അതികായന്‍ ഡോള്‍ബി റേ (80) അന്തരിച്ചു. അല്‍‌ഷിമേഴ്സ്, കാന്‍സര്‍ തുടങ്ങിയ അസുഖങ്ങളെ തുടര്‍ന്നായിരുന്നു അന്ത്യം. ഡോള്‍ബി ശബ്ദസംവിധാനത്തിന്റെ പിതാവായ റേ ശബ്ദ സാങ്കേതിക രംഗത്ത് നാഴികക്കല്ലായ നിരവധി കണ്ടു പിടുത്തങ്ങള്‍ നടത്തിയിട്ടുണ്ട്. 50 ല്‍ പരം പേറ്റന്റുകള്‍ ഇദ്ദേഹത്തിന്റെ പേരിലുണ്ട്. സിനിമയിലെ ശബ്ദ സാങ്കേതിക മികവിന്റെ പേരില്‍ രണ്ട് തവണ ഓസ്കാര്‍ പുരസ്കാരം കരസ്ഥമാക്കിയിട്ടുണ്ട് ഇദ്ദേഹം. 1995-ല്‍ ഗ്രാമിയും, 1989-ലും 2005ലും എമ്മി പുരസ്കാരവും റേയെ തേടിയെത്തിയിട്ടുണ്ട്.

അമേരിക്കയിലെ പോര്‍ട്ട്‌ലാന്റിലെ ഓറിഗോണില്‍ ആണ്‍` അദ്ദേഹം ജനിച്ചത്. ഓഡിയോ വീഡിയോ ടേപ്പുകളുടെ ശബ്ദ സാങ്കേതിക രംഗത്ത് നിരവധി പരീക്ഷണങ്ങള്‍ നടത്തി. ആമ്പെക്സ് കോര്‍പ്പറേഷനു വേണ്ടി വീഡിയോ ടേപ്പ് വികസിപ്പിക്കുന്നതില്‍ വലിയ പങ്കു വഹിച്ചു. ബ്രിട്ടനിലെ കേംബ്രിഡ്ജ് സര്‍വ്വകലാശാലയില്‍ നിന്നും ശബ്ദ സാങ്കേതിക രംഗത്ത് ഡോക്ടറേറ്റ് നേടി. 1989-ല്‍ ഡോള്‍ബി ലബോറട്ടറി സ്ഥാപിച്ചു. ഇവിടെ വച്ചാണ് ഡോള്‍ബി സിസ്റ്റം എന്ന് പ്രശസ്തമായ ശബ്ദ സാങ്കേതിക വിദ്യ വികസിപ്പിച്ചത്. ഇന്ന് ലോകത്ത് ഉപയോഗിക്കുന്ന ശബ്ദ സാങ്കേതിക വിദ്യയിലെ നൂതനമായ പല സങ്കേതങ്ങളും ഡോള്‍ബി റേയുടെ സംഭാവനയാണ്. ഓഡിയോ എഞ്ചിനീയറിങ്ങ് സൊസൈറ്റിയുടെ മുന്‍ പ്രസിഡണ്ട് കൂടിയായിരുന്നു റേ.

- എസ്. കുമാര്‍

വായിക്കുക: , , ,

Comments Off on ശാബ്ദസാങ്കേതിക വിദ്യയിലെ അതികായന്‍ ഡോള്‍ബി റേ അന്തരിച്ചു

യു. എ. ഇ. അറബ് ലോകത്തെ സന്തുഷ്ട രാജ്യം എന്ന് യു. എന്‍. റിപ്പോര്‍ട്ട്

September 9th, 2013

uae-map-ePathram
അബുദാബി : ലോകത്തെ സന്തുഷ്ട രാജ്യങ്ങളെ ക്കുറിച്ച് ഐക്യ രാഷ്ട്ര സഭ പുറത്തിറക്കിയ പട്ടിക യിൽ അറബ് രാജ്യ ങ്ങളില്‍ ഒന്നാം സ്ഥാന വുംലോക ത്തിലെ ഏറ്റവും സന്തോഷമുള്ള രാജ്യങ്ങളുടെ പട്ടിക യില്‍ പതിനാലാം സ്ഥാനവും യു. എ. ഇ. കരസ്ഥമാക്കി.

ഐക്യ രാഷ്ട്ര സഭ യുടെ രണ്ടാമത് വേള്‍ഡ് ഹാപ്പിനസ് റിപ്പോര്‍ട്ടിലാണ് യു. എ. ഇ. അഭിമാനകര മായ ഈ നേട്ടം സ്വന്ത മാക്കിയത്.

രാജ്യത്തെ പുരോഗതി യിലേക്ക് നയിക്കാന്‍ മുന്‍തലമുറ ചെയ്ത മഹത്തായ സേവന ങ്ങളാണ് അറബ് മേഖല യില്‍ നിന്നും രാജ്യത്തെ ഒന്നാമത് എത്തിച്ചിരിക്കുന്നത് എന്ന് യു എ ഇ വൈസ് പ്രസിഡന്റും പ്രധാന മന്ത്രിയും ദുബായ്‌ ഭരണാധി കാരിയുമായ ശൈഖ് മുഹമ്മദ് ബിന്‍ റാഷിദ്‌ അല്‍ മക്തൂം വ്യക്തമാക്കി.

രാജ്യത്തെ സര്‍ക്കാര്‍, സ്വകാര്യ സ്ഥാപന ങ്ങളുടെയും പൊതു ജനങ്ങളു ടെയും കൂട്ടായ പ്രവര്‍ത്തന ത്തിന്‍െറ ഫല മായാണ് നേട്ടം കൈവരി ക്കാന്‍ സാധിച്ചത് എന്നും അദ്ദേഹം പറഞ്ഞു. എല്ലാ സര്‍ക്കാര്‍ വകുപ്പു കളും സ്ഥാപന ങ്ങളും രാജ്യത്തെ പുരോഗതി യിലേക്ക് നയിക്കുക എന്ന ഒരൊറ്റ ലക്ഷ്യം മുന്നില്‍ കണ്ടാണ് പ്രവര്‍ത്തി ക്കുന്നത്.

രാജ്യത്തിന് ദിശാ ബോധം നല്‍കിയ രാഷ്ട്ര പിതാവ് ശൈഖ് സായിദ് ബിന്‍ സുല്‍ത്താന്‍ അല്‍ നഹ്‌യാന്‍ ഉള്‍പ്പെടെ ഉള്ളവര്‍ ഈ ലക്ഷ്യ ത്തിനായാണ് നില കൊണ്ടത് എന്ന് ശൈഖ് മുഹമ്മദ് അനുസ്മരിച്ചു.

ജനത യുടെ ക്ഷേമവും സന്തോഷവും രാഷ്ട്ര ത്തിന് പരമ പ്രധാന മാണ്. ഈ ലക്ഷ്യ ത്തിനായാണ് യു എ ഇ പ്രസിഡന്റ് ശൈഖ് ഖലീഫ ബിന്‍ സായിദ് അല്‍ നഹ്‌യാന്റെ ദീര്‍ഘ വീക്ഷണമുള്ള നേതൃത്വ ത്തിന് കീഴില്‍ രാജ്യം ഒറ്റക്കെട്ടായി പരിശ്രമിക്കുന്നത്. വിശ്വാസ്യത മുറുകെ പിടിക്കുന്ന വ്യക്തികളും മികച്ചതും കൂട്ടായ്മയില്‍ അധിഷ്ഠിത വുമായ പ്രവര്‍ത്തനവും സഹകരണവും ഈ ലക്ഷ്യത്തില്‍ എത്താന്‍ രാജ്യത്തെ സാഹായിച്ച ഘടകങ്ങളാണ്. യു എന്‍ പുറത്തു വിട്ട രണ്ടാമത് വേള്‍ഡ് ഹാപ്പിനെസ് റിപ്പോര്‍ട്ടിനോട് പ്രതികരിക്കുക യായിരുന്നു ശൈഖ് മുഹമ്മദ് ബിന്‍ റാഷിദ്‌ അല്‍ മക്തൂം.

- കറസ്പോണ്ടന്റ്

വായിക്കുക: ,

Comments Off on യു. എ. ഇ. അറബ് ലോകത്തെ സന്തുഷ്ട രാജ്യം എന്ന് യു. എന്‍. റിപ്പോര്‍ട്ട്

Page 88 of 88« First...102030...8485868788

« Previous Page « അബുദാബിയില്‍ ഗാന്ധിജയന്തി ആഘോഷം
Next » ലഗ്ഗേജ് പരിശോധന : അബുദാബിയില്‍ നൂതന സംവിധാനം »



മലയാളിയുടെ ഗോളില്‍ ബംഗാളി...
മലയാളിയുടെ ഗോളില്‍ ബംഗാളി...

Click here to download Malayalam fonts
Click here to download Malayalam fonts
Your Ad Here
Club Penguin


ePathram Magazine
ePathram Pacha